ankawa
منتدى الهجرة واللجوء => الهجرة و واللاجئين => الموضوع حرر بواسطة: مايكل اندريه85 في 14:21 04/02/2012
-
اخواني واخواتي الاعزاء والعزيزات جميعا مشتاقلكم واتمنى ان تكونوا بالف خير
اليوم اكتبلكم عن الشنكن هذا الموضوع حبيت اكتبه لكي يستفاد منه الاخوان اللي يرغبون بالحصول على الفيزا الشنكن من داخل العراق
اخوان حصلت الكم عن طريق احد الاصدقاء على مكتب يعمل شنكن وصديقي اعطاني رقم التلفون وانطاني بعض التفاصيل راح ننشرها للفائدة العامة
فقط رقم الموبايل مالت المكتب للضرورات لم استطع نشره هنا اللي حاب ياخذ الرقم فقط يراسلني على الخاص ويتصل بالمكتب ويستفسر اكثر
المكتب يسوي فيزا شنكن الى فرنسا والفيزا مدتها سنتين والمعاملة المكتب يسويها وتستغرق شهر ونصف بعدها يقوم المكتب بتسليم الشخص المعاملة ويذهب الشخص بها الى مقر السفارة الفرنسية ببغداد يعمل مقابلة وبعد اسبوع يستلم الفيزا الشنكن يعني الحسبة كاملة كالاتي:
ملاحظة : اكو احتمالية لخصم 4 ورقات اللي يحب يتاكد يتصل بالمكتب ويستفسر اكثر
اولا : المدة لاستخراج الفيزا مع معاملتها المعاملة شهر ونصف والمقابلة اسبوع وتستلم يعني انكول شهرين
ثانيا : كلفة الفيزا 100 ورقة تدفع 50 ورقة مقدما مع جوازك وبعد الاستلام تدفع 50 ورقة
ثالثا : بدون تبصيم اي لابصمة بالجواز
واللي يريد رقم الموبايل برجاء المراسلة على الخاص
اتمنى ان اكون قد افدتكم بشيء وهذا لايطلع نقطة في بحر افضالكم عليا اهلي واحبائي في المنتدى العزيز اسرتي عينكاوا
خادمكم ابوماريان
-
بارك الله بيك ابو ماريان الورد
هذا خبر سار او السعر معقول او الشروط منها مقبولة وهي بدون بصمة لكن الدفع اشويا بيه اشكالية...
بس الشخص نفسه لازم يعرف شغله من هذي الناحية....
اذا فكرت ان توصل بالفيزة الى المانيا اخوك موجود او ممكن ان تراسلني حتى انطيك التعليمات اذا حبيت, او على العين والراس
اخوك
ابو ديانا المانيا
-
حبيبي الغالي ابوديانا الورد استاذي تسلم حبيبي على الكلمات الجميلة
-
عزيزي ابو ماريان
عفواً عزيزي وهذا واجب لانه تعبكم راحة... يلا ديريحوني.....
يلا شد الجنط او خلي ماريان تبدي حياة سعيدة او من توصلون اني ابنفسي ادخلها بالمدرسة ...
ارجو لكم الموفقية او اتمنى ان تحققو احلامكم قريباً , بأذن الله يارب...
تحياتي للعائلة الكريمة او انته بيك خير او تدلل...
اخوك
ابو ديانا المانيا
-
عاشت ايدك اخوية بس سالفة الدفع بيها مشكلة اني الشخص الاعرفة يبيعها ب11.500 ومتدفع ولا فلس الحد متستلم الفيزة بأيدك بنفسك وهم من السفارة وطبعا بدون تبصيم ذكرت الموضوع سابقا بموضوعي وهذا هم خوش خبر مشكور وان شاء الله تستفاد الناس وتتسهللها بلان بي :)
-
عاشت ايدك اخوية بس سالفة الدفع بيها مشكلة اني الشخص الاعرفة يبيعها ب11.500 ومتدفع ولا فلس الحد متستلم الفيزة بأيدك بنفسك وهم من السفارة وطبعا بدون تبصيم ذكرت الموضوع سابقا بموضوعي وهذا هم خوش خبر مشكور وان شاء الله تستفاد الناس وتتسهللها بلان بي :)
اخي العزيز تسلم حبيبي على المداخلة الجميلة
اتفق معكم صحيح طريقة الدفع بيها اشكال وينرادلها ضمانات انا اتفق معكم بالتالي اللي يتصل ويستفسر اكثر راح يلاقي جاواب مناسب اكثر
تمنياتي بالتوفيق للجميع
-
السلام علكيم
مو الدفع المقدم يخوف يعني اكو اي نوع من الضمانات لو حظك يا نصيب ممكن جواب وجزاك الله خير.
