اخي العزيز
المقابلة الثانية في انقرة تعتبر اعادة للمقابلة الاولى وراح يسالونكم اكثر وعلى ضوئها راح يوافقون ينطوك اللجوء لو لا والي هي ورقة الحماية من ال unhcr واللي يقتنعون بقصته ينطونه هاي الورقة مباشرة بعد المقابلة ويكولوله مبروك انت صرت تحمت حماية ال يو ان وهاي يسمونه الفسفورة.. بس اكو هواي ناس من الي سوو مقابلة ثانية بانقرة ما انطوهم هاي الورقة مباشرة كالولهم روحو وانتظروا والانتظار قد يكون من ايام الى شهر وبعدها تجيك موقع ال unhcr وتشوف ملفك ااذا اتفعل واذا كان قبلوك كلاجىء من خلال هذا الموقع http://results.unhcr.org.tr/
اخي ما اعتقد يحق انه تطلب الدولة الي راح يصير بيها استيطانك لان المقابلة الاولى والي انت راح تعيدها هي لغرض منحك حق الحماية من ال يو ان وبعد ما يصير عندك حق اللجوء يحولوك على الاستيطان وقسم الاستيطان يا اما يخابروك ويخيروك بين (امريكا وكندا واستراليا) لان هاي الدول الي اعرفها حاليا دا تنطي لجوء للعراقيين واذا اصلا ما عندك قرايب خارج العراق يعني لا باستراليا ولا بكندا فعلى الاغلب راح يذبون استيطانك على امريكا وبدون ما يخابرووك وهذا الشي تكدر تتاكد من عنده ايضا عن طريق نفس الموقع اعلاه .
حسب معلوماتي عن امريكا مسالة الكفيل مهمه فقط في تحديد الولاية الي راح تروح الها يعني اذا ما عندك احد لا قريب ولا صديق فهم راح يذبوك على ولاية بكيفهم... والكفيل بالنسبه لامريكا هو مجرد كفيل معنوي من توصل مرحلة القبول والفحوصات راح يخابرو ويكولوله تعال فلان شرف عدنه .. تريد تتكفل بفلان يعني انت تاخذه وتوديه وتكمل اجراءات الاقامه مالته وتاخذ فلوس الويلكم ودبرله سكن وهذا الشي عادة يسوو الي عدهم درجة اولى لو احنا نتكفل بي نلكاه السكن وناخذه نكمله الاجراءات مال الاقامه .. ويوقع اوراق بالحالتين ويطلع وهاي هية
واخيرا اتمنالك الموفقية وهاي المعلومات ارجو ان تفيدك بشي وشكرا
اخي العزيز بالنسبة للسؤالك الاول هذه المقابلة هي باليوان لتحديد ما اذا تعتبر لاجئ ممكن انه تاخذ القبول في نفس اليوم او ممكن يكلولك روح واحنا نتصل بيك او ممكن من الموقع تعرف النتيجه فانت حاليا تركز اهتمامك على هاي المقابله لان هي اهم شي لان لازم تقنعهم حتى تحصل عل القبول والي هو الاساس والي بعده تحصيل حاصل ..... ام بالنسبة لموضوع الاستيطان فانت ما الك حق في اختيار الدوله فقط في حالة عندك اقارب من الدرجه الاولى في تلك الدوله يعني اب او ام او اخ او ابن الخ , وحاليا بالدرجه الاولى امريكا وهاي بقت اذا تريد ترفض امريكا وتكلهم اني اريد غير دوله وطبعا لازم تنطي اسباب فهاي تبقى انت وحظك حيكلولك ملفك حيتاخر وهاي تبقى يمك . ومسالة الكفيل موضرورية . وواخي انت حاليا تركز بالمقابلة واخذ القبول والباقي كله سهل انشالله , تحياتي الك وانشالله بالموفقية
اخي العزيز المصارع اولا اسلم عليك واتمنالك الموفقيه في حياتك وفي مقابلاتك ان شاء الله.
اخي هذا الرابط الخاص بكل مايتعلق بتركيا ان شاء الله يفيدك :
بالانگليزي ( http://info.unhcr.org.tr/faq.php?lang=3 )
بترجمة گوگل ( http://translate.google.jo/translate?hl=ar&sl=en&u=http://info.unhcr.org.tr/faq.php%3Flang%3D2&ei=R7-sT9-PEsfL0QX0_6yhCQ&sa=X&oi=translate&ct=result&resnum=1&ved=0CCIQ7gEwAA&prev=/search%3Fq%3Dhttp://info.unhcr.org.tr/faq.php%253Flang%253D3%26hl%3Dar%26biw%3D1366%26bih%3D664%26prmd%3Dimvnsfd )
اخي العزيز المصارع ليش تشكرني ؟ لا شكر على گهوه لان اني احبها ساده خخخخخخخخ :D
بس شنو سالفة الرابط ؟ عاد بي كل ما يتعلق بتركيا والصراحه مع انو اني باللاردن لكن بي اجابات فادتني وجاوبت على كم سؤال كان في ذهني عالعموم والله اني حبيت اساعد بالي اگدر عليه واسف اذا مستفاديت منه , وبالنسبه لمعنى ال Nickname مالتي الي هو grouchy smurf اذا حرفياً فمعناه سنفور عبوس واذا لا فسنفور غضبان مثل ماتعودنه واحنه صغار على هالترجمه.