ankawa
منتدى الهجرة واللجوء => الهجرة و واللاجئين => الموضوع حرر بواسطة: Attum Rose في 07:10 16/03/2012
-
صباح/مساء الخير
اخواني و خواتي، اكو عائلة رحتقدم جديد على اس اي في، العائلة متكونة من زوج و زوجة وولد اثنين اعمارهم 4 و 7 سنوات، مقدم الطلب هو الزوج.
الزوج عنده مشكلة، هو والده ما مسجل بال57 يعني الولد ما يكدر يطلع صورة قيد و الاب يكول صار خطأ بالتعداد بذاك الوكت و هو ما انشمل بيها بالرغم اخوته كلهم مذكورين يعني اعمام و عمات الولد مشمولين.
فالسؤال شنو الحل بهل حالة؟؟
الف شكر مقدما على مشاركاتكم و ردودكم.
روز
-
عزيزتي ... تعداد 57 ماله علاقة بالشغلة .. هو مجرد اسمه صورة قيد 57 .. بالمختصر يروح لدائرة الجنسية والأحوال المسجل بيها هو والعائلة ويطلب من عندهم صورة قيد فقط ... وهم راح يطلعون بياناته من السجلات الموجودة عدهم تثبت انه عراقي الجنسية ..... وكان الله يحب المحسنين
-
عيني اسمها صورة قيد لغرض الترجمة , يروح لدائرة الجنسية يسحب استمارة و بعدين يروح لدائرة الجنسية العامة يكملها و يصدقها
-
اسمها صورة قيد مترجمة اجراءاتها كالاتي :
1. يروح لدائرة النفوس مالته يقدم طلب صورة قيد لاغراض الترجمة .
2. يأخذها الى دائرة سجلات النفوس الي بشارع الرشيد وهمه يكملونها خلال ساعة او اكثر شوية يعني يترجموها وينطوها اله .
3. بعدها ياخذها الى دائرة التصديق التابعة لوزارة الداخلية الموجوده في زيونه .
4. بعد التصديق من دائرة التصديق في وزارة الداخلية ياخذها الى وزارة الخارجية لغرض التصديق ايضا .
5. بعد تصديقها من وزارة الخارجية تعتبر وثيقة رسمية معترف بها تثبت ان الشخص عراقي وبالترجمة والتصديق .
6. اي سؤال اخر اني حاضر وبالخدمة .
تحياتي حديقة وكراج ومفتقدين للنكات تره
-
مثل ماكلو الاخوة مجرد استخراج الوثيقة وعسا ما اي سنة ..وترجمتها بصورة اصولية من الدائرتين..والله يسهل عليهم ..وللجميع
-
ماكو داعي يوديها للخارجية
-
الاخوان أيهم، مودي و ماماد الف شكر على ردودكم وو صلت الامانة لصاحب القضية.
يارب يوم اللي تفرحون و تفرحونا وياكم بخبر سفركم .
-
اسمها صورة قيد مترجمة اجراءاتها كالاتي :
1. يروح لدائرة النفوس مالته يقدم طلب صورة قيد لاغراض الترجمة .
2. يأخذها الى دائرة سجلات النفوس الي بشارع الرشيد وهمه يكملونها خلال ساعة او اكثر شوية يعني يترجموها وينطوها اله .
3. بعدها ياخذها الى دائرة التصديق التابعة لوزارة الداخلية الموجوده في زيونه .
4. بعد التصديق من دائرة التصديق في وزارة الداخلية ياخذها الى وزارة الخارجية لغرض التصديق ايضا .
5. بعد تصديقها من وزارة الخارجية تعتبر وثيقة رسمية معترف بها تثبت ان الشخص عراقي وبالترجمة والتصديق .
6. اي سؤال اخر اني حاضر وبالخدمة .
تحياتي حديقة وكراج ومفتقدين للنكات تره
اخوية حديقة و كراج العزيز
الف شكر على ردودك و مساهمتكم و على مبادرتك الطيبة.
طبعا كلش مشتاقة لصفحة النكت و حقك عل المساءلة بس هاي صارلي شكم يوم حاطة ابالي تنفيذ خطة بلان بي قريبا ان شاء الله و لهذا صايرة اتريك و اتغدى و اتعشى بلان بي ههههههههههههه لا بس هاي مو عذر، هسة ارجعلكم قابل اعوفكم بس شوية تشجيع من الجماهير :)
تحياتي
روز