ankawa

منتدى الهجرة واللجوء => الهجرة و واللاجئين => الموضوع حرر بواسطة: المهاجر الجديد في 02:01 14/05/2012

العنوان: سنه في شيكاغو..الينوي
أرسل بواسطة: المهاجر الجديد في 02:01 14/05/2012

عليكم
كتبت هذا الموضوع رد على سؤال من احد الاعضاء..وحبيت انزله كموضوع حتى يستفاد منه كل الي جايين الى شيكاغو
اني صارلي سنه بشيكاغو. الينيوي.الولايه بصوره عامه شي على شي زينه..
بس دائما يكولون الحلو ميكمل.اولا بالنسبه للجو.. في الشتاء بارده جدا..جدا ثلج وهوا يكص  كص ويدخل بالعظم..رغم انه هذه السنه ماكوا هذاك البرد والثلج لكن سمعت انه السنه المضت اجتي عاصفه وصار الثلج كلش هوايه ونطوا عطله كم يوم
السكن غرفه وصاله 700 وانت صاعدغرفتين 850-900 طبعا حسب التفاق مع صاحب الشقه..بس نصيحه الواحد اذا يأجر هنا بس يتأكد من الهيت( التدفئه)على صاحب الشقه لو على المستأجر..لان الشتا بارد وراح تستعمل التدفئه هوايه ويطلع بالشهر من 200 دولار وانت صاعد
البناء السكني بالينوي بصوره عامه قديم..بس انت تشوف البنايه او الشقه جديده. بس هو مبني من زمان..
المواصلات:
متوفره وعلى طول قطار  او باص التذكره 2.25 دولار وممكن تاخذ بطاقه فري مال يوم  اسبوع شهر كيفك.اليوم سعرها5.75  الاسبوع23 دولار
الشهر 86 دولار هاي طبعا فري شكد متصعد اصعد.. والاحسن من هذا كله تاخذ سياره وتريح نفسك
اجازه السوق:
هناك اسئله وامتحانتقدم على  واذا جاوبت على الاسئله راح تحصل على ورقه تسمحلك تقود سياره بس يكون وياك واحد عنده اجازه سوق على الاقل صادره قبل سنه. وبعدها انت تمتحن على الخطه مالهم وتحصل على الاجازه وهاي تكلفك 20 دولار.. وتقدر تطلب مترجم اذا متعرف انكليزي ( مثلي يعني)
اهم شي هنا..اللغه( اللغه.. اللغه)
العمل..هنا تختلف الاراء ..العمل بصوره عامه موجود وخصوصا اذا عندك لغه..بس اكو بعض الناس يكلك ماكو شغل(( وهذا مثلا شيريد اني هوايه شفت ناس هنا هيج تفكيره  وهذا كلامه-- يمعود هو هذا شغل  اذبح نفسي على 8دولارات بالساعه-- شصار عليه شنو اموت روحي
هيه هاي شغله-- تدري اني شجنت بالعراق--بيتنا-- سيارتي--اهلي --ووووو..وهذا الحجي هنا ميمشي وميوكل خبز))
شغله ثانيه لاحظتها هنا وللاسف كثير من الاخوه العراقيين يقول لك اي شي تريده احنا اخوتك  واحنا بغربه وتدلل وشنريد تأمر..مثلا هو ديشتغل تكله زين بلكي دبري شغل وياك  او على معرفتك..راسا تنكلب الخلقه ويلبس الوجه الجنكواا(هههههه)وتشوف الخدمه الي يقدمها الك من صدك..وهيه يمعود  هاذا الشغل يموت وتعب والله مااعتقد ادبرها..وبعيده يعني تذبلك كل اسبوع 30-35 دولار بنزين قابل انت شراح تاخذ  والله متصرف  وووو  وكام يبجي...  اذا اكو شغله بيها خير يركضلها وميدلي احد بس تخلص وتنتهي يكلك بيها .. طبعا مو الكل بيهم اصلاء  ويحبون الخير ويقدومن المساعده.
الاسواق هنا شيخطر ببالك تلكاه كل الامور الاسلاميه والعربيه والحلال..محلات اسلاميه  وعربيه كثيره وعراقيه..يعني اجوني خطار من غير ولايه قدمتلهم كيمر وكاهي وصمون عراقي وراشي ودبس.. استغربوا  كالوا هاي انتو وين كاعدين بغداد..كل شي موجود الاكل والاعراض يعني  اني من اجيت جبت وياي استكانات جاي وقوري لان كثير من الاخوان نصحوا بهذا الشي لان هنا ماكو...ولمن وصلت هنا لكيت القواري انواع واشكال وكذلك الاستكانات..القصد كل شي موجود(((( والكلام على شيكاغو--- الينوي )))غير مكان مااعرف
بالنسبه للملابس  والاثات  شتريد اكو..اكو غالي واكو منسب واكو رخيص  ..طبعا بالنسبه للعمله هنا.. من توصل لاتقارن بين العراق وهنا.. او سوريا  او مصر... انت صرت بأمريكا خلاص كيف نفسك عليها لان من راح تشتغل راح تاخذ دولار   مو دينار او ليره او جنيه ؟؟؟؟
اكو مثل الكراده.. واكو مثل الشورجه..
المجتمع  :
هنا راح تكلى من كل بلاد العالم ..الينوي ..بيها عرب هوايه  ومسلمين هوايه... نسبه السود كبيره هنا  .. وكذلك المكسيكان.. المكسيان تارسيها لامريكا همه ...شلون جانوا المصريين بالعراق  هنا نفس الشي.. يشتغل اي شي  وبأي سعر  وهمه هذولي السبب بتدني اسعار ساعات العمل وخصوصا من يعمل بالكاش  فهناك من يعمل ب3 دولار بالساعه كاش و4 و5  حسب علما ان الاجر الادنى رسميا هو 8دولارات ونصف 
الديانات:
تجد كل الديانات..مسلم والجاليه الاسلاميه كبيره جدا هنا وتوجد مساجد كثيره جدا.. ومراكز اسلاميه  تقدم مساعده للمحتاجين..
وكذلك كنائس.. وتوجد جمعيات ايضا..
 هذا مايحضرني الان.. اسف ان اطلت عليكم.. واعتذر ان نسيت شي... واي سؤال انا بالخدمه... 

