-
شباب عرفت اسباب الرفض شنو حسب ما ذاكرين انه بغداد اصبحت مدينة امنه والاستهداف هسة فقط لاعضاء البرلمان السياسيين والامريكان ليش ما القو القبض على الارهابيين الي هددوك زين الشرطة العراقية ليش ما القت القبض على الارهابيين وليش تقرير الشرطة مكتوب بخط اليد واخر شي كاتبين شغلة صدك تقهر انه حكومة بلجيكا ناقشت موضوع منح حق الحماية للعراقيين مع مجموعة من دول الاتحاد الاوربي وكانت النتيجة انه بعد ما يعطوهم لانه العراق بلد مستقر وامن والدول الي تناقشو وياهه حاطيهه بين قوسين الي هي الصدمة صدك الدول هي هولندا والدنمارك والسويد .
:'( :'( :'( :'( :'( :'(
-
لا حول ولا قوة الا بالله
ادري وينها بغداد مدينة آمنة واليوم صبحت بمفخخة بالمنصور والله اعلم اشكد الضحايا الابرياء
وهسه صار اعضاء البرلمان والسياسيين المستهدفين ؟؟؟؟ عجييييييييييب
وكأنه الدول الاوربية ترسل رسالة للسياسيين والبرلمانيين اللي اصلا محصنين من اي استهداف وراح تزيد حصانتهم بالمصفحات اللي اقروها بميزانيتهم الجديدة بينما الشعب ماكل ....؟ وكأنها رسالة لهم بان دول اوروبا تستقبلكم بالاحضان بكل ما لغفتوه ولجوءكم اكيد سياسي !!!!
عجيب هالعالم ..
الله يكون بالعون اخي الغالي وصدك ربك يفتح الف باب بمكان الباب اللي يسده بني آدم ....
[/size]
-
صدك تحجي لو تتشاقه والله عبالي دتتشاقه
يا امنه يا حسنية
قبل اسبوع استشهد صديقي بمفخخة بالمنصور
بس ليش همه البرلمانين يحسون يفكرون عايشين بالخضراء عبالك ملائكة الله في الارض و احنه لاشئ
بس شنكول غير حسبي الله ونعم الوكيل
و الله موجود يمهل ولا يهمل
-
اخواني
لا يصي عدكم اشتباه ....بمفهوم الدول الاوربية والله يستر من اليو ان العراق بلد امن صار ليش؟؟؟ لان المفخخات بعد لا تؤخذ بالحسبااااااااااااااااااااااااااااااااااااااااااااااااااااااااااااااااااااان خلوها ابالكم وكلناها الف مرة اللجؤ في اليو ان وفي اوربا استراليا كندا صار بعد الا تهديد شخصي يعني مثلا...ليش متكدر ترجع الجواب لان اقتل ...منين تقتل ....مليشيات متعددة لان اني متهدد تهديد شخصي واعرض الادله مالتك هيج صارت
بعد ماكو مثل قبل 2003 و 2004 امن ماكو سيارات مفخخة كل العالم صار بيه سيارات مفخخة مو بس انتو هذا حجي الدول هيج يكلولكم قبل جان اكو عارض الحرب الاهلية والطائفية في العراق هسه هذا العارض تقريبا اختفى بس من جوا الجوا لان الكل دتلغف والكل بوك فكلها ساكته
اترس الحلك تستحي العين هذا المثل الدارج بالعراق هسه خل يصيرون فكر من باجر ترجع الحرب الاهلية ويرجع القتل 400 جثة باليوم
صدكوني غير التهديد الشخصي لحد يسافر ولحد يجذب نصيحة مني الكم
مع التحية
-
الله يكون بعونكم بس اخي صاحب الموضوع انت وين بلعراق لو بعمان؟وتقديمك اس اي افي لو اي او ام ؟
انشاء الله الله يكتبلكم دولة احسن والله المستعان وحسبي الله ونعم الوكيل بكل واحد بيدة ينقذ انسان وميسويها ولعنة الله على كل من يرفض كيس عراقي بكل مكان بلعالم
-
لا حول ولا قوة الا بالله العلي العظيم
-
الله يكون بعونك يارب
-
اخواني
لا يصي عدكم اشتباه ....بمفهوم الدول الاوربية والله يستر من اليو ان العراق بلد امن صار ليش؟؟؟ لان المفخخات بعد لا تؤخذ بالحسبااااااااااااااااااااااااااااااااااااااااااااااااااااااااااااااااااااان خلوها ابالكم وكلناها الف مرة اللجؤ في اليو ان وفي اوربا استراليا كندا صار بعد الا تهديد شخصي يعني مثلا...ليش متكدر ترجع الجواب لان اقتل ...منين تقتل ....مليشيات متعددة لان اني متهدد تهديد شخصي واعرض الادله مالتك هيج صارت
بعد ماكو مثل قبل 2003 و 2004 امن ماكو سيارات مفخخة كل العالم صار بيه سيارات مفخخة مو بس انتو هذا حجي الدول هيج يكلولكم قبل جان اكو عارض الحرب الاهلية والطائفية في العراق هسه هذا العارض تقريبا اختفى
صدكوني غير التهديد الشخصي لحد يسافر ولحد يجذب نصيحة مني الكم
مع التحية
-
عزيزي عراقي ولكن مسكين
اكول الله كريم وخيرها ابغيرها...
