ankawa
منتدى الهجرة واللجوء => الهجرة و واللاجئين => الموضوع حرر بواسطة: فداء الروح في 02:03 06/05/2012
-
اخوان اني محبطة شوية . عذروني ما رح اكتب اي شي غير. الي يعرف معلومات عن ولاية الاسكا يكتبلي بلا زحمة ومن فضلكم. والي يعرف اي ولاية شمالية افضل من ناحية المساعدات والدراسة وقلة عدد العرب هم يكلي والله يوفقكم كلكم يا رب العالمين :(
-
اختي هاي المواضيع المذكورة بالمنتدى وبلكي تستفادين منها
http://www.ankawa.com/forum/index.php/topic,411518.msg4591606.html#msg4591606 (http://www.ankawa.com/forum/index.php/topic,411518.msg4591606.html#msg4591606)
وهاي على ولاية نورث داكوتا وهية من الولايات الشمالية همين
http://www.ankawa.com/forum/index.php/topic,546964.msg5422179.html#msg5422179 (http://www.ankawa.com/forum/index.php/topic,546964.msg5422179.html#msg5422179)
-
اخت فداء اللة يكون بعونج مبينة محبطة بس قوي نفسج اختى وهاي الغربة كلشي تعلمج ويارب كل الخير حبيبتى وانشاللة نسمع كل خير عنج وعن كل طيب يارب----زينب
-
عزيزتي فداء الروح تحية طيبة
ولاية الاسكا عدد العرب فيها جدا قليل لكن جدااااااااا باردة وكلها ثلوج اما مساعدتها اني اعتبرها افضل ولاية من هذة الناحية
لانج ما راح تكدرين تشتغلين وايجاد العمل يكون بصعوبة وحتى الجنسية فتكدرين تاخذها 3 سنوات وهذا الي اعرفة والله اعلم
اتمنى لك الموافقية والنجاح تقبلي مروري
-
نسال الله ان يهون الامور ويجعلها سهله وسلسه على جميع خلق الله وبالذات العراقيين اللي عانوا الكثير والشكوى لرب الخليقه سبحانه وتعالى
-
زززززززنوبة اسمحيلي اكلج باسمج ترة اني اختي اسمها زينب. اني بجيت من قريت ردج لان حسيت انتي كلش حاسبة واني ادري اغلبنا من نقرا مواضيع نحس بالآخر لان مارين بهالحلات او شايفين حالات امامنا . اني كلش اشكرك صدك واسيتيني .
اخواني المحترمين كلكم الي رديتوا الله يوفقكم وما تشوفون اي ضيق بحياتكم ويسرها عليكم الحياة كلها يا رب.
اخوان البرد مو مشكلة اريد تفاصيل اكثر ارجوكم او رقم احد هناك من المنتدى ان وجد يعني تكون المعلومات مؤكدة.
اني سمعت خبر من استاذ.
يكول الاسكا ينطون كل سنة 1500 دولار لكل فرد من العائلة سواء عملتو او لا اخذتو مساعدة ام لا اخذتوا تاكس ام لا الكم لكل نفر هالمبلغ بصراحة اني مع الاولاد وحدي يعني داحاول اسوي عدة امور. ابتعد عن المختلط الي هنا . واروح مكان امريكا فعلا وناسها فعلا.
اتعلم اللغة واعتمد على نفسي بسرعا اذا بقيت هنا عندي اسباب خاصة تمنعني.
واضمن حيات افضل للاولاد . خصوصا البنااااااات المظلومات
-
زززززززنوبة اسمحيلي اكلج باسمج ترة اني اختي اسمها زينب. اني بجيت من قريت ردج لان حسيت انتي كلش حاسبة واني ادري اغلبنا من نقرا مواضيع نحس بالآخر لان مارين بهالحلات او شايفين حالات امامنا . اني كلش اشكرك صدك واسيتيني .
اخواني المحترمين كلكم الي رديتوا الله يوفقكم وما تشوفون اي ضيق بحياتكم ويسرها عليكم الحياة كلها يا رب.