ملاحظه اخيره))) شيكاغو قياسا بغير ولايات تعتبر غاليه..وخصوصا الايجار وهيه ولايه كبيره جدا  فيها حوالي 12 نسمه
ان شاء الله الكل تسافر وتوصل بالسلامه ...

العنوان: رد: سنه في شيكاغو..الينوي
أرسل بواسطة: المهاجر الجديد في 02:05 14/05/2012

يابه خاف احد يضحك على عباره شيكاغو بيها 12 نسمه..اقصد 12 مليون نسمه

العنوان: رد: سنه في شيكاغو..الينوي
أرسل بواسطة: امين عبد الله في 02:16 14/05/2012

بارك الله بيك اخي الكريم ونصيحتي الك انه ابني مستقبلك وما عليك بحجي هذا وذاك اخذ منهم بس الشئ اللي يصرف لك وربي يحفظك ويحميك ويفتحها بوجهك و ابد لا تثق الا بس بربك و نفسك

العنوان: رد: سنه في شيكاغو..الينوي
أرسل بواسطة: beautiful angel في 02:33 14/05/2012

عاشت ايدك على هذي التوضيحات الي تخص ولاية الينوي وموضوعك الحلو

العنوان: رد: سنه في شيكاغو..الينوي
أرسل بواسطة: ArUsH في 02:47 14/05/2012

تسلم ايدك  ;D

ان شاءالله تفرج علينه ونجي ونشوف  :-\

ادعيلنا  :-\

العنوان: رد: سنه في شيكاغو..الينوي
أرسل بواسطة: ankawa_2010 في 02:56 14/05/2012

صاحب الموضوع
شكرا الك تفاصيل كلش حلوه
وياريت كل واحد يكتب عن الولاية
الي بيها هيج تفاصيل
وشكرا

العنوان: رد: سنه في شيكاغو..الينوي
أرسل بواسطة: المايكرفون في 03:59 14/05/2012

بارك الله بيك على هذه المعلومات الرائعة، و الله يرزقك و يفتحها بوجهك اخي...ننتظر منك المزيد لان طريقتك بشرح الامور حلوة جدا

