ankawa
منتدى الهجرة واللجوء => الهجرة و واللاجئين => الموضوع حرر بواسطة: مبارك محمد في 16:26 15/05/2012
-
السلام عليكم ورحمة الله وبركاته
اخوتي الاعزاء
انه سجلت بموقع ال iom عمان وتم التسجيل بنجاح وامس اجاني ايميل تفعيل الحساب
بس اذا ادخل واكتب رقم الملف والباسوورد مايرضى يفتح الموقع وينطيني بانه هناك خطا في الباسوورد
زين. .. دخلت على خانة انه اذا نسيت كلمة السر. وودالي الكنترول كلمة سر جديده مكونه من 14 خانه
بيها ارقام ورموز واحرف وهمين اذا ادخل على الرقم الجديد ما ينفتح الموقع
والباسوورد اللي دزولياه بهاي الطريقه. q&KSWW^OIL_R2o
وماعرف شني المشكله
اذا احد يكدر يفيدني ويساعدني بهالموضوع اكون شاكر وممنون
وبارك الله بالجميع مقدما
-
اخويه العزيز زين كتبت الباسوورد الي دزولكياه لان بوكتها اني صارت نفس الحاله وهم دزولي باسوورد عجيب وغريب سويتله كوبي بيست وفعلا صار وبعدين غيرته
-
اخويه الغالي
ايه كتبت نفس الباسوورد اللي دذولياه وماجاي يفتح الموقع
-
زين اخويه جرب دز رساله للموقع مالتهم وكللهم مشكلتك وراح انشاء الله يجاوبوك
-
رحمالله والديك اخويه
راح اراسلهم واشوف شني المشكله
-
ووالديك اخويه العزيز انشاء الله خلال يومين يجاوبوك لان هذا الي صار ويانا بوكتها انقفل وما انفتح ولمن راسلتهم دزولي رساله انو رجعوا فتحوا وصدك الحمد لله رجع يشتغل وانشاء الله تكون الاخبار تبشر بخير
اختك
dark@ngel
-
اكتبلهم رسالة خلي يسوون لتسجيلك اكتفشن
يعني تسجيلك ما مفعل ... اطب منهم تفعيل
تحياتي
-
اخويه العزيز اول شي تفعيل الحساب يجي بي رابط لازم تضغط عليه حتى يكمل التسجيل
واذا انت مسوي هاي الخطوة
لازم تاخذ الباسوورد الي اجاك كوبي بيست وتاكد من الكوبي لياخذ ويا اي رقم او رمز زياده
واذا مصار اطلب باسوورد ثاني من خيار هل نسيت كلمة المرور
دخل رقم ملفك ويجيك راسا
لان اني البارحه صارت ويايه وكلت مراح يفتح
بس طلبت واحد ثاني واجاني وسويتله كوبي بيست وفتح
ولتحاول محاولات غلط 3 مرات خلال نص ساعه لان ينسد حسابك بالموقع وهوسه
اتمنالك التوفيق
-
مشكوووووورين ورحمالله والديكم
الحمد لله انحلت المشكله وانفتح الموقع
بارك الله بيكم جميعا