ankawa
منتدى الهجرة واللجوء => الهجرة و واللاجئين => الموضوع حرر بواسطة: كوسوفي في 08:13 01/05/2012
-
السلام عليكم
لدي استفسار حول التقديم على برنامج الهجرة اي او ام
في الفقرة السادسة مذكور التالي
الأفراد العراقيون الذين هم الأزواج/ الزوجات و الأبناء/ البنات و الاباء / الأمهات و الاخوان/ الأخوات لمواطن امريكى , أو الافراد الذين هم أزواج /زوجات أو أبناء غير متزوجين /بنات غير متزوجات لأجنبى حاصل على اقامة دائمة فى الولايات المتحدة , و بحكم إنهم او سيصبحون المستفدين من معاملات تأشيرة الهجرة الموافق عليها I-130)) و المبنية على صلة القرابة الأسرية
اي ان اي عراقي يملك الكرين كارد يستطيع التقديم لزوجته او ابنه الغير متزوج لو لازم يكون مشتغل مع الامريكان علما انه لم يذكر اي شيء عن الوظيفة في هذه الفقرة
زين اذا هاي ما الها علاقة شنو قصة الناس اللي تتحول ملفاتهم i-130 على الاي او ام ???
ممكن احد يفهمني رحمة لوالديكم
-
مساء الخير اخي كوسوفي
والله اني هاي الفقرة هم دوختني ... بس اللي اعرفه انه واحد اذا دخل لامريكا عن طريق اليو ان يكدر يسحب فرد من الافراد الي مكتوبه بهاي الفقرة خلال سنه من دخوله لامريكا بس لازم هذا الفرد اللي ينسحب من العراق يكون عنده كيس نمبر حتى من امريكا يباشرون بسحبه
اني هذا اللي اعرفه من الدورة الثقافية اللي سوها النا قبل ما نسافر
-
والله يا اخي اني هاي الفقرة كثير مدوختني و ماجاي افهمها، واللي زاد دوختي بيها انه اكو ناس كانت مقدمة لاقاربها فورمة i-130 جالهم خطاب يكول انه يكدرون يقدمون لاهلهم عن طريق الاي او ام
و هاي صارت لواحد من الاعضاء بالمنتدى اسمه سكوفيلد
-
اخوان اني امسويها هاي المعاملة لزوجتي لبغداد وماشية الامور وننتضر التجيك الامني الاكشر والله كريم
-
الفقره واضحه وضوح الشمس
اذا كنت امريكي يحق لك بسحب ابوك امك اخوك اختك زوجتك
اذا كنت مقيم تكدر تسحب بس زوجتك و اطفالك غير المتزوجين
-
اخي كوسوفي عاش من شافك
اخي العزيز اعتقد الالتباس الي محيرك هوه انه كيف حامل الكرين كارت يكدر يقدم على ال اي او ام لزوجته واولاده الغير متزوجين حتى لو لم يعمل مع الامريكان؟؟؟
وهاي الحاله تاتي بعد ان يقدملهم من امريكا على ال I-130 ويستحصل على الموافقه
والسفاره ادز عليهم واتسويلهم مقابله ... وهنا يخيروهم اذا يريدون يسون معاملة هجره او لجوء
فاذا كانت معاملة لجوء يحولوهم على ال اي او ام ويكملون نفس الاجراءات الي يمر بيها المقدمين على ال اي او ام وينتظرون ايضا الموافقه الامنيه
ويستحقون البنفيت وهاي الحاله هي الي مذكوره بالفقره الي اشرت الها حضرتك
يعني مو يقدمون من يمهم كبل على ال اي او ام وانما بعد ان يمرون بمعاملة لم الشمل راح توصلهم لل اي او ام
وهذا المقصود في الفقره و بحكم إنهم او سيصبحون المستفدين من معاملات تأشيرة الهجرة الموافق عليها I-130)) و المبنية على صلة القرابة الأسرية
اما الي يسون معاملة هجره فتبقى معاملتهم عن طريق السفاره ويتكفل الزوج بكل التزاماتهم الماليه
اما ايهما الاسرع
فالموضوع هم يرجع على الموافقه الامنيه وشكد اتطول
-
شكرا جزيلا لكم على ردودكم و الحمد لله ردودكم اوضحت الصورة امامي
اخي العزيز ألن في بلاد العجائب اشكرك عزيزي على ردك
اشكرك اخي غزوان انا راح ادزلك عالخاص لان عندي كم سؤال لك
اختي العزيزة ريم مشكورة على الايضاح وعلى الشرح المفصل، صدك هاي وين صرتي و شصار من شغلتج تحياتي الج اختي العزيزة
-
اخت ريم اني بامريكا هسة وصار شهر من دخلنا هنا ... ومثل ما كلت سابقا بالدورة الثقافية الي سوها النا قبل ما نسافر كالولنا يكدر الواحد يسحب فرد درجه اولى خلال اول سنه ونفس الحجي كالو النا هنا المنظمه انه نكدر نسحب واحد درجة اولى من العراق بس يكون عنده كيس نمبر بال اي او ام وبعدين على اساس نروح للمنظمه ونطيهم كيس نمبر ويسوون المعاملة ... شنو رايج بهذا الكلام ؟؟؟ يا ريت تساعدينه
واكو شي لاخ انه اذا الولد متزوج تكدر الام تسحبه لو لا؟؟؟؟؟؟؟؟؟؟؟
-
اخت ريم اني بامريكا هسة وصار شهر من دخلنا هنا ... ومثل ما كلت سابقا بالدورة الثقافية الي سوها النا قبل ما نسافر كالولنا يكدر الواحد يسحب فرد درجه اولى خلال اول سنه ونفس الحجي كالو النا هنا المنظمه انه نكدر نسحب واحد درجة اولى من العراق بس يكون عنده كيس نمبر بال اي او ام وبعدين على اساس نروح للمنظمه ونطيهم كيس نمبر ويسوون المعاملة ... شنو رايج بهذا الكلام ؟؟؟ يا ريت تساعدينه
واكو شي لاخ انه اذا الولد متزوج تكدر الام تسحبه لو لا؟؟؟؟؟؟؟؟؟؟؟
اخي العزيز
السحب فعلا لصلة القرابه من الدرجه الاولى والي تشمل الزوج\ه والاولاد الغير متزوجين
ومتقتصر على شخص واحد منهم وانما يستطيع الزوج سحب زوجته واولاده وكذلك الزوجه تكدر تسحب زوجها وكل اولادها
اما اذا شخص عنده كيس من نمبر من العراق فهذا ميحتاج سحب لان يكون اصلا مقدم على ال اي او ام وعنده معامله وكيس نمبر فهذا معاملته ماشيه بدون لم شمل
اما اذا تقصد حصل كيس نمبر عن طريق لم الشمل فهذا يكون احد هولاء المذكورين اعلاه
اما بالنسبه للمتزوج اذا رادت امه او ابوه يسووله لم شمل فهذا وضعه يكون اعقد وياخذ وقت طويل
-
اخي كوسوفي والله بعدني على نفس الحطه
-
السلام عليكم
طبعا رد الاخت ريم صحيح .... بس حبيت اضيف ردا على سوال ايهما اسرع اللجوء او الهجرة بما يخص الفورم i 130 فالهجرة اسرع وذلك بسبب تنازلهم عن البنفت وتكفل الزوج او صاحب العلاقة بكافة ما يترتب عليه الغاء البنفت
اخوكم حبزبوز