السلام عليكم
شلونكم عين كاويين وعين كاوييات شخباركم ... اليوم صديقي سئلني سؤال وضليت دايخ ما اعرف شجاوب فكرت اطرح الموضوع عليكم واريد جواب
وصديقي خليته على الشحن ..
الموضوع يريد يطلع لبريطانيا ( لندن ) وهو مسيحي ويريد يطلع
هل يوجد كفاله خماسية لبريطانيا او كفاله كنائسية لو ماكو
ويعرف هوايه بريطانيين اذا اكو كفاله هو يكدر يدبرله كفلاء مناك ..
شنو رائكم اتمنى اجاوبوني
وعليكم السلام والرحمة والاكرام, او اهلاً مرحبة بيك او ابصديقك....ـ
اكيد سؤال صديقك يدوخ مو بس الك او الى كل واحد يسمعه.... والله خوش فكرة بقي صيقك على الشحن لانه احجاية راح اطول مثل ما اشوف, او كبل ماينشحن زين مايكدر يحصل الجواب المقنع..ـ
ـ 1 ـ حسب علمي خلي صديقك ينسى بريطانيا, اذا كان مسيحي او غير مسيحي, لانه بريطانية مو سهل الحصول على اللجوء بيها للعراقيين او خلي يدور على بلد اخر يمنحون اللجوء للمسيحيين العراقيين, مثل النمسا, المانيا, او هولندا, او بلجيكا او فنلندا....ـ
ـ 2ـ اكيد اكو اهوايا كنائيس عراقية في بريطانية لايسون كفالة كنائيسة ولا كفالة عادية....ـ
ـ3ـ اذا يعرف اهوايا بريطانيين او اكيد هم يعرف الوزير الصحة السابق العراقي, او يكدر يتصل بيهم او يجرب حضه, او اكيد اللي عنده هيجي واسطة يكدر يستعين بيهم او يكدرون يتكفلوه او يوصل بريطانية او يقدم على اللجوء....ـ
المعذرة هذا رائي او اني عندي هم اهوايا اقارب في بريطانيا ماكدرو يسحبون اقاربهم ولا يتكفلوهم, بالرغم من عندهم مناصب حساسة في وزارة الخارجية البريطانية...ـ لاتنسى انه بالوقت الحاضر ديرجعون العراقيين منها.ـ
تحياتي
جوسي البغدادي استشاري اللاجئيين والمهاجرين المانيا
بس سؤال هل يوجد كفالة خماسيه في بريطانيا او كفاله كنائسية او عن طريق الزواج ؟؟؟؟
عزيزي ابو الموضوع
ابريطانيا ماكو هيجي كفالات, لاخماسية ولا كنائيسية....
او بالنسبة للزواج او لم الشمل, هذا جائز ممكن ان يتزوج الابنية الحاصلة على الجواز البريطاني في العراق او دولة مجاورة من العراق...
او بعدين ترجع الى بريطانيا او اتقدم الى على لم الشمل....
بشرط ايكون عدها سكن كافي لشخصين, او ما تاخذ مساعدة مالية من الدولة, يعني تشتغل ابيض او تدفع ضرائب او تكدر اتيش شخصين
او اتقدم الطلب لم الشمل او يحصل على فيزة او يسافر الى بريطانيا....
ابشرط ما يكدر يقدم على لجوء او مساعدات من الدولة ولا تلغى الاقامة مالته......
بالنسبة الى فيزة مال شنغن, اكيد مايكدر الدخولبيها الى بريطانية ,لانه ما اموقعة على معاهدة شنغن, بس يكدر يحصل عليها بدون بصمة او يوصل الى بعض الدول الاوربية اللي تمن اللجوء للمسيحيين العرقيين, مثل النمسا او المانيا بلجيكا............
تحياتي الك او لصديقك
جوسي البغدادي استشاري اللاجئيين والمهاجريين المانيا