-
الاطباء العراقيين يهاجرون والعراق يستورد اطباء هنود!!!!!
تعاقدت السلطات العراقية مع وزارة الصحة الهندية على استقدام 150 طبيبا و1000 ممرضة للعمل في المستشفيات العراقية لسد النقص في الكادر الطبي العراقي داخل المنشآت الطبية والصحية في البلاد.
وتكشف هذه الخطوة حالة الانتكاسة التي يعيشها القطاع الصحي في بلاد الرافدين، بعد أن بلغ هذا القطاع في فترة متأخرة من القرن الماضي، مستوى باهي به العراق العالم، بما وفره له من إمكانيات مادية وبشرية رفعت مستوى خدماته للعراقيين إلى مستوى ما كان موجودا في دول متقدمة وذلك بشهادة منظمات دولية شهدت به في حينها.
وقال مصدر في وزارة الصحة العراقية السبت إن "الوكيل الإداري لوزارة الصحة الدكتور خميس السعد أنهى زيارة الى الهند على رأس وفد ضم مدير دائرة العيادات الطبية الشعبية ومعاون المفتش العام في الوزارة وتم الاتفاق مع وزارة الصحة الهندية على تزويد المؤسسات الصحية العراقية بـ150 من أطباء التخدير و1000 من الممرضات لمعالجة النقص في هذه الاختصاصات".
وأضاف: "أن الزيارة شملت التباحث بين الجانبين لإنشاء المستشفيات واجراء بعض العمليات الجراحية داخل العراق للحالات المستعصية من قبل اطباء من الهند".
وبينما تبدو المستشفيات العراقية اليوم شبه فارغة، ولم تعد قادرة على تلبية الحاجات المتزايدة للمرضى بسبب النقص الشديد في عدد الأطباء، وبينما يزداد العمل فيها صعوبة، تشير تقديرات عراقية إلى أن الآلاف من الأطباء العراقيين يمارسون اليوم مهنتهم في مختلف الاختصاصات الطبية في إنجلترا وأمريكا واستراليا والدول الاسكندينافية.
وكمثال على ذلك قول تقرير عراقي إن أحد مستشفيات السويد يعمل به 48 طبيبا عراقيا من أصل 150 طبيب يعمل في المستشفى المذكور.
كما تشير دراسة أجرتها الباحثة العراقية شذى الجبوري في سنة 2011، إلى أن مجموع الأطباء العراقيين في المملكة المتحدة هو 5 آلاف طبيب، وأن 3 آلاف و800 طبيب منهم يقيمون في لندن فقط.
ويبلغ عدد الأطباء العراقيين المُسجّلين في وزارة الصحة البريطانية ألف و900 طبيب يعملون ضمن اختصاصاتهم العلمية الدقيقة، وهذا يعني أن الأطباء الآخرين الذين يتجاوز عددهم الثلاثة آلاف طبيب ينتظرون فرصهم للعمل.
في المقابل يجابه الأطباء العراقيون أو من بقي منهم في بلادهم صعوبات ومخاطر جمة. وتقول مصادر عراقية إن هؤلاء الأطباء يتعرضون للابتزاز والتهديدات بالقتل مثلا، إذا توفي مريض بين أيديهم.
ويقول محلل عراقي عارف بواقع بلده اليوم وبعد تجربته المريرة مع الاحتلال "إن العراق تحول في ليلة و ضحاها، من دولة مؤسسات، و مراكز بحوث، و جامعات عملاقة، إلى دولة مليشيات وتكتلات وأحزاب لها بداية وليس لها نهاية، ومن شعب واع راق محترم، إلى شعب مُهمش مشرد منبوذ متسول".
ويضيف هذا المحلل قائلا "لقد تحول العراق من دولة علم وعلوم وعلماء وتقدم ورقي ونهضة علمية وصناعية وعمرانية وصحية.. إلى دولة تخلف وحرمان وفقر ورذيلة وشعوذة ومشعوذين..".
