ankawa

منتدى الهجرة واللجوء => الهجرة و واللاجئين => الموضوع حرر بواسطة: hkjd في 08:16 12/04/2012

العنوان: سؤال مستعجل الى الكل لقد حددولي موعد سفر ولكن؟
أرسل بواسطة: hkjd في 08:16 12/04/2012
الاسلام عليكم خواتي واخواني
طبعا راح اتكولون منو انتي؟؟
طبعا هاي اول مشاركة إلي  وآني كولش محتاجة اسمع ارائكم ومشاركاتكم
اني مقدمه IOM من 2009
وكملت كلشي وحددولي سفر نهاية الشهر والحمد لله
المشكلة ان جهالي وحده ثاني ابتدائي وواحد اول ابتدائي ومثل متعرفون امتحانات اخير السنه راح تبدي في بداية الشهر الخامس
وموعد السفر راح يكون قبل نهاية الامتحانات باسبوعين تقريبا :'( :'(
وهسه اني حايره وما ادري شنو اسوي ادز لهم ايميل واشرح لهم الحاله واطلب تاجيل لحين انتهاء الامتحانات
لو اتوكل واسافر وبهذه الحالة راح تروح عليهم السنه
خلصوني من الحيره .. الله لا يحيركم
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: رامــــي في 08:26 12/04/2012
والله يا اختي بصراحة طفري بجلدج احسن. همة جهالج  ابتدائية مو فد شي , عالم عافت الدراسة مال الجامعة. استري على الموعد ترة بس تاجيلي تحلمين بالسفر بعد. وهاي نصيحتي ولجه الله


تحياتي

رامــــي
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: rayanchase في 08:33 12/04/2012
لا يمعودة

صدك تحجين

سافروا وتوكلوا على الله
كلشي لاتسوين ترة  الفرصة ما تجي مرتين


العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: alzandawi في 08:33 12/04/2012
اولا  مبروك على تحديد موعد السفر  وبلنسبة لاطفالك الله يحفظهم الي اعرفه اول ميوصلون يدخلوهم مدارس وحسب  مستواهم  يعني تطلعين وانت مرتاحة وسافري واتوكلي  على الله لانه هنا امدارس غير
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: احلى مهندسة في 08:59 12/04/2012
اختي العزيزة اتوكلي على الله و سافري
اولادج بعدهم صغار يعني اول ابتدائي و ثاني ابتدائي مو فد مرحلة دراسية مهمة صدكيني وبعدين اول و تالي من تروحين هناك همة راح يعيدون ترتيبهم بالمدارس.....
اختي اتوكلي على الله وان شاءالله توصلين بالسلامة
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: هذا عراقي في 09:29 12/04/2012
اغاتي اختنا العزيزة
اتوكلي على الله لان ترة الـــ IOM ساعاتهم مو سوة وهذا مصير ومستقبل وحباة جديدة

بس بدون زحمة شكد صار من قابلتي ثانية وعادوهة الج لو لا وكم مرة فحصتي فحص طبي وانت ابغداد لو وين واجتج رسالة Defferal letter بدون زحمة فد شرح وان شاء الله بالتوفيق ويوم تبشرينة بوصولج اغاتي
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: جورجيا في 09:55 12/04/2012
عمي اتوكلي على الله
همه هناك على العمر يخلوهم بلصف مو مثلنه
يعني يشوفون عمرهم ويحطوهم بلصف الي ابعمرهم
ديري بالج اتاجلين
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: ÐŗệăMÝ في 09:59 12/04/2012
مقتبس من: hkjd في 08:16 12/04/2012
الاسلام عليكم خواتي واخواني
طبعا راح اتكولون منو انتي؟؟
طبعا هاي اول مشاركة إلي  وآني كولش محتاجة اسمع ارائكم ومشاركاتكم
اني مقدمه IOM من 2009
وكملت كلشي وحددولي سفر نهاية الشهر والحمد لله
المشكلة ان جهالي وحده ثاني ابتدائي وواحد اول ابتدائي ومثل متعرفون امتحانات اخير السنه راح تبدي في بداية الشهر الخامس
وموعد السفر راح يكون قبل نهاية الامتحانات باسبوعين تقريبا :'( :'(
وهسه اني حايره وما ادري شنو اسوي ادز لهم ايميل واشرح لهم الحاله واطلب تاجيل لحين انتهاء الامتحانات
لو اتوكل واسافر وبهذه الحالة راح تروح عليهم السنه
خلصوني من الحيره .. الله لا يحيركم



اختي اذا اجلتي راح تخسرين لانو متكدرين تتوقعين شوكت راح ينطوكم موعد سفر ثاني وكلشي يصير احتمال تصير عندج شغلات اكسباير وتطولون لحد امتحانات السنه الجديده , اتوكلو بألله وسافروا واتمنالكم سلامة الوصول
تحياتي
دريمي
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: RED HAT في 10:16 12/04/2012
السلام عليكم ...

