ankawa
منتدى الهجرة واللجوء => الهجرة و واللاجئين => الموضوع حرر بواسطة: sparky في 23:01 14/04/2012
-
السلام عليكم ورحمة الله وبركاته
الاخوه الغالين - احببنا التاكد من مصداقية ماسمعناه من ان هناك شخص وصل له الكوم ابروفل SIV لقضيته بعد 22 يوم فقط
SIVCOM فهل هذا صحيح رجاء - ان كان هذا صحيح فمعناه ان الاجراءات الامنيه والتجيكات الامنيه الان تقلصت المده الى ثلث الوقت السابق والمعلن .
وخاصة للمقدمين لبرنامج الاس اي في والتي كانت تاخذ 3 شهور للحصول على جواب الكوم ابرفل للاس اي في ...اصبحت الان جاهزه بعد 22 يوم بدل من 3 شهور ....
ويعني الان ديعملوها باقل من اسبوع وهذه ستصب بخيرها على كل المقدمين سواء لبرنامج الاي او ام وبرنامج الاس اي في
فهل ياترى ممكن ان يكون هذا صحيح ام استنتاجي خاطئ وانا اسف للازعاج
انتظر اجاباتكم ونقاشاتكم والتي ستنور بصيرة كل من يقرا الموضوع رجاء والفائده للجميع باذن الله وشكرا مقدما لكم ..
للمعلومات فنحن مقدمين على الاي او ام ---لكن الموضوع يهم صديق عزيز وغالي عليه جدا وشكرا .
-
اخ سباركي شلونك يا طيب
عادي اخي اني اخذت الكوم ابروفال بشهر اذا ماتخوني ذاكرتي
بس وبعدين شنو القبظ هاي طبيت بشهر 11 بعد المقابله
-
عزبز وغالي واسم على مسمى ( كلش حباب )
11 شهر بعد مقابلة السفاره ......الله يسهلها عليك يارب وتسمع الاخبار الطيبه قريبا جدا باذن الواحد الاحد الفرد الصمد
-
سباركي عيني هذا الخبر صحيح لان اني اخذت الكوم ابروفال بالضبط خلال 17 يوم في شهر الرابع 2011 و كان فد رقم قياسي بوكتها.
-
اخوية استل ال COM خلال اقل من اسبوعين .... هذا الحجي قبل اسبوع صاير وحتى قدمنة على الخطوة 2 عن طريق الأيميل و ثاني يوم اجالة رسالة من عندهم يكولون انهم دا يشتغلون بالدعوة مالتو في نبراسكا..
-
ممنونين لكم جميعا وجزاكم الله الف خير
الاخ كوست فاذر
الاخ رزجار 77
الاخ كلش حباب
والله يحفظكم يالطيبين
-
عمي سباركي منوووور
عمي الغالي الكوم ابروفل مو هوه المعضله الجبيره بالنسبه لل اس اي في
لان اخونا شو اخذه ب3 ايام وكان هذا ضرب للرقم القياسي
وهاي بالرغم انه كانوا يسموها بحر الظلمات والحقيقه هوه التاخير كان يصير بسبب اما نقص في المعامله او خطا ما
واذا رتبوها المعامله بشكل صحيح متطول
لكن التاخير الي بده يصير بالسنه الاخيره هوه بعد المقابله وهيه هنا التجييكات الامنيه الي دتحطم الاعصاب
بينما قبل جانت هاي الفتره متجاوز الاسبوعين وهسه صارت بالسنين
-
اي الحمدلله اني بوكته اتاخر سنه و 11 شهر يعني تاتي تواتي حتى اخير شي دزيتلهم رساله كلتلهم حتى الجمل يجيب بسنه
و قابلت بشهر العاشر 2011 و لحد هسه صافيه ماكو شي تسمع صوتك
عل العموم انشالله خير و بيه صالح
هو غير اكمشه لصالح حتى اطلع بيه القضه و المضه من 2009 لحد هسه
-
هذا الكلام صحيح اخي وصار وية صاحبي اصلا اختصر هواي مدة باكمال مراحل الاس اي في
-
سلام عليكم
سبحان الله قرايبي اخذ الفيزا ب 3 شهور اول ما بده البرنامج واني اخذت الكوم وره طلعان الروح بسنة ال 2011 شهر 8
بس تره الامور احسن من قبل هسه اكو تحسن ملحوظ
تقبولا مروري
اخوكم كلير007
-
ممنونين من الجميع على الاجابات
وبعد اكو اساله لانها استجدت وتتلخص بالتالي :-
1) هل الحصول على الكوم ابروفل مال برنامج الاس اي في يتضمن تجييك امني ؟ وان كان نعم فكيف بعض الاخوه قالوا انهم استلموا الكوم ابروفل خلال اسبوع وهذا يعني كتحصيل حاصل ان التجييك الامني لاياخذ الوقت الطويل اللي نعرفه واللي دنعيشه واللي ديوصل سنين ماشاءالله
2) حصولك على الاكوم ابروفل .هل ممكن ان يحصل صاحب القضيه على الرفض بعدها ام ان استحصال الكوم ابروفل ممكن بنسبه كبيره وبمعدل 90 % يؤدي الى الموافقات النهائيه وربح القضيه
بانتظار الاراء وشكرا مقدما
-
صحيح اني هم سمعت بهذا الشي ... وان شاءالله خير للجميع يارب .. بس سؤال بدون زحمة للي مجربين الاس اي في ..
