ankawa
منتدى الهجرة واللجوء => الهجرة و واللاجئين => الموضوع حرر بواسطة: anasbarcelona في 10:39 05/02/2012
-
السلام عليكم
محتاج مساعدة الاخوان قبل ان اغادر الى امريكا...اذا طلبت من المنظمة ان تأجر الشقة لشهر واحد او ان اسكن بفندق لان نيتي اغير الولاية شنو الاجراء اللي راح يصير...وحتى لو ماغيرت الولاية اريد الايجار فقط لشهر واحد...هل راح الكه العقد موقع بمدة معينة لو اني احدد المدة...ارجو من الاخوان التوضيح علما انو اني سنكل....
-
اخي هم ميصدكون يلكون حجه اولا فلتكلهم اريد اغير الولايه من البدايه لانه رح يتحججون و مرح يندفعلك ايجار
اولا هم رح يكون محضريلك شقه ( المفروض) و مدفوعلها تامينات مال شهر على الاقل و مدفوع ايجار اول شهر زائد الاثاث البسيط جدا مو اخر موديل
من رح توصل يودوك لشقتك ثاني يوم يجوك يكولولك وقع العقد و طبعا ياما و يايما ناس مرادت توقع بس خضعوا للامر الواقع مثل منكول لانه اذا موقعوا عقد ايجار ميعرفون وين يرحون و المنظمه مرح تلكي غير شقه
اذا عندك امكانيه تبقه بفندق على حسابك ابقه بفندق و تحول لغير ولايه بس خلي بالك اذا تروح غير ولايه محد رح يدفعلك ايجار اي المنظمه الي انت رح تروحلهه رح تكله معلينا بايجارك
ممكن تقدم على الفود ستامب و الكاش اسستنس (التاناف) يسمو
TANAF
و هذا موجود بكل امريكا و انت تكرد تقدم عليه بدون مساعد ة المنظمه
بس اخي ممكن اسال انت متريد تبقه بالولايه لانه سمعت عنهه موخوش ولايه لو عندك معارف بغير مكان
قبل ماانسه اذا حبيت تتحول حاول تاخذ منهم فليساتك اذا كدر تطلعهه منهم ( بالكوه ) و اذا طلعتهه منهم فاحتمال يكولولك فلوس ايجار اول شهر و التامينات مال الشقه راحت عليك لاه هي مدفوعه مقدما
واذا كتلهم اريد اكعد بفندق رح يكولون هذا متمكن و هم بس يردون يلكون حجج اسألني عن سوالفهم اشتغلت وياهم و شفت بعيني محد كلي و ايظا مريت بهيج تجربه
لانه بنظري اي ولايه اول متوصلهه بنظر اي لاجئ رح تكون موخوش ولايه لانه رح يلاقي مصاعب اول ايام و راهه يتعود وتحياتي الك
و
-
شكرا اخي على هذا الموضوع الحلوو
لو سمحت حبيت اسال اخوية باتي بالنسبة اللي عنده كفيل شوكت المنظمة تدفعله الايجار ورا شكيد يعني وهل احنا نشوف البيت لو همة يشوفولنا بيت ويدفعلونا الايجار لو شنو الفلم ياريت توضحلي ؟؟ لانه كل واحد يحجي شكل بهذا الموضوع
وشكرا لجوابك مقدما والله يوفق الاهل ويوصلون يمك بسرعة
اختك ننوسة
-
اختي ننوسه الكفيل يكلهم اني اتكفلهم معنويا فقط و ليس ماديا حته من ترحين لامريكا المنظمه تحسب حسابهه و متسكنج ويا و تأجرلج شقه هاى اولا
ثانيا الكفيل ممكن يكلهم اني اكدر اختارلهم مكان الشقه و انطوا انطوني سعر الايجار مال الشقه ( لانه الايجار محدد بمبلغ معين )
و يكدر يروح يدورلكم شقه حسب المبلغ المحدد و يكللهم العنوان و ينسق بين اهل الشقه و اهل المنظمه و هذا الي سويته ويه اقاربي لانه المنظمه يسكنون الناس بمكان مو امين شويه و رحت افتريت و لكيت الشقه و نسقت ويه اهل السكن و المنظمه الي مقبلوا بالبدايه على هذا الشي وخشيت بعينهم و كتلهم ميسكنون بغير هذا المكان و اني دزيتلهم الصور مال شقه و عجبتهم
تالي اجرولهميا و همه صارلهم سنتين هسه ساكنين بيهه
-
طبعا الاخ باتي مامقصر بالشرح بس احب اضيف فد شغلة وهي ان التعامل مع معظم المنظمات وخصوصا مع موظفيها الاسيويين متعب جدا وخلي نسولف بصراحة خصوصا العراقيين اني بالنسبة الي عانيت من هذه السالفة لانهم بشر بلا ضمير وخصوصا من تثق بيهم وتحترمهم من البداية والعراقيين بطبعهم ناس لايحبوا نكران الجميل وخصوصا مع الناس اللي وصلوهم لامريكا حسب اعتقادهم بعد طول انتظار وهذا هو المطب الاول الذي يقع فيه كل لاجئ يصل الى امريكا ويحاول رد جميل الحكومة الامريكية عن طريق احترام موظفي المنظمات وعدم ادراكه لكثير من الحقوق والواجبات التي تعود اليه وميعر ف انه اكثر المنظمات ناس بلا انسانية او اي وازع ضمير
وان المنظمة التي هي اساسا عايشة براسه تفرض عليه امور وتوقعه على اوراق شاء ام ابى لا وفوك هذا تتامر عليه
اما مبلغ الويلكم مني فهو يتحول بقدرة قادر الى اثاث تعبان وتلفزيون عادي وبعض المواد المنزلية وايضا الى تامينات عن الشقة والكهرباء كذلك عن الحلال الحرام يوجد وصل توقعه وتكول بيه اني اعرف وين راحت فلوسي ووين انصرفت وهذا توقيعي
اريد ربي يصبرنا على اللي احنه بيه وينتقم من كل بشر يستغل او يسرق فلوس اللاجئ اللي اكيد وصل بشق النفس حتى يرتاح فوك هذا يلكه الربع متحضريله ركبة ونص.
عذرا اذا طلعنا شوية عن جوهر الموضوع