اخوان البرد مو مشكلة اريد تفاصيل اكثر ارجوكم او رقم احد هناك من المنتدى ان وجد يعني تكون المعلومات مؤكدة.
اني سمعت خبر من استاذ.
يكول الاسكا ينطون كل سنة 1500 دولار لكل فرد من العائلة سواء عملتو او لا اخذتو مساعدة ام لا اخذتوا تاكس ام لا الكم لكل نفر هالمبلغ بصراحة اني مع الاولاد وحدي يعني داحاول اسوي عدة امور. ابتعد عن المختلط الي هنا . واروح مكان امريكا فعلا وناسها فعلا.
اتعلم اللغة واعتمد على نفسي بسرعا اذا بقيت هنا عندي اسباب خاصة تمنعني.
واضمن حيات افضل للاولاد . خصوصا البنااااااات المظلومات
الله يقويك ويصبرك وان شاء الله تشوفين كل الخير والنجاح ..لان امبين عليك اصيلة وبنت حموله ....
uppppp جماعة الولايات الشماليه
-
حبيبتى اللة يخليج على اولادك ونطيج الصحة خليتينى اكتب وابجي انى اواسيج لان حسيت بيج فعلا وداعت ابنى وكتبت كم كلمة حتى ابرد روحج الطاهرة اللي حسستينا بيها ادعيلج بلخير ياربي ويارب تلكين المساعدة لان انتى طيوبة وبنت خير
دعائي الج ولاولادج ياطيبة----اختج زنوبة
للرفع اخوان جماعة الاسكا
-
الله يكون بالعون.
هاي هم up خاطر يشوفون الموضوع...
-
اهلي عدهم استعداد بيت وسيارة بالشمال ينطوني وفلوس طيارة خمس نفرات بس ارججججع والادهى هم جايين بعد كم شهرررررررر واحرم الجهال من المدارس ومن مستقبلهم هنا اختاريت اتعب واني متأكدة الله رح يساعدني لان احنا اغنياء بيه هو واني متأكدة رح تتعدل الامور ويمكن اختبار من رب العالمين ما ادري. بس اني البارحة جنت ابجي واكول اكووووووو ناس مشت غلط وسعيدة بحياتها ليش الصح تعبان؟ وليش مظلوم وليش مضطهد من اقرب الناس؟ ما ادري بقت حكمة من الله واني اكول الحمد لله والشكر على كل شي .
اني كلش اشكر مشاعركم احبائي وصدكوني حسيت انتو كلش قريبين مني الله يراويكم الفرح والبشائر ويفرح قلوبكم دائما أمين يا رب.
اخ espero اختي زينب اخوان اشكركم من قلبي والله وادعيلكم بافضل ما يكون الكم .
تحياتي واحترامي اخواني.
فداء
-
اختى فدا احنة نتداول الحديث بلكي عل وعسى يجي احد يجاوبنا وانشاللة مو بعيدة عند رب العالمين لانج طيوبة
كل كلامج ذهب وتاج على راسي وكلنة مرينا اذا مو انى فلمقربين النة بس لا تخطين اياج اختى الغالية وان تفكرين بلرجوع اعرف الاهل يضحون بس انتى ضحي لاجل اولادك وبناتج وهاي جملة نصيحة لان حاسة ولامسة الشي اللي انتى بي دعواتنا الج وهاي اخر شي اكولة ربي يفرجها عليج دنيا واخرة يارب ---اختج زينب
-
ان شاء الله تسهل امورج وكلها تصير سوالف انتي بس خلي املج بالله قوي
تحياتي
جورج
-
الله يسهل عليج اختي وين متكونين.
