-
السلام عليكم شكرا على الاجوبه في المواضيع السابقه
ممكن اعرف شي على الترانزيت مثلا اذا شخص يطير من العراق الى اوربا والترانزيت
يكون في تركيا سؤالي
التركيز يكون في مطار العراق فقط وفي تركيا مجرد مرور عبور بدون تدقيق او شي بسيط
يركزون عليه في تركيا
يعني اذا عبرت من مطار العراق الشي يكون سهل لو اكو شكالات بمطارات اسطنبول
ولكم الشكر
[/size][/b]
-
اخي العزيز ممكن توضح سوالك حته نكدر نجاوبك ؟؟؟؟؟؟؟
-
اخي العزيز ممكن توضح سوالك حته نكدر نجاوبك ؟؟؟؟؟؟؟
شكرا اخوية على الرد
قصدي اني بالعراق وحجزت طيران الى اوربا
اكيد ماكو من العراق طيران مباشر فقصدي
اطير بجواز شبيه واعبر من المطار العراقي
وترانزيت بتركيا يشددون بالترانزيت يدققون هم
الجواز مرة ثانية لو مرحلة الخطر تتعدى ومجرد عبور عند السلطات التركية
-
صديقي المحترم ...
الموضوع مينتهي عند الجانب العراقي ... الجانب التركي جدا مشدد على العراقيين الي يمرون من مطاراته كترانزيت وبالذات الي راح ينزل في اوريا ... فاكيد راح تسئل عن فيزتك قبل لا يسمح لك بالطيران واحتمال راح تسئل اسئلة اضافية ..
هذا الشي حدث ويا والدتي الصيف الي فات كان عدها فيزة زيارة الى امريكا وطيارتها من اسطنبول وعدها ترانزيت في اسبانيا فقبل مدخلت البوابة حقق وياها امن المطار عن سبب ذهابها الى اسبانيا وليش ما اخذت مباشر الى امريكا واتصلت بيه وحجيت وياهم ووضحتلهم ان الرحلات المباشرة متنزل بتكساس وهذه اريح رحلة فاعتذروا منها وسافرت طبيعي ..
الكلام معناها هناك تشدد كبير في مطار اسطنبول حتى لو كنت ترانزيت فيه راح تسئل عن فيزة البلد الي مسافرله وسبب سفرك اله طبعا اذا فيزتك صحيحة وكلشي تمام ماكو اي مشاكل محد راح يكدر يمنعك من السفر ...
تحياتي
أبو قمر
-
كلام ابو قمر مضبوط
وحسب ما افتهمت انو انته تريد تطلع بجواز غير جوازك فاتصحك اطلع عن طريق البر لان بالمطار تشدد كلش هواية دير بالك
-
شكرا اخوية على الرد ابو قمر وابو ايمن المياحي
-
اخي اني مسافرة مرتين على شنكن و ترانزيت عن طريق اسطنبول و بصراحة متشددين بهل شي، مثلا جان اكو وياية ولد من بنغلادش شايل جواز مضروب و بيها فيزا و جان شايل وياه فد ورقة على الاساس اقامته بالدولة بايطاليا و حسوا عليه و ما خلوه يطلع بس بعد ما اعرف اشصار بيه.
اما بالنسبة لتعليقك ماكو سفر مباشر من العراق الى اوربا فاني اكلك اكو عن طريق اربيل و صارلها فترة اكو اعتقد خطين اربيل و ستوكهولم وحدة منهم بس الثانية ما اعرفها تكدر تتاكد من هالشي من المكاتب السفر و تحجز.
تحياتي
روز
-
شكرا اخوية على الرد
واتمنى لتبخلون علينه بمعلوماتكم ولكم جزيل الشكر
[/size]