السلام عليكم ورحمة الله وبركاته
وتحيه لجميع الاخوة والاخوات
اول شي اسفه عن انقطاعي والسبب ظروف صحيه مريت بيها والحمد لله على كل حال
طبعا يوم الاحد الي راح كان عندي اعادة فحص طبي
لكن عندي ابني عمره 15 سنه يمر بحالة اكتئاب
والدكتورة حجت ويا واقنعتنه تحولنه على طبيب نفسي واني انثولت ووافقت ???
الي يمر بي ابني مو اكتئاب صعب شي بسيط لاسباب خاصة بي
واليوم سالت جماعه كلولي ليش هيجي ورطتي نفسج هذا رح يأثر ع الملف
لان ميقبلون بالحالات النفسيه
زين ابني رح يعتبروه حالة نفسيه وهو مجرد اكتئاب بسيط وهمه الي حولوه بعد مااقنعوني ؟؟
ثاني شي حالة الملف بالموقع كان الفحص الطبي فعال واتصلوا بيه ورة يومين
وبعد مسويت الفحص بقه الفحص الطبي فعال لحد الان متغير شنو السبب برايكم ؟؟
اسفه طولت عليكم
بس انتوا اهلي واخواني
وتحياتي للجميع وان شاء الله نسمع اخباركم الحلوة عن قريب امييييين
حمدلله ع سلامه اخت تقوى بلعكس سويتي الصح اني عندي صديقي سوه ابنه حاله نفسيه وكمل قبلي وهسه هو على موعد السفر
انشاء الله اسافرون باسرع وقت اني ماخذ الخبر الاكيد اي مريض اله تسريع بلملف ماله
بتوفيق انشاء الله
السلام عليكم ورحمة الله وبركاته
وتحيه لجميع الاخوة والاخوات
اول شي اسفه عن انقطاعي والسبب ظروف صحيه مريت بيها والحمد لله على كل حال
طبعا يوم الاحد الي راح كان عندي اعادة فحص طبي
لكن عندي ابني عمره 15 سنه يمر بحالة اكتئاب
والدكتورة حجت ويا واقنعتنه تحولنه على طبيب نفسي واني انثولت ووافقت ???
الي يمر بي ابني مو اكتئاب صعب شي بسيط لاسباب خاصة بي
واليوم سالت جماعه كلولي ليش هيجي ورطتي نفسج هذا رح يأثر ع الملف
لان ميقبلون بالحالات النفسيه
زين ابني رح يعتبروه حالة نفسيه وهو مجرد اكتئاب بسيط وهمه الي حولوه بعد مااقنعوني ؟؟
ثاني شي حالة الملف بالموقع كان الفحص الطبي فعال واتصلوا بيه ورة يومين
وبعد مسويت الفحص بقه الفحص الطبي فعال لحد الان متغير شنو السبب برايكم ؟؟
اسفه طولت عليكم
بس انتوا اهلي واخواني
وتحياتي للجميع وان شاء الله نسمع اخباركم الحلوة عن قريب امييييين
اختي العزيزة، احد من اقربائي جان مقدم من الاردن و حالته النفسية كلش موزينة و جان شايف هواية اطباء حتى وصل مرحلة ياخذ 4 الى خمس اشكال ادوية باليوم مال كابة و يومية يشوف طبيب و بصراحة اكلج صار تسريع بالملف مالته بوكتها هو قدم على اليو ان بنهاية 2008 و بنص 2009 طلعوه لاميركا.
اي رحيصير تأثير على الملف بس بصورة ايجابية.
روز
اخت تقوى الله العزيزة
دعائي لابنك العزيز بأن يتخطى مرحلة الكئابة وعذريه لانة مراهق ومزاجة راح يكون متقلب دائما وربي يسهل اموركم وتنحل ازمتكم وتسافرون بأقرب موعد يارب,, بالنسبة للملف اني اشوف بالعكس راح يسرع من ملفكم اذا بين عدهم انكم تعرضتو لازمات نفسية اهنا في عمان لان الاردن بالنسبة الكم ولكل لاجيء مو بلد استقرار وما عندكم حقوق المواطن ابن البلد يعني معذورين من هاي الحلات والازمات,, وبالنسبة للموقع اكيد حسب اعتقادي راح يتأخر كم يوم يلة يتعدل واكو ناس وصلت امريكا ولسة الموقع مخربط وياهم.
وتمنالكم الخير والاستقرار
اخوج بنجامين
مرحباً بعودتك اختي العزيزة تقوى ، وسلامات الك ولابنك وكل عائلتك .. اختي العزيزة ان شاء الله تعالى فترة الكآبة عند ابنك تزول قريباً بزوال المؤثر وهو الانتظار وعدم الاستقرار ، وعدم القدرة على التركيز ،،
وان شاء الله تعالى يكون مؤشر جيد لتسهيل سفركم وحالات كثيرة مماثلة لحالة ابنك سافرت .
ودعائي له بالشفاء ولكم جميعاً بالسفر القريب والاستقرار وراحة البال .