السؤال الاول : اذا رجعولهم الجوازات وختمولهم الفيز عليها مال الاس اي في يعني خلص هاي هيه كلشي خلص واكيد يسافرون ؟؟
السؤال الثاني: اذا يريدون يسافرون حالهم حال اليو ان والاي او ام يعني همة يدفعولهم التكتات مال الطياره وايجاز وفود ساتمب وكلشي .. هل بهيجي حاله يتاخر علما يخابرون ينطوهم موعد السفر ؟؟ وهمة يحددو لو اليو ان تحدده للموعد السفر؟ يعني سمعت يكولون اذا انت تدفع تكتات الطياره راسا تحجز وتسافر بس اذا همة يدفعولك ويسوولك الموعد رح تتاخر والله اعلم لشكد !! فهل هذا صحيح لو عادي متتاخر "؟؟
السؤال الثالث: هسه بقوانين الاس اي في الاب يكدر ياخذ زوجته واولاده الي جوة ال21 هذا اعرفه .. بس اذا راد يسحب ابنه الي فوك 21 ؟ يكدر يسحبه ؟ وشكد المده وتطلعله الفيزا ويروح للاهله بامريكا ؟ رجاءا المساعده والافاده مشكورين جميعا :)
-
اخويه العزيز
اني قدمت منتصف الشهر الثاني 2012
بعد 21 يوم حصلت الكوم ابروفال
بعدهه ارسلت الاوراق ال نبراسكا ثم تحولت لل NVC بعد 4 ايام من وصول الاوراق الى نبراسكا
بعد 10 ايام طلبوا ابعثلهم الاوراق (عدم المحكوميه وصوره قيد ......) وملئ الفورم ds-260
بعد ارسال الاوراق باسبوع واحد تم تحديد المقابله وان شاءالله ستكون في الشهر السادس
يعني من يوم التقديم الى يوم المقابله 4 اشهر فقط
اعتقد فعلأ اكو تسريع بالاجراءات
ان شاءالله بالتوفيق
-
صحيح اني هم سمعت بهذا الشي ... وان شاءالله خير للجميع يارب .. بس سؤال بدون زحمة للي مجربين الاس اي في ..
السؤال الاول : اذا رجعولهم الجوازات وختمولهم الفيز عليها مال الاس اي في يعني خلص هاي هيه كلشي خلص واكيد يسافرون ؟؟
السؤال الثاني: اذا يريدون يسافرون حالهم حال اليو ان والاي او ام يعني همة يدفعولهم التكتات مال الطياره وايجاز وفود ساتمب وكلشي .. هل بهيجي حاله يتاخر علما يخابرون ينطوهم موعد السفر ؟؟ وهمة يحددو لو اليو ان تحدده للموعد السفر؟ يعني سمعت يكولون اذا انت تدفع تكتات الطياره راسا تحجز وتسافر بس اذا همة يدفعولك ويسوولك الموعد رح تتاخر والله اعلم لشكد !! فهل هذا صحيح لو عادي متتاخر "؟؟
السؤال الثالث: هسه بقوانين الاس اي في الاب يكدر ياخذ زوجته واولاده الي جوة ال21 هذا اعرفه .. بس اذا راد يسحب ابنه الي فوك 21 ؟ يكدر يسحبه ؟ وشكد المده وتطلعله الفيزا ويروح للاهله بامريكا ؟ رجاءا المساعده والافاده مشكورين جميعا :)
الاخ الكريم مون لايت
صراجة انا ( واعوذ بالله من كلمة انا ) لست من المقدمين على برنامج الاس اي في ولكن على الاي او ام ومعلوماتي المتواضعه واللي ممكن الاخوه الطيبين ممكن يصححوها لنا ولكم اذا خطانا - لذا نرجو المساعده في التصحيح ان حصل والتاكيد ان كتب ونقل وللجميع الشكر والتقدير
الان الجواب للسؤال الاول
سيدي الغالي الطيب : استلامكم بالف مبروك للفيزا يعني 100% نهاية المطاف لقضيتكم وان الامن والامان بالنتظاركم باذن الواحد الاحد الفرد الصمد شرط ان لاتعمل مستجدات لقضيتك وهذا يعني تكعد وتسبط ولاتروح منا منا والمقصود مثلا لو كنت خارج العراق فلاتحاول الرجوع قبل سفرك للعراق بحجة توديع الاهل لان في ذلك امكانية التاخير والتجييك الامني للمره الاخرى قبل سفرك والله اعلم وهذا ماقراناه وعرفناه
الجواب للسؤال الثاني :-
وحسب التعديل لبرنامج الاس اي في - حيث يحق للمتقدم الحصول على كل الامتيازات التي يحصل عليها اقرانه من اصحاب الكيسات عن طريق الاي او ام
