ankawa
منتدى الهجرة واللجوء => الهجرة و واللاجئين => الموضوع حرر بواسطة: اثير احمد في 18:14 22/02/2012
-
مساء الخير جميعا
سؤالي هو هل بأمكاني دفع تذاكر الطيران, فمن المعروف ان في المقابلة الاولى (هذا فيما يخص IOM بغداد) يتم التوقيع على تعهد بدفع ثمن تذاكر الطيران بالاقساط بعد الوصول بفترة فمن المعروف ان المنظمة تتكفل بدفع تذاكر السفر, لذا هل بالامكان رفض التسديد بالاقساط وأن اطلب بدفع المبلغ مباشرتا طبعا بعد الحصول على الموافقة الامنية, وهل يساعد في تعجيل الاجراءات بخصوص السفر.
شكرا
-
السلام عليكم
طبعا اخي العزيز موضوعك هذا هو نفس موضوع احد الاصدقاء لي ففي وقتها كان هو على جدولة السفر لكنه طلب من IOM بانه هو من سيدفع تكاليف تذاكر الطيران الا انهم رفضو ذلك ولم يقبلوا على الاطلاق . اما من ناحيتي الشخصية لنفرض لنفرض ان الـ IOM وافقوا على ذلك فعند وصولك الى امريكا سوف تحرم من اكثر حقوقك لاانهم سيقولون انه انك متمكن ماديا ولست بحاجة الى اي مساعدة . و الله اعلم .
انشاء الله ياخي الله يوفقك ويسرع في سفرك .
تحياتي الك
ابو رزوقي
عمان
-
صديقي العزيز ..
الموضوع لا يقدم ولا يئخر ... اذا دفعت انت او هم دفعوا ماكو اي تعجيل بالسفر بس بشكل عام انت ويا الاي او ام راح تسافر ويا مجموعة فراح يكون حجزكم موحد فالمنظمة مراح تنتظر تجيك الاسعار وادزلك السعر وانت ادزلهم الفلوس مراح يمشي الحال وايضا مراح يمشي الحال ان تحجز وحدك واتسافر لان انت فيزة اي او ام وتحتاج الى دعم اثناء السفر وفي الاستقبال والدخول لامريكا ولهذا هما حتى يحلون هذا الاشكال يدفعون من المبلغ ومن توصل انت ادفعه اقساط او ادفعه كامل مفرقت وياهم ومثل مذكرت لحضرتك هو مبيه اي نوع من انواع الفائدة .. بعدين هو قرض بدون فائدة من توصل ادفعه كامل ماكو اي اشكال بس طبعا بعد متخلص برامج مساعداتك ..
يارب الموفقية الك والسفر القريب ...
أبو قمر
-
السلام عليكم
يااخواننا الاعزاء المتمكنين ماديا ...الله يسامحكم والله راح تعمون علينا نحن الفقراء من ورا افكاركم وارائكم
تسمحلي اكولك اذا انته متمكن من دفع تذاكر السفر لامريكا !! شكو امقدم لجوء لعد!!!!! :o
روح اشتري فيزا الك ولعائلتك والله ومحمد وعلي وياك
طبعا اني متاكد المنظمة راح تحس انو اغلب المقدمين على برنامجها كلاوات بكلاوات مع احترامي للاخ المتمكن
وبسبب هاي السوالف راح نوكع بيها احنة المساكين اللي امكابلين الانترنت وكاعدين
-
أخي الكريم looseurself
ما دخل الغنى و الفقر بموضوع السفر أو طلب اللجوء, ثم هل تعتقد ان السلطات الامريكية عندما وضعت هذا البرنامج فهل كانت تقصد ذو الدخل المحدود او الفقير ماديا فقط؟ ثم هل المتمكن ماديا لا يتعرض الى تهديدات او ان لا يشعر بعدم الامان؟؟؟؟؟ ثم هل المتمكن ماديا ليس له الحق في العيش بأمان؟؟؟
لذا ارجو منك رجاءا التريث في اجاباتك وأن يكون طرحك موضوعي و واقعي
شكرا
-
ماكو فرق بين زنكيل وفقير اول شي الفوت ثابت الك مدى الحياه الا اذا صار عندك مورد ايقللوه بلنسبه للمساعدات كل ولايه واله نضامه اكو تنطيك 8 اشهر واكو تنطيك 5 سنوات مو للكل بلنسبه لاولاد اما تذاكر الطيران تجيك بلات كل شهر تدفعه اذا كان عندك او ماعندك هي هاي كله مساعدات ومسجله الك بس يا اخي لا تدفعه صحيح حتى لو كان عندك متعرف صيصير ميصير لان من اتروح ياله تعرف راسك من رجليك والفلوس هم تخلص اكو ناس عده مليارات بامريكا ومتعرف تشتغل بيه والفلوس تخلص والله سهلك انشاء الله
-
للرفع
-
اخي اثير
بالنسبه لقرض الطائره لايسمح بدفع المبلغ من قبلك نقطه راس سطر هذا الموضوع مابي رد وبدل
هل هذا يسرع بالسفر؟؟؟؟ ابدا ماله اي علاقه لا سلبا ولا ايجابا
المنظمه عندما دفعت كل هاي المصاريف للاجئ من فحص طبي الى معاملات معاجزه عن دفع قرض السفر
لكن السبب في تحميل الاجئ اقساط السفر لغرض البدئ ببناء كرديت والحصول على هستري يمكنه من دخول الحياة الاقتصاديه في امريكا والتعود على التعاملات البنكيه هناك
ومن الافضل انه متدفعه دفعه وحده اول متوصل وانما تلتزم بتسديد الدفعات بدون تاخير هذا راح يحسب لصالحك
اما اي تاخير بالدفع راح ينزل نقاط الكريديت
فخلي الامور ماشيه بمسارها
وجوابي للاخ looseurself يااخي ميصير ياهو الي يسال سؤال اتطلعوله فتوى شرعيه وتحملوا نتائج التاخير
من حق كل شخص يسال ومن حقه يحصل على الجواب الصحيح ايا كان نوع السؤال
احنا هنا منتدى مو دائره رسميه موجودين من اجل ان نتناقش ونلكي حلول حتى اتجنب الاخوان يوكعون بمطبات في معاملاتهم
والاخ ديسال لا راح كال للمنظمه ولا طرح الموضوع
والمنظمه مو نايمه ومتعرف شنو الي ديصير حتى اتخاف لحد يصحيها
وتقبل مداخلتي وارجو ان متضايق من كلامي
-
الى الاخوة و الخوات الكرام
شكرا على اجاباتكم الرائعة و الدقيقة, والسبب في طرحي لهذا الموضوع جاء بناء على رأي صديق لي مقيم في امريكا وهو من أوائل المتقديم على نفس البرنامج, كم انه الان مدير فرع احدى المنظمات الانسانية و التي تقوم بأستقبال اللاجئين, وفي اخر حوار لي معه اقترح علي هذا الموضوع.
شكرا