ankawa
منتدى الهجرة واللجوء => الهجرة و واللاجئين => الموضوع حرر بواسطة: ANDME في 09:33 24/03/2012
-
مرحبا اخواني وخواتي عندي استفسار وهو هل نحتاج الى فيزه في حاله رجعونا من العراق الى امريكا علما نحن نحمل الكرين كارت اقصد هل نحتاج ان نحصل فيزه من المانيا واحنا بطريقنا الى امريكا من اربيل- فرانكفورت - امريكا واكيد فرانكفورت سندخلها مجرد ترانزيت ارجو الاجابه وشكرا
تحياتي
-
جماعة امريكا. 🗽🗽🗽🗽🇺🇸🇺🇸🇺🇸🇺🇸
-
نعم اخي العزيز للعراقيين فقط يجب ان يحصل على فيزة لدول الطريق_الاوربيه_ حتى لو ترانزيت
-
اشكرك عزيزتي ريم
زين شلون نحصلها الفيزا اذا ممكن التوضيح وياريت من الجماعه اللي رجعوا لامريكا عن هالطريق
تحياتي
-
اخت ريم هو رايح ترانزيت شيسوي بالفيزا
زين اذا هيج يصير ياخذ فيزا من المطار مال المانيا؟
-
اخت ريم هو رايح ترانزيت شيسوي بالفيزا
زين اذا هيج يصير ياخذ فيزا من المطار مال المانيا؟
اي فعلا اني هم ما اتصور يحتاج فيزا بس يكولون لازم فيزا ومحتاره شلون نحصلها الفيزا من المانيا
-
شلون ورطه خاف المانيا متنطينا فيزا ???
-
اخت ريم هو رايح ترانزيت شيسوي بالفيزا
زين اذا هيج يصير ياخذ فيزا من المطار مال المانيا؟
اخي كلش حباب شنسوي اذا همه مو حبابين
مع الاسف هاي تنطبق بس على العراقيين انه حتى الترانزيت يكون بفيزا
واصلا ميطيروا من المحطه الي قبلها اذا ميشوفون عنده فيزة المانيا بالجواز
-
عزيزتي ريم اذا تعرفين احد صاير وياة هالشغله بلكي تسالي شلون نحصلها الفيزا وممنونه منك هوايه
-
شلون ورطه خاف المانيا متنطينا فيزا ???
اخي اكو عدهم ممثليات في اربيل حاول اتراسلهم وشوف شنو يحتاجون للفيزه بس لغرض المرور
لان انت عندك تذكرة سفر للقطاع الي بعده الي هوه امريكا
فينطوك فيزة مرور
ادخل على هذا الموقع واملي هاي المعلومات ودزها
https://bagdad.diplo.de/Vertretung/bagdad/ar/Kontakt.html
-
او راسلهم على هذا العنوان
العنوان ومواعيد العمل وطريقة الاتصال بالسفارة في الحالات الطارئة
لا تقوم السفارة الألمانية في بغداد بالتعامل بشكل مباشر مع الجمهور
السفارة الألمانية في بغداد
صندوق بريد: 2036
منصور
بغداد/ العراق
هاتف القسم القنصلي: 93 87 110 790 964 +
هاتف السفارة: 98 29 542 1 964 + وأيضاً 26 25 192 790 964 +
البريد الالكتروني: info_bagdad.diplo.de
-
اشكرك جدا اختي ريم الله يفتحها بوجهك وتحققين كل امنياتك يارب
-
اشكرك جدا اختي ريم الله يفتحها بوجهك وتحققين كل امنياتك يارب
شكرا اخي على الدعاء وياربي يسهل امرك واتحصل الفيزه واتبشرنا
-
شكرأ للمعلومات اللي دائما ترفدينه بيهه
انتي فعلا موسوعه من الذهب اخت ريم
-
اجماعة الخير
اني طرت عن طريق المانيا ومحتاجيت فيزا ترانزيت بس اكو نقطه مهم الي مسويلي الترافيل ارانجمينت همه الاي او ام.
اهم شي هم ةجماعه خطوط اللوفت هانزا
لاتعبون نفسكم وتروحون عالسفاره
اذا ابو الطيران خلاك تصعد للطياره انتهى الفلم لان من حتوصلون فرنكفورت هو مطار كبير جدا ومفتوح واني رحت بنفسي وانتقلت على صالات الترانزيت بدون موظف الاي او ام وشافني الظابط ومكلي ويين فيزة الترانزيت.
سألني سؤال واحد كلي هاي او مره تروح لاميركا جاوبته بنعم عندي فيزة هجره.
طلي اتفضل راسا.
