ankawa
منتدى الهجرة واللجوء => الهجرة و واللاجئين => الموضوع حرر بواسطة: محارب في 21:54 28/02/2012
-
طبعأ الكل تعبانين ومنتظرين الفيزا وملعوب بينه طوبه لكن عدنه امل بان نسافر وعدنه ثقه بالله سبحانه وتعالى
نتشائم بالرفض ونفرح بالقبول ونكول نامت علينه الطابوكه بعد مانسافر و اكيد معذورين لان احنه مانزال في منطقه الخطر .
بس العتب على اللي هم في بر الامان ويكولون لتجون تره امريكا سوده مصخمه ومابيهه عيشه وكلهه ذله وهم لازكين هناك .
يعني يا اخوان احنه ملعوب بينه طوبه وماندري بنفسنه وعدنه امل السفر وانتم تريدون تضمحلون هذا الامل ليش؟
يعني نضحك ونسولف ونمشي بالشارع ومندري شنو مصيرنا اما انتم الله ييسر اموركم ويرزقكم لاتحاولون تصخمون الامل.
وهاذي قصه حقيقيه لفلاح
حدث في ايام حكم عبد الكريم قاسم حركه عمرانيه واسعه من بناء وشق طرق وماشابه ذلك في تلك الايام . وكان يصرف تعويض مادي لكل من يقع بيته او دكانه من ظمن منطقه الهدم او الحفر او من يكون عائق في سير المشروع وذلك لكونه من المتضررين , فتقوم الحكومه بصرف مبلغ من المال كتعويض لصاحب الضرر.
وفي احدى قرى العراق تقرر شق ارض زراعيه مملوكه لفلاح لعمل طريق معبد للسيارات , وفي اثناء سير المشروع ذهب الفلاح لكي يعمل عريضة طلب تعويض , وعند باب المحكمه ذهب الفلاح الى العرضحجي لكي يكتب له الكليشه , فيما كان الفلاح واقفا منتظر الكاتب ان ينتهي من كتابة العريضه , وبعد انتهاء العرضحجي قال له الفلاح اقرأ لي ما كتبت .
فقرأ العرضحجي
الى سيادة الزعيم عبد الكريم قاسم المحترم
تحيه طيبه
اني احد الفلاحين الذين اخذت ارضهم بالقوه وتم عمل طريق يتوسط الارض التي ازرعها واحصل على قوت عيالي وهذا الطريق سوف يجعل الدخول الى ارضي في منتهى السهوله للصوص وقطاع الطرق وسوف يسهل سرقة محاصيلي الزراعيه التي طالما شقيت بزراعتها انا واولادي . فبأمكان اي لص ان يأتي بسياره ليلأ ويحمل ما قد جنيته من خضروات ويذهب عناء الاشهر والايام سدى او قد يسبب هذا الطريق بدهس الحيوانات التي اربيها او قد يدهس احد اولادي واعيش ثكلأ طوال عمري او ارمل . او قد ادهس انا بسياره داخل ارضي او اطعن بخنجر احد السراق ويعيش اولادي من بعدي يتامى لايملكون مأكل ومأوى .
فها أنا منهمك التفكير بمستقبلي ومستقبل اولادي الذي ضاع فالموت ارحم لي من ان اعيش بدون اولادي وارضي او ان نموت جوعأ وانتم ياسيادة الزعيم اهلا للرحمه.
وعندها التفت العرضحجي فلم يجد الفلاح ولكنه سمع صوت نياح وعويل وبكاء الفلاح الذي كان يضرب الارض برأسه ويضع التراب فوق هامته,
فقال له مابك يارجل ؟
فقال الفلاح كل هذا حدث بحالي وانا لا أعلم .
احترامي للجميع وأسف على الاطاله
اخوكم
ابو سمسوم
-
حياك الله اخوية ابو سمسوم والله على الجرح بارك الله بيك
تقبل مروري
اختك ام ديما
-
حبي اليوم بطريق الصدفة حجيت ويا بنيه ماعرفها ولا تعرفني
هي عايشه بامريكا ..... كتلها هسه لو يرجع بيج الزمن لورا راح تروحين لامريكا بعد ماجربتي العيشة بيها ؟
ردتلي اي اكيد احسن شئ سويته بحياتي انو جيت لامريكا
-
والله اخونا " كلش حباب"... كلامك حلو منطقي.