تحياتي

العنوان: رد: سنه في شيكاغو..الينوي
أرسل بواسطة: angel_2012 في 04:04 14/05/2012

بارك الله بك على التوضيع ربي يوفقك وانشاءلله يوفق الجميع بالسفر والاستقرار

العنوان: رد: سنه في شيكاغو..الينوي
أرسل بواسطة: yasir fakhri في 05:50 14/05/2012

عاشت ايدك وبارك الله بيك اخونا وفعلا انت اثبتت شئ مهم بموضوعك وهو خير الكلام ماقل ودل ورغم كل الامور التي تعاني منها ويعاني منه اي لاجى جديد فانت مازلت لديك العزيمة والايمان القوي الذي جعلك تعتمد على الله سبحانه وتعالى بتسيير الامور وماكان عليك الا التحرك لتحصل على ماتريد, اسال الله سبحانه وتعالى ان يوفقك في عملك ومجهودك الذي تبذله, وخير الناس من نفع الناس و فعلا الدين النصيحة
ياسر

العنوان: رد: سنه في شيكاغو..الينوي
أرسل بواسطة: روزة اليرموك في 05:59 14/05/2012

عاشت ايدك اخي
موضوع حلو جميل ومفيد
الله يوفقك وينور دربك ان شاء الله

العنوان: رد: سنه في شيكاغو..الينوي
أرسل بواسطة: saeedsaeed في 07:45 14/05/2012

عاشت ايدك ياورده وربنا يرزقك ويوفقك

العنوان: رد: سنه في شيكاغو..الينوي
أرسل بواسطة: ام الهنا في 10:10 14/05/2012

شرح حلو وممتع .. بارك الله بيك اخي المهاجر وياريت تستمر بأغناء الموضوع اكثر عن شيكاغو ...
ولو سمحت تكتب عن المنظمات ، كالوا راح يوصلهه 150 كيس وهسه كل الانظار عليهه .
وربي ييسر امور الجميع .

ام الهنا

العنوان: رد: سنه في شيكاغو..الينوي
أرسل بواسطة: *Ray في 10:27 14/05/2012

شكرا ع الموضوع حلو ومفيد ونتمنالك الموفقيه والنجاح

العنوان: رد: سنه في شيكاغو..الينوي
أرسل بواسطة: ايام زمان في 10:39 14/05/2012

ان شاء الله كل التوفيق وتحقيق الاحلام باذن واحد احد... عاشت ايدكم ع الموضوع الجميل وكل حرف بميزان حسناتك

العنوان: رد: سنه في شيكاغو..الينوي
أرسل بواسطة: يمتة الفرج في 11:01 14/05/2012

عاشت ايدك اخوية عالموضوع واله يفتحها بوجك ويوفقك

العنوان: رد: سنه في شيكاغو..الينوي
أرسل بواسطة: @المهندس@ في 11:08 14/05/2012

ربي يوفقك ياطيب على قدر طيبة قلبك الي واضحة من طريقة سردك...
لك مني كل الأحترام
تقبل تحياتي
@المهندس@
سوريا / دمشق

العنوان: رد: سنه في شيكاغو..الينوي
أرسل بواسطة: وردة الخليج في 11:15 14/05/2012

بارك الله فيك على هذه المعلومات
وياريت كل الولايات نعرف عنها هذه المعلومات

العنوان: رد: سنه في شيكاغو..الينوي
أرسل بواسطة: alzandawi في 11:23 14/05/2012

بارك الله بيك والله يفتحهة بوجهك وياريت لو كا الاعضاء كل واحد ينطينه نبذه عن مكانه ولايته حتة تصير عدنه فكره عن كل الولايات بصوره عامه

العنوان: رد: سنه في شيكاغو..الينوي
أرسل بواسطة: مس لارا في 14:52 14/05/2012

شكرا لمساهمتك  . ومعلومات جميلة . بس اذا امكن نعرف معلومات أكثر عن انواع الاشغال والاعمال المتوفرة . وعن المساعدات الي تتقدم للاجيء حال وصوله .  وبارك الله بيك  على كل معلومة كتبتها

العنوان: رد: سنه في شيكاغو..الينوي
أرسل بواسطة: سوسو اسو في 15:15 14/05/2012

عاشت ايدك اخوييه ماقصرت بالمعلومات
الله ايسهلك امرك
تحياتي

العنوان: رد: سنه في شيكاغو..الينوي
أرسل بواسطة: محارب في 16:52 14/05/2012

شكرأ على المجهود الرائع

العنوان: رد: سنه في شيكاغو..الينوي
أرسل بواسطة: ابو روزا في 00:59 15/05/2012

بس ملاحظه زغيره بخصوص اجازة السوق يعني من تحصل البيرمنت متكدر تسوق الا اذا واحد عنده اجازه
صحيح بس شغلة الاجازه فوك السنه لا ممكن تاخذ الاجازه اليوم وتصعد ويه شخص عنده بيرمنت

العنوان: رد: سنه في شيكاغو..الينوي
أرسل بواسطة: المهاجر الجديد في 10:34 15/05/2012

                                            السلام عليكم

الى كل الاخوه والاخوات  الذين شرفوني بالمرور ..والذين قدوا لي الشكر والدعاء .اشكركم من اعماق قلبي  وبارك الله فيكم.. ماكتبته  هو واجب عليّ وعلى كل لاجي يريد الخير للناس ويحب بلده واهله..فكلنا في هذا المنتدى عائله واحده..

