ankawa

منتدى الهجرة واللجوء => الهجرة و واللاجئين => الموضوع حرر بواسطة: الفرج2 في 12:30 13/03/2012

العنوان: ألمطار والمؤتمر
أرسل بواسطة: الفرج2 في 12:30 13/03/2012

     هذا سؤال يجول في خاطر من أعطي موعد سفر خلال انعقاد المؤتمر . لا اعرف الفتره بالتحديد ولكني سمعت  من 20 هذا الشهر الى 29 منه .حتما وللاجراءات الامنيه يغلق المطار وتتعرقل طرق الوصول اليه من قبل المسافرين المواطنين ومودعينهم , وقد اعطيت مواعيد في هذه الفتره فيا ترى ألا تعلم دائرة الهجره بذلك ؟؟؟؟ وهل سيعتبر عدم استطاعة وصول اللاجيء الموعود بالسفر , الى المطار , هل سيعتبر تخلف عن الطائره ويحرم لا سامح الله من تأجيل سفره الى موعد  أخر . صحيح ان الجهات الرسميه في مطار الاردن ومطار بغداد لديهم المعلومات والتنسيق وبرمجة ذلك بالشكل السليم , لكن ابو نقطة التفتيش بس يسمع حظر التجول أو يشتم ريحة وفود او احتياطات او احتراسات او غلق , يكوم  يمنع بكيفه وما يخلي اي واحد يتكرب من المطار لو مو عنده بس فيزه او اوراق هجره , انما حتى لو عنده تصريح من بوش الاب والابن هههههها  ماكو فيزه  ؟؟ بيش كيلو  فيزه وبيش كيلو مهاجر ؟؟؟ هاي كلها ما تصرف ,,, لان  ممنوع , ممنوع لو  اطك راسك بالحايط .....  اتي حريص على السلامه وتطبيق الاوامر الحكوميه واني دا  أأدي واجبي ,,,,  شنو فيزه  شنو  لاجيء  ؟؟؟؟؟؟؟؟؟؟

    الله يفرجها على الجميع ,  دعاء من القلب من :


    الفرج2 ....................  للجميع يعونه تعالى .

العنوان: رد: ألمطار والمؤتمر
أرسل بواسطة: احساس عاشق في 13:06 13/03/2012

اخوي الغالي

هسه على قناة السومريه الساعه 3:2 ظهراً

والله واني دااقرى بموضوعك طلع الخبر انو يوم 29 اذار تنغلق جميع الاجواء العراقيه لطيران شوف شلون عندك حظ  :D اللهم لاحسد

اذا بيوم 20 ينغلق حسب كلامك لعد روساء الدول يجون بسمند  :D 

هو يوم 29 يغلقون الاجواء بس اخاف طيارة تفر ويله على مؤتمر القمه  :D

ان شاء الله يوم السفر وبدون معرقات

دعواتك النا

العنوان: رد: ألمطار والمؤتمر
أرسل بواسطة: مــودي في 13:38 13/03/2012

والله اخوان اني سمعت تنغلق الاجواء قبل يوم 29 ولحد ميرحون الزعماء..الزعماء اللي راحح يجيبون التايهة

العنوان: رد: ألمطار والمؤتمر
أرسل بواسطة: SIV NASSA في 13:58 13/03/2012

اخوية الفرج ‏  والله كل بالي انت سافرت هاي شنو بعدك لحد الان عالعموم انشالله طيارتك مو نفس يوم انعقاد المؤتمر والتساهيل من ربك ‏
اختك ام ديما

العنوان: رد: ألمطار والمؤتمر
أرسل بواسطة: Black Angel في 17:05 13/03/2012

السلام عليكم ورحمة الله

اخوان حسب الاخبار انه المطار يغلق من يوم 26 مارس لحد بداية الشهر

والله اعلم

العنوان: رد: ألمطار والمؤتمر
أرسل بواسطة: alzandawi في 17:15 13/03/2012

اخوية  هي القمه يمكن يوم 27 ممعقولة يسدون المطار من 20 والي افتهمنا  انه الزعماء حيجون بس 3 ساعات يعني قابل يسدون المطار  قبل 7ايام على 3 ساعات ماتوقع ينسد واذا ينسد لفترة قليلة والله اعلم بلكت يجي ابو ايمن واكيد عنده الخبر اليقين  والله يفرجهة عليك وعلى  كل المنتظرين