ولاتؤخر السفر لاكثر من اسبوعين فقط ...وبامكان المقدم ان يسافر وقتما يشاء على حسابه الشخصي شرط ان يظل صلاحية الفيزا قبل الانتهاء بشهر وحين وصوله للمكان الذي يريد الاستقرار به ثم يسال المنظمه المتواجده بامريكا ان تتكفل معيشته لثماني اشهر والصحه والاكل والمدارس وغيرها من الامتيازات
الجواب للسؤال الثالث وانا الممنون منكم سيدي
نعم يحق لصاحب القضيه ان ياخذ زوجته واولاده فقط الذين دون ال 21 سنه لانهم يعتبروا راشدين والذي يملك من ملك الله من الاطفال الكبار فوق ال 21 سنه - الله يحفظ ابناء الجميع اللهم امين بجاه رب العالمين - فبامكان اطفاله الكبار ان يقدموا على برنامج الاي او ام ومن ثم لم شمل العائله جميعا - والله خير حافظ وهو ارحم الراحمين
وانا خادم صغير لكل عراقي
-
الاخ رافت العراقي
الله يوفقك ويتمم عليك بالخير والبركه
اكيد حضرتك مقدم على البرنامج من خارج العراق لانه فيها تسريع وايضا ممكن المترجمين المباشرين مع الجيش الامريكي يكون لهم ايضا النصيب الاكبر في تعجيل المعاملات ونسال الله لكم الامن والامان والاستقرار والخير والسعاده اللهم امين
-
عادي ومثل ماكالوا الاخوان المهم التجييك الي بعد المقابلة بس اتصور ان اكو تسريع
لان حاليا التقديم الجديد ديقل يوم بعد يوم وانجاز المعاملات ولو بطيء دينقص من جماعة
الانتظار يعني صار انجاز المعاملات اكثر من التقديم فلازم يبين فرق
-
الاخ رافت العراقي
الله يوفقك ويتمم عليك بالخير والبركه
اكيد حضرتك مقدم على البرنامج من خارج العراق لانه فيها تسريع وايضا ممكن المترجمين المباشرين مع الجيش الامريكي يكون لهم ايضا النصيب الاكبر في تعجيل المعاملات ونسال الله لكم الامن والامان والاستقرار والخير والسعاده اللهم امين
اشكرك اخويه العزيز على كلماتك ودعواتك الجميله
ان شاءالله الخير للجميع يارب
اخويه العزيز اني مقدم من بغداد وكنت اعمل مترجم مع الجيش الامريكي
تحياتي وامنياتي لك بالسفر القريب
-
اخويه وين التسريع صارلي 4 اشهر وماكو شي اعتقد انسد البرنامج للمقدمين الجدد
-
زين هو هذا الكوم لو اني غلطان
To whom it may concern:
Thank you for your interest in the Special Immigrant Visa Chief of Mission Approval (SIVCOM) Program.
Attached are the Applicant Guidelines for Chief of Mission (COM) Approval. Please follow these guidelines carefully to complete your COM application.
-
الاخ مدريدي
الموضوع كتب من فتره طويله ونعم هناك تسريع وهناك من كتب من الاخوه انه استلم الكوم ابروفل بعد 10 أيام
اللي الحقته هو ليس اكثر من معلومات ايضاحيه لكيف تقدم على الكوم ابروفل فقط .
والبرنامج لايزال شغال واحتمال للسنه القادمه
-
قرائنا السلام عليكم
اذكر جيدا انارسلت اوراقي الى نبراسكا على ما اعتقد خلال بريد الوحدة (شهر تموز المنصرم) وعاد لي COM بخلال 22 او 21 يوم
فلا ارى اي غرابة مع العلم ان مقابلتي اكتملت في شهر جانيوري 24 ولي حد الآن لايوجد اي اتصال من السفارة
اخوكم
ابن البلد
-
اصدقائي اني قدمت SIV نهايه ال السابع 2012 وره 8 ايام كالو نريد ركومنديشن جديد لان انته بعدك تشتغل فسويت ودزيتها وراها ب 4 ايام اجاني ال COM يعني شي على شي 12 يوم
ومشيت بالمعامله ومدزيت شي DHL كوله سويته ع طريق الايميل
ومقابلتي شهر الجاي يعني 11 2012
واي سؤال اني حاظر
اخوكم