هاي التجربه صارت ويايه شخصيا لمن طرت من عمان
خابروا خطوط اللفوت هانزا بأربيل وسألوهم اذا يخلوكم تصعدون الطياره
اخوكم نازي
-
اخي نازي مو حضرتك دتحجي باول سفرتك من عمان الي جانت ال اي او ام متكفله بالفيزه مالتها ومطلعه المسافرين بمسؤليتها
اما الاخ طالع على حسابه راجع لامريكا وبدون لا منظمه ولا اي او ام
والبلد الي قبل المانيا من يروح على الكاونتر ميجيكوله بطاقته اذا ميشوفون جوازه مختوم عليه فيزة المانيا و
-
شكرأ للمعلومات اللي دائما ترفدينه بيهه
انتي فعلا موسوعه من الذهب اخت ريم
اخي انتوا الذهب الاصلي
-
شلون ورطه خاف المانيا متنطينا فيزا ???
اخي اكو عدهم ممثليات في اربيل حاول اتراسلهم وشوف شنو يحتاجون للفيزه بس لغرض المرور
لان انت عندك تذكرة سفر للقطاع الي بعده الي هوه امريكا
فينطوك فيزة مرور
ادخل على هذا الموقع واملي هاي المعلومات ودزها
https://bagdad.diplo.de/Vertretung/bagdad/ar/Kontakt.html
راح يكوله اي تحتاج هذا الجواب الرسمي 100% لكن في الواقع ما يحتاج فيزا يكدر ينزل ترانزيت و عن تجربه صديق حامل كرين كارد و مسوي ترانزيت المانيا باب الشرجي علاوي
-
لا أخي متحتاج أي فيزا !! كل ما تحتاجه هو تكت الطيارة
-
ميحتاج فيزا في اي مطار ينزل بيه ترانزيت حتى لو كان مطار لندن
بالتوفيق
-
ميحتاج فيزا في اي مطار ينزل بيه ترانزيت حتى لو مطار لندن
-
نعم اخي العزيز للعراقيين فقط يجب ان يحصل على فيزة لدول الطريق_الاوربيه_ حتى لو ترانزيت
اخت ريم ماتكولينة هالحجي منين جايبته؟؟؟؟
-
لاتدوخون نفسكم هنا الخبر اليقين:
http://www.immihelp.com/visas/germanytransitvisa.html
-
طبعا متحتاج فيزا !!! صدك جذب ( ترانزيت ) معناها مرور او منطقة عبور ....
-
لا اخي متحتاج للفيزا ابدا..... وهسة راح اخليك تجاوب نفسك بنفسك والسؤال هو هل احتاجيت فيزا لاي بلد اوربي سافرت اله ترانزيت من امريكا الى العراق ؟؟؟ اكيد لا لان انت مسافر الى عمان وهذا خط الرحلة لازم يمر ترانزيت لبلد اوربي ونفس الحالة بالرجوع
اخي العزيز احب اكلك شغلة العراقيين هنا اصحاب الكرين كارد او الترفل دوكيمنت مسوين الطريق علاوي الحلة ::)
تحياتي ...
لؤلؤة المحيط
-
أخت ريم تعذريني لأن فاتني أن أسلم عليج ... شخباركم؟ و شصار من معاملتكم؟ و وين وصلتوا؟
شو جماعتنه الباقين ماكو منهم أحد بالمنتدى؟ وين صفى بيهم الدهر؟
-
لاول مرة اكولها وبأسف
لاتاخذ بحجي الاخت ريم لان هية مشتبهة , اعتقد اني جاوبت بالتفصيل على سؤال مماثل قبل اسبوع
على العموم ميحتاج فيزا
-
http://www.ankawa.com/forum/index.php/topic,563105.0.html
هاك هذا الموضوع الي كتبت بيه جوابي
-
نعم اخي العزيز للعراقيين فقط يجب ان يحصل على فيزة لدول الطريق_الاوربيه_ حتى لو ترانزيت
اخت ريم ماتكولينة هالحجي منين جايبته؟؟؟؟
اخي ابو داني جبته من جماعه ديسافرون ورجعوهم بالمطار لان جان عدهم كونيكشن ترانزيت مرور بدوله اوربيه
وكلولهم صدرت تعليمات لبعض الجنسيات ومن ضمنهم العراقيين انه لازم يستحصلون فيزه لدول الطريق
حتى لو كانت مجرد ترانزيت
ورجعوا من المطار وحجزولهم بعد يومين عن طريق عمان
واني مااحجي شي اذا مصايره بي تجربه
-
أخت ريم تعذريني لأن فاتني أن أسلم عليج ... شخباركم؟ و شصار من معاملتكم؟ و وين وصلتوا؟
شو جماعتنه الباقين ماكو منهم أحد بالمنتدى؟ وين صفى بيهم الدهر؟
اهلا بيك اخي ماجلان واني بعدني كما كنت وماكو اي شي جديد
اما جماعتنه انت الاعرف بيهم وين صاروا.....اشو من يوصلون يمكم يختفون بمثلث برمووووواا ;D ;D ;D ;D