ومنذ احتلال العراق، دخلت المجتمع العراقي تقاليد وأعرافا جديدة لم يعهدها من قبل وعلى رأسها "دفع الطبيب ديّة قتل" إذا صادف أن فارقَ مريض أو مُصاب الحياة متأثراً بجراحه، ولم يفلح الطبيب في إنقاذه من موت خارج عن نطاقه هذا عدا عن تعرّض عشرات الأطباء العراقيين إلى الضرب والإهانة.
وكان العراق قد تعرض بعيد احتلاله، إلى تدمير ممنهج لبنيته الصناعية والعلمية وإلى اغتيالات ممنهجة اشرفت عليها مخابرات أجنبية، لكوادره عالية التكوين في مختلف الاختصاصات العلمية ومنها الطبية، ما جعل من بقي على قيد الحياة منهم يفر بجلده إلى عدد من الدول الغربية عرضت عليهم امتيازات ومكافآت مالية مغرية ليتحقق من ذلك استفادة بلدان الهجرة من هذه الكفاءات وحرمان العراق منها، خدمة لأعداء يحرصون على إبقائه على حالة التخلف والتبعية، كي لا يعيد تجربة نهوضه العلمي مرة أخرى.
وتشير تقارير عراقية إلى أن العديد من الأسباب الأخرى تدفع الأطباء العراقيين إلى الهجرة الاختيارية منها الفساد الإداري، وتفشّي الرشوة والمحسوبية حتى في الجوانب الطبية الخطيرة، إذ يمكن تقديم أفضل الخدمات للمريض إذا كان منتسباً لهذه الجهة السياسية أو تلك، بينما يمكن لمريض مصاب بالعلة ذاتها أن يفارق الحياة لأنه لا ينتمي إلى هذا الطرف السياسي أو ذاك.
وطيلة سنوات الاحتلال الأمريكي/ الإيراني المزدوج للعراق، تعرض أكثر من "500" طبيب عراقي من مختلف الاختصاصات. كما أجبر أكثر من 7 آلاف طبيب على مغادرة العراق بعد أن تلقوا تهديدات جديّة بالقتل إذا لم يتركوا بلادهم فوراً ويتوجهوا إلى منافيهم عبر العالم.
المصدر: حبيب براهمي - العرب
-
الف شكر ابو ديانا الغالي على نقل الخبر،
يا رب يفرج عنك همك و يجعلك اجر كل حرف ساعدت بيه اخوتك قولا او فعلا العشرات من امثاله في ميزان حسناتك امين يا ربي.
روز
-
و.هـ.مـ
-
الف شكر ابو ديانا الغالي على نقل الخبر،
يا رب يفرج عنك همك و يجعلك اجر كل حرف ساعدت بيه اخوتك قولا او فعلا العشرات من امثاله في ميزان حسناتك امين يا ربي.
عزيزتي الاخت روزة العراق المتألقة,
شكراً جزيلاً على مداخلتج الشيقة والتي اعتز بها
والتي تشجعني على مساندة ابناء شعبي الطيبين...
العفو هذي ما اعتبرها مساعدة لانه مامقدم شي لابناء شعبي كلفني تعب
و اشياء اخرى هذا فخر اللي ان اتواجد في عراقنا الصغير
الا وهو صفحة عينكاوة الغراء لاجل ان اتعرف على هذي الزهور والبراعم
الشيقة, ولذا اكدر اكول انه تعبكم راحـــــــــــــــــــــــــــــــــــــــــــــــــــــــــــــة
وشكراً يا عراقية اصيلة ...
واتمنى اليج الموفقية وتحقيق الاماني والطموحات والسفر العاجل
واذا امكن في هذا الشهر بأذن الله..
اخوج
جوسي البغدادي استشاري وباحث اجتماعي المانيا
-
والله يا اخي مسلسل هجرة العقول العراقيه بده من وقت الحصار ...من كان راتب الدكتور عشرين دولار والمهندس 14 دولار
واجه هسه القتل والخطف حتى يقضي على البقية الباقية ...
