ankawa
منتدى الهجرة واللجوء => الهجرة و واللاجئين => الموضوع حرر بواسطة: Attum Rose في 14:12 28/02/2012
-
مساء الخير
عندي سؤال بالنسبة للتقديم عن طريق مفوضية عمان:
عندي جيراني عائلة يردون يرحون و يقدمون لجوء عند المفوضية بعمان بس عندهم شكم سؤال
1) شلون يقدمون عن طريق ايميل، تلفون، او لازم يرحون بنفسهم و يقدمون و اذا يرحون شنو عنوان المنظمة؟
2) شلون يحصلون على الاقامة لان همة رحيجون عن طريق الطيارة و يكولون بالمطار رح يختمولهم شهر و بعد ما ينتهي الشهر شلون يظلون بعمان؟
3) بالنسبة للمتقدمين الجدد شكد تقريبا مدة اجراء المعاملة؟ المقابلة الاولى، المقابلة الثانية و الثالثة؟
4) شنو الي يحميهم من الرجوع الى العراق؟ يعني اكو فد ورقة حماية ينطي الهم؟ وورة شكد تقريبا يستلموها؟
5) اكو مساعدات طبية و مالية لان العائلة عدهم امراض مزمنة من القلب و الكلى؟
6) احنا سمعنا من بعض اخوتنا اللي بتركيا انه الجوازات تتسلم الى الامنيات و تظل عندهم لحد ما يتم اما سفر او رفض اللاجئ، بعمان هم ياخذون الجوازات لو اتظل يمهم؟
اني اعتذر طولت عليكم بس اكون ممنونة لمساهماتكم و نصائحكم.
تحياتي
اختكم روز
-
مرحبا اختي
التقديم مباشر ..يعني بالبداية يروح صاحب الملف ياخذ الجوازات ويروح الى مقر المفوضيه ياخذ موعد ..
بالموعد اتروح كل العائلة مع كل الوثائق ..جوازات شهادات جنسية .هويات احوال
مقر المفوضيه في دير غبار كل سواق التاكسي يعرفوها
الاقامه ايداع 50 الف دولار بالبنك وتسحب نصفها بعد الحصول على الاقامة
المواعيد حسب التساهيل وحسب قوة الملف والوثائق الداعمه ..بس الى توصل للمحلفين ينرادلها سنه كمعدل
بالمقابلة الاولى يزودوهم بوثيقة من اليون ان تحميهم من الترحيل القسري
مساعدات ماليه حسب حالة العائلة وبعد الكشف من قبل الباحثة الاجتماعية
المساعدات الطبية متوفره في المستشفيات الاردنية والمنضمات الانسانية ( كير وغيرها )
الجوازات تبقى عندهم
واحنه بالخدمة
-
up
-
اخ espero
ممنونة جدا لمبادرتك و مداخلتك الطيبة.