ابو سارة
-
اخواني اني المحيرني شغلة البصمة في السفارة يعني هل البصمة تمون مباشر من اصبع صاحب الجواز او ممن ياخذوها من الجواز نفسه في السفارة لئن مثل ما تعرفون انو صاحب الجواز تكون بصمته في صفحة الجواز عند استخارجة ؟؟ ارجو التوضيح يعني هسه اذا اني ودين جوازي لاي سفارة وفيزولي بدون ما اروح هل ياخذون البصمة الي داخل الجواز
-
السلام علكيم
مو الدفع المقدم يخوف يعني اكو اي نوع من الضمانات لو حظك يا نصيب ممكن جواب وجزاك الله خير.
ابو سارة
اعزائي الكرام
اهم شي بالفيزة هو ان لاتكون بيها بصمة حتى واحد من يريد يقدم لجوء في اي بلد كان مايكون عنده اثر بصمة في دول الشنغن.....
بالنسبة الى الدفع ممكن تتفاهمون ويا ابو الانة, اشلون يصير الدفع.....
اما نص المبلغ بالبداية او بعد ختم الفيزة بالجواز نصف الاخر... اتصور ما تفرق...
لانه راح ياخذ الجواز او يخلي بيه الفيزة لازم ابو الجواز يدفع المبلغ كله او نصف الاخر ولا الجواز مالته يطير من ايده...
لذا ماكو داعي للمماطلة اللي يريد يقدم على الصفقة, لانه تدريجيا اغلب الدول الاوربية دتغلق اللجوء للعراقيين
تحياتي
جوسي البغدادي المانيا
-
السلام عليكم اكو بنيه صديقتي زوجهه كللهه رح نحصل فيزه شنكن بلاش لئن صديقه يشتغل بوزاره الخارجيه العراقيه وعلى اساس يكدر يحصللهميا شنو رايكم اكو هيجي شي لو صاحينا ديقشمر مرته ;D ;D ;D ;D ;D ;D
-
اي اكو هيج شي ام تنسيم , بس تدفع اجور الفيزا الرمزية و هي 400 يورو
-
كلللللللللللللللللللللللشي اكو بالعراق.
-
سلام عليكم اكو بنيه صديقتي زوجهه كللهه رح نحصل فيزه شنكن بلاش لئن صديقه يشتغل بوزاره الخارجيه العراقيه وعلى اساس يكدر يحصللهميا شنو رايكم اكو هيجي شي لو صاحينا ديقشمر مرته
الاخت ام نسيم
اي اكو هيجي شي, لانه السفارات عدهم فيز خاصة لهيجي ناس, او مايحتج الشخص ان يروح للسفارة,
او تجي الفيزة للبيت لانه اقاربي هم عدهم هيجي واسطة او من يجون يمي يكللولي حصلنا على الفيزة بدون ما انروح للسفارة...