العنوان: رد: ألمطار والمؤتمر
أرسل بواسطة: malak.ali في 22:27 13/03/2012

يعني شراح نحصل من هاي القمه غير بس الاذيه

العنوان: رد: ألمطار والمؤتمر
أرسل بواسطة: Aiham_ في 22:45 13/03/2012

مقتبس من: malak.ali في 22:27 13/03/2012

يعني شراح نحصل من هاي القمه غير بس الاذيه

راح نحصل يوم عطلة ,,, يعني نوم للساعة 4 الظهر 

العنوان: رد: ألمطار والمؤتمر
أرسل بواسطة: محارب في 23:54 13/03/2012

هسه هو شلون مؤتمر وشلون زعماء هي اصلا قمه ومابيهه القذافي ماتنحسب قمه ;D

العنوان: رد: ألمطار والمؤتمر
أرسل بواسطة: طبن في 07:22 14/03/2012

ياجماعه
بس فلوس الجايات والنسكافيييي ، مال التحف الي راح يجتمعون ;D ;D، صدكوني يمكن تكون كافيه لاعادة الكهرباء او رواتب للعاطلين لعشر سنوات ، وفوك هذا كله يسدون المطار ....... ومغثتهم محد يخلص منها .. وياريت مسوين شي ومراح يسون .. لاحول ولا قوة الا بالله العلي العظيم .
سالمين

العنوان: رد: ألمطار والمؤتمر
أرسل بواسطة: شنايزر في 07:40 14/03/2012

والله اخي محلوله

بلغ المنظمه واكيد تلاكي عدها الحل اما تاجيل واما تقديم الموعد

لايظل بالك انشاء الله تسافر على عناد المؤتمر

العنوان: رد: ألمطار والمؤتمر
أرسل بواسطة: HeliosGreek في 09:16 14/03/2012

زين سؤال قمة عربية وخبصونا .... والجماعة شالو من الدستور عبارة ( العراق جزء من الامة العربية )
شكو جايين ... وهيجي جماعتنا يحبون العرب ؟؟؟؟
وحتى بهاي اذية لطالبي اللجوء امثالنا
يبووووووووووووووووووووووو على العراق

العنوان: رد: ألمطار والمؤتمر
أرسل بواسطة: alzandawi في 18:26 16/03/2012

ياجماعة اشو يكولون محينسد المطار   سمعت من جماعة اصدقاء

العنوان: رد: ألمطار والمؤتمر
أرسل بواسطة: ابو ايمن المياحي في 22:30 16/03/2012

للرفع والمتابعة

العنوان: رد: ألمطار والمؤتمر
أرسل بواسطة: Edy Simon في 23:34 16/03/2012

الاحجاية وين بانه اكو نقطة مهمة...
وهي انه النشيد الوطني العراقي دخلو بيه
كلمات كردية, اشلون راح يدبروها
الزعماء العرب.....
يوكفون ويجرون صفنة..
ولا يجيبولهم مترجم كردي
عاش العراق الفدرالي
تحياتي

العنوان: رد: ألمطار والمؤتمر
أرسل بواسطة: مــودي في 10:55 17/03/2012

مقتبس من: Edy Simon في 23:34 16/03/2012

الاحجاية وين بانه اكو نقطة مهمة...
وهي انه النشيد الوطني العراقي دخلو بيه
كلمات كردية, اشلون راح يدبروها
الزعماء العرب.....
يوكفون ويجرون صفنة..
ولا يجيبولهم مترجم كردي
عاش العراق الفدرالي
تحياتي

هههههه وعاش ابو دينا

العنوان: رد: ألمطار والمؤتمر
أرسل بواسطة: abo shams في 11:02 17/03/2012

اخي العزيز هو اصلا سلاح الجو الامريكي هو اللي رح يأمن الاجواء بهذا اليوم و تقريبا هو يوم 29 فقط اللي رح يكون الطيران مقيد .. و اكيد هذا الموضوع تعرف بي كل شركات الطيران  العالميه لان تحسب حساب التزاماته بالنسبة لسير الخطوط الدوليه ... الله يبارك فيك لا تقلق وان شاء الله ما تشوف القادة العرب وبالتالي ما تشوف شر بعون الله

العنوان: رد: ألمطار والمؤتمر
أرسل بواسطة: برنسيسة في 12:30 17/03/2012

شلون قمه تخبل راح ينزل عليها الثلج  ;D ;D ;D ;D
الله يسهلها على الناس
وانشالله تفرج عليك اخوية الفرج وتسافر بيوم مابي لاهوسه رؤساء ولاهم يحزنون

العنوان: رد: ألمطار والمؤتمر
أرسل بواسطة: احلى مهندسة في 09:13 18/03/2012

اخوان اكيد ابو ايمن الة الراي الاول والاخير....
بس الاجواء تنسد يوم 29 فقط يوم وصول الوفود يعني اي ممنوع تستعمل اجواءانا اي طائرات اخرى ولازم تغير سير الرحلة بدون متمر بالاجواء العراقية والسفر من والى المطار راح يتوقف من يوم 26 لحد يوم 31.... بالنسبة للاخوان اللي عدهم سفر اول شي يسوو يخابرون المنظمة و يسالوهم بالموضوع وهمة راح يفهموهم شيسوون