ankawa
منتدى الهجرة واللجوء => الهجرة و واللاجئين => الموضوع حرر بواسطة: عصفورالنار في 13:55 05/02/2012
-
ابو قمر اني مفتهمت من ردك اي شي ياريت اتوضحلي اني بلعراق ومقدمه على اي او ام وانتظر الامنيه وحاليا والدتي الي اتصلت بيك قبل كم يوم ام سلوان من امريكا بلمستشفى واني اريد اروح الى امريكا فيزه سياحه بس سمعت من الاخوه ابعين كاوا هذه الفيزه تثر على ملفي ويمكن يغلقو هل هذا صحيح علما اني اريد اروح وحدي حتى اطفالي ماخذهم ارجو مساعتك
-
اختي العزيزة .... الي افتمته من كلامك السابق غير شي .. بس هسه صارت واضحة الصورة ...
منو بعين كاوى كال هذا الكلام ؟؟؟؟ وعلى اي اساس ؟؟؟
فيزة الزيارة ماتأثر نهائيا على ملف الهجرة ممكن العكس ملف الهجرة يأثر على فيزة السياحة ..
اختي انت تقدمين على فيزة زيارة وحدك مثل ما اتفضلتي ومثل ماذكرت لوالدتك العزيزة ... والدتك او اخوك يدزلك ورقة دعوة زيارة ويكتب ان امك مريضةوتريد اتشوفك واذا يكدر يدز تقارير طبيه يكون افضل ...
انت ترحين للمقابلة وتكليلهم والدتك مريضة وانت رايحة اتزوريها وزوجك واطفالك باقين وتكليلهم راح اروح اسبوعين مو اكثر لان ماكو احد يرعى جهالي تراويهم التقارير الطبية وورقة الدعوة وانشاء الله تحصلين الفيزة ...
الفيزة ما تأثر نهائيا على ملف اللجوء بالعكس ممكن تكون ايجابية بالذات اذا دخلتي الاراضي الامريكية ورجعتي بدون مشاكل راح يساعد كثير بموافقتك الامنية ..
اتوكلي على الله وقدمي وانشاء الله القبول .. ولازلت اسئلك منو الي كال انها تأثر ياريت يكتبلنا استنادا على اي شي ... الف صحة وعافية لوالدتنا الغالية واني اسف افتهمت كلامك غلط كنت متخيل ان انت بسوريا او الاردن وتردين ترجعين للعراق هذا الي افتمته من كلامك واعتذر علفى سوء الفهم ..
تحياتي
أبو قمر
-
شلونك اخي ابو قمر كيف حالك مشتاقيلك
ياريت نسمع اخبارك الحلوة وطمنا عن صديقنا اللي بالي
ومشكور على الايضاح
-
اني كلش اشكرك على جوابك الوافي لي وبنسبه للموضوع قراءته قبل كم يوم على عين كاو
-
السلام عليكم
من رخصت ابو قمر لانه سؤال الاخ عصفور مموجه اليه بس راح اكتب هاي المعلومات للاستفاده .... اخ عصفور علمود اتكون مؤهل للحصول على الفيزه لازم اتقدم هاي الشغلات للسفير او القنصل بالمقابله:
1- سبب الزياره سياحه او شغل او للعلاج.
2- المده بالضبط اشكد اتريد تبقه.
3- دليل يثبت انه يغطي مصاريفك باميركا (حساب بنك).
4- دليل عندك عمل بالبلد اللي انت مقيم بيه يثبت انه انت راح ترجع للعمل مالتك.
5- اقامتك بالبلد الخارج اميركا اللي يثبت انه ترجع للبلد المقيم بيه واي مستمسك لاخ يثبت انه اكيد راح تطلع من اميركا من تخلص المده مال زياره.
المصدر:
http://travel.state.gov/visa/temp/types/types_1262.html#3
(Qualifying for a Visitor Visa)
-
اختي العزيزة .... الي افتمته من كلامك السابق غير شي .. بس هسه صارت واضحة الصورة ...
منو بعين كاوى كال هذا الكلام ؟؟؟؟ وعلى اي اساس ؟؟؟
فيزة الزيارة ماتأثر نهائيا على ملف الهجرة ممكن العكس ملف الهجرة يأثر على فيزة السياحة ..
اختي انت تقدمين على فيزة زيارة وحدك مثل ما اتفضلتي ومثل ماذكرت لوالدتك العزيزة ... والدتك او اخوك يدزلك ورقة دعوة زيارة ويكتب ان امك مريضةوتريد اتشوفك واذا يكدر يدز تقارير طبيه يكون افضل ...
انت ترحين للمقابلة وتكليلهم والدتك مريضة وانت رايحة اتزوريها وزوجك واطفالك باقين وتكليلهم راح اروح اسبوعين مو اكثر لان ماكو احد يرعى جهالي تراويهم التقارير الطبية وورقة الدعوة وانشاء الله تحصلين الفيزة ...
الفيزة ما تأثر نهائيا على ملف اللجوء بالعكس ممكن تكون ايجابية بالذات اذا دخلتي الاراضي الامريكية ورجعتي بدون مشاكل راح يساعد كثير بموافقتك الامنية ..
اتوكلي على الله وقدمي وانشاء الله القبول .. ولازلت اسئلك منو الي كال انها تأثر ياريت يكتبلنا استنادا على اي شي ... الف صحة وعافية لوالدتنا الغالية واني اسف افتهمت كلامك غلط كنت متخيل ان انت بسوريا او الاردن وتردين ترجعين للعراق هذا الي افتمته من كلامك واعتذر علفى سوء الفهم ..
تحياتي
أبو قمر
لكيت التايه يمك ابو قمر الورده