خاف جربته من غير صراف بنك القاهره البارحه هواي ناس سحبت ولكت الرصيد ومينطيه الهم اكلهم الرقم السري غير صحيح وراحو اليوم لليوءن طلع الصوج من البنك اتاكد اخويه من البنك شوف شيكلولك
العنوان: رد: بنك القاهرة عماااااان
أرسل بواسطة: شنايزر في 13:04 27/03/2012
لا حبي فارس طلعت الفلوس بس جزء صغير ظهر منها ماكدرت اسحبهن صحت الموظف مال الفرع اللي بيه الصراف حاول هو يسحبهن هم ماكدر
تالي سحبهن الصراف ورجعهن للماكنه
حاولت مره ثانيه طلعلي ماكو رصيد ومره ثالثه ( مصدر البطاقه غير معروف) راجعت الفرع الرئيسي ( ما تبين هسه الا باجر او حاول انت بعد الساعه 4 )
الله كريم وين يرحون مني والله اسويلهم هوسة باجر بالبنك
العنوان: رد: بنك القاهرة عماااااان
أرسل بواسطة: فينوسيوس في 13:15 27/03/2012
الوحيده بعمان مع اعتذاري للباقين طبعا ................. الوحيده بعمان كوكي الي تنطي اخبار حلوة جدا وتتطلع مضبوطة وحقيقيه والله يا كوكي من اصبح قريت الخبر بس كلت خل الجو يستعدل يله اطلع يا ريت كوكي اجيبلنا اخبار التوطين كلهه .............
العنوان: رد: بنك القاهرة عماااااان
أرسل بواسطة: امل الوصول في 13:55 27/03/2012
مشكورررررررررررين كوكي
العنوان: رد: بنك القاهرة عماااااان
أرسل بواسطة: alkorishe في 14:08 27/03/2012
تسلمين على هاي المفاجأة الحلوة يااميرة المنتدى واميرة بكل خبر تنقلي النا مشكورة يااميرتنا كوكي
اخوج ابو محمد
عمان
العنوان: رد: بنك القاهرة عماااااان
أرسل بواسطة: Edy Simon في 14:40 27/03/2012
الكوة خيتي كوكية المديرة المالية للبنك الدولي بالشرق الاوسط..
والله عفية عليج كبل اربعة ايام على نهاية الشهر كدرتي تقنعيهم انزلون الفلوس بالحسابات... مو اني كتلهم من الجماعة سألو علي الفلوس انه انتي رايحة بمهمة تفاوض حتى يعجلون الصرف, بس ما صدكو..
خلي يشوفون اشكد انته كلمتج ماشية بالمنظمات..
انشاء الله تسمعين يوم سفرج, وتذبحين الطلي واتسويلنا الباجة انشاء الله..
تحياتي ابو ديانا
العنوان: رد: بنك القاهرة عماااااان
أرسل بواسطة: كوكي 2004 في 14:59 27/03/2012
السلام عليكم ياطيبين أخواني وأخواتي ....
