ankawa
منتدى الهجرة واللجوء => الهجرة و واللاجئين => الموضوع حرر بواسطة: Avatar في 18:16 22/04/2012
-
السلام عليكم اخواني الاعزاء..خواتي العزيزات
قبل فترة صار الفحص الطبي مالتي Expired للمرة الخامسة بعد المليون يعني شوية ويخلص دمي ودم عائلتي هلكد ما اخذوا نماذج....طبعا منتظر تليفون من جماعة بغداد الميحجون علمود موعد للفحص....اشو خابروا عمان وجاوبت زوجتي وسالوها عن بنتي فقط....يعني شسمها واذا صار عدنة غيرهة او لا....
وراها بكم يوم اذا بالفحص الطبي بقدرة قادر صار In Process يعني شنو مثلا طلعوا عينات دم قديمة ومشوا امرهم بيهة؟؟؟؟!!!!!
وبعدهة بكم يوم خابرني الكفيل من امريكا يكول سالوني عنك المنظمة هم للمرة العاشرة بعد الالف...كتلة كيت وكيت السالفة...كللي جماعة المنظمة كايليلة قبل نهاية السنة اني يمة....طبعا كتلة ان شاء الله....
شتكولون شنو التفسير العلمي للي صار؟؟؟ علما اني هاية فقرة اليجون قبل نهاية السنة سامعهة من 2010 فصارت قديمة وكمت مالي واهس اضحك من اسمعهة...
ممنون
افتار
-
حبي ان شاء الله خير عليك وعلى الكل يارب
غاتي تحول بروسس process يعني اعتقد راح يخابروك تفحص وان شاء الله وراهة سفر باذن الله ويارب تفرحنة بيوم سفرك اغاتي
اغاتي بس ماعرفنة انت شكد صارلك مقدم وشوكت اخر مرة فحصت وعدت محلف لو لا ودخلت دورة تثقيفية لو لا حبي بكلت تخلينة وياك بالصورة ورد وانت IOM لو SIV
-
افتار
ان بروسس ( in process ) معناها انت حطوك على جدول اعاده الفحص الطبي
بالنسبه اليه من صار الفحص الطبي ان بروسس بعدها بشهر تقريبا اتصلو بيه على الاعاده
وان شاء الله يوم سفرك
-
يا الله هاي خوش بشارة معناها الامنية الاولى مالتك كاملة و انت الان على امنية ما قبل السفر و هسه انتظر منهم يخابروك على اعادة الفحص الطبي
موفق انشاء الله
تحياتي
-
up
-
شكرا جزيلا هذا عراقي، Angel eye، دزمند و ماركوس القيصر...حبايبي ممنون علة تعليقاتكم وامنياتكم الجميلة...وان شاء الله يبشركم بالخير والخير يصيب الجميع ان شاء الله
اخوية هذا عراقي..اني اي او ام مقدم من سنة 2008 بالشهر السادس ومخلص كلشي وكلاشي من 2010 الخامس...اي مقابلتين وفحص طبي ...ومن ذاك الوكت ولحد الان اني بدوامة التجييك الامني...
سويت وراهة بعد مقابلتينن وية المحلفين....مرتين للبصمات....ووراهة 3 فحوصات طبية طبعا كلما واحد يصير اكسباير اذبة بالزبل وادشن الجديد...وسويت دورة تثقيقية ام اليوم وكلولي لان انت مو من داخل بغداد ميحتاج...كتلهم مو اريد اثقف بداعتي كاللو لا حبيبي اطفر....وعينك متشوف الا النور...
اني صراحة تعبت حييييييل ويمكن مراح اروح للفجص الا اعذبهم مثل ما يعذبونة....خو اني شايل هم للي راح يخابرني للفحص تكول راح يدايني فلوس العب بيهن قمار مو ديسوي شغلة .....الا ليسلط عراقي عالعالم ,,,,لا عراقي ولا اردني لان تكول الاي او ام تصرف من جيوب الخلفوهم مباشرة..
ممنون وشكرا جزيلا
Avatar