اخويه العزيز راح احجيلك كلام واقعي لانه اني مريت هسه بيه
قبل كل شي الحوالات التي تجاوز ال 10000 دولار ممنوعه من العراق ومسموح الك مره وحده بالشهر انه تحول هل المبلغ لانه البنك المركزي رافض اي تحويل لاي شخص اكثر من 10000 دولار
طبعا اكو شي لازم تعرفه قبل اي حوالة انه شكد المبلغ الي راح يستقطعوا منك من البنكين يعني البنك الي راح تحول منه والبنك الي راح تستلم من عنده لانه البنكين عندهم استقطاع
اول الخطوات الي لازم تسويه لازم تفتح جساب مصرفي في اميركا وتاخذ منهم السويفت نمبر ورقم الحساب مالتك وعنوان بنك وادزه الى الشخص الي يريد يحولك مع ذكر اسم البنك واسمك كما مكتوب بالبطاقة الائتمانية
نجي على شلون تحول اي مبل
غ من العراق عندك حلين
الاول تحاول تحول عن طريق دول الجوار والافضل الى تركيا وراح تسغربون من انه اني نصحت من تركيا
لسببين الاول من تركيا من تحول ماكو اي تدقيق بالموضوع وثاني سبب الحوالة توصلك خلال 5 ساعات وتكون بحسابك كل المبلغ وهذا الشي متاكد منه
واني جربت وتعاملت ويه البنك الزراعي التركي الي في اسطنبول واستلمت الفلوس باميركا خلال 6 ساعات وبالمناسبة الفلوس كانت موجوده في عمان ومن حاولت ادزه الى اميركا البنك الاردني طالبني باثباتات عديده وبلغني بانه هاي الفلوس لازم تدخل كليرنس يله تكدر تستخدمه والكليرنس يتاخر الى 21 يوم بينما عن طريق تركيا ماكو اي تجيك لانه باميركا يعتبرون تركيا بلد اوربي وهذا الشي الايجابي بالموضوع
تحياتي الكم