-
بعد اكمال كافة الوثائق التي طلبت منا وملئ كافة الفورمات والترجمه والتصديقات والحصول على الكوم ابروفال وكل هذه المراحل اللي تخلي الواحد يصاب بالهيستيريا ويبقى يتأمل اليوم اللي يقابل بيه
وهناك في القسم القنصلي ومن وراء زجاج الشباك المانع للرصاص يجيك راجدي صيني ترس يشعل فلاش بعينك ومتحس بعد عندك خد وتنطرش اذنك بسماع انتظر 8 أشهر .
ويالله ويا الله واليوم وباجر وبلكي فد 3 اشهر , لايابه 6 أشهر ويخابرون . ومن يخابرون تطلع نايم لو مخلي وضع صامت وبعدين تراسلهم وتنتظر الجواب يجيك بعد كم يوم يكولون احنه ما متصلين بيك! ونكول لا يابه هي 8 أشهر . وتخلص الاشهر الثمانيه ومن نراسل على الانكوايري يجيك الجواب الرقيق , نظرأ لكثرة الاستفسارات منكدر نجاوبكم , ( شكرأ للسفاره) زين بهيج حاله احنه اجتازينه مرحلة بحر الظلمات ومرحلة الانتظار القاتل ومرحلة اليأس وهسه باعتبارنه عبرنه كل هاي المراحل مرحبأ باللاجئين والمهاجرين العراقيين في مرحلة (ما بعد اليأس)
-
اصبر وماصبرك الا بالله الله كريم اخونا العزيز تفرج ان شاء الله
-
ههههههههههه .. شر البليه ما يضحك حقيقتا اخي ولو ارجو انه ما تعتبره تقليل من طرح همومك لكن كلنه بالهوه سوه .. تعرف اخي افضل شي بالعراقي انه صار عده دفاعات نفسية بحيث من اتصير الامور عده واصله للاخر يكوم دماغه يدفعه للضحك و تحويل الطاقه السلبيه الى اما متعادله او ايجابيه لهذا ضهر عدنه بالسنوات الاخيره و اكرر لاحظ فقط بالسنوات الاخيره مصطلح " التحشيش "وهو افضل وسيله للدفاع عن حصول عطب بالجهاز العصبي للعراقي لما شفنا واتعرضناله من صدمات و بلاوي ... اخيرا وداعتك كله اتصير سوالف ان شاء الله الا اتمل من امريكا
-
اصبر وماصبرك الا بالله الله كريم اخونا العزيز تفرج ان شاء الله
ان شاء الله تفرج على الجميع
ونعم بالله
ولهذا السبب بعدني ما مستسلم
-
ههههههههههه .. شر البليه ما يضحك حقيقتا اخي ولو ارجو انه ما تعتبره تقلق من طرح همومك لكن كلنه بالهوه سوه .. تعرف اخي افضل شي بالعراقي انه صار عده دفاعات نفسية بحيث من اتصير الامور عده واصله للاخر يكوم دماغه يدفعه للضحك و تحويل الطاقه السلبيه الى اما متعادله او ايجابيه لهذا ضهر عدنه بالسنوات الاخيره و اكرر لاحض فقط بالسنوات الاخيره مصطلح " التحشيش "وهو افضل وسيله للدفاع عن حصول عطب بالجهاز العصبي للعراقي لما شفنا واتعرضناله من صدمات و بلاوي ... اخرا وداعتك كله اتصير سوالف ان شاء الله و الا اتمل من امريكا
ابو شمس الغالي
اني صحيح مقهور على شغلات هواي بس اللي مخبلني هو اسم الهجره الخاصه اذا خاصه وهيج اذا عامه شلون؟
الله بارك بيك ويسهل امورك
-
وداعتك اهلنه الكبار الله يرحمهم ويرحم والديك يكولون فد شي هو يختصر كل معاناتنه يكلون " بعد الك هوه تشتمه بهاي الديره " وهي كله تقديرات ربك شسوي الحمد لله على كل شي .. وما الك علينا غير الدعاء الك و للجميع ان شاء الله ربي يسهل امورهم و تستقرون وتحقيق الاماني ..والله ادعو للعراقيين كلهم ..ااامين
-
الاخ كلش حباب
انا مقهور اكثر منك اخي الغالي وهاي صار 15 شهر عالمقابلة مع العلم بالمقابلة حددوها من 3 الى 6 اشهر .