-
من يتقي الله يجعل له مخرجا ويرزقه من حيث لا يحتسب ... اختي احفظي الله تجديه تجاهك واحفظي الله يحفظك ... اختي ما هذه الايام اختبار وامتحان من الله على صبرك و المتمسك بأيمانه كالماسك الجمر بيديه .. اختي توكلي على الله وسلمي امرك له و ستجدين نصر الله وفتحه قريب .. اكثري من الدعاء و الاستغفار .. ما ادراك من الممكن ان يكون الله يحب سماع صوت دعائك .. وقي بالله ان يجعل في طريقكم من يساعدكم و يأخذ بيدك و تستقرين .. ان شاء الله الاخوه اكيد ما رح يقصرون ومو شرط في الاسكا ياريت اسوين عنوان موضوعك " عاجل عاجل عاجل نداء لاخذ بيد اختكم في امريكا " وهسه اتشوفين بعينج غيرت اخوانك العراقيين شلونه
-
من يتقي الله يجعل له مخرجا ويرزقه من حيث لا يحتسب ... اختي احفظي الله تجديه تجاهك واحفظي الله يحفظك ... اختي ما هذه الايام اختبار وامتحان من الله على صبرك و الماسك بأيمانه كالماسك الجمر بيديه .. اختي توكلي على الله وسلمي امرك له و ستجدين نصر الله وفتحه قريب اكثري من الدعاء و الاستغفار .. ما ادراك من الممكن ان يكون الله يحب سماع صوت دعائك .. وثقي بالله ان يجعل في طريقكم من يساعدكم و يأخذ بيدك و تستقرين .. ان شاء الله الاخوه اكيد ما رح يقصرون ومو شرط في الاسكا ياريت اسويت عنوان موضوعج " عاجل عاجل عاجل نداء لاخذ بيد اختكم في امريكا " وهسه اتشوفين بعينج غيرت اخوانك العراقيين شلونه
بارك الله بيك ابو شمس حجيك ذهب
-
Up
-
للمساعده اخواني
-
فداء
نورث داكوتا وساوث داكوتا والاسكا المساعدات فول اوبشن ..ولي احد المعارف في المنتدى سابقا تعين اصوري بوظظيفة حكومية بالاسكا لقلة النازحين للولايات الباردة
اني بانسبة الي لو يذبوني بالمنجمد الشمالي احسن من الوضع مال العراق رايي طبعا ومعلية بغيري
-
اعتقد نورث داكوتا
-
السلام عليكم
ولاية الاسكا من الولايات الجميلة لكن فرص العمل بية قليلة و تعتمد بالدرجة الاساس على الصيد البري و البحري و على النفط و هذة الفلوس الي انت اتكولين عليهة هية حصة الشعب من النفط و تتراوح ما بين 900 الى 1500 دولار بالسنة لكل انسان قانوني و بيهة مساعدات زينة
نسبة النيتف امركن جدا عالية جماعتنا ايسموهم هنود الحمر
الى اليوم ما شفت او سمعت عراقي بالاسكا. اختي العزيزة اني اعرف انت بكاليفورنيا و اني انصحج تنتقلين الى اريزونا لان ولاية رخيصة و بيهة فرص عمل جيدة نسبيا
بالنسبة الى قلة العرب او كثرة العرب صدكيني ما ايغيرون شي اني اعرف هواية ناس اختلاطهم بالعرب ما اثر على لغتهم او واقع حياتهم
ربي ايوفقك و اي شي تحتاجية بس كولي احنة اخوانك
زوزك كاليفورنيا
-
من يتقي الله يجعل له مخرجا ويرزقه من حيث لا يحتسب ... اختي احفظي الله تجديه تجاهك واحفظي الله يحفظك ... اختي ما هذه الايام اختبار وامتحان من الله على صبرك و المتمسك بأيمانه كالماسك الجمر بيديه .. اختي توكلي على الله وسلمي امرك له و ستجدين نصر الله وفتحه قريب .. اكثري من الدعاء و الاستغفار .. ما ادراك من الممكن ان يكون الله يحب سماع صوت دعائك .. وقي بالله ان يجعل في طريقكم من يساعدكم و يأخذ بيدك و تستقرين .. ان شاء الله الاخوه اكيد ما رح يقصرون ومو شرط في الاسكا ياريت اسوين عنوان موضوعك " عاجل عاجل عاجل نداء لاخذ بيد اختكم في امريكا " وهسه اتشوفين بعينج غيرت اخوانك العراقيين شلونه
الله
-
اختي الكريمة
اعتقد ان ما تبحثين عنه ستجدينه في ولاية Maine الواقعة في اقصى الشمال الشرقي للولايات المتحدة, فهي ولاية بدأت بالنهوض منذو سنوات قليلة وتشكو من قلة البشر لذلك بدأت ببعض المحفزات المادية لاستقطاب المهاجرين وحتى المواطنين كتوفير فرص العمل, زيادة الاجور, خفض الضرائب, زيادة المساعدات وغيرها.