فشكرا مره ثانيه وكلماتكم هذه تحفزني  للمواصله.. وان شاء الله لاابخل على احد بمااعرفه من معلومات وامور تهم الاجئين  وعن السلبيات

والايجابيات التي اراها هنا..

الاخت مس لارا..سؤال عن نوع الاعمال المتوفره

هذا السؤال يتحدد بمدى جديه الشخص للعمل من يبحث ويجتهد يجد عمل ..فرص العمل لمن لديه لغه طبعا اوفر ممن ليس لديه لغه                                                                   .
وعموما كمرحله اولى وكبدايه..هناك اعمال لاتحتاج خبره او ممارسه ..مثلا..المطاعم... المولات الكبيره.. شركات اللوندري..غسيل وكي الملابس  توجد شركات متعهده مع المستشفيات   والمطاعم  والفنادق تقوم بغسل الشراشف وماشابه .وهناك شركات المواد الغذائيه

وكذلك الامر يتعلق بالمعرف فاكثر فرص العمل توجد عن طريق المعارف والاصدقاء..فهناك  اناس يحبون الخير للجميع

وطبعا من لديه مهنه ممكن ان يجد عمل اسرع من سواه.. وهناك مهن موجوده في بلادنا لاتجدها هنا. واصحاب الشهادات فرصهم في

العمل اوفر..

الاخت ام الهنا...سؤالك عن المنظمات والمساعدات..هنا توجد منظمات ليست بالقليله..وكل واحد ونصيبه شوف وين تصير قسمته على اي منظمه..

المساعدات..اللنك كارد(فود ستامب)هذا للطعام  ..والكاش..والتامين الصحي الاعزب يختلف عن العائله

مساعدات الاعزي تتراوح بين 3 و8 اشهر بين ايجار وكاش وتامين صحي الفود ستامب يستمر الى ان يجد عمل وان  وجد عمل يحسب الدخل

ان كان جيد يبداء الاستقطاع ..وكذلك للعائله بس الفرق العائله التي لديها اطفال دون ال18 سنه يستمر الفود لمد\ه لاتقل عن 60 شهرا

ربما اكثر وكذلك الكاش لكن اذا عمل احد افراد الاسره اب او ام  ان كان دخلهم الشري جيد ايضا يبداء الاستقطاع

التامين الصحي..

يبقى للعائله التي لديها اطفال الى ان يبلغ الاطفال 18 سنه من ضمنهم الوالدين  مشمولين بالرعايه ةالصحيه الى ان يبلغ اطفالهم 18 سنه

العائله  التي ليس لديها اطفال حالها  حال الاعزب...

هذا مايحضرني الان  واي سؤال انا بالخدمه  شكرا لكم  وتحياااااااااتي للجميع


                                                                                                                    ابو حارث

العنوان: رد: سنه في شيكاغو..الينوي
أرسل بواسطة: نداوي79 في 10:58 15/05/2012

تسلم وموضوع ذو فائدة والله يفتحها بوجهك وينور دربك

العنوان: رد: سنه في شيكاغو..الينوي
أرسل بواسطة: المهاجر الجديد في 15:33 15/05/2012

     
  الاخ العزيز ابو روز  شكرا على المشاركه..وشكرا على التعقيب

بخصوص الاجازه هذا الي سمعته من الاخوان هنا..فبعد ماادري والله


                                              ابو حارث

العنوان: رد: سنه في شيكاغو..الينوي
أرسل بواسطة: اسمر زيونة في 18:35 15/05/2012

   كفوو منك والله ....واذا عندك معلومة عن ريكفورد اكووون ممنون منك
  تقبل تمنياتي لك بالنجاح.....

العنوان: رد: سنه في شيكاغو..الينوي
أرسل بواسطة: ام الهنا في 20:19 15/05/2012

اخي المهاجر شكراً وبارك الله بيك على الرد والتوضيح ،، وربي يسهل امورك ويكتبلك النجاح بكل خطوة .
 آني الولاية خليتهه على المنظمة وشوف رب العالمين شكاتبلي وان شاء الله كل الخير .
وبالفرج والتوفيق للجميع .