ام الهنا
اول شي الحمدللة على سلامتج وسلامة ابنج 2 شي لاماظن ياثر هذا الشي بس احتمال يطلبون تقرير من الدكتور المعالج لحالة ابنج ودااكول احتمال وشون ماتفضلت احدى العضوات يمكن تسرع اجراء السفر وماتاخرة بس حاولي ان تشرحي الهم الاسباب ورة مرض ابنك يكون احسن
اختي تقوى الله الله يسهل امركم ويشافي ابنك من كل اذى ومرض ويارب تسافرون وتستقر اموركم وكل هاية الامور تصير سوالف
الاخت تقوى الله ...ندعو الله ان يشفي لكي ابنك
وبالنسبة للحالة النفسية مثل ما تفضلوا الاخوان تسرع من حالة الملف واطمأني ولا تقلقي أبدا
اخت تقوى
ردت اسئلج كم يوم تأخرو المنظمة بعد ما صار الفحص القديم اكسباير وخابروكم على الفحص الجديد ؟ وهذا اول اعادة الكم لو لا؟
واشكرج جدا
الاخت تقوى الله نورتي المنتدى بين اخوتك وحمد لله على السلامة
اني عندي فكرة تكدرين تاخذين تقرير طبي من دكتور وان يكون على معرفة بكم التقرير
يبين ان ولدك ليست بالحالة الميؤس منها وانه في تحسن مستمر اعتقد هذا خيار افضل
ومن ثم تقديمه للمنظمة ..تحياتي والله يسهل لكم وللجميع السفر باذن الله..تحياتي
حمد الله على سلامتك وسلامة ابنك وان شاء الله ازمة وتعدي وتصير سوالف
اختي الكريمة ...
الكلام الي كالوه الاخوان صح مية بالمية ...لان الامراض النفسيه مثل الامراض العضويه من وجهة نظر العالم المتحضر
ودائما تقديم الاولويات بالملفات للعوائل الي بيها مريض ...وخاصة اذا كان طفل ..هذا شي مهم جدا
اتمنى ان تكون نقطه في صالحكم وتعجل بسفركم
دعائي لكم بالصحه والسلامة
اختي العزيزه اول شي الحمد لله على سلامتج وسلامت ابنج ويارب متشوف شر ابحياتكم يارب
حبيبتي لتخافين وليظل بالج اذا علمود ابنج فان شاء الله سهله مو شي صعب ولا خطر مرحله وتعدي باذن الله
اما بخصوص الملف فمثل ما كالولج الاخوان باللعكس هل امور تسرع متاخر ...ويهتمون ابهيج اشياء اهوايه ..اني عندي اصدقاء هم علمود حاله مرضيه صارت ابزوجته سافروا صالرهم 3 سنين يمكن قبل الكل طلعووو ....الله يسهل عليج يارب
اختك star_2000
الاخت تقوى الله الفاضلة,
اولاً الحمد على السلامة ومابيج غير العافية...
ثانياً ورا كل هذي الاحداث والمصائب, اكو انسان
ما اتصير بيه كآبة, ولي يكلج مابيه لاتصدكينززز
والاحجاية بيناتنا الطبيب النفسي شنو هو ترى
هم انسان مثلنا بس متعلم جم نظرية نفسية ومنطيه شهادة
ويكوم يعالج الناس......
بالغرب ماكو انسان ماعنده طبيب نفسي منذ الصغر,
لانه مو مثلنا اذا واحد عنده مشكلة يكدر يفرغ كلبه الامه ولا الاخته
ولا الصديق ولا الكرايب وتنفض الكآبة منه...
لهذا السبب اني يوميا راكض ويا المراجعين مالتي الى الاطباء
النفسيين, بس المشكلة وين بالغرب ماتلكين طبيب فارغ اغلبهم
محجوزين ةلمدة سنة يعني شغلة الطبيب النفساني بالغرب
مرغوبة وعدهم شي اعتيادي..
هسى نرجع للمحروس اني ما اتصور راح اتأخرة احجاية التوطين وانما
تعجل التوطين لانه المرحلة اللي دتمورون بيها هي سبب هذي الكآبة..
يعني الناتج عجلو سفرنا حتى ما اتخصرون افلوس على المعالجة....
والحكمة اتكول الوقاية افضل من العلاج...
اتمني ان يسرع موعد سفركم وتتحقق امالكم وطموحاتكم..
تحياتي
جوسي البغدادي باحث اجتماعي
حمد الله على سلامتج حبيبتي تقوى
وان شاء الله سلامه ابنج والله يساعده اكيد النفسيه تتعب من عدم الاستقرار والوضع الاحنه بي
لتخافين ميأثر على ملفكم
ان شاء الله السفر قريب وتخلصين من هذا الوضع
الاخت تقوى ....هذا ابصالحج ويسرع الكيس مالتج .....لكن ابنج 15 سنة لا اتعرضيه على دكتور نفسي ....لا تكبر حالته وهذا العمر خطر يعني بداية مراهقة وكلنا بهذا العمر مرينا بكابة بسبب التحولات اللي اتصير بهاي الفترة من العمر ......اذا كان بالامكان ان تاخذين ابنج على صفحة واتكوليلي انت ايشوفك الدكتور هيج كلاوات وانت ما بيك شي بس علمود انسافر بسرعة ......يعني فههمي ابنج انه مابيه شي ....واذا امكن لا اتروحين للدكتور فقط للحصول على تقرير طبي بدون ميوصل ابنج للطبيب .......
تحياتي الج
ابو زينب
اهلا عزيزتي تقوى الله والله ظل بالنة عليج على هلغيبة الحمد على سلامتج وسلامة ابنج ان شاء الله بالعكس هذا يكون مؤشر ايجابي بالنسبة لملفكم بس مثل مكالوا الاخوة حاولي تاخذين تقرير من عدهم عن حالة ابنج ويذكرون انه من اسباب هاي الكابة هو المعاناة الي ديعانيهة من وضعكم الغير مستقر اهنا والتعامل السئ بالمدرسة وبالتوفيق انشاء الله