عزيزي انته سعيت والله يكول عبدي اسعى حتى اعينك,
ونعمة بالله هذي المرة مادبرة لكن لاتحاول ان تفقد
املك خلي عينك ابعين ربك واناء الله راح تتوفق بامور غيرها
بأذن الله ورب العالمين ما يترك عبده الا يوم يجي واتكوم علي حيلك...
مثل ماذكرت الك انه سبب رفضهم مثل ما اتفضلت على انه بغداد امنة...
ويعرفون نفسهم هي مو امنة بس هذا قرارهم....
تكدر ان اتقدم اعتراض عليهاي استأناف وراح اتنظر وبعدين
الله يعلم هلى راح يحكم القاضي بغداد بعدها امنة ولا غير امنة.....
اذا امنة راح يجيك الجواب طياري ويطلبون منك مغادرة البلاد....
اذا بقيت اكيد راح تتعذب واني انصح ماتسوى ان تحرك اعصابك...
حاول ان اتشوفلك حل واذا تسمحلي ان اقدم اقتراح:
اذا عندك الامكانية والسيولة النقدية ان ترجع الى تركيا واتقدم استطان
على اليو ان وادبر حالك في تركيا ولو هناك عدة صعوبات الشغل اللغة وغلاء
المعيشة....
وبهذي الاثناء اذا بقيت حوالي 6 اشهر راح تسقط البصمة مال اوربا...
يعني تكدر اتشوف الى هذاك الوقت لو مابين شي من الاستيطان اليو ان
ان اتشوف بلد اوربي يمنح اللجوء الى العراقيين او الحصول على عقد عمل فيه
او دراسة بيه.....
واني اخر شي انصح ان تربط مصيرك ببنت الحلال عراقية عايشة بالغرب,
لانه من الصبح للمغرب ادك براسك لو مو اني ما جان للكشرة اوربا...
وجائز تطلع بنت الحلال وماتحجي هذا الكلام...
اتمنى الك الموفقية واني بالخدمة لاي استشارة
تحياتي الحارة
جوسي البغدادي المانيا
-
لا اني كنت مقدم اي او ام وتركت الموضوع لانه سنة ونص تقريبا ماكو خبر فصرت ذكي واجيت لبلجيكا لانه صديقي قبلي ب 3 او 4 اجة واخذ اوراق واني على حظي سبحان الله صدر هذا القانون بخصوص العراقيين
-
اخي الله يفرجها عليك و على كل المظلومين و الصابرين امين.
روز
-
لاتيأس من رحمة الله حاول تروح لتركيا وترتب امورك واذا انسدت باب ربك يفتح الف باب تقبل مروري :'(
-
عراقي ولكن ... عيوني ... عزيزي .... اخي .... متكولي منين عرفت ؟؟؟؟؟ يمعود مو من الي نعرفهم عائلتين طلعو بس بهاي السنه ويسولفون مئات ديطلعون والرفض الي ديجي نادر وعلى السوالف الي مو منطقية ومبينه كذب من تكتب وتكول عرفت ارجو ذكر المصدر تره احنه هم نعرف وغيرنه هم يعرف مو بس انت
-
والله احنه خطيه اعصابنا راح تنهار يوميه خبر شكل
-
اختي العزيزة ام مهند كلامج صحيح الى حد شهر الواحد يمكن يوم 15 او 18 صدرو قرار هنا بلجيكا انه اعتبروا العراق بلد امن وليس منطقة نزاعات وحروب وهذا الكلام مو جايبه اني من جيبي لو فلان او علان سولفلي هذا كلام المحامية مالتي ونزلت موضوع بهالخصوص والى الان ما شفت او سمعت انه عراقي ماخذ بشهر الثالث واذكرلج حوادث ولد يشتغل شركات امنية اخذ رفض ولد مترجم كذلك ولد يزيدي هذولة والباقي حبل على الجرار ويجوز العوائل غير شكل ينطوهم ما اعرف الله اعلم .
-
حلوة هاية مال العراق امن ومستقر ??? ??? ???
