ankawa
منتدى الهجرة واللجوء => الهجرة و واللاجئين => الموضوع حرر بواسطة: المسافرة في 20:05 17/03/2012
-
السلام عليكم اخوتي واخواتي
قبل كم يوم اتصل موظف من المفوضية وسألنا هل ما زلنا في تركيا وهل نقيم في نفس المحافظة وقال سنتصل بكم خلال هذه اليومين
ولم يذكر اي شئ اخر ابدا وبعد ان سألنا الموظف عن وصول ملفنا من الاردن ذكر انه لايملك اي معلومة بهذا الخصوص
سؤالي ما معنى هذا الاتصال الغريب ؟؟؟؟
اليس من المفروض ان يتصلو لتحديد موعد بعد هذه الفترة الطويلة جدا التي مرت على انتظارنا للملف ؟؟
رجاءا اي شخص يملك معلومة او حدث معه نفس الشئ ان يذكر ما هي الخطوة القادمة يعني هل سيتصلون مرة اخرى لتحديد موعد مقابلة قريبا ان شاء الله او ماذا ؟؟؟
تحياتي
-
الله كريم
-
يا الله مسافرة يا الله هزين ذكروكم انشالله يفرحوكم بخبر زين عن قريب ياربي والله خطوه زينة حتى لو تلفون معناها مناسيكم - ننتظر منج بشاره قريبه
-
اختي المسافرة الاتصال كلش زين ان شاء الله اكو حركة بالكيس مالتك
(موزين حافظين الرقم ليهسة)..تحياتي
-
ونعم بالله لانملك غيرالصبر والدعاء
اشكرك اخي ابو ايمن على مرورك
بالتوفيق
-
عزيزتي كلي امل اتمنى افرحك بخبر سعيد ان شاء الله قريبا
تحياتي
-
اخي مودي ان شاء الله مثلما توقعت انت ويوجد حركة في الملف واتمنى ان تكون حركة سريعة وليست كحركة السلحفاة .....
ومثلما تفضلت اخي الحمد لله انهم مازالو حافظين الرقم
بالتوفيق
-
ان شاء الله خير اختي تفأئلوا بالخير تجدوه
تحياتي
-
ان شاء الله خير
اشكرك اخي عادل على تواجدك ومشاركتك
بالتوفيق
-
المنتدى فجأة لم يبقى فيه ولا عضو من تركيا الا انا سبحان الله إإإإإإإ
-
up الاخوان والاخوات بتركيا وينكم ؟؟؟؟؟؟؟؟
-
up الاخوان والاخوات بتركيا وينكم ؟؟؟؟؟؟؟؟
اشكرك اخي ماركوس على المساعدة في رفع الموضوع والظاهر والله اعلم ان الاخوان والاخوات الذي في تركيا جميعهم سافروا ولم يبقى سواي
تحياتي
-
عزيزتي الاخت المسافرة الوردة الصابرة .......... اختي هسه انشاالله يجون الاخوان والاخوات اللي بتركيا ويجيلج الجواب المناسب بس مو معقولة العراقيين بتركيا كلها سافرت بهل السرعة هههههههههههه الصراحة خوش مفوضية بتركيا سوتها سفر جماعي للعراقيين تمام يلااا خلي نسافر على تركيا بلكت نسافر عالسريع ههههههه اتشاقى وياج خيتو بس حبيت اغير الجو ..........
يلا يمعودين جماعة تركيا دتعالوا بس لاصدوك سويتوها وفلتوا فلتة جماعية
-
عزيزتي الاخت المسافرة الوردة الصابرة .......... اختي هسه انشاالله يجون الاخوان والاخوات اللي بتركيا ويجيلج الجواب المناسب بس مو معقولة العراقيين بتركيا كلها سافرت بهل السرعة هههههههههههه الصراحة خوش مفوضية بتركيا سوتها سفر جماعي للعراقيين تمام يلااا خلي نسافر على تركيا بلكت نسافر عالسريع ههههههه اتشاقى وياج خيتو بس حبيت اغير الجو ..........