البارحة رحت دا أسحب الراتب دخلت البطاقة بالجهاز وسويت أستفسار عن الرصيد لكيت المبلغ موجود رجعت مرة ثانية دا أسحبه ما انسحب حاولت مرة ثالثة ما انسحب
أتصلت على خدمات الفيزا جاوبني الموظف وطلب مني أنطي رقم البطاقة وشافهه عالكومبيوتر وكلي (( أختي أولآ أنتوا الشهر الفات سحبتوا الراتب يوم 29 \ 3 وهذا الشهر نزل يوم 26 \4 يعني الفرق 3 أيام والشغلة الثانية أنه أنت محددلج حركتين على البطاقة بالشهر وهسه دتريدين تسحبين والشهر ماكمل يعني متكدرين تسحبين اله يوم 29 \4 )) يعني لتخافون تكدرون تسحبون يوم 29
وبالنسبة لأخيه شنايزر يوم 29 روح أسحب باقي الراتب النعلس ;D وبالعافية
يعني القصد أخوان لتظلون تحاولون عدة محاولات ويه البطاقة لأن رح تقفل ( وهي المسكينة عقلهه على كدهه :D )
تحياتي للجميع
العنوان: رد: بنك القاهرة عماااااان
أرسل بواسطة: دارين العراقيه في 15:22 27/03/2012
تسلمين كوكي الف شكر الج
العنوان: رد: بنك القاهرة عماااااان
أرسل بواسطة: كوكي 2004 في 15:34 27/03/2012
شنايزر شموسة 123 أبو صابر فارس العراق ماكنتوشة فينوسيوس هبة فهد القريشي أبو ديانا دارين العراقية
لا شكر على واجب وأنتوا والجميع تستاهلون الأخبار الحلوة وكل خيرررررر ان شاء الله
أخويه العزيز فينوسيوس كل الموجودين خيرررر وبركة وأكيد كل الأخوة والأخوات من يسمعون أخبار حلوة ميقصرون أبد أشكرك والله يرضى عليك ياطيب كلك ذوق :)
أخويه العزيز القريشي أنت الأحسن يا أصيل كلك ذوق وأذا آني الأميرة أكيد أنت الملك بأخلاقك الراقية أشكرك جدآ على هذا ( اللقب الحلو )ورح أظل معتزة بي دائمآ وان شاء الله أظل عند حسن ظنكم ياطيب :) :)
العنوان: رد: بنك القاهرة عماااااان
أرسل بواسطة: شكوماكو في 15:56 27/03/2012
شكرا يااغلى كوكي..مع تمنياتي لك بتحقيق كل امنياتك ان شاءالله ..
العنوان: رد: بنك القاهرة عماااااان
أرسل بواسطة: كوكي 2004 في 16:09 27/03/2012
تسلملي أخويه الغالي شكوماكو
الله يحفظك ويرزقك من رزقه الحلال ياااااارب
تحياتي ياطيب
العنوان: رد: بنك القاهرة عماااااان
أرسل بواسطة: espero في 16:13 27/03/2012
شكرا شكرا شكرا
العنوان: رد: بنك القاهرة عماااااان
أرسل بواسطة: شنايزر في 16:47 27/03/2012
هو اني سحبت دينار واحد حتى اسحب الباقي ;D ;D ;D ;D
الحمدلله على كل حال
شكرا اخت كوكي
العنوان: رد: بنك القاهرة عماااااان
أرسل بواسطة: كوكي 2004 في 17:03 27/03/2012
آسفة شنايزر اتصورت أنه سحبت جزء وبقه جزء بسيط يله أخويه لتنقهر آني وياك بالهوى سوا ;D ;D
باجر راجع البنك وشوف شيكولولك وان شاء الله تلحك تسحب المصاري :D على كولتهم تحياتي ياورد
العنوان: رد: بنك القاهرة عماااااان
أرسل بواسطة: alkorishe في 21:01 27/03/2012
اختي الفاضلة كوكي انتي فعلا اميرة بكل معنى الكلمة لانه لحد الان متنزلين موضوع الا وانتي متاكدة منه % وبارك الله بيج ومجهودك
يااصيلة يابنت الاصول(الاميرة كوكي)
مع اجمل التحية الى كافة اخواني الاعضاء وادارة عين كاوا المحترمون
اخوكم ابو محمد القريشي
عمان
العنوان: رد: بنك القاهرة عماااااان
أرسل بواسطة: كوكي 2004 في 22:43 27/03/2012
أخويه العزيز ابو محمد ( القريشي ) رحم الله والديك ياطيب والله خجلتني بكلامك الجميل هذا وأن دل على شئ أكيد يدل على نبل أخلاقك وصدق مشاعرك ياأصيل بصراحة آني ماسويت شئ يسوه وكل الي أقدمه هو شي بسيط وصغير مقابل الي ديقدموا أخواني وأخواتي وأنت من ضمنهم أكيد بهذا البيت الجميل