ام الهنا

العنوان: رد: سنه في شيكاغو..الينوي
أرسل بواسطة: ريم عبد في 20:35 15/05/2012

عااااااشت ايدك على الشرح الحلو المفصل والسلس
وتطرقك لعدة مجالات بالولايه وشمول معظم المرافق بالتوضيح
نتمنى ان يبقى الموضوع لاضافات جديده ويستفادون منه المسافرين الجدد
ونتمنالك النجاح والتوفيق

العنوان: رد: سنه في شيكاغو..الينوي
أرسل بواسطة: مس لارا في 16:14 16/05/2012

شاكرة جدا لأهتمامك وحرصك للرد عن ما سئلت . المشكلة هي اللغة وطريقة التعامل أكيد . وفقك الله ويسر جميع امورك.

العنوان: رد: سنه في شيكاغو..الينوي
أرسل بواسطة: المهاجر الجديد في 16:44 16/05/2012

                                                      السلا م عليكم


شكرا اخوتي اخواتي ...على كلماتكم الجميله الرقيقه ودعواتكم  وانا ممتن لكل من شارك بالرد او التعليق ..

اسأل الله ان يحفظكم جميعا ويوفقكم ويرعاكم...........  تحيااااااااااااااتي للجميع   

اختي ام الهنا..اهن شاء الله يكون نصيبك ولايه جميله وحلوه ترتاحون بيها...الله يوفقكم   

                                   
                                                                                                                      ابوحارث

العنوان: رد: سنه في شيكاغو..الينوي
أرسل بواسطة: ام الهنا في 17:14 16/05/2012

مقتبس من: المهاجر الجديد في 16:44 16/05/2012

                                                      السلا م عليكم


شكرا اخوتي اخواتي ...على كلماتكم الجميله الرقيقه ودعواتكم  وانا ممتن لكل من شارك بالرد او التعليق ..

اسأل الله ان يحفظكم جميعا ويوفقكم ويرعاكم...........  تحيااااااااااااااتي للجميع   

اختي ام الهنا..اهن شاء الله يكون نصيبك ولايه جميله وحلوه ترتاحون بيها...الله يوفقكم   

                                   
                                                                                                                      ابوحارث

ان شاء الله اخي وبارك الله بيك يا طيب ...

ام الهنا

العنوان: رد: سنه في شيكاغو..الينوي
أرسل بواسطة: lazordy في 06:57 17/05/2012

عاشت ايدك أخوية المهاجر .. وان شاء الله دوام الموفقية يا رب

انا اتفق معك بكل اللي قلته عن الينوي .. حيث اني اسكن ضواحي شيكاغو ... وتقريبا كل ما قلته ينطبق على منطقتي ما عدا موضوع المواصلات ... لأن استخدام الباصات هنا من اصعب ما يمكن مواجهته خصوصا في الفترة الاولى للوصول .. حيث ان لا غنى عن السيارة في الضواحي وذلك بسبب كبر حجم المدن وتباعد المسافات

وبعد أذن اخوية المهاجر ... انا جاهزة للاجابة عن اي استفسار في حدود امكانياتي ..

بالمناسبة قبل ايام .. اخبرتني احد معلمات اللغة الانكليزية في المدرسة التابعة للمنظمة انهم سوف يستقبلون عدد لا بأس به من اللاجئين في مدينتنا ... وقالت ان سبب التأخير هو التجييك الامني ( والعهدة على الراوي ) وان شاء الله تتسهل امور جميع المنتظرين وتنتهي معاناة الانتظار بالقريب العاجل

تحياتي

العنوان: رد: سنه في شيكاغو..الينوي
أرسل بواسطة: المهاجر الجديد في 07:10 17/05/2012

  الاخت العزيزه ريم ..نورت الصفحه وبارك الله بيج ماقدمته بعض من الذي تعلمته منك ومن هذا المنتدى الرائع..(( نحن هنا عائله واحده

والكل يتعاون ويساعد الكل.والذي يعلم شي يوصله للجميع للاستفاده..)) شكرا مره ثانيه

الاخت lazordy... شكرا انك شرفتيني بمرورك.. ولمشاركتك بالاجابه وتوصيل المعلومات وهذا من دواعي سروري ان نتشارك في الاراء والمعلومات

والدال على الخير كفاعله.. تحيااااااااااااتي للجميع