ankawa
منتدى الهجرة واللجوء => الهجرة و واللاجئين => الموضوع حرر بواسطة: انسى العالم في 23:34 04/04/2012
-
مرحبا اخوان واخوات اني مخلص مقابلة الوفد ب2010 ومحصل عاى موافقة الوفد وقبل شهر اجت الموافقة الامنية ودخلت دورة تثقيفية عاى امريكا ومنتظر الموافقة الثانية قبل السفر تفاجاءت اليوم بتصال غريب جدا من المفوضية السامية تكول باجر عندك مقابلة توطين كلتلها ياتوطين عمي اني مخلص كلشي ومنتظر الموافقة النهائية مال السفر كالت اي نعرف بس شيء ورتيني نريد منك تعيد سرد قصتك من جديد عليها للتحديث بعمري ماسمعت اكو واحد كمل كل شيء ويرجع مرة ثانية يعيد المقابلة الاولى .اني سامع باعادة محلف او وفد هذا صحيح من يصير اكسباير. عمي سامعين بهيج كلام اكو واحد صايرة هيج بية راح اتخبل؟؟؟؟؟؟؟؟؟؟؟ ??? :(
-
up ولو اخونا انته اتوقع كلشي منهم لان الجماعة امكضيها تسخيت....
-
الله يسترك منهم انشالله تعدي سلامات اعتقد الي حيقابلوك هم قسم القانونيه وانصحك تروح بدون موبايل نصيحه من اختك
-
اخي لازم اكو خطأ ممعقوله لان اللاجىء من يتحول توطين بعد خلص حصل على اللجؤ انشالله من تروحلهم تفتهم السالفه وهاي ابدا ماصايره احتمال تشابه بالاسماء اتوكل على الله اخي انسى العالم تقبل مروري
-
اخي الكريم انسى العالم
شلونك عيني انشاء الله بخير, والله هاي الشغلة لاصارت ولا دارت بس ممكن تصير عادي جدا عدهم, اتصور مخربطين اخوية يعني ممعقولة والله محد يصدك هالكلام, على العموم روح شوفهم وانشاء الله ماكو شي بس يمكن شغله روتينيه وبالتوفبق عيني.
تحياتي
ابو نورا ------ سوريا
-
الاخت كلي امل
ليش يروح بلا موبايل ممكن التوضيح وشنو هذا قسم القانونية
مع الشكر
-
يجوز هاي اعادة مقابلة الوفد بس بطريقه مبسطه :-\
مقابلة وفد بدون وفد أو على النت مثل مسمعنه :-\
يله عمي كول الحمدلله
موزين مشتلوك عله هلمقابله ;)
-
أوووووووووووو
احتمال توطين جديد لدوله ثانيه ;D
مثل مصار ويه هوايه ناس
-
اخويه عنكاوا بعد مقابلة التوطين مرات ومرات قليله جدا يرجعون يسون مقابله ثانيه بعد مده بس يقابلو من قسم القانونيه وعدهم صلاحيات يدورون ارقام الموبايل ويخابرون على الي يريدو ويروحون للبيت ويه الشخص والله شاهد اني مريت بيهة وصديقتي
-
اخويه عنكاوا بعد مقابلة التوطين مرات ومرات قليله جدا يرجعون يسون مقابله ثانيه بعد مده بس يقابلو من قسم القانونيه وعدهم صلاحيات يدورون ارقام الموبايل ويخابرون على الي يريدو ويروحون للبيت ويه الشخص والله شاهد اني مريت بيهة وصديقتي
ليش هيجي يسووون ??? ??? ???
-
اخويه انسى العالم روح متفائل ولضوج عادي انشالله كلمتين وترجع ماكو شي انشالله تفرحنا باخبار طيبه ورة متقابل
-
الاخت كلي امل
شكرا عالتوضيح
وكلشي راح نشوف ونسمع من اليو ان والاي او ام
-
الن اني بوكتها اخذو من تلفوني رقم ناس ببغداد اني ذاكرتهم بلملف وسألوهم على رقم ناس اقارب اني گايله ماعرف رقمهم ومديصدگوني فرادو يتأكدون من كلامي وماعرف ليش هيجي يسوون ويه ناس قليله جدا وبس اليو ان الهجره ماعدهم هاي السوالف
-
الن اني بوكتها اخذو من تلفوني رقم ناس ببغداد اني ذاكرتهم بلملف وسألوهم على رقم ناس اقارب اني گايله ماعرف رقمهم ومديصدگوني فرادو يتأكدون من كلامي وماعرف ليش هيجي يسوون ويه ناس قليله جدا وبس اليو ان الهجره ماعدهم هاي السوالف
هذا غير تعدي على الشخص منو ناطيهم هالصلاحيه
-
ماعرف الن واكو جانت بنيه عرفتها بليوان هم دتقابل القانونيه راحت وياهة الموظفه للبيت والله العظيم دتشوف صدك وحدهة لو اكو عدهة زوج ودتكذب
-
ماعرف الن واكو جانت بنيه عرفتها بليوان هم دتقابل القانونيه راحت وياهة الموظفه للبيت والله العظيم دتشوف صدك وحدهة لو اكو عدهة زوج ودتكذب
هههههههههههههههههه هاي لعد شكد واثقين بالعراقيين
-
مرحبا اخوان واخوات واشكركم عاى الردود اني رحت اليوم وقابلت وكان في البداية موظف الاستعلامات مستغرب ومعرف شنو الموضوع لان كالي انتم مكملين وباقين عاى اجراءات الامنية ماقبل السفر عموما بعد ربع ساعة اجت الموظفة المسؤولة وصاحت علينا واعطتنا رقم الانتظار واستمارة نمليها ا ماطول عليكم نفس المقابلة الاولى بالضبط لكن بشكل مخفف وكانت الموظفة لطيفة ومتساهلة قابلتنا اول مرة اني واختي وسئلتنا شنو الي صار من اختلافات بالملف كلتهلا والدتي توفت وفصلتها واختي الصغيرة تزوجت وهم فصلتها كتبتها وبعدين كالت نبداء المقابلة واحد واحد عاى حدا وتكلمت عاى قصتي بس بشكل مبسط حسب ماهي رادت لان كالت هي موجودة عندي بس حبيت احدث المعلومات ملفك والتغيرات بس هي مقابلة نفس الاولى بس عاى اخف وصار الكلام مع اختي المهم جمعتنا بالاخير وقعتنا عاى ورقة تبين صدق كلامنا وقصتنا. المهم سئلتنا كلتلها اني عندي توطين واصل الى المراحل متقدمة كالت اعرف هل كلام وماراح ياثر عاى ملفكم بسي مجرد تحديث معلومات حسب كلامها. والله بعد ماعرف وعاى فكرة كنت اني الوحيد بالقاعة هيج موضوعي والكل تفاجاء. واكو خبر لجماعة كندا شفتة بالقاعة من انتظر مقابلتي صارت استلام الفيز والجوازات من كفر سوسة مو من السفارة الكندية لانها مغلقة.
-
الحمد لله على كل حال ... وأنشاء الله تسافر وتصير سوالف
مشكور على نقل الخبر ... ألله يوفقك
-
توكل على الله وروح وانشاء الله خير
-
إن شاء الله بالتوفيق وامورك تمشي بكل سلاسة
-
الله يساعدك ويسهل امورك وان شاء الله يجي يوم تصير كلها سوالف.
بس الله يفرجها علينا امين يارب.
وفاءعلي/سوريا