بس المصيبة بالنفوس " والاناء ينضح بما فيه"..
والقصة ابسط مثال على الجماعة الي مثل" اكو واحد فكر نام بالصحراء اجه واحد كله ادنه " ..
بالنسبة الي لو مو حجي لو مو كلام هم ميهمني لان اكو هدف رئيسي بحياتي..
وهو مثل لامير المؤمنين سلام الله عليه يقول :
" الغنى في الغربة وطن والفقر في الوطن غربة ".
والمشكلة مو مادية المشكلة انسانية واخلاقية واجتماعية ونفسية وووو.. خليها سكته.
تحياتي عل الموضوع لان يدك بالعظم..
-
حياك الله اخوية ابو سمسوم والله على الجرح بارك الله بيك
تقبل مروري
اختك ام ديما
هذا من ذوقك اختي ام ديما
بارك الله بيج
-
حبي اليوم بطريق الصدفة حجيت ويا بنيه ماعرفها ولا تعرفني
هي عايشه بامريكا ..... كتلها هسه لو يرجع بيج الزمن لورا راح تروحين لامريكا بعد ماجربتي العيشة بيها ؟
ردتلي اي اكيد احسن شئ سويته بحياتي انو جيت لامريكا
والله عندي اصدقاء بامريكا نص يكولون تعال اللمه حلوه والحلاة احلى ونص يتباجون ويكولون نرجع بس صار سنه من رادوا يرجعون زما رجعوا ولا راح يرجعون
-
والله اخونا " كلش حباب"... كلامك حلو منطقي.
بس المصيبة بالنفوس " والاناء ينضح بما فيه"..
والقصة ابسط مثال على الجماعة الي مثل" اكو واحد فكر نام بالصحراء اجه واحد كله ادنه " ..
بالنسبة الي لو مو حجي لو مو كلام هم ميهمني لان اكو هدف رئيسي بحياتي..
وهو مثل لامير المؤمنين سلام الله عليه يقول :
" الغنى في الغربة وطن والفقر في الوطن غربة ".
والمشكلة مو مادية المشكلة انسانية واخلاقية واجتماعية ونفسية وووو.. خليها سكته.
تحياتي عل الموضوع لان يدك بالعظم..
والله كلامك صح يغارون مثل الاطفال او ميريدون الخير مثل صاحبنه ابو الصحراء
ومن الظريف كان ولد
دي او دي احيانأ قولله انت ساكن بأي ولايه ميجاوب يقول بعيده هيج ليجوه ;D
همزين ذكرتني بيه راح اكتب عليه موضوع
مشكور ياطيب
-
ابو سمسوم شنو اخبار صاحبك المنغولي فدوة متشوفلنياه يدعينة بلكي الله يسمع منه...كل للمنغولي خل يدعيلنية ومعليك بالمنغوليين اللي بامريكا الي يفكرون يرجعون للعراق :-\ :-\ :-\
مع احترامي للكل اخواني وخواتي بامريكا وتقبل مروري
-
مشاركة تخبل من اخي ورفيق دربي المخضرم
-
ابو سمسوم شنو اخبار صاحبك المنغولي فدوة متشوفلنياه يدعينة بلكي الله يسمع منه...كل للمنغولي خل يدعيلنية ومعليك بالمنغوليين اللي بامريكا الي يفكرون يرجعون للعراق :-\ :-\ :-\
مع احترامي للكل اخواني وخواتي بامريكا وتقبل مروري
هو وينه المنغولي غير كلبتهه لساحة الطيران عليه يمكن سافر وعافني ;D
-
ابو سمسوم شنو اخبار صاحبك المنغولي فدوة متشوفلنياه يدعينة بلكي الله يسمع منه...كل للمنغولي خل يدعيلنية ومعليك بالمنغوليين اللي بامريكا الي يفكرون يرجعون للعراق :-\ :-\ :-\
مع احترامي للكل اخواني وخواتي بامريكا وتقبل مروري
ههههههههههههههههههههههههههههههههههههه
اذا يريد ننتخبه يمثلنا هاحسن من هواي نواب
-
انشاللة يارب الكل وجميع العراقيين اللي اللة كاتبلهم السفر يجون لان البلد مو مال ابو احد ولازم الكل تكون خايضة التجربة على الاقل تشمون الهوا النظيف والمناظر الحلوة والحياة حتى لو صعبة بس الانسان هوة ومقدرتة محد يجيب الشي بلسهل والعافية درجات ربي يوفقكم ومايظل احد يارب اتمنى للجميع يارب السفر والراحة مثل ما اللة انعمنة واجينة لازم ندعي للكل وهاي من اللة سبحانه وتعالى واللي كاتبة ربك يصير الك وميصير لغيرك ونعمة بالله امين
شكرا لصاحب الموضوع وربي يوفقك ويوفق الجميع يارب
-
ابو سمسوم شنو اخبار صاحبك المنغولي فدوة متشوفلنياه يدعينة بلكي الله يسمع منه...كل للمنغولي خل يدعيلنية ومعليك بالمنغوليين اللي بامريكا الي يفكرون يرجعون للعراق :-\ :-\ :-\
مع احترامي للكل اخواني وخواتي بامريكا وتقبل مروري
هههههههههههههههههههههه سالفة المنغولي اشكد ريحت اقلوب الاعضاء بوقتها...