بس الاحجاية وين هذا ابو الخارجية يكون كفيل اللي يحصل على الفيزة, يعني اذا ما ترك البلد من تخلص الفيزة يكون مسئول عن
كل تحركات مستلم الفيزة , يعني يتحمل المسؤلية الكاملة او ابو الفيزة مايكدر يبقى بالبلد او يقدم لجوء
تحياتي
جوسي البغدادي المانيا
-
مساء الخير
اخواني اني كتبتلكم ع الخاص ياريت جاوبوني الله يخليكم
وتسلمووووووووووووووون
-
الاخت غربة تمت الاجابة على الخاص
مع اجمل الاماني
-
تمت الاجابة على الخاص تدللين :)
-
اخوية الحبيب جوسي اشو ما جاوبتني على سؤالي هل تستطيع السفارة اخذ بصمتي الموجودة في جواز سفري لتضعها على الفيزة وتعمم على الاتحاد الاوربي ام لا ؟؟؟
-
اخوية الحبيب جوسي اشو ما جاوبتني على سؤالي هل تستطيع السفارة اخذ بصمتي الموجودة في جواز سفري لتضعها على الفيزة وتعمم على الاتحاد الاوربي ام لا ؟؟؟
مولانا الكريم
هذا الموضوع مال ابو ارا الورد امقدم خدمة الى اعضاء المنتدى الطيبين, و اتصور اللي يريد يسأل و عنده عرض للفيزة مقابل, غير لازم يكتب على الخاص او ينزل موضوع خاص بيه......
ارجو منك المعذرة ابو ارا......علي مداخلتي
هسى نرجع الى السؤال مال البصمة... من المفروض اذا واحد ياخذ فيزة لازم ما ينطي اي بصمة للسفارة...
لانه هذا البصمة راح اتعممهاالسفارة على دول الشينغن او صاحب البصمة مايكدر يقدم لجوء في هذي الدول حسب معاهدة دبلن...
تحياتي
جوسي البغدادي استشاري الللاجئين والمهجرين المانيا
-
سؤالي هو من آحصل على الفيزا لفرنسا من بغداد ..شنو الخطوات التاليه يعني اطلع بالجواز لفرنسا ومن اوصل المطار شسوي..اريد اوصل فلنده؟؟
-
سؤالي هو من آحصل على الفيزا لفرنسا من بغداد ..شنو الخطوات التاليه يعني اطلع بالجواز لفرنسا ومن اوصل المطار شسوي..اريد اوصل فلنده؟؟
طبعاً من رخصة ابو الموضوع ابو ارا الورد......
مولانا الكريم
من تاخذ الفيزة من ابو ارا او مثل ماكال مابيها بصمة او هي فيزة شنغن ,يعني تكدر اتزور جميع الدول الموقعة على اتقاقية شنغن.
او من توصا الى فرنسا اوتنزل من الطيارة....از اشويا اتشوف باريس او برج ايفل المشهور.....
او بعدين تاخذ القطار الى المانيا او اتشوف مدن المانيا او خاصة مدن الشمالية.......
بعدين تاخذ القطار او تزرك الى الدنيمارك او اشويا اتشوف كوبنهاكن...او بعدين تزرك الى السويد او اتشوف مدنها او ثلجها الرائع .....
بعدين تزرك الى فنلندا او اتقدم بيها لجوء او ابوك الله يرحمه...
تحياتي
جوسي البغدادي استشاري اللاجئيين والمهاجرين المانيا
-
اشكرك على ردك الجميل..اني قصدت الحواز يبقى ويايه من اروح لقسم الشرطه بفلنده وبي فيزة فرنسا؟؟
-
اشكرك على ردك الجميل..اني قصدت الحواز يبقى ويايه من اروح لقسم الشرطه بفلنده وبي فيزة فرنسا؟؟
للمتابعة والمساعدة
-
بارك الله بيك ماركوس القيصر لافادة الاعضاء الكرام
-
بارك الله بيك ماركوس القيصر لافادة الاعضاء الكرام
الاخ الغالي lyoo الله يبارك بحياتك ويحميك من كل سوء وتبشرنا يارب بااحلى بشارة وهي موعد السفر
مع اجمل الاماني
-
شكرا لكم احبتي انة نفس القضية عدنة بالبصرة مكتب
ينطيك فيزا شنكن وبنفس المبلغ المذكور ولفرنسا وسنتين مدتهة
بس كلي لازم تبصم بالسفارة كتله متأكد كالي لازم متله يعني ماتنفعني
تحياتي