ankawa
منتدى الهجرة واللجوء => الهجرة و واللاجئين => الموضوع حرر بواسطة: مــحــمــــد في 15:06 05/02/2012
-
الاخوه الاخوات الساده السيدات
السؤال المطروح هو / عند الوصول الى فرانكفورت الترانزيت يعني وكان الشخص
عنده اقارب او اصدقاء في المانيا هل من الممكن مقابلتهم في المطار مسموح ام ممنوع
هل مر احدكم بهذه التجربه سابقا بالنسبه للاخوه المسافرون الى امريكا وكندا
-
اخي العزيز اني نزلت ترانزيت بفرانكفورت و جانت المده يمكن 3 ساعات او ساعتين بس الله وكيلك عندي اقارب بالمالنيا ملحكت اخابرهم اله من صعدت الطياره الثانيه لانه انت اول متنزل من اول طياره رح تشوف شباب المان منتضريك و رح ياخذوك تمشي مشي لغير طياره و يصعدوك بالطياره يلا يعوفوك حته لتفلت منا منا ههههههههههه و الركضه ركضه وقبل متفوت الطياره لازم توكف بالسره و تشوفهم الجواز و ام الجواز شكد جانت حقنه معاملتهه حيل جافه احجي وياهه انكليزي معاجبهه و دخلونا للطياره الثانيه و يلا لحكت اخابر اقاربي الي بالمالنيا و كتلهم ليظل بالكم اني وصلت بس مااكدر اشوفكم
اخي الوقت جان جدا ضيق اولا ويادوب لحكنا على الطياره الثانيه
و ثانيا ماعتقد الشباب رح يتركوك لحظه لانه يخافون لتفلت
و ثانيا رحله سعيده على اللوفتهانزا ( طياره جدا مريحه )
و توصلون بالسلامه
-
احنا كانت مده الترانزيت بفرانكفورت 8 ساعات يعني كان ملل مو طبيعي... وياريت كان كدرنا نشوف اقاربنا بس ما اعتقد يصير لان مكان المسافرين ما يكدرون يدخلون الاقارب بيها ولا المسافر يكدر يتحرك او يطلع خارج المطار وان شاء الله توصل بالسلامه
-
pati / maryan
مشـــــــــاركتكم افرحتنا
شكرا لكم
-
مشكور على طرح السوال والجواب من باتي استفاديت منه
-
والله ياأخي عندي بيت خالتي سافروا لأمريكا وأبنهم بألمانيا ويحمل الجنسية صارله 30 سنة وقبل ميسافرون خابروا كلوله تكدر تجينه للمطار نشوفك كللهم أبد محد يكدر يوصل للمطار أله يكون مسافر وعنده تذاكر سفر وبعدين صالة الترانزيت محد يكدر يوصله يعني لادخول ولا خروج حتى لو الترانزيت 10 ساعات .
تحياتي لحضرتك
-
والله اني عندي اخوية بالمانيا وكلت ان شاء الله من اسافر وانزل ترانزيت بمطار فرانكفورت بلكي اكد اشوفة
بس مبين من حجيكم محد يكد يتحرك من مكانة
-
lyoo
كوكي 2004
وردة الكرادة
شكرا لكم :) :) :) :)
-
وين ابو ديانا خبير الشؤن البرلمانيه في المانيا
-
تدلل اخي
-
وين ابو ديانا خبير الشؤن البرلمانيه في المانيا
مولانا الكريم
اني من البداية شفت موضوعك.....
بس الحقيقة اني انتظرت ان يشاركون اكبر عدد من الطيبين حتى تستفاد اكثر من جواب واحد....
او في الاونة الاخيرة من اجاوب على موضوع اتلقى من الخبراء ردود عكسية...
بس مو مشكلة...... اني راح اجاوبك على سؤالك...
بالنسبة الى ترانزيت فرانكفورت للطائرات المتجهة للولايات المتحدة لايمكن احد يخرج منه...
لانه الامريكان عدهمقوة خاصة في مطار فرانكفورت او تهتم بالتفتيش او المراقبة للطائرات المتجهة الى الولايات المتحدة..
مثل ما سمعت يركضون ورا المسافرين المتجهين لطائرة المتوجهة الى الولايات المتحدة, لذا مايكدر شخص يطلع خارج منطقة الترانزيت او يدخل ايضاً...بس امو زجاج فاصل يكدر واحد يشوف لقاربه في المانيا من خلالها او يحجي وياهم يالتلفون اذا صارت عنده وقت كافي....
اتصور الجواب كافي او اذا اتريد بعد اني حاضر....
بس رحمة الى هذاك الاب من اتروح الامريكا ابطريقك جيبلي العربانة لانه عاجبتني.....
تقبل تحياتي وتمنياتي بالسفر السعيد
ابو ديانا استشاري اللاجئيين والمهاجرين المانيا
-
مشكور ابو ديانا الورده
العربانه مال الهوت دوغ وصاحبها تحت امرك
وهاي الاغنيه هديه الك وللمشاركين
http://www.youtube.com/watch?v=C44jAlwpbkU (http://www.youtube.com/watch?v=C44jAlwpbkU)
-
تسلم يا ابو الشباب....
اريدك سالم او انشاء الله تسهل امورك او تستلم التذكرة او موعد السفر....
او اطير على فرانكفورت او لاتنسى من اطير على المانيا اتسلم علينا
تحياتي
ابو ديانا المانيا
-
زين التلفونات العمومي من داخل المطار بيش وشلون تشتغل غالبا ؟هذا سؤال فني محد سالة قبل ;D ;D ;D وهل بنظام الكارتات لو بالخردة؟؟مثل مال سنك قبل
-
زين التلفونات العمومي من داخل المطار بيش وشلون تشتغل غالبا ؟هذا سؤال فني محد سالة قبل وهل بنظام الكارتات لو بالخردة؟؟مثل مال سنك قبل
حضرة المشرف كندا الشاب والرشيق
التلفونات في المطارت العمومية يمكن استعاملها بالطاقات او بالنقود المعدنية او الورقية العالمية...
ويا سؤال تحتاج ان تسأله او محد سأله نحاول ان نجاوبك عليه
تحياتي
جوسي البغدادي المانيا