ankawa
منتدى الهجرة واللجوء => الهجرة و واللاجئين => الموضوع حرر بواسطة: كوكي 2004 في 20:09 06/02/2012
-
أنتباه بعد قليل سيصدر بيان حول وضع اللاجئين العراقيين في سوريا من قبل السفارة العراقية في سوريا
-
ان شاء الله خير اللهم احفض العراقيين في سوريا
مشكوره اختي كوكي على نقل الخبر تحياتي لك
-
اي فالحين بس يرجعونه للعراق
-
طلع البيان التعبان مثلهم ...
اني كَلت شوف اشراح يكَولون بهذا البيان ...هنُ حجايتين بس
1- السفارة العراقية تراقب عن كثب اوضاع العراقيين ...(اتحداهم اذا يعرفون ابسط شي عن الجالية ..(عددهم , مناطق سكناهم, احوالهم)
2- السفارة لم تقم برفع اي تقارير الى اي جهة أخرى ؟؟؟؟؟!!!!! (الله يعلم شنو قصدهم ,احتمال يقصدون المفوضية )
-
الخبر العاجل وعن لسان السفارة العراقية بسوريا
هو أنه السفارة دتوصل وبأستمرار تقارير مفصلة حول وضع اللاجئين العراقيين بسوريا وتذكر السفارة
بأنها لا تخاطب أي جهة غير الخارجية العراقية عن اللاجئين وأوضاعهم
يعني وين الجديد بالموضوع والعجل ???
وأوضاعهم معروفه رح يصيرلها سنة >:(
صدك والله جابوا الذيب من ذيله
-
;D ;D ;D ;D ;D ;D
-
والله يا أخويه كوندا آني من قريت بيان عاجل كلت خلي أخبر أخواني وأخواتي
عسى وأن يطلع شي يفرح وبي خير
بس طلع لانفع ولا دفع مثلهم وهذا حالهم دائمآ
-
الله يفرج الحال عن اهلنا بسوريا ويغنيهم عن السفارة وازلام السفارة الناس الجوعانة
-
ادري وبعدين غير ينطونه حل (لاحول ولاقوه الا بالله ) حسبي الله ونعم الوكيل والله دنمر بضروف صعبه وبس الله الي يدري الله ينتقم من جان السبب
-
كوكي
هوه اللي جوه منو بحالهم
الناس عايشه بالقدره الالهيه مو بمقدرات الحكومه
الله يعين الناس اللي تستاهل اعانه
-
حسبي الله ونعم الوكيل والله العراقيين محد بحالهم حياج الله اختي كوكي
-
تحياتي
اخوان السفاره ضال بالها علينه واكيد زيباري ديلح على السفير ويريد يفهم خاف محتاجين شي؟ توسمو خير بسفيرنا وارجو اخذ كلامهم على محمل الجد .. والي يحتاج شي يروح للسفارة وليتأخر واذا فتحوله الباب آني معتب!!!
برأيي نروح نكعد بالسفاره ونسويها مقهى شبيبة العراق | جاي حامض نركيلة (جكاير تهريب) اشرف من وضعها هسه.. اي والله
-
أخي القرموطي تحياتي لحضرتك ياطيب
أخاف من تكعدون بالكهوة يذبون براسكم تهمه التحريض عالأرهاب يعني المادة 4 أرهاب أقصد
أرهاب وكباب ;D أي مو هاي المادة صارت لعبة بيد الجهال ياهو الضايج من واحد يكوله تره أذبك المادة 4
وتلكي هو يادوب ميعرف يحسب للعشرة ;)
ندعوا من الله ان يسهل أمر العراقيين بسوريا ويفرج كربهم آمين يارب العالمين
-
الله يكون في عون اخوانه في سوريا وبفرج عنهم ويكونون بمأمن من الاوضاع الرديئة وان شاء الله الحكومة السورية تتوصل الى حل مرضي لجميع الاطراف مع المعارضة وتنتهي الازمة بخير .
-
يا اختي شتتصورين مثلا يصدر منهم لعد جان حمونا من جنا بالعراق مو صايرة مثل حارة كلمن ايدو الو
فخلي اول مرة يحمون عراقي الداخل من الموت
عود نتأمل وقتها صدك ممكن يسون شي لو اتعرض حياة اي عراقي بالخارج للخطر
هاي كلها خزعبلات على يا عالم شوفو احنا يهمنا حياة مواطنينا ..
اتأسف واني اكتب هل كلام لكن هي هاي الحقيقة الساطعة ..
تحياتي .
-
اللهم فرج عن اخواننا في سوريا
امين با رب العالمين
-
خلي يشوفون جارة لاهاليتنة اللي بلداخل وبعدين يفكرون بلخارج هاي اذا فكرو
حسبي اللة ونعمة الوكيل من كل ظالم بردا وسلام على اهلنا بسوريا
شكرا لكوكي ياطيبة ربي يبارك بيج -----زينب
-
الله يكون بعون اخوانا في سوريا وشكرا اختي كوكي على نقل الخبر وتخلينا ندعيلهم من كل قلوبنا بتسهيل امورهم
-
الله كريم ان شاء الله