يلا يمعودين جماعة تركيا دتعالوا بس لاصدوك سويتوها وفلتوا فلتة جماعية
اخي ماركوس صدقني اضحكتني من قلبي
اشكرك كثيرا على خفة دمك ولطفك وكلامك الرائع
وفعلا اخي غيرت جو وقللت من حدة التوتر الذي اعانيه
والظاهر مفوضية تركيا سفرت كل العراقيين وبسرعة لكي ابقى في حيرتي ولا اجد من يساعدني
اكرر شكري لك
-
الشكر لكي عزيزتي ويارب دائما الابتسامة حاضرة معاكي
اخيتي وداعتج انشاالله ماكو كل حيرة بس شنسوي هي الشغلة
ينرادلها صبر وانشاالله السفر بالقريب
العاجل
تحياتي وفائق احترامي
-
الشكر لكي عزيزتي ويارب دائما الابتسامة حاضرة معاكي
اخيتي وداعتج انشاالله ماكو كل حيرة بس شنسوي هي الشغلة
ينرادلها صبر وانشاالله السفر بالقريب
العاجل
تحياتي وفائق احترامي
اخي ماركوس لانملك غير الدعاء والصبر
وان شاء الله تفرج علينا جميعا قريبا
تحياتي
-
الله يفرجها عليكم وعلينه
عيوني هذا الشي كلش طبيعي وصار ويه اغلبنه انه يتأكدون انه بعدكم لو أيستو ورجعتو لان اكو من سواها ومابقى ورجع لهذا يتأكدون وهالموظف صحيح ماعنده اي علم بخصوص الملف مالتكم مجرد صاحب مواعيد هو , وان شاء الله راح يخابروكم عن قريب وربي يسهلها عالكل .
تحياتـــي
-
Up
الله يفرج همكم انشالله مايصيرلكم كل الخير ... اتفائلي اختي هي الشغلة تحب صبر و احنه كظينه عمرنه بالصبر بقت على هاي لهذا انشالله خير و يخابروكم على مقابلة... تحياتي, و انشالله هسه ييجون اهل تركيا ميقصروووون وياج
-
واحب اضيف جواب لسؤالج ...
ماذا يعني الاتصال عدا من تأكدهم من وجودنا في تركيا هل هو لتحديد مقابلة قريبة ؟؟؟او اعطاءنا الفسفورة هذا بالضبط ما ارغب ان افهمه ؟؟؟
لا عيوني مو معناه هيج ومالها علاقه بالموعد او الفسفوره لان هو لو يريد ينطي موعد ينطي راسا ويكولج تعالو بفلان تاريخ لكن معناه مثل ماتفضلو الاخوه قبلي انه الكيس مالتج بدو يشتغلون بي و وصل السره اله وبالفتره القريبه ان شاء الله يتصلون لموعد مقابله وان شاء الله ياربي تروحون وتستلمون الفسفوره وتخلصون وترتاحون من هذه المرحلة .
{وحسب ماتذكر انه انتي تحويل ملف من الاردن وهذه سبب التأخير وياكم لكن ان شاء الله هانت}
تقبلي مروري
-
السلام عليكم اخوتي واخواتي
قبل كم يوم اتصل موظف من المفوضية وسألنا هل ما زلنا في تركيا وهل نقيم في نفس المحافظة وقال سنتصل بكم خلال هذه اليومين
ولم يذكر اي شئ اخر ابدا وبعد ان سألنا الموظف عن وصول ملفنا من الاردن ذكر انه لايملك اي معلومة بهذا الخصوص
سؤالي ما معنى هذا الاتصال الغريب ؟؟؟؟
اليس من المفروض ان يتصلو لتحديد موعد بعد هذه الفترة الطويلة جدا التي مرت على انتظارنا للملف ؟؟
رجاءا اي شخص يملك معلومة او حدث معه نفس الشئ ان يذكر ما هي الخطوة القادمة يعني هل سيتصلون مرة اخرى لتحديد موعد مقابلة قريبا ان شاء الله او ماذا ؟؟؟
تحياتي
السلام عليكم اختي المسافرة
اولا بالنسبة للاتصال ابشري ان شاءالله الايام الجاية بيها خير لكم اتصال اليو ان بكم لكي يتاكدوا من وجودكم لان هناك اعدا كبيرة رجعت لبغداد بسبب المواعيد البعيدة اللي ينطوها للاجئين باليوان فقط من محافظتي 70 لاجيء سحب جوازه ورجع للعراق وهذا الشي طبعا ياثر على الكل لانه لوما مهدد تهديد جدي كان مارجع وظل ينتظر وصبر...