تحياتي وشكري وأمتناني لحضرتك ادعو من الله أن يسهل أمرك ويفرح كلبك ويعجل بسفرك ويحقق كل أمنياتك آمين
العنوان: رد: بنك القاهرة عماااااان
أرسل بواسطة: فينوسيوس في 00:35 28/03/2012
اخوية ابو محمد القريشي شلونك شخبارك اني اذا تذكرني اني هم قريشي خلينا نسمع اخبارك عن قريب وبالنسبة للاخت كوكي اني اشكرج بس حبيت اسال سؤال اني اليوم جيكت البطاقه وهم لكيت المبلغ موجود بس منسحب مع العلم اني الشهرين القديمات سحبتهن بنص هذا الشهر لان بوقتهه البطاقه انتلفت بغير صراف وهسه اني منتظر الراتب الجديد بس ما اعرف هم يشملني يوم 29 بالشهر لو لا واليوم هواي جربت البطاقه على الصراف الالي هم معناه تتلف لو تبقى تشتغل واني اسف لطول الموضوع بس حبيت اعرف واطمئن لا اكثر واشكر تعبج ويانه
العنوان: رد: بنك القاهرة عماااااان
أرسل بواسطة: كوكي 2004 في 00:51 28/03/2012
تعبك راحة أخويه فينوسيوس والله الموظف كلي لتحاولون أكثر من ملرتين على البطاقة لأن تقفل وأترك البطاقة الى يوم 29 \3 وان شاء الله تسحب بس لتظل تجرب لأن تعتبر عدة حركات عالبطاقة وتقفل وياك
تحياتي لحضرتك
العنوان: رد: بنك القاهرة عماااااان
أرسل بواسطة: mr-ziyad في 20:12 15/04/2012
تحية الى الناطق بأسم بنك النقد الدولي / كوكي عيني اني بعدني جديد على هاي السالفه استلمت الكارت يوم 5 من هذا الشهر هل انه ينزل بالحساب راسا فلوس لو على راس الشهر هاي واحد وشكد ينحسب للعائله علما انه احنه عائله من 5 اشخاص ... شكرا على الاجابه مقدما وشكرا لبنك النقد الدولي والناطق بأسمة .
العنوان: رد: بنك القاهرة عماااااان
أرسل بواسطة: فارس العراق 90 في 20:17 15/04/2012
ولله كلت نزلت الخشنات خير انشاء الله اخويه العزيز مدام استلمته يوم 5 بشهر ليش مجربته احتمال نازلك مال شهر الثالث بتوفيق انشاء الله
العنوان: رد: بنك القاهرة عماااااان
أرسل بواسطة: كوكي 2004 في 20:27 15/04/2012
ألف هلا بأخونه العزيز زياد مبروك على استلام الفيزا كارد وان شاء الله يوم التبشرنه بموعد سفركم قريبآ
أخويه بالنسبة للعائلة ال 5 نفرات يستلمون ( 220 دينار أردني ) وبالنسبة للراتب المفروض من طلعت من البنك تجيك البطاقة وعالعموم ان شاء الله آخر الشهر من تستلم مال الشهر 4 يكونون حاسبيلك مال شهر 3
تحياتي لحضرتك وبالتوفيق يارب
أختك كوكي
العنوان: رد: بنك القاهرة عماااااان
أرسل بواسطة: mr-ziyad في 20:41 15/04/2012
إلى الناطق بأسم بنك النقد الدولي / كوكي تسلمين اختي العزيزة ... اني جيكت من استلمتهه للبطاقه طلعلي غلط بالرقم مال البطاقه وجان اكو فلوس بيهه وراها خابرتهم جم مره ورحت عليهم يله كدرت افوت على الحساب لانه حسب ميكولون (( ممفعله البطاقه الى هسه )) وراها اتفعلت فتت على الحساب لكيته مصفر . هل هاي حاله طبيعيه !!
العنوان: رد: بنك القاهرة عماااااان
أرسل بواسطة: كوكي 2004 في 01:10 16/04/2012
أخويه زياد نعم الحالة طبيعية لأن مرة صارت ويايه بس من زمان وان شاء الله ينزلولك مال شهرين يعني مال 3 و 4 أذا حاسبيلكيا من الشهر الثالث اما أذا تم اصدار البطاقة وتفعيلهه بشهر 4 يعني تستلم بس شهر 4 وهم الواحد يحمد الله ويشكره لأن كثير من الناس ديقدمون ويطلعولهم كشف بس بعدين ديجيهم رفض على المساعدات يعني الراتب