صدك المنغوليين الي بامريكا يفكرون يرجعون للعراق.
.....................................................
ومن الظريف كان ولد
دي او دي احيانأ قولله انت ساكن بأي ولايه ميجاوب يقول بعيده هيج ليجوه ممتعض
همزين ذكرتني بيه راح اكتب عليه موضوع
اخويه : ترة ماكو بشر على وجه الكرة الارضية يبجون بوجه الله مثل الكات 2 والكات 3 ..
لا هاي كلها ورواتبهم شدة ونص وشدة 30 ..
وجلوفه ينامون بالديفاك وعايشين ع free px. ولد الخايبة .
محد دمر ال لوكل غيرهم .
-
السلام عيكم
على حجاية الاخ غوستافو اول شخص اخذت راية اروح لامريكا لو لا جان عراقي كات 2 اشو اني سالته سوالياهه ظلمة وبالفعل تركت الشغله بعدين زادت اطلاعاتي الي اثبتت انه كان جذاب جدااااااب جذاب نوري المالكي جذاب.
تحياتي الكم
-
اخي العزيز
امريكا سودة مصخمة ومبيها حظ هذا كلام مليون بالمية صحيح .... بس السؤال الادق عندك بديل غير العراق ..؟؟؟؟ الجواب امريكا فقط للاسف
هذا هو مخلص الكلام اني منتظر مثلك المحلفين ولهسه ماكو شي وعيني بعين الله لان ماباليد حيبلة وصدكني مو حبا بعلي ولكن كرها بمعاوية لان لا يوجد بديل اخر مضمون السفر اليه غير امريكا ...هسه اليوان او الاي او ام لو تفتح الباب على مصرعيه لاوربا او كندا تلكي العراقيين كلها والمنتدى هذا اولهم والي علقو هسه اول الناس الي تترك امريكا وتطفر لهاي الدول ....حبيبي ذولة عراقيين يعني كلش استفاد هههههههههه
فاصبر وعينك بعين الله شسوي لان ما باليد حيلة
-
السلام عيكم
على حجاية الاخ غوستافو اول شخص اخذت راية اروح لامريكا لو لا جان عراقي كات 2 اشو اني سالته سوالياهه ظلمة وبالفعل تركت الشغله بعدين زادت اطلاعاتي الي اثبتت انه كان جذاب جدااااااب جذاب نوري المالكي جذاب.
تحياتي الكم
هههههههههههههههههههههه انقلبت عل المالكي . شددددددد اخويه .
-
شد ابو النظيف اخوية هاي شنو
-
مشاركة تخبل من اخي ورفيق دربي المخضرم
على راسي اختي ام مهند
-
انشاللة يارب الكل وجميع العراقيين اللي اللة كاتبلهم السفر يجون لان البلد مو مال ابو احد ولازم الكل تكون خايضة التجربة على الاقل تشمون الهوا النظيف والمناظر الحلوة والحياة حتى لو صعبة بس الانسان هوة ومقدرتة محد يجيب الشي بلسهل والعافية درجات ربي يوفقكم ومايظل احد يارب اتمنى للجميع يارب السفر والراحة مثل ما اللة انعمنة واجينة لازم ندعي للكل وهاي من اللة سبحانه وتعالى واللي كاتبة ربك يصير الك وميصير لغيرك ونعمة بالله امين
شكرا لصاحب الموضوع وربي يوفقك ويوفق الجميع يارب
الله يبارك بيج يا اختي وينور حياتج