ankawa
منتدى الهجرة واللجوء => الهجرة و واللاجئين => الموضوع حرر بواسطة: فارس العراق 90 في 14:51 12/05/2012
-
الاخوة الاعزاء في هذا المنتدى الرائع تحية طيبة
من فترة واني ببالي انزل موضوع ماذا بعد مقابلة المحلفين لكثرة الاسئلة حول هذا الموضوع ولكثرة الاراء المطروحة والي اغلبها تكون خاطئة ... بعد ما جمعت المعلومات وبحكم تجربتي كونت فكرة شاملة وحقيقية عن الاجراءات اللاحقة ... وراح اسلسلها بطريقة منسقة من استلام الظرف الى يوم الوصول ... نبدي على بركة الله :
1- مثل ما نعرف ان المحلف هو موظف او ضابط بدائرة الهجرة والجنسية الامريكية USCIS مسؤوليتة اجراء المقابلة وعندة صلاحيات السفير او القنصل بالموافقة او الرفض على قبول اللاجئ للسفر للولايات المتحدة ... اذا وافق المحلف فهذا معناه ان دائرة USCIS وافقت والاوراق راح تتحول الى النقطة التالية.
2- هنا الموافقة والصور وطبعات الاصابع توصل الى وزارة الامن الداخلي DHS ويجرون التجييك الامني اذا شغلتك مضبطة وحظك كاعد تطلع الموافقة مباشرة ( طبعاً هاي الوزارة هية الي مدوخة الناس ومشاكل الانتظار كلها بسببها > ) بعد هذا الاجراء الملف كامل يتحول الى النقطة التالية.
3- الملف حالياً وصل الى وزارة الخارجية الامريكية U.S. Department of State هاي الوزارة بدورها تسوي كتاب بيه موافقة الوزارات المذكورة بالفقرتين 2&1 وطبعاً بيه معلومات وصور المسافرين الشخصية وترسلة الى كل من :
A- السفارة الامريكية ( embassy of the U.S ) بأحد البلدان الي المفروض منها يسافر اللاجئ ... بالنسبة للبلدان ( مصر , سوريا , الاردن , لبنان ) السفارة الامريكية بمصر تكون مسؤولة عن اصدار الفيز للاجئين بهذه الدول لانها تعتبر السفارة الاقليمية بالشرق الاوسط.
B- شركة النقل the transportation company وهاي المقصود بيها ال iom لان من مسؤوليتها حجز التذاكر ورسم خط سير الرحلة من بلد اللجوء الى امريكا بالتعاون مع شركات النقل بالبلد الموجود بيه اللاجئ.
C- ادارة أمن النقل transportation security administration
* بهذا الوقت راح يقوم مكتب شؤون اللاجئين التابع للخارجية الامريكية بطلب تعهد او رعاية من احدى المنظمات غير الحكومية في الولايات المتحدة لصاحب طلب اللجوء.
** ايضاً بهذا الوقت بعد ان تمت الموافقات ومنها تدقيق بصمات الاصابع والمراجعة الامنية ( المذكورة في الفقرة 1&2 ) يقوم موظف تابع لدائرة الهجرة والجنسية الامريكية USCIS بوضع ختم الموافقة على نموذج طلب اللجوء I-590
4- يقوم مكتب السفارة الامريكية ( embassy of the U.S ) باصدار الفيزا وبيها اسامي وصور الاشخاص المسافرين ويرسل بالبريد الى IOM داخل بلد اللجوء ( جماعة مصر يوصلهم بسرعة ;D ) ... وترسل نسخ منه الى كل من :
- مفتشي الهجرة the supervisory immigration inspector
- وزارة الامن الداخلي عند نقطة الدخول the U.S. department of homeland security at port of entry
5- بعد قبول احدى المنظمات رعاية اللاجئ وتكفله داخل الولايات المتحدة تقوم المنظمة بالتعاون مع IOM بعمل نسخة عقد يوقع عليها اللاجئ فيما بعد ( في يوم استلام الفيزا ومعلومات رحلة السفر ) يتعهد بدفع تكاليف الرحلة بعد وصوله للولاية بفترة وعلى شكل اقساط شهرية.
6- تقوم منظمة IOM مكتب البلد الي فيه اللاجئ بتنسيق رحلة السفر وحجز التذاكر من البلد المضيف الى اخر نقطة وصول في الولايات المتحدة.
7- بعد اكمال جميع الاجراءات يجيك اتصال من IOM يبلغك بموعد السفر ( بوقتها تكون طاير من الفرحة وكلشي ما تفتهم ) وطبعاً تروح للمنظمة توقع العقد ويطلبون منك عمل مغادرة ويسلموك الفيزا ( حتى تختمها مغادرة لانها تعتبر بمثابة وثيقة سفر ) بالاضافة الى نسخة من العقد ... بيوم السفر توضع جميع الاوراق بالاضافة الى نتائج الفحص الطبي والاشعة داخل كيس عليه علامة IOM تحمله بيدك لتسهل على الموظفين في المطارات معرفتك.
