ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو يوسف العراقي في 07:46 16/05/2012
-
اخوان السلام عليكم اود ان اطرح موضوع جدا مهم فارجو من الجميع المساهمه بي
عندما ينزل عضو موضوع اتصال بكفيله وهو فرحان جدا ويبشرنه ويسئل هل هذا معناه انو سفري قريب يدخل احد الاعضاء وهو متشائم جدا ويكله هذا ماله علاقه وينزل معنويات الشخص الى الصفر
اخر ينزل موضوع ويكول انطوني دوره تثقيفيه وهو فرحان جدا ويسئل يعني كم وراه واسافر يدخل اخر ايضا متشائم جدا ويكله هذه ماله علاقه ا اخون اريد افتهم لعد شنو الي اله علاقه بلسفر اذا الاتصال بلكفيل ماله علاقه ولا الدوره التثقيفيه اله علاقه لعد شكو المنظمه خالتهن من ضمن المراحل وارجو اخيرا من الاخوه الاعضاء ان يفيدونا وشكرا
-
ها اخوان محد عنده اجاب شافيه على الموضوع
-
اخوية العزيز
موضوعك حلو وبصراحة اني صارت وياة نفس الحالة
بالنسبة للجماعة الي متصلين بكفيلهم قبل فترة طويلة ومسافروا هذا جان بسبب الاجراءات الامنية السابقة والي خلت الكل توكف معاملاته ومتسافر بس بالنسبة للاتصال بالكفيل وتوقيع الاوراق وحسن كلام الولد الي يشتغل بالمنظمة معناه ان الاجراءات الامنية كملانة والتخصيص المالي للكيس كملان والتامين تخصصله فلوس يعن الاتصال بالكفيل هسة تعني انتهاء الاجراءات الامنية بس مو بالضرورة ان مكتب عمان وصلتلة اوراق القضية ولهذا يجاوبون انه قضيتك بالتجييك الامني وهذا حسب كلام الولد الي يشتغل بالمنظمة
-
الأخ ابو يوسف المحترم... تحية طيبة وبعد... اعتقد المقصود من كلام الأخوة المتشائم هو عن تجربة والمتمثلة والمقترنة وجوبا بوصول الموافقة الأمنية (يالله الواحد يكدر يشتم نفس)بمعنى اخر.. الفحص الطبي واعادته والأتصال بالكفيل والدورة التثقيفية كلها اجراءات روتينية تقوم بها المنظمة الدولية للهجرة وبالتعاون وبالتنسيق مع المنظمة الأنسانية الموجودة في اميركا ريثما تكتمل الموافقة الأمنية القادمة من قبل الأمن الأمريكي والتي لادخل فيها من قبل لا المنظمة ولا الكفيل ولا اوباما نفسه لكن اعتقد عندما يصل الامر الى الدورة التثقيفية فهو معناه وصول الأمنية وهذا ما يجري بالعادة ومايتبعه من خط الرحلة وموعد يوم السفر وفحص ما قبل السفر . وفي بعض الحالات ممكن انه في حالات خاصة وشاذة عن القاعدة هو انه بعض الأخوة ياخذون الدورة التثقيفية ويظلون ينتظرون فترات طويلة كونهم عندهم ربط قوي مع اهلهم او في بعض الأحيان تطلعلهم (شعبوصات) مناه ومناك وتبقى الأخت الأمنية هي سيدة الموقف وعلى فكرة هي ترى هم تعتبر اجراء روتيني اي المعنى .. الكل تجيهم الموافقة الأمنية والمقترنة بموافقة المحلف الا اذا كان الشخص او الكيس فعلا بيه لولا (جرائم مشاكل تشابه بالأسماء ) لكن المشكلة بيها انه تتأخر وهذا ما يخلي الناس تضجور وتطك روحها ... وتقبل مروري اخي الكريم
-
اولا اود ان اشكرج جدا اختي على المداخله الطيبه ثانيا اود ان اناقش اخويsecurityiom كلامك جدا منطقي واني اشكرك وتاكيد على كلامك اني كفيلي وقع الاوراق قبل شهر ومن سئل كالوله احسب ثلاث شهور ويجي اني مامصدك بس هسه قبل ساعه دخلت على موقع اي او ام جان الملف بالانتضار وبعد نصف ساعه دخلت لكيت الملف صاير فعال واللعلم اني كلشي عندي فعال بس الامنيه بالانتضار والسفر غير فعال ومائدري شنو راح يصير منا وهيج والله كريم
-
اني كفيلي قبل اسبوعين وقع الاوراق وكلولة بين شهر السادس الى شهر التاسع اقصى مدة يجي
-
عزيزي:
كل واحد يقيس على نفسه بهذا الموضوع :
لذلك ماكو نتيجه مؤكده ...
-
مو قصة تشاؤم
لان فعلا ماالها علاقه بالموضوع ..هي مجرد خطوات بأتجاه السفر والفيصل هنا هو الموافقة الامنية والامثله على ذلك كثيرة جدا
-
اني اشكرك اخي ORCA جدا على مداخلتك بس احب ابشرك انو المنظمه رجعد على نفس السياق القديم مايعيدون فحص الة الامنيه خلصانه واليام الجاي تثبت ذالك اني اشكرك جدا اما بلنسبه العزيزيfadil81 اني اختلف وياك الئن المنضمه ما تقدم عاى خطوه الة وهيه عارفه جاي اتسويه وسياقات متسلسله اما عن بعض الاشخاص يتوقف سفرهم فهاذا شي خاص بيهم حسب اعتقادي واني اعرف ناس هوايه بلمنتدى يكول اجلوني وواني كلشي ماعندي بس هو حاجي يم ناس غير شكل اما الاغلبيه فهو سياق منتضم وخير دليل على ذالك الدفتر الي ينطوكياه في اول مقابله كلشي موجود بي ارجع واقراه زين راح اتشوف