من اقل مقومات العيش وحقوق الانسان والبيئة ....الخ بالعراق العظيم
وذا مسألة امن طبعا السياسين ناقليها لان صدك بالمنطقة الخضراء امنة ;)
-
حسبنا الله ونعم الوكيل ولله شي يضحك من كل عقلهم اي عراق امن هو وين الامان مو هسا حتا الشباب بداو يلحكوهم اذا لابس سوار واذا شويا مطول شعره هاي حرية شخصية والواحد مدايخلص منهم مادري قاتلين كم شاب ويكولون امان الله ينتقم منهم لاتضوج اخوية الله موجود ينسد باب وينفتحلك غير باب الله كريم
-
اختي العزيزة ام مهند كلامج صحيح الى حد شهر الواحد يمكن يوم 15 او 18 صدرو قرار هنا بلجيكا انه اعتبروا العراق بلد امن وليس منطقة نزاعات وحروب وهذا الكلام مو جايبه اني من جيبي لو فلان او علان سولفلي هذا كلام المحامية مالتي ونزلت موضوع بهالخصوص والى الان ما شفت او سمعت انه عراقي ماخذ بشهر الثالث واذكرلج حوادث ولد يشتغل شركات امنية اخذ رفض ولد مترجم كذلك ولد يزيدي هذولة والباقي حبل على الجرار ويجوز العوائل غير شكل ينطوهم ما اعرف الله اعلم .
عزيزي الاخ عراقي ولكن مسكين
اخي مو مشكلة انته ادرى من غيرك بالرغم انه انته منكوب بس برافو عليك اتريد
تنطي اشارة الى ابناء شعبك اللى يفكرون المجيئ الى بلجيكا.
هذا لطف وحنية منك على هذا العمل والاخ لطمية هم جان امنزل
موضوع بالمنتدى انه انرفض, وانتو ادرى من غيركم....
عزيزي اني استشاري في المانيا لشؤن اللاجئيين وهم اجتينا
انباء على غلق اللجوء للعراقيين فيبلجيكا واني حذرت
بالمنتدى عدة مرات لكن بعض الطيبين انتقدوني وكالو كله
كذب وانه بلجيكا دتمنح اللجوء.....
هذا مع العلم انه كثير من العرقيين الموجودين في بلديكا
على اتصال دائم معايا ويخبروني بلي يحصير وياهم
واني بدوري احاول اقدملهم اللارشادات والنصائح
وانشاء الله تتوفق في اعملك وتفرج عليك والله ينطيج
الصبر والسلوان واتشوف طريق يرحيك....
ممكن تتصل بيا اي وقت على الخاص بلكي
اكدر انطيك بعض الملاحظات
وتقبل تحياتي
جوسي البغدادي استشاري اللاجئيين والمهاجرين المانيا
-
اخوية العزيز Edy Simon سولفولي قصة قبل من استلمت النكاتيف مالتي عن ولد مترجم ماخذ نكاتيف ومستانف هم جاية نكاتيف صاير ذكي داز بوست للملك يشرح وضعه والعينتين الملك طلع لا يحل ولا يربط هو هم داز بوست باسمه انه يعيدون النظر بقضيته وهاي هي يعني لو مستانف احسله على الاقل يكسب وقت
-
عزيزي عراقي ولكن مسكين
ليش هما ملوك اوربا بيدهم شي, هما لايحلون ولايكدرون
يربطون والغلب عيشتهم هي منالتبرعات واجور دخول
السياح لقصورهم واغلب خدامهم يشتغلون بدون اجور
اي خدمة طوعية لاجل الله...
عاد هذا اللي دز رسالة للملك خلي ينتظر
الى ان الملك يصير عنده وكت يقراها
واذا جاوبه راح يكله اكيد الله يكون بوعنك
واتشرفنا بمعرفتك....
الله يكون بعونك ولا تهتم اكيد لكل مشكلة الها حل
تحياتي
جوسي البغدادي المانيا
-
شلونكم اخوتي اخواتي
العراق بلد آمن ومستقر ,, هاي الكلمة داسمعها من اكثر من عراقي
من ابحوش شويه الكي ( حزبي - موظف خشن - قاط وبله رباط* - كلوك بصفحته - وسيارته 3 شدات )
سؤالي الكم هل برأيكم ينقاس استقرار البلد على هكذا نماذج؟
لو ينقاس الاستقرار من مواطن بسيط (عاشق الكيا) وحلمه خمس امبيرات مولد؟
هاذ يسمو لعب ,, وسؤالي لرب العالمين (سبحانه) شوكت تشاء تخلصنه من هل محنه؟ بس لو اعرف شوكتــ................. آمين
تقبلو مروري
قرمط
-
حسبي اللة ونعمة الوكيل مانعرف شنكول ؟---اللة يكون بعون الجميع يارب