ankawa
منتدى الهجرة واللجوء => الهجرة و واللاجئين => الموضوع حرر بواسطة: ankawa_2010 في 23:48 15/04/2012
-
الاخوة والاخوات الاعضاء
الاخوة والاخوات المشرفين والاداريين
السلام عليكم
اني اريد احجي عالمكشوف
اريد اعرف شنو الي ديصير بهذا المنتدى ارجوكم اريد منكم ان تقرئون الموضوع للنهاية
اشو سالفة نقل وحذف المواضيع صايرة لناس وناس واني متأكد من هذا الشي
لاني متابع لكل المواضيع الي دتنشر يوميا والي دتنقل والتنحذف ( والي دتبقى تقريبا مثبتة )
والمشكلة اكو مواضيع متشابهة بالمضمون قسم تنقل وقسم باقيه ليش ؟؟؟
شنو هاي السالفة يعني الواسطة والعرف ما نخلص من هذا الشي احنا العراقيين؟
والله لو اليو ان والاي او ام لو بيها موظفين عراقيين جان الله الستار جان كلمن جماعته يمشي
هذا هو الواقع بالعراق بدوائر الدولة وكلمن يجيب عمك وخالك
بس اريد اعرف ليش بهذا المنتدى ديصير هذا الشي مدا اعرف ؟
اني دائما ويوميا لازم ازور هذا المنتدى ومتابع من زمان قبل ما اسجل بيه
وكان مثلي الاعلى هذا المنتدى واحجي ويه الناس دائما واكول اكو موقع عنكاوه
مفيد وهو لم الشمل لكل العراقيين وكل الاعضاء وبدون اي تمييز
لكن هاي الفتره دا اشوف غير شكل صايرة
مع احترامي للمشرفين والادارين من تردون تنقلون او تحذفون موضوع ما
لازم تتأكدون من باقي المواضيع المتشابهه الها ليش تستعجلون ؟
وبالقلم العريض اكو خصوصية وفيتو لقسم من الاعضاء ؟
هسة اذا نقلتو الموضوع او حذفوه اني هم مراح اسكت هم راح اكتب الى ان اتلقى رد
مقنع من اي مشرف او اداري يقنعني بعكس هذا الكلامhttp://[size=14pt][/size]
وتردون تعرفون ليش دا اكتب هذا الشي ؟
شوفو المواضيع مالتي الي انقلت وقارنوها ويه المواضيع الي هيه هسة موجوده
وتقريبا مثبته وراح تعرفوني اني على صح
والحكم الكم يا كل الاعضاء المحترمين
ويا المشرفين والاداريين المحترمين
وشكراhttp://[color=red][size=16pt][/size][/color]
-
صحيح اخي
انت حاول تدزلنا رسائل على الخاص واحنه راح نكون عد حسن ظنك ليش متعب روحك احنه اخوتك ونتشرف بيك
-
اشكركم يا اخوتي كلش حباب وريم كندا
على سرعة الرد والتابعة
اني نشرت كم موضوع بالفترة الاخيرة ودا اشوف الموضوغ
ما يطول وديتحول لقسم الدردشة يعني انغلق لان ماتكدر بعد ترد
او تضيف اي مشاركة بعد
واخر شي البارحة نشرت موضوع عن اختنى ( انجي ) واجتي ردود هواية
مشكورين قسم منهم وضح وين هيه هسه
بس ما لكيت ولا رد من اي مشرف او اداري بس الكدرو عليه ينقلون الموضوع
ما ادري اكو شي بينهم وبين الاخت انجي ؟ وهسه اكو موضوع مشابه لموضوعي
صارله ما ادري كم يوم ويجوز اشهر باقي ليش ؟
مع احترامي لاصحاب المواضيع المشابهة لان اني اشوف مابيها شي هاي المواضيع
الي دتنقل
لو واحد من المشرفين والاداريين يرد مو مشكلة لو شنو يعني مشرف واداري فد منصب
شايف نفسة لعد حقى المالكي ما يتحاجة
هذا الحجي حجيته حتى يصير عدهم عذر لنقل وحذف الموضوع
كافي بعد ما انزل اي موضوع ينتقد الادارة والمشرفين لانهم الكل بالكل وكافي مليت