الله ينظر الى حالنا ان شاء الله
-
ابو دينا حقهم يهاجرون القتل مالتهم صار سرة
وتحياتي لك للمعلومة ,,يامبدع
-
تره عادي ابو ديانا ...
لتهتم ...
-
شكرا للخبر ابو ديانا ................... بارك الله بيك
(http://www8.0zz0.com/2012/05/08/05/708481285.gif) (http://www.0zz0.com)
-
هاي العقليات المتخلفة اللي تكتل الاطباء و الكفائات شنو مصلحتها وليوين يريدون يوصولن ???
حسبي الله ونعم الوكيل
-
اخي الكريم اني كنت موجود من ناقشوا بالبداية هذا الموضوع قبل اكثر من سنة حيث اتى مفتش من دائرة الصحة ليناقش هذا الموضوع مع طلاب البورد (شهادة اعلى من الدكتوراه فقط توجد في كليات الطب) و كانت مهزلة لان كل واحد من هؤلاء الطباء المخدرين راح يكلف اكثر من اربع رواتب مقارنة بطبيب التخدير العراقي عدا السكن و الاكل المجاني!!!!!!!!!!!!!!!!!!!!
طبعا احنا المخدرين ناشدنا المفتش انه بس يخلون حوافز لتشجيع الاطباء على التوجه الى اختصاص التخدير......المشكلة انه ليس عدد المخدرين قليل و لكن الرغبة عليه قليلة بسبب عدم قدرتنا على فتح عيادة خاصة و المستشفيات الاهلية لا تدعمنا و تستخدم طبيب واحد او اثنين فقط بينما تستقبل الكثير من الجراحين هذا عدا الاجرة القليلة ....فاذا انت ما تحب التخدير مستحيل تدرسه لان راح وضعك المادي ما يتغير...طبعا او استثناءات بس قليلة..
و نسيت السبب الرئيسي لكره الاطباء لهذا الفرع و هو نظرة المجتمع العراقي باستحقار لهذا القسم و ذلك لان الجراح يصورلهم انه بتاع كله...
اما في امريكا فان راتب اخصائي التخدير خو الثاني بعد الجراحات الاختصاصية الدقيقة.
-
خوش خبر بدل ما الناس رايحة جاية للهند خلي يجيبون كادر طبي هندي هنا ونتامل يوم نلكي عناية صحية بيهة خير وتشخيص صحيح بالعراق
-
عزيزي السيدthairsadi77 المحترم
شكراً على المداخلة الشيقة, واني اايد كلامك لانه اطباء التخدير بالغرب كلش مهمين
لانه حياة المريض متوقفة عليهم لذلك يدفعولهم رواتب محترمة ومايتعبوهم بالمناوبات
اليومية..
وشكرا للاعزاء الاخرين على مداخلتهم..
بس حبيت انقل الخبر لانه بالحقيقة الاطباء العراقيين بارعين في جميع انحاء العالم....
ويضرب المثل بيهم ومن جملة الاطباء البارعين وزير الصحة البريطاني هو دكتور من اصل عراقي..
تحياتي
جوسي البغدادي
-
اشلونك اخوية ابو الجوس ؟
ان شاء الله زين ,,وكل الهلا بابن منطقتي العزيز
واللة كلامك صح الاطباء العراقيين فطاحل
-
شكرا ابو العضلة البطل...
الحمد الله والله مشغولين اشويا بالانتخابات في مقاطعتي
عادو الانتخابات لانه كلها الاحزاب ما حصلت الاكثرية
وهسى امسويلنا مرة لخ انتخابات لكن الاستطلاعات
اتكول هم ماكو حزب جبير راح يحصا الاكثرية اي شنو انسوي
هذي الديمقراطية جيب انتخابات ودي انتخابات على ما يتراضون العربنجية..
تحياتي يابطل
اخوك ابو الجوس
-
شكرا ابو العضلة البطل...
