ankawa
منتدى الهجرة واللجوء => الهجرة و واللاجئين => الموضوع حرر بواسطة: صهوبي في 22:34 11/02/2012
-
اخوانى العوائل التى تعيش حاليا ومنذ زمن فى امريكا
ارجوا منكم مع شكرى وتقديرى لمن يرد على الموضوع ؟؟؟ ان يوضح لى ان اقبل اللجوء الى امريكا ام ارفض مع العلم انى لدى اربع اولاد شباب فهل امريكا مناسبة للعيش انا واولادى ام صعبة ارجوا من اهل الخبرة فى الحياة فى امريكا واصحاب التجارب ان يقدموا لنا النصيحة مع جزيل الشكر والتقدير
مع العلم انى عن طريق اليو ان عمان
اخوكم صهوبى
-
حبيبي هذا النقاش الي بداخلك هسه .. كل احنه مرينا بيه
و ياما و ياما فتحنا مواضيع هنا بس علمود نناقش .. نقبل لو ما نقبل ..
بالأخير تدخل العقل و قال النه كلنا : ( خاف ما تقبل ؟ ) ;D
باختصار اخي العزيز .. اقبل ولا تدوخ نفسك بالتفكير بهالامر ..
الموضوع لا يختلف فيه إثنان .. ولا يتناطح فيه تيسان كما يقول العلامة الوردي ..
تحياتي الك و بالتوفيق ..
-
آسف .. انته طلبت من الاخوان الي باميركا و اني ليهسه مو باميركا .. لكن جاوبت
لكن من باب محاولة الإفادة
تقبل اعتذاري
-
تعال الى امريكا وخطيتك بركبتي مثل مايكول المثل البغدادي
ابو سارة
-
الموضوع لا يختلف فيه إثنان .. ولا يتناطح فيه تيسان كما يقول العلامة الوردي ..
;D ;D ;D ;D ;D ;D
-
اخوانى العوائل التى تعيش حاليا ومنذ زمن فى امريكا
ارجوا منكم مع شكرى وتقديرى لمن يرد على الموضوع ؟؟؟ ان يوضح لى ان اقبل اللجوء الى امريكا ام ارفض مع العلم انى لدى اربع اولاد شباب فهل امريكا مناسبة للعيش انا واولادى ام صعبة ارجوا من اهل الخبرة فى الحياة فى امريكا واصحاب التجارب ان يقدموا لنا النصيحة مع جزيل الشكر والتقدير
مع العلم انى عن طريق اليو ان عمان
اخوكم صهوبى
التعب بتربيتهم يكون ضعف التعب الموجود بالعراق بس النتيجة تطلع احسن ب 4 اضعاف من نتيجة اقرانهم بالعراق. ولك حرية الاختيار اولا واخيرا
الرفيق ابو انتصار ;D
-
مولانا الكريم...
اكو مثل يكول الاطفال الاصغار مشاكلهم اصغيرة.....
او من يكبرون مشاكلهم تكبر....
عاد عندك الاحساب, لازم تعرف انه من خصائص تربية الاطفال في الغرب.....
مثل مايكول المثل العراقي.....
اذا ابنك كبر خاويه......او لااتعامله على انه طفل...
والباقي بقت عايك
تحياتي
جوسي البغدادي
-
عمي العزيز
نرجو منك ولمصلحتك ان تكتب فقرات الخوف وحده وحده
يعني الامور الي تخاف ان تصادفك حتى نتناقش بيهن وحده وحده ولتخاف كليتنا نعينك بعد الله
-
أخويه مغترب رسينه على بر أبو عروبة لو أبو أنتصار ;D
تحياتي أبو نادين الورد
-
عيوني مغترب شو ابوانتصار ليش والتنضيمات والحزب وعروبة وين لعد ؟ لالا مغترب خليك على ابوعروبة احسن - هسه انت وين بياتنضيمات مال نرويج لو مال العم سام
-الله يوفقك وين ماتكون
-
للرفع
-
مع الاسف اني هم بالعراق والا جان جاوبتك ...
بس كون تبقى هنا من اروح لاامريكا اذا مااكتبلك اربع جرايد وملحق وياهن . .
-
مع الاسف اني هم بالعراق والا جان جاوبتك ...
بس كون تبقى هنا من اروح لاامريكا اذا مااكتبلك اربع جرايد وملحق وياهن . .
عزيزي الاخ كوندا
اتريد اكتبلك اطروحة عن هذا الموضوع.....
تكدر بس تكتب اسمك عليه او اتقدمه.....
مرفق بنقاط نظرية من علماء النفس والاجتماع والتربية .......
طبعاً عمليا من خبرة المربين على اختلاف طبقاتهم او جنسياتهم او عوائلهم.....
ولا يهم اذا حبيت اني حاضر...بس مع الاسف انه اغلب الناس ما يفكرون بهذي النقطة الا من يعيشوها ابنفسهم....
تحياتي
جوسي البغدادي باحث اجتماعي المانيا
-
السلام عليكم
اخي الكريم
هنا شوي صعبة للزكردي والميكدر يشتغل تحت اي ظرف كان
وانت الله يخليهم الك عندك 4 قادرين على العمل ولو حضرتك بسن يسمحلك
ايظا تكدر تقدم على التقاعد ويجيك منك راتب ثابت همين
اخوية لا تفكر اتوكل على الله وكول يا مسهل الامور وتعال
وموفق ان شاء الله ربي يسهلك .
-
أتوكل على ألله و لا تفكر لحظة وحدة بيها
-
أخويه مغترب رسينه على بر أبو عروبة لو أبو أنتصار ;D
تحياتي أبو نادين الورد
عروبة او انتصار , كلها من اهداف الحزب وكما ينبغي ;D
عيوني مغترب شو ابوانتصار ليش والتنضيمات والحزب وعروبة وين لعد ؟ لالا مغترب خليك على ابوعروبة احسن - هسه انت وين بياتنضيمات مال نرويج لو مال العم سام
-الله يوفقك وين ماتكون
هسة اني مسؤول تنظيمات الساحل الغربي الامريكي من فانكوفر الى المكسيك ;D
خليت شعبه النرويج فارغة مؤقتا وهسة كلفت واحد من الرفاق بتمشية الاعمال ان شاء الله يجيكم بالفتره القريبه ويتناول وياكم احوال الرفاق بأقصى القاره العجوز ::)
-
الاخ صهوبي السلام عليكم
اولا ً انت سألت السؤال وكلت عدولي رحت وعفت الموضوع.
وثانيا الموضوع تشعب وسؤالك أنتسى .
وثالثا أنت ذكرت عندك شباب مو مراهقين يعني تجاوزوا 18 سنة فأذا كانوا طلاب فلا تشيل همهم همة مسؤولين عنهم الى ان يصير عمرهم 21 سنة اذا كانوا بالدراسة. اما اذا لم يكونوا بالدراسة وسينزلوا الى معترك الحياة والعمل فهذا يعتمد على مثابرتهم والتحمل للعمل لأنهم سيبدأون من الصفر ويرتفعون تدريجيا ً واذا تكاتفتم فستكون اموركم جيدة فالبيت الذي فيه 4 او 5 تعمل تكون امورهم جيدة. اما اذا كانت لديك مخاوف اخرى من انجرافهم في الاجواء الامريكية فأنا لدي وجهة نظر اخرى فانجرافهم في العراق نسبته اكبر الطائفية والارهاب والمخدرات والكبسول و.......... الخ وما هو مستقبلهم يجب ان يميلوا وينتموا الى جهة ما ليحققوا طموحاتهم وفي هذه الحالة يكونوا قد انحرفوا قبل اي يحققوا شيئا ً فتوكل على الله ووافق وانا متأكد انك لن تخسر شيئا لأن شبابك قد تعدوا مرحلة الخطر واتمنى ان يطلع الاخ ابو قمر على رسالتك هذه لأن لديه الجواب الشافي.
اذا تحتاج اي شي راسلني على الخاص.
-
اتوكل على الله
-
السلام عليكم
برأيي اريح رد هو رد اخونا Safaa Alkhrkhy يعني جابلك من الاخر.
تحياتي
-
يابه التربية تعتمد عالبيت يعني الطفل خما تدوس دكمة ويكبر غير رح يكبر بالبيت ويشوف امه وابو شلون يتصرفون دتوكل على الله وانسى شئ اسمه عراق لان العراق صار مو لاهله بعدين اذا انته اتعذبت ولدك او اولادهم رح يرتاحون بس المهم واحد يخلي نهاية لنزيف الضيم والقهر والحرمان الي ينولد بيها العراقي
-
ابقة بالعراق احسن
-
ابقة بالعراق احسن
ها كروكي العظيم
اتريد كلهم اتبقيهم بالعراق او انته يصفى الك الجو....
او تسلع ويا مسحاة او قزمة لو فاي اوووو الى امريكا....
او بعدها اتكوم تحفر ابكتربلر ماكو كرك بعد.....
تحياتي لابو الموضوع ترى وجهة نظر كروكي هم معقولة..
واحد يبقى ابلده او يحافظ على عاداته وتقاليده او يكدر يسيطر على تربية اطفاله....
لانه الغرب غدار تربيته مو سهلة...
تحياتي
-
يابة يكول شباب يعني تصلب عودهم بعد شيربي بعد تربية ماكو بس يعدل شوية بالاغصان يحطلها سنادات اما الاصل انتهى تصلب وراح.
-
اخواني واخواتي اني طبعا اشكركم على ردود وعلى ار ئكم.... وعذروني لان مارديت على كل رأي لان كنت مشغول جدا.مثل ما ذكر الا اخ (Edy Simon) عن تربيه الاطفال اني ماعندي اطفال ذكرت بدايه موضوع عندي اربع شباب ...اثنين طلاب جامعه واثنين طلاب ثانويه ... وبنسبه الى الاخ (ايوه كده يوديع) طلب ان اذكر مخاوف وحده وحده... طبعا خوفا من عدم اهتمام امريكا بنا من كل نواحي .. علما اني لا اعرف احد في امريكا كي يساعدني. واني اسمع كثير عن امريكا من ناحيه سلبيه ولاكن لااصدق لان راح مارجع.
شكرا جزيلا على ارائكم
انتضر رد
اخوكم صهوبي
-
اخي صهوبي
انت خائف من امريكا بأن لا تهتم بك..سؤالي هل العراق او دول الجوار مهتمة بك اصلاً؟
اخي الكريم..انت واربع شباب معك امامكم مستقبل افضل بكل المقاييس من مستقبلهم في عراق الحاضر
البداية ستكون صعبة وقد تكون صعبة جداً ولكن بعدها ستنفرج وستبدؤون بممارسة العيش في بلد يمنح النجاح لمستحقيه (واكرر النجاح لمستحقيه)
كل شيء في امريكا يعتمد على التخطيط..ماذا تدرس واين تسكن وكم تصرف وماذا تعمل..اذا استطعت ان تخطط لهذه الامور واعطيتها وقتها فأنت في عيشة هانية
صدقني..عندما تتعامل مع القوانين والمزايا والدعم الاجتماعي والمالي والثقافي الامريكي ستندم على كل ساعة تأخرت بها بالقدوم الى امريكا او ترددت بالقدوم
أخي اتكل على الله اولاً وعلى تصميمك و ثقتك بتربية اولادك ثانياً
واذا عزمت فتوكل
-
اخي ( مهاجر ابدي) اني طبعا اشكرك جزيل شكر على توضيح . اني قصدي من ناحيه دراسه يعني يكدر واحد يكمل دراسه ويلاقي شغل في اي ولايه ؟؟؟
-
اذا قصدك على الدراسة الي بداها بالعراق..نعم يكدر ان يكملها. اما الشغل فأن عدد سكان امريكا هو 350 مليون انسان اكثر من نصف هذا العدد يعمل..فالذي يرزقهم يرزقك. الحياة بامريكا تعتمد على العمل وبما انو الحياة موجودة بكل الولايات اذن العمل موجود فيها
تحياتي
-
والله يا اخويه اني منالناس المتردده بس بعد الي صار بالدول العربيه صارت صعبه
عفنه العراق رحنه لسوريا نلاصت جينه للاردن هي حيره مندري هنا شحيصير فبالقليل خلي نحصل جنسيه وراها يحلها حلال
-
تحياتي الى الجميع
اشكر ردودكم وتعاطفكم معنا وانا اعلم انكم جميعا اولاد خير وحلال
اجابتكم كانت صريحه وارجو ان نستمر على هذه الروحيه الطيبه واتمنا من كل قلبي الموفقيه والنجاح للجميع
اخوكم صهيب_ الاردن