-
up
-
اختى فدا احنة نتداول الحديث بلكي عل وعسى يجي احد يجاوبنا وانشاللة مو بعيدة عند رب العالمين لانج طيوبة
كل كلامج ذهب وتاج على راسي وكلنة مرينا اذا مو انى فلمقربين النة بس لا تخطين اياج اختى الغالية وان تفكرين بلرجوع اعرف الاهل يضحون بس انتى ضحي لاجل اولادك وبناتج وهاي جملة نصيحة لان حاسة ولامسة الشي اللي انتى بي دعواتنا الج وهاي اخر شي اكولة ربي يفرجها عليج دنيا واخرة يارب ---اختج زينب
والله ارتاحيت من قريت ردودكم هونتو عليا هواية. اختي زينب بنتي الكبيرة درحاتها عالية عمرها 13 سنة واقل شي B+
كلش شاطرة واخذت تكريمات من كل المدارس الدخلت بيها وطلعت مع المتميزين . وكلش شاطرة وسباعية وعدها طموح تدخل هارفررد وتصير محامية دولية .. واكيد اني اذا بقيت هنا رح يتحقق الهم مستقبل زين اذا اهتموا بالدراسة وتعبوا لاجل هدف كبير .
يعني داحاول قدر الامكان ازيل المعوقات الي تجبرني ولو فكرة افكر بالرجوع وهذا مستحيل. بس انتو هونتو عليا من كتبتولي والله يخليج ويراويج كل فرح وراحة يا رب امين .
اختج فداء
-
عزيزتي فداء الروح تحية طيبة
ولاية الاسكا عدد العرب فيها جدا قليل لكن جدااااااااا باردة وكلها ثلوج اما مساعدتها اني اعتبرها افضل ولاية من هذة الناحية
لانج ما راح تكدرين تشتغلين وايجاد العمل يكون بصعوبة وحتى الجنسية فتكدرين تاخذها 3 سنوات وهذا الي اعرفة والله اعلم
اتمنى لك الموافقية والنجاح تقبلي مروري
اخي دموع اشكرك جدا وبارك الله بيك عزيزي.
-
اختي هاي المواضيع المذكورة بالمنتدى وبلكي تستفادين منها
http://www.ankawa.com/forum/index.php/topic,411518.msg4591606.html#msg4591606 (http://www.ankawa.com/forum/index.php/topic,411518.msg4591606.html#msg4591606)
وهاي على ولاية نورث داكوتا وهية من الولايات الشمالية همين
http://www.ankawa.com/forum/index.php/topic,546964.msg5422179.html#msg5422179 (http://www.ankawa.com/forum/index.php/topic,546964.msg5422179.html#msg5422179)
شكرا جزيلا وفعلا فادوني الموقعين تسلمون .
-
اختي العزيزة زينب اخواني الاعزاء مودي وسباركي والاخ ابو شمس اخي زوزك امين ماركوس شنايزر جورج وكلكم واسفة على من لم اذكر اسمه اعزائي جزيل الشكر والاحترام الله يسعدكم.