الحمد الله والله مشغولين اشويا بالانتخابات في مقاطعتي
عادو الانتخابات لانه كلها الاحزاب ما حصلت الاكثرية
وهسى امسويلنا مرة لخ انتخابات لكن الاستطلاعات
اتكول هم ماكو حزب جبير راح يحصا الاكثرية اي شنو انسوي
هذي الديمقراطية جيب انتخابات ودي انتخابات على ما يتراضون العربنجية..
تحياتي يابطل
اخوك ابو الجوس
هههههههههههههههههههههههههههههه تحياتي الك يااصيل ابو الجوس ,,انتخب والله كريم
-
هههههههههههههههههههههههههههههه تحياتي الك يااصيل ابو الجوس ,,انتخب والله كريم
لاعمي شا انتخب..
كلهم عربنجية زملائي من استلمو المنصب انته من كل الاحزاب
اني احاول افرح العراقيين انطيهم ورقة الانتخابات وهما ينخبون الى
لانه المن تنتخب يطلع عربنجي... السياسية دوخت راس...
بس اروح اساعدهم لانه اني رئيس نمركز انتخابي..
يعني اراقب الالمان اشلون ينتخبون ....
تحياتي
ابو الجوس
-
ابو الجوس بس هم احسن من وضعنا مو ؟ يعني بالنسبة الهم ديمقراطية عن جد
-
السلام عليكم
هههه هااي شنو عبالي كامره خفيه
عمي عشنه وشفنه راحت ايام البحراني والسوداني السوداني منو هههه والعقول النابغه
الحجي بيناتنه بس لايصير العلاج فلم هندي ;D
تحياتي وان شاء الله الكل بسلامه
-
السلام عليكم
هههه هااي شنو عبالي كامره خفيه
عمي عشنه وشفنه راحت ايام البحراني والسوداني السوداني منو هههه والعقول النابغه
الحجي بيناتنه بس لايصير العلاج فلم هندي
تحياتي وان شاء الله الكل بسلامه
عزيزتي الاخت الاماني
اشكت ما العراقيين يحبون الهنود, هذا السبب كل الاشياء الغريبة يسموها فلم هندي...
ولاتنسين الهنود اشكد ما اطورو صارو دلة تصنع المعجزات ولا ننسى هما اللي اكتشفو الشكر والجاي
تحياتي
ابو الجوس
-
اخي ابو الجوس الموضوع حلو واني اشوف ان التلاقح المهني مهم جدا لمن يكون على ارض البلد المضيف , من ناحية الخبرة واسلوب التعامل والسلوك المهني الطبي الانساني والاطباء والممرضين العراقيين بحاجة الى اعادة تأهيل في اغلب النواحي من خلال هذه الخطوة الصحيحة حسب رايي , وبالنسبة لعودة او هجرة الاطباء فهالشي يخصهم كل واحد حسب ظروفة , وهم ماكو طبيب فقير ماديا بالعراق كلهم مرتاحين .
-
بأحدى المستشفيات حسب كلام شخص موظف هناك ... وعلى لسانه قال بانه تمت مباشرة ما لايقل عن 30 ممرضة هندية في دائرة صحة تلك المحافظة توزعت على اكثر من مستشفى ... وان راتب كل ممرضة هو 950 دولار مع توفير السكن والطعام!!
يعني بهذا الراتب يكدورن يوظفون 3 اضعاف العدد من العراقيين!!!!!