-
لاول مرة اكولها وبأسف
لاتاخذ بحجي الاخت ريم لان هية مشتبهة , اعتقد اني جاوبت بالتفصيل على سؤال مماثل قبل اسبوع
على العموم ميحتاج فيزا
اخي مغترب ماكو داعي للاسف
اني مااريد اصعبها على الاخ ولا داجاوب من كيفي وان شاء الله يكون الي ادكوله صحيح
بس اني داحجي عن حاله حقيقيه صارت وناس اعرفهم معرفه شخصيه
واصلا مصعدوهم بالطياره لان بالمطار كلولهم التعليمات الي جتنا بخصوص العراقيين وبعض جنسيات اخرى
انه البلد الي يحتاجون بي الفيزه لازم يستحصلوها حتى لو كان عدهم ترانزيت فقط
بالرغم انه الترانزيت بشكل عام هوه مجرد مرور ومعمول بي في كل دول العالم انه ميحتاج فيزه
بس هذا الي صار ونقل مباشر وحي ومن ارض المطار
ورجعوا على الايجنت الي سوتلهم الروت كلتلهم اني ماعندي علم بهذا الموضوع وغيرتلهم الحجز على عمان
بس بعديشششش البهذله الي اكلوها وجانوا مصفين كلشي وماعدهم محل يرجعون بي
وانتوا بكيفكم باي راي تريدون تاخذون اخذوا كل واحد يتحمل مسؤلية نفسه
-
اشكر كل من الاخوان والاخوات اللي ردو عليه واني اليوم خابرت مكتب الحجز باربيل لوفتانزا وسالته اول مره كال اي لازم فيزا وراها كال دقيقه تالي كال لا ميحتاج بس لازم تحجزون على لفتانزا كتله اشكرك بس بصراحه على حجي اخت ريم بعدني بقلق ياريت اذا احد من الاخوان الراجعين لامريكا ومن العراق يطمني اكون جدا ممنونه
تحياتي
-
اخي العزيز صاحب الموضوع اني طالعة شكم مرة ترانزيت مرة المانيا و مرة دنمارك بس جنت محصلة على ترانزيت فيزا، زين انت ليش مدوخ نفسك اتصل بالسفارة او القنصلية و فضها و شوف و اذا احتاجيت قدم.
و ان شاء الله سهلة.
اختك روز
-
اشكرج اخت روز كلت خلي اسال هنا الاول واسفه اذا ضوجتكم ... هو هم هيجي راح اسوي واشكر مرورك
تحياتي
-
حبيبتي هذه رقم السفارة الخاص اتصلي بيهم من الصبح و ساليهم و البنية ما رح اتقصر وياج و اهنا حاضرين للطيبين ههه
07901922620
هاي رقم السفارة في بغداد
تحياتي روز
-
اشكر كل من الاخوان والاخوات اللي ردو عليه واني اليوم خابرت مكتب الحجز باربيل لوفتانزا وسالته اول مره كال اي لازم فيزا وراها كال دقيقه تالي كال لا ميحتاج بس لازم تحجزون على لفتانزا كتله اشكرك بس بصراحه على حجي اخت ريم بعدني بقلق ياريت اذا احد من الاخوان الراجعين لامريكا ومن العراق يطمني اكون جدا ممنونه
تحياتي
اخي اذا اخذت الطريق كله على اللوفتهانزا بهاي الحاله هم راح يتكفلون بموضوعك
فاخذ القطاعين الي قبل المانيا والي من المانيا الى امريكا كلها على اللوفتهانزا بهيج حاله مراح يطلبون منك فيزه ترانزيت
لان هاي تعتبر الناقل الرسمي مالتهم
-
اشكر كل من الاخوان والاخوات اللي ردو عليه واني اليوم خابرت مكتب الحجز باربيل لوفتانزا وسالته اول مره كال اي لازم فيزا وراها كال دقيقه تالي كال لا ميحتاج بس لازم تحجزون على لفتانزا كتله اشكرك بس بصراحه على حجي اخت ريم بعدني بقلق ياريت اذا احد من الاخوان الراجعين لامريكا ومن العراق يطمني اكون جدا ممنونه
تحياتي
أختي العزيزة إطمئني ... آني كل شهرين أسافر للأردن و أرجع .. و قبل أقل من شهر كان آخر رجوع الي .. و كان حجزي من عمان الى لندن هيثرو على خطوط Midland البريطانية و من هيثرو لندن الى سان دييغو كاليفورنيا على خطوط British Airways البريطانية علما آني أستخدم جواز سفري العراقي و الكرين كارد أثناء السفر.
ماكو أي داعي للقلق
-
ممنونه منك اخويه ماجلان الله يفتحها بوجهك دائما وابداّ
تحياتي