اولا مبروك موعد السفر وان شاء الله الموفقية بالحياة الجديدة .
وثانيا : توكلي على الله وسافري لان اذا أجلتي موعد الرحلة متعرفين شوكت راح ينطوج موعد ثاني ... اني عندي صديقي اجل السفر مالتة وصارلة تقريبا سنة ونص ينتضر موعد جديد وعاد الفحص الطبي وكلشي ماكو ليهسة .

تحياتي
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: Aiham_ في 10:18 12/04/2012
لا تنسين تاخذين القراءة و الحساب وياج لامريكا حتة يقرون بيها بالعطلة  ;D
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: ورد الشام في 10:27 12/04/2012
السلام عليكم
 اختي العزيزة سؤالج بمحله لان دراسة الصف الاول والثاني ابتدائي ما يتعوض بالعراق ابدا ;D :   النصيحة اتبعي  الي اتشوفيه مناسب الج انتي صاحبة القرار الاول والاخير.
اختكم ورد الشام.
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: steven_siv في 10:35 12/04/2012
بدون تعليق
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: allawi في 10:42 12/04/2012
أختي روحي اشتري جنط وصدكيني الاطفال راح يكونون ممتنين لحضرتك لمن يكبرون وما راح يزعلون لمن بطلتيهم من مدرستهم هنا وتمنياتي بالموفقية والحياة السعيدة
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: ابو علاوي في 10:49 12/04/2012
اولا الف مبروك على موعد السفر ثانيا الاولاد اول تالي هناك ايكملون ونصيحة من اخوج اطلعي  امعود سفرج محد يعرف الضروف وكلمن وحضة توكيلي على الله وانشاء الله هناك اطلعيهم دكاترة تحياتي
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: *George* في 11:30 12/04/2012
اختي العزيزة مرة سمعت مقولة كلش جميلة واتمنى تاخذين بيها
اعمل بالمضمون ولا تنسى الطموح
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: iraqi 64 في 11:33 12/04/2012
عصفور باليد خير من عشرة على الشجرة وابو المثل ما خله شي ما كاله.
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: رافت العراقي في 11:55 12/04/2012
توكلي على الله وسافري
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: SIV NASSA في 12:01 12/04/2012
روحي بفالج اختي وتوكلي عل الله
ام ديما
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: baghdadya91 في 13:56 12/04/2012
مقتبس من: hkjd في 08:16 12/04/2012
الاسلام عليكم خواتي واخواني
طبعا راح اتكولون منو انتي؟؟
طبعا هاي اول مشاركة إلي  وآني كولش محتاجة اسمع ارائكم ومشاركاتكم
اني مقدمه IOM من 2009
وكملت كلشي وحددولي سفر نهاية الشهر والحمد لله
المشكلة ان جهالي وحده ثاني ابتدائي وواحد اول ابتدائي ومثل متعرفون امتحانات اخير السنه راح تبدي في بداية الشهر الخامس
وموعد السفر راح يكون قبل نهاية الامتحانات باسبوعين تقريبا :'( :'(
وهسه اني حايره وما ادري شنو اسوي ادز لهم ايميل واشرح لهم الحاله واطلب تاجيل لحين انتهاء الامتحانات
لو اتوكل واسافر وبهذه الحالة راح تروح عليهم السنه
خلصوني من الحيره .. الله لا يحيركم


مسا الخير أختي
طبعاً من دون تردد ولا حيره ولا شي
أكيد تروحين ع الموعد إلمحدد تسافرون وتخلصون من العراق ومشاكله يلي متخلص
بس نصيحه تخلين أولادج يستمرون بدوامهم لآخر يوم قبل إلسفر لتلبكيهم وبعدين واحد ميعرف كلشي يصير أي ممكن يتأجل موعد إلسفر من قبل إلمنظمه نفسها سو إلحذر واجب
خلي الأولاد يضلون يداومون وموعد إلسفر متأجليه لأن إذا تأجليه الله أعلم بعد شوكت ينطوكم موعد ثاني
إن شاء الله كدرنه يلي ردينه كلنه نزيح الحيره عنج  :) ;)
تحياتي
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: soranov في 14:13 12/04/2012
سافروا وتوكلوا على الله
شنو الابتدائي, مو دكتوراه  ;D
بس لا تتاجل السفر, لانه ممكن يتاخر 3 شهور الى سنة
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: جاسم كراده في 14:26 12/04/2012

الف مبروك.... دير بالج تاجلين موعد السفر....  :o مثل ما صار ويانه وصار سنتين ننتظر موعد سفر ثاني والى حد هذا اليوم ماكو اي جواب توكلي على الله
وثاني شي هيه مدرست ابتدائية يعني بداية الدراســـــــــــــــــة واول وتالي راح ينسون العربية ويتعلمون الانكليزية