-
شكرا ابو ديانا لنقل الخبر
-
اخوان لحد يزعل مني والحجي ما موجه الى الاطباء الشرفاء
بس اولا: العقل الهندي معروف بكفائتة عالمياً
ثانياً: ناس عدها ضمير مو مثل العراقيين (طبعا مو الكل) لا ذمة ولا ضمير ...مو اطباء عبالك فيترية وكصابين
عالعموم الخبر اني كلش فرحت بي لأن بهالطريقة راح يكون اكو علاج صحيح بعيد عن الماديات وراح يكسر خشوم........واكو الله للفقير (يمهل ولا يهمل)
-
اخوان لحد يزعل مني والحجي ما موجه الى الاطباء الشرفاء
بس اولا: العقل الهندي معروف بكفائتة عالمياً
ثانياً: ناس عدها ضمير مو مثل العراقيين (طبعا مو الكل) لا ذمة ولا ضمير ...مو اطباء عبالك فيترية وكصابين
عالعموم الخبر اني كلش فرحت بي لأن بهالطريقة راح يكون اكو علاج صحيح بعيد عن الماديات وراح يكسر خشوم........واكو الله للفقير (يمهل ولا يهمل)
اخي عندي مداخله لو سمحت
الطبيب الهندي راح يجي يعمل بشرف وكفائه وضمير
بس منيعاشر الجماعه 40 يوم يصير مثلهم
وخير دليل على ذلك العمال البنكلادش اول ما اجو شلون وهسه شلون
-
ابو ديانا الورد .........
منكول غير الله على الظالم ..... ؟؟
-
اخي عندي مداخله لو سمحت
الطبيب الهندي راح يجي يعمل بشرف وكفائه وضمير
بس منيعاشر الجماعه 40 يوم يصير مثلهم
وخير دليل على ذلك العمال البنكلادش اول ما اجو شلون وهسه شلون
عزيزي الاخ كلش حباب المتألق,
شكراً على مداخلتك الشيقة, لكن حسب ما واحد ديشوفه
انه اغلب المثقفين الهنود منذ الحرب العالمية الثانية ودخولهم
العراق بكمية كبيرة الى حد الان انه اثبتو ماحصل عليهم تغير
كبير...
واضرب لك مثال انه اعرف كثير من الاطباء الهنود الذين قدمو
العراق كانو في عياداتهم يخصصون يوم الجمعة يوم معالجة الفقراء
وكانو بعض المراجعين مع الاسف يذهبون مخصصاً بهذا
اليوم للمعالجة لانه مجاناً بالرغم من انهم كانو يلبسون الذهب
وكانو الاطباء يمتنعون عن معالجتهم لانه الجمعة مخصص للفقراء...
هذا اصغر مثال للاطباء الهنود وبعدين اتريد اتقارنهم ويا
العمال من بنكلادش....شوف الخليج بيها كثير من الاسيوين
واتشوف الهنود في مراكز متألقة اما اطباء ومهندسين
وموظفين مكاتب واما من بنغالديش اغلبهم عمال بناء..
وعلى كولت الحكمة التي تقول.....
هل يستوي الذين ولا يعلمون...
العفو اذا كان كلامي جارح وانما بس ردت اوضح المداخلة وشكراً
للجميع بالمشاركة الديمقراطية والروح الرياضية واتمنى بكل مواضيع
يكون في هذا المستوى الراقي.....
تحياتي
جوسيالبغدادي المانيا
-
لا هواي حصلنه تالي متالي اطباء وممرضات هنود اني مو قصدي استخف بيهم لو شي لا والله مو هذا قصدي بس وين راحو دكاترتنه وعباقرتنه !!!! وعلى كولة احد الاعضاء يكدرون ابهذا الراتب 950 دولار ايعينون العراقيين بدل الهنود بس المن تحجي وشنو الي اتكوله غير بس حسبي الله ونعم الوكيل ويكولك ليش اتهاجر والمن راح اتبقي البلد راح اكول انبقيها للهنود >:(
-
عاشت ايدك اخوية البغدادي...طبعا الناس حقها لآن ميعرفون وما شايفين كفائة العقلية الهندية ومتعلمين مثل اغلب العراقيين الأستخفاف بالآخر خلي يروحون دبي وامريكا ولندن ويوصلون مرحلة يلتقون بموظفين بكبار الشركات العالمية .....وراح يشوفوهم هنود
هذا بالأضافة الى النزاهة والأنسانية اللي موجودة يم كل العالم بس يمنا ماكو