ثانيا الظاهر والله اعلم انه ملفكم وصل من الاردن ويردون يحددون موعد لكم لتاخذوا ورقة القبول كلاجيء اللي هي الفسفورة او ستجدين القبول على موقع اليو ان بالتحديث القادم راقبي الموقع وانتظري اتصال اخر منهم ان شاءالله في الايام القادمة ....
اما بالنسسبة لجماعة تركيا اللي مديدخلون كثير عالموقع...اعذروهم وذلك لان الجميع نفسيتهم تعبانة بسبب الانتظار الممل وماكو سبب مقنع للانتظار .......الاسباب فقط يعلمها الله ثم اليو ان ...حيث هناك كثير حالات اللي ينتظر سفر صارله سنة ومخلص كلشي او صارله سنة مخلص فحوصات وخابروهم على اعادة مقابله المحلفين وهكذا وانا وحدة من الناس اللي تعبت من الانتظار بدون اسباب ولانقول غير الحمدلله على كل حال ومالنا غير الصبر والدعاء...
والحمدلله اني اليوم فتحت المنتدى وشفت هذا الخبر الحلو الف مبروك اختي المسافرة وان شاءاله خير يارب عالجميع ولكل منتظري السفر...
-
up
-
الله يفرجها عليكم وعلينه
عيوني هذا الشي كلش طبيعي وصار ويه اغلبنه انه يتأكدون انه بعدكم لو أيستو ورجعتو لان اكو من سواها ومابقى ورجع لهذا يتأكدون وهالموظف صحيح ماعنده اي علم بخصوص الملف مالتكم مجرد صاحب مواعيد هو , وان شاء الله راح يخابروكم عن قريب وربي يسهلها عالكل .
تحياتـــي
اشكرك اخي كثيرا على اهتمامك وردك
نعم اخي انا نقل ملف من الاردن
والله يفرجها علينا جميعا قريبا ان شاء الله
بالتوفيق
-
خوش بوادر حبي المسافره تفائلي الله كريم مبقى شي
اني من يمي تفائلت بردود الاعضاء
-
Up
الله يفرج همكم انشالله مايصيرلكم كل الخير ... اتفائلي اختي هي الشغلة تحب صبر و احنه كظينه عمرنه بالصبر بقت على هاي لهذا انشالله خير و يخابروكم على مقابلة... تحياتي, و انشالله هسه ييجون اهل تركيا ميقصروووون وياج
اشكرك اخي على دعائك وكلامك الرائع واكيد نحن لانملك غير الدعاء والصبر
بالتوفيق
-
عزيزتي لابيلاشوشو اشكرك كثيرا على اهتمامك وردك ومشاركتك في الموضوع وتوضيحك وجوابك طمني واشكرك ايضا لانك وضحت سبب عدم توجد الاعضاء الذي في تركيا وهذا من لطفك
واكرر شكري لكي
الله كريم ان شاء الله تفرحينا بخبر سفرك قريبا
تحياتي
-
خوش بوادر حبي المسافره تفائلي الله كريم مبقى شي
اني من يمي تفائلت بردود الاعضاء
حبيبتي سأخذ بنصيحتك واتفائل
وان شاء الله الايام القادمة تحمل معها اخبار مفرحة لي ولكي وللجميع
تحياتي
-
ان شأء الله خير الاتصال شي ايجابي
ونفس الحالة يمنا اتصلو بعدد عوائل كان عدهم ملفات بسوريا وكللوهم انه ينتظرو اتصال منهم ويخلو التلفون مفتوح
ان شأء خير يصيب الكل واني وياكم :)
-
اختي العزيزة مثل ماكالوا الاخوة لان صارت هوسة وكلمن عندة جم فلس اجة لتركيا وكلك بشهرين اسافر طبعا ابن خالتي هم خابروا نفس حالتج وعندة ملف بسوريا وبعد دينتظر ان شاء الله خير
-
اخوتي اندرسون و xzeus84 على اهتمامكم وردكم الذي بصراحة اعطاني بادرة امل وتفاؤل
جزاكم الله خيرا وان شاء الله تفرج علينا جميعا قريبا
تحياتي
-
ها اخيتي المسافرة انشاالله اجتلج الاجوبة المناسبة وانشاالله قدامج كل الخير ......