وان شاءالله الفرج القريب والوصول باسلامـــــــــــــــــــــــــــــــــــــــــة
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: ألن في بلاد العجائب في 14:28 12/04/2012
اطفري اختي العزيزه رح يتخلون بنفس مراحلهم مرح يروح عليهم شي هي دراسات عليا انعافت انوبه ابتدائيه
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: دارين العراقيه في 15:47 12/04/2012
اختي صاحبة الموضوع اول شيء مبروك على السفر وثاني شي اكولج سافري ولاتفكرين بهذه الموضوع ابد
بس سؤال اختي انتي من بغداد لو من عمان الله يسهل سفرج وسفر كل المنتضرين يارب
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: windtalker في 16:01 12/04/2012
سافري اختي احسنلج لان كل مرحلة من مراحل ملفكم بي اكسباير وبهاي الحالة انتي حتظلين لا للسمة ولا للكاع
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: MohdS في 16:04 12/04/2012
الف مبروك على السفر و نصيحة اذا اجلتي السفر بعد تحلمون تشوفون امريكا بعيونكم سافرو و لاتضيعين الفرصة من ايدكم لان مثل هيج فرص تجي مرة وحدة العمر
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: ابو المازن السامرائي في 16:23 12/04/2012
الاخت العزيزة
السلام عليكم
اني عندي صديق انطوه موعد سفر بالضبط شهر الثالث من سنة 2011 ودزلهم كلهم عندي امتحانات مال الكلية .. وهسه حبيب قلبي محمد جاي يلطم لان الى هذه اللحظة محد كايله شلونك !!؟ توكلي بالله وسافري فهو حسبك ونعم النصير
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: عمر المترجم في 16:27 12/04/2012
اختـــــــــــــــــــــــــــــــــــي العزيزه مبـــــــــــــــــــــــــروك بــــــــــــــــس احد الاخـــــــــــــــــــوان يسئل عن موعــــــــــــــــــــــــــد المقابله الثـــــــــــــــــــــــانيـــــــــــــــــــــه
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: engineermech في 16:44 12/04/2012
اختي توكلي بالله وسافري لانه جماعة الا او ام ما ينحزون فيزة باليد خير من الف تاجيل
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: salam83a في 16:56 12/04/2012
معقولة اكو ناس مترددة الى هسة وناس صارلهة 3 و4 سنوات تنتظر ومستعدة تعوف كلشي واني منهم طبعا عمي دسافري واصلا ماكو داعي تسالين هالسوال وانشاء الله تتوفقون بحياتكم ولاتترددين بالسفر نصيحة
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: انيس الجالسين في 20:35 12/04/2012
أشوو الاخت طفرت من الموضوع ؟!!!! 
يمعودة الجميع ينصح بالطفرة من العراق مووو من الموضوع ؟!!!
بس لا عضوة قديمة والمعرف جديد لغرض السفر فقط ؟!!!
وبالتوفيق بكل حال ;D ;D
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: الروح المجروحة في 20:38 12/04/2012
اختي بلا زعل اذا انت خايفه على امتحان اطفال بصف اول ابتدائي لعد شكو قدمتي
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: joe1982 في 20:46 12/04/2012
اختي سافري وتوكلي على الله لأن اني رجعو ابني سنة ليوره علمود يكدر يتواصل وية المدرسين والطلاب وتقوى اللغة الانكليزية مالته يعني اول وتالي يرجع سنه ليوره
تحياتي الى اختي العزيزة
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: abo shams في 21:20 12/04/2012
اني اشوف لو تنتضرين لما يخلصون ثانوية بالعراق علمود تاخذيهم مخلصين بيديهم شهايد مال سادس من العراق ايشكون بيه الكاع بامريكا منو احسن منهم خلي اشوف  8) 8) 8) 8) 8) 8) 8)
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: BUCCA في 21:45 12/04/2012
مال واحد يطك روحة طلقة

معقول هذا السوال .... انوب ولكن

خوش متهددين
العنوان: رد: سؤال مستعجل الى الكل لقد حددولي موعد سفر ولكن؟
أرسل بواسطة: ياهو في 21:46 12/04/2012
الاخت الحائرة في موضوع السفر اقترح ان تتوكلي على الله وتسافرين وبالنسبة للاطفال بقيهم الى موعد السفر عادي وكان شيئا لو يكن تحسبا لمفاجات الاي او ام وما راح ياثر لان انشاء الله اذا وصلتوا بالسلامة راح يرجعوهم بكل الاحوال من اجل اللغة فكل ما سافرتي في وقت مبكر كا ن افضل الك وبهاي الفترة كملي بقية متعلقات السفر  الوكالة العامة لاحد افراد العائلة اذا كان عندكم املاك او غير شي كذلك كل المستمسكات يعني اطفاللك لازم عدهم جنسية وشهادة  جنسية لازم اطلعين ماراح تحتاجينها بامريكا بس ظرورية وتطليعته صعبة بعدين توكلي على الله وسافري اما اذا كنت مترددة لسبب او اخر وشغلة الاطفال مجرد مبرر تقنعين بيه نفسك فهذا شي لا احد يشتطيع مساعدتك فيه  ؟