فداء
-
انا جدا تاثرت بما كتب ومن خلال المشاعر الصادقه والتي عبر فيها عن قمة التعاطف معك وخاصة الاخت زينب والتي اعبر لها عن شكري وتقديري لها
واتمني لك الحياة المستقرة والهانئة قريبا وبما تطمحين اليه وتسعين له في توفير حياة مستقرة وهانئة في القريب
ادعو لك بذلك اختنا العزيزة وبما يوفر لك حياة كريمة
تقبلي تحياتي
-
الاخت العزيزة فداء الروح الله يساعك ويعينك وربي يحفظك وعائلتك من كل سوء
انت انسانة مكافحة ومجتهدة توكلي على الله في كل امورك وصدقيني سوف لن ينساك الباري عز وجل
طالما انتي انسانة صادقة ومؤمنة وتخافين على اطفالك
والصبر مفتاح الفرج
-
اكلجججججججججج بااااااااااااااااااااااااااااااااااااااااااااااااردة كلششششششششششششش بس حلوةةةةةةةةةة طبيعة تخبل
-
والله ما اعرف شاكلج
الله يساعدج الظاهر اكو ناس ديزعجوج من حولج ومتعرفين شون تخلصين منهم
الاسكا شكلها تفيدج وترة هي ولاية حلوة واذا على البرد اغلب المناطق باوربا هم باردة وعادي العراقين عايشين بيها واتعودوا
مرة شفت مسلسلة على ناس الاسكا مبينين طيبين عموما بكل مكان اكو زين واكو شي
وصح تفكيرج اهم شي مستقبل اطفالج
بس مو مو بس اطفالج لانه انتي هم انسانة ولازم تلكين راحتج
واتصور اذا بديتي من جديد بمكان بعيد عن احد يزعجج راح ترتاحين وتبدين تبتسمين للحياة
وصح كلامج كلمن يعامل الناس زين وميغشهم ومياذيهم يتعذب بحياته وكلشي يريده يتعب كومة يلة يحصله
دشوفينا احنا :(
-
اخواني اشكر مشاعركم والله هونتو عليا هواية لان بهاليومين اخذت صدمتين عجيبة لما بديت احست رح انجلط بالدماغ لان اكو اشياء مدا اكدر احتويها ولا استوعبها ولا اصدك ممكن تصير ومن الناس الي لازم يخافون علينا ويحمونا ويساعدونا. المهم الله يفرجها مو مشكلة هي المشكلة بالاستسلام مو اكثر.
اني ان شاء الله اذا ما طلعلي البيت لمحدودي الدخل بهالثلاث شهور قبل انتهاء العقد مالتي ف وجهتي هي نورث داكوتا او الاسكا. واعتقد نورث داكوتا الافضل .
ايضا اتضحلي انه مدرسة ابنتي هي اصلا من نورث داكوتا ومولوة هناك رح احاول استفسر منها واحاول الكي عمل مهما كان بسيط بس مضمون . واجمع معلومات الاجار والحياة هناك قدر المستطاع . ورح اسويها بموضوع ان شاء الله .لان كدامي ثلاث شهور ويخلص عقد الايجار .
انا مقدمة على بيت بس متأخر قدمت للاسف لان محد يكللنا من الاعزاء بسكرمنتو سمعنا بالصدفة من ناس روس انه اكو بيوت جديدة او بالاحرى شقق مثل البيوت جميلة وجديدة والناس سجلت عليها وهالبيوت رخيصة وجميلة والجيران اغلبهم روسيين .قدمنا عليها من شهر والله كريم. لكن في كل الاحوال نيتي حتى لو طلعلي البيت هي تهيئة الامور للسفر لنورث داكوتا لان مناوية اكمل هنا ابدا . بس هالمرة ما رح استعجل رح ارتب الامور بشكل افضل من تجربتي الاولى لما جينا من هيوستن لكاليفورنيا.
طبعا اني كلش اشكركم واحييكم على مشاعركم وروحكم الطيبة يا طيبين الله يفرجها علينا كلنا ويساعد الكل ويديمكم يا ورود.
اختكم فداء .