تحياتي
روز
-
السلام عليكم
أخي بالنسبة للعائلة من يوصلون بالسلامة ويرتاحون فد يومين يروح رب الأسرة وياخذ كل جوازات العائلة
حتى ياخذ موعد تسجيل جديد ورح ينطوا كارت برتقالي زغير بي موعد المقابلة وساعة الحضور وعدد أفراد الأسرة
وبيوم المقابلة لازم كل العائلة تروح يعني أذا أي واحد منهم ميروح كل المقابلة تنلغي
هسة نجي على موضوع الأقامة
أذا الشخص متمكن وعنده فلوس يروح للبنك ويخلي مبلغ ( 50000 ألف) دولار على شكل وديعة وياخذ كتاب من البنك ويروح
لوزارة الداخلية يقدم على الأقامة السنوية وطبعآ الطلب يتحول للمخابرات وهناك يسووله مقابلة وبعد فترة يجي الرد وأذا أنطوا موافقة
على الأقامة يكدر وره شهر يسحب نص المبلغ أما الشخص الماعنده فلوس يسوي أقامة يكدر يبقى بالأردن عادي محد يحي ويا
ومن يستلم وثيقة ال un هذه الوثيقة تعتبر حماية أله وللعائلة كلهه وتحمي من التسفير ولكن ماتعتبر هذه الوثيقة أقامة ومعظم العراقيين عايشين
بشكل طبيعي بدون أقامة سنوية ومحد أله شغلة بيهم بس أهم شي أحترام قانون البلد
هسه نجي على المقابلات وشكد الفترة
مع أحترامي للجميع يكذب عليك الي يكولك كذا فترة يعني مو سوة ورح انطيك أمثلة آني وعائلتي مقدمين من سنة 2004
وكل الأخوة والأخوات بالمنتدى يعرفون موضوعي وظلينه ننتظر الى ان ربك يسرهه وهسه يله بشهر الواحد الي فات قابلنة مقابلة أولى بل iom
وأكو حالات أجو بس قدموا على ال unوره شهرين تلاثة يحولوهم توطين وبعدين يتحولون لل iom ويبدون ينتظرون مقابلات أولى ومحلفين
يعني بصراحة محد يعرف ال un شلون يشتغلون وشنو المعايير الي يمشون عليهه والتساهيل والتوفيق من رب العالمين
الي يحميهم من التسفير مثل ماكتلك هي وثيقة ال un مادام ماشين عدل ومامتجاوزين على القانون محد أله شغلة بيهم
بالنسبة للمساعدا الطبية موجودة عن طريق جمعية الكاريتاس وعنوانهه الهاشمي الشمالي قرب دوار نقاوة ويروحون بعد مايستلمون وثيقة ال un
يفتحولهم ملف طبي ويسلموهم العلاج بس لازم أكو تقارير طبية بالحالة و وصفة من الطبيب المختص
بالنسبة للمساعدات المادية أكو بس هم وره مايستلمون وثيقة الun يدخلون على الباحثة الأجتماعية يعني قسم الشؤون الأجتماعية بنفس
الun ويكلولهه أحنه جايين جذ وعدنه أمراض مزمنه حتى يخلون أسمهم على جدول الزيارات المنزلية وبعدين تطلعلهم الباحثة زيارة للبيت
وتقييم الوضع وبعدين يطلعلهم الراتب هاي أذا شافوهم يستحقون المساعدة المادية
بالنسبة للجوازات الأردن مو مثل تركيا يعني محد ياخذ الجوازات منهم والجوازات تبقى مع العائلة
ملاحظة أذا العائلة سووا أقامة سنوية أبد مارح يطلعلهم راتب من ال un لأن يعتبروهم عدهم فلوس وميستحقون المساعدة
ان شاء الله كدرت أوضحلك ولو بعض الأمور
وشتحتاج أحنه كلنه حاضرين وبالخدمة
تحياتي وبالتوفيق
أختك كوكي
-
اخت كوكي
يعني ما اعرف شلون اشكرج
كفيتي ووفيتي
الف شكر وحتى جان عندي بعض تساؤلات بس غطيتيلياها كلها
شكرا جزيلا و يارب ان شاء الله تكون الباقي من مقابلاتكم اسهل و اسرع و يا رب تفرحون قريبا بموعد سفر.
تحياتي اختج روز
-
حبيبتي روز لاشكر على واجب ماسويت شي يستحق الشكر
أحنه هنا كلنه أخوه وأخوات وعائلة وحدة ولازم نتساعد فيما بينه
وشتحتاجين أنت أو العائلة الي جايين للأردن أحنه كلنه حاضرين وبالخدمة
وأذا عندج بعد أي استفسار هم حاضرين ونوضحلج أكثر
وداعتج آني من الناس عندي خدمة بالأردن 8 سنوات ;D
وأنت قيسي
تحياتي وبالتوفيق ان شاء الله
وأشكرج جدآ على الدعاء الحلو وألج مثله وأحسن