8- عند الوصول بأول مطار بالولايات المتحدة يتم تسجيل اللاجئ واعطائة الوايت كارت I-94 وانشاء الله الكل يوصلون بالسلامة.
ملاحظة : بالنسبة للاجراءات الامنية بالحالة الاعتيادية تطول بين اسبوعين الى شهر ... اما اذا صار تأخير بالموافقة فمعناها ان مكتب التحقيقات الفيدرالي FBI او وكالة الاستخبارات المركزية CIA تطلب اجراء مزيد من التحريات حول صاحب الطلب.
يمكن تشوفون الشرح مطول والدوائر هواية ولو ما ذكرت الدوائر الفرعية ... مع ذلك فالعملية برمتها احياناً ما تطول شهر ويجوز أقل ( حتى لا يصيبكم اليأس من تشوفون هاي الاجراءات )
مواقع بعض الدوائر والوزارات المعنية بالامر :
- دائرة الهجرة والجنسية الامريكية U.S. Citizenship and Immigration Services .... USCIS
USCIS Home Page
- وزارة الامن الداخلي Department of Homeland Security ..... DHS
Department of Homeland Security | Preserving our Freedoms, Protecting America
- وزارة الخارجية الامريكية U.S. Department of State
U.S. Department of State
تم بعون الله ... تحياتي
-
شكرا اخوية العزيز وان شاء الله ربي يوفقك
-
شكرا اخي فارس وبارك الله بيك ع المعلومات القيمة وعلى مجهودك ويارب الفرج والسفر القريب للجميع
اختك ام حنين
-
ربي يوفقك ومشكور على هذا المجهود الرائع
-
مشكور اخي فارس العراق على نقل المعلومات المهمه ممنونين يا طيب
-
اشكركم جميعا على المرور واني بلخدمه دائما انتو اخوتي واخواتي واهلي
بتوفيق للجميع انشاء الله
-
عاشت ايدك وبارك الله فيك على هذه المعلومات
-
مشكور فارس و الله يجعلها في ميزان حسناتك
تحياتي
-
عاشت ايدك فارس
كفيت ووفيت موضوع بغاية الاهمية
سلمت يداك .....................
(http://www11.0zz0.com/2012/05/12/13/357818993.gif) (http://www.0zz0.com)
-
عاشت الايادي موضوع رائع ومهم جدا .......
-
تسلم الايادي ومزيدا من التألق اخويه فارس العراق 90
-
رائع اخي فارس العراق
مشكور على النقل.... موضوع مفيد فعلا
تحياتي
-
عاشت ايدك فارس عالموضوع
-
مشكور اخي فارس عالتوضيح ، وان شاء الله نجتاز المراحل كولهه ونسافر بأسرع وقت .
وربي ييسر امرك وامورنا اجمعين .
ام الهنا
-
رحم الله والديك وعاشت ايدك أخويه فارس
ادعو من الله ان يسهل امرك ويفتحها بوجهك وان تكون مقابلتك سهلة وموفقة ويارب يوم التفرحنه بالموافقة وموعد السفر بأذن الله
الله يجعلهه بميزان حسناتك ياطيب
تحياتي لحضرتك وبالتوفيق يارب
أختك كوكي
-
شكرا على المجهود الرائع
-
شكرأ للمعلومه
-
بارك الله بيك ابو الفوارس
موضوع مهم ومفيد جدا
-
بارك الله فيك أخي وممنونين منك هوايه
-
عاشت ايدك موضوع مهم جدا ...
-
تسلم ايدك اخي
ربي يفرجها علجميع باقرب وقت
-
تسلم ياوردة على هذا الجهد المضني فعلاً والمفيد لكل من يريد البحث عن معلومة جعلها الله في ميزان حسناتك
-
اني اشكركم جميعا بدون استثناء على الادعيه وانشاء الله ايسر امركم وسافرون وتحصلون الفيزه باذن الله
-
بارك الله بيك على المجهود .... والمعلومات القيّمة...تحياتي الك
-
مشكور اخي فارس وبارك الله بيك على ما قدمته وانشاء الله تفرج عليك وعلى الكل
-
برنسو واسد بغداد شكرا على مرروركم الرائع انشاء الله اتبشرونه بسفركم
بتوفيق انشاء الله
-
شكرا اخوية فارس العرا بارك الله بيك
-
مشكور وبارك الله بيك وجعلها في ميزان حسناتك واحنا دننتظر من مقابلة المحلف 6اشهر وكلشي ماااااااكو والله كريم
-
مجهود مميز و ابداع متواصل
شكرا اخي العزيز على نقل المعلومات المفيدة تقبل مروري..
-
علي النعيمي ام حيدر المصارع شكرا على المرور وبارك الله بيكم
ام حيدر شغله طبيعيه اني صار دخلت شهر الثامن وانتضر لحد الان الله ايسهله عليكم انشاء الله