-
ها اخيتي المسافرة انشاالله اجتلج الاجوبة المناسبة وانشاالله قدامج كل الخير ......
نعم اخي ماركوس الحمدلله وصلت الاجوبة مشكورين الاخوة والاخوات على مساعدتهم لكن لااخفيك سرا لا اشعر بالاطمئنان والراحة الا بعد ان يحدد موعد مقابلة واحصل على الفسفورة ان شاء الله
اشكرك كثيرا على مساعدتك واسفة اتعبتك وازعجتك منذ امس وانت تساعدني في حل مشكلتي مع الاتصال
تحياتي
-
الاخت المسافرة السلام عليكم انا في محافظتي اتصلوا على اصدقاء اثنين جاءوا من سوريا الاسبوع الماضي ونفس الكلام اللي اخبروك به يعني ان شاء الله خير ويارب يفرحك وتخلصين من الانتظار الصعب تمنياتي لك بالتوفيق
-
الاخت المسافرة السلام عليكم انا في محافظتي اتصلوا على اصدقاء اثنين جاءوا من سوريا الاسبوع الماضي ونفس الكلام اللي اخبروك به يعني ان شاء الله خير ويارب يفرحك وتخلصين من الانتظار الصعب تمنياتي لك بالتوفيق
وعليكم السلام اخي اشكرك على اهتمامك وردك وان شاء الله خير ولو سمحت ان تنقل لي ما سيحدث مع اصدقائك الفترة القادمة
وجزاك الله خيرا ووفقك في حياتك
تحياتي
-
السلام عليكم شكرا جزيلا على هل منتدا الرائع وسلامي الى جميع لااعضاء ويارب السفر لجميع الكل عراقي في كل مكان اللهم اامين اختي المسافره اني ايضا في تركيا وكان ملفنا في سوريا وبسب لاوظاع طلعنى للعراق واجينا تركيا وقدمنه على الليواءن من تركيا وقابلنه اول يوم وعطونه موعد تاني ورقة حمايه لااكن موفسفوره لان ينتظرون ملفنه ماعرف يتاكدون المهم احنه صارلنه تقريبا شهر ونص من وصلنه الى تركيا وان شاءالله خير يارب لجميع يعني هل اتصال يارب يكون خير الكم ااامين يارب وتحياتي الجميع اختك ام مهيب العزاويه
-
وعليكم السلام اختي ام مهيب الحمد لله على وصولكم بالسلامة
وان شاء الله المقابلة القادمة تفرحينا بخبر استلامك الفسفورة
لان الكثير من العوائل الذي يحدد لهم مقابلة ثانية يستلمون الفسفورة في نفس المقابلة
ان شاء الله تفرج علينا جميعا قريبا بأذن الله
شاكرة اهتمامك ومشاركتك ووجودك في موضوعي
تحياتي
-
شكرا جزيلا عزيزتي ربي يسلمك ويحفظك وان شاءالله تفرحين بستلامك الفسفوره وقبولك كلاجئ ان شاءالله السفر الى جميع المنتظرين ولااستقرار والفرج القريب اللهم اامين وتحياتي الك ولااهل وجميع الموجودين بهل منتداء الرووعه شكرا اختك ام مهيب العزاويه