العجبني بالموضوع سالفة ( الراشدي الصيني ) ؟؟؟ بس اللي قابلتك هاي الصينية سيئة الصيت ;D
اصبر اخي الكريم والله يفرجها على الجميع ...
[/size]
-
صحيح من يشوف مصايب الناس تهون عليه مصيبته
اخويه نيد جستس الورده صدكني السفاره ماعدهم كل جستس
اللهم ربي يفرج عليك ويوفقك انه سميع الدعاء
اخي ابو شمس اشكرك مره ثانيه ياطيب واتمنالك الموفقيه
-
لا وخلي أزيدك من الشعر بيت
بعد كل الي كلته وانتظار بعد المقابلة النهائية بثمانية اشهر يجيك من حضرة جنابهم السخيف إيميل يكلك إحنا إسفين سحبنا الكوم ابروفال وصرت مرفوض
خلينا ساكتين الاتحجينا
-
السلام عليكم و رحمه الله وبركاته
اخى الفاضل تحية طيبة من ام الدنيا
متزعلش وكل تاخيرة وفيها خيرة وان شاء الله يقرب لك البعيد وتكتب لنا قريب انك وصلت بالسلامة ومستنين تفرحنا باخبارك ولازم تتحلى بالتفاؤل
ده بين الليل والنهار ربنا بيساوى العجايب
-
اخي العزيز ابو شمس الورد السلام عليكم
كلماتك نزلت على الجرح المسألة ينراد الها إيمان وصبر ولن يصيبنا الاما كتب الله لنا وراح يجي اليوم اللي نكول صدك جذب احنا بامريكا او كندا او ........... وننسى هاي الايام لأن النسيان نعمة.
-
الله كريم ان شاء الله تفرج علجميع يارب
-
اللة يكون بعون الجميع وانشالله يارب الفرج العاجل للجميع ولكل المنتظرين من اخوانا واخواتنا واهلنا امين يارب العالمين
-
الله كريم
تفرج انشاء الله
-
الله يسهل ويفرج للجميع ان شاء الله
-
الله كريم وربك مايسنه احد
-
الله يكون بعونك اخي ويفرج عنك ان شا الله وكل اخوانه الي بالمنتدى
-
صحيح من يشوف مصايب الناس تهون عليه مصيبته
اخويه نيد جستس الورده صدكني السفاره ماعدهم كل جستس
اللهم ربي يفرج عليك ويوفقك انه سميع الدعاء
اخي ابو شمس اشكرك مره ثانيه ياطيب واتمنالك الموفقيه
صدك ما عدهم كل جستس >:(
رحمات لوالديك على الدعاء وربي يفرج على الجميع ويسهل امرك وامرهم انه سميع مجيب
[/size]
-
ياقريب الفرج يالله ..... الله يبدل حالنه الى احسن حال
-
لا وخلي أزيدك من الشعر بيت
بعد كل الي كلته وانتظار بعد المقابلة النهائية بثمانية اشهر يجيك من حضرة جنابهم السخيف إيميل يكلك إحنا إسفين سحبنا الكوم ابروفال وصرت مرفوض
خلينا ساكتين الاتحجينا
والله اخ روك كلشي يطلع منهم وتوقع الغير متوقع ايضا وخصوصا بعد انسحابهم ...
بشرنا اخ روك وين صارت قضيتك وياهم ؟
[/size]
-
كلش حباب
عضو فعال جدا
غير متصل
رسائل: 804
بلادي وان جارة عليه عزيزة.وأهلي وان ظنوا عليه كرام
الحقيقه المره
« في: الأمس في 09:36:19 pm »
بعد اكمال كافة الوثائق التي طلبت منا وملئ كافة الفورمات والترجمه والتصديقات والحصول على الكوم ابروفال وكل هذه المراحل اللي تخلي الواحد يصاب بالهيستيريا ويبقى يتأمل اليوم اللي يقابل بيه
وه ناك في القسم القنصلي ومن وراء زجاج الشباك المانع للرصاص يجيك راجدي صيني ترس يشعل فلاش بعينك ومتحس بعد عندك خد وتنطرش اذنك بسماع انتظر 8 أشهر .
ويالله ويا الله واليوم وباجر وبلكي فد 3 اشهر , لايابه 6 أشهر ويخابرون . ومن يخابرون تطلع نايم لو مخلي وضع صامت وبعدين تراسلهم وتنتظر الجواب يجيك بعد كم يوم يكولون احنه ما متصلين بيك! ونكول لا يابه هي 8 أشهر . وتخلص الاشهر الثمانيه ومن نراسل على الانكوايري يجيك الجواب الرقيق , نظرأ لكثرة الاستفسارات منكدر نجاوبكم , ( شكرأ للسفاره) زين بهيج حاله احنه اجتازينه مرحلة بحر الظلمات ومرحلة الانتظار القاتل ومرحلة اليأس وهسه باعتبارنه عبرنه كل هاي المراحل مرحبأ باللاجئين والمهاجرين العراقيين في مرحلة (ما بعد اليأس)
ححححححححححححححححححححححححححححححححححححححححححححححححححححححححححححححححححح
أخويه العزيز الغالي كلش حباب ,,
اني صديقك واخوك الفرج القريب والعاجل اجيتك ان شاء الله وبعونه تعالى , بس شويه رايد منك صبر , شويه صبر ارجوك راح الكثيييييييييييييييييييييييييييييييييييييييييييييييييييييييييييييير وبقى القليل .
تفرج عليك وعلى الاخوات والاخوه المنتظرين بعون الله تعالى ,,,,, وداعتك تصير سوالف مثل ما صارت عندي , اسأل مجرب ولا تسأل حكبم .
أخوك الفرج القريب , باءذن الله .
-
لاحول ولاقوة الا بالله.
-
الله يساعدك يا صديقي بالنضال
-
هو هذا السبب في الفشل بعد المقابله وتعرف اخويه اني قابلت قبل كم يوم وناسي الموضوع ولا حاطه ببالي ولا كانه قابلت لان اذا ظليت افكر بالموضوع راح اموت قهر بالعكس جنت كاعد بدون شغل هسه اشتغلت والحمد لله وماشيه اموري كللللللش طبيعيه وعاديه واصلا ناسي شوكت قابلت وولا مهتم لان غير هيج راح تتاذى كلش هوايه ومن تطلع فيزتك بخير وسلامه عندك فتره شهر تكدر ترتب بيها امورك وتنهي كل المتعلقات عندي صديق قابل بشهر 10 من سنه 2010 يعني لليوم صارله سنه و4 اشهر والى هسه كل خبر ماكو من السفاره تدمرت حياته حتى راد يشتغل وما اشتغل على امل الفيزا وباع سيارته ووره فتره اتبهذل بدون سياره و راد يشتري وحده هم ما اشتره على امل الفيزا والنتيجه كرط كل فلوسه وكعد ولا حظت برجيلها ولا خذت ال SIV
وتحياتي الك
-
يا اخي اني من المقابلين بشهر العاشر 2010 وانت احسبه بعد لان اني وره السنه بطلت احسب .... وبالمقابلة كلي 4 الى 6 اسابيع ;D
-
لا وخلي أزيدك من الشعر بيت
بعد كل الي كلته وانتظار بعد المقابلة النهائية بثمانية اشهر يجيك من حضرة جنابهم السخيف إيميل يكلك إحنا إسفين سحبنا الكوم ابروفال وصرت مرفوض
خلينا ساكتين الاتحجينا
والله اخ روك كلشي يطلع منهم وتوقع الغير متوقع ايضا وخصوصا بعد انسحابهم ...
بشرنا اخ روك وين صارت قضيتك وياهم ؟
[/size]
والله يا اخي الفاضل بعد رفضين متتالية من ال SIV قررت اكمل وية الIOM المفروض مخلص وانظر نتيجة المحلف الي صارلها اربع اشهر وماكو جواب والله كريم
ربك رحيم وما يكطع
شكرًا على السؤال
-
اخوية كلش حباب شلون الصحة مشتاقون
ادعوا من الله بالفرج القريب لكم ولنا ...
هاي صارت طويلة عريضة وحتى خرب واهسنة من السفر ...
تحياتي
الناسك
-
هههههههههههههه واحد يضحك احسن اله ...
بالمناسبة اتريد نصيحتي :
""شوف حياتك وعيشها""
واذا اتضل عايش بأمل الهجرة احتمال الوايرات يطبكن ويصير شورت وتعرف الباقي.
التهي بشغل , سفرات , تحديق كهاوي, منا منا منا مناك ,العب رياضة لو بلي ستيشن ..
المهم لتضل كاعد عل النت وبس اتجيك ملفك واتخابر السفارة ترة هاي سالفة وجعانه..
وتقبل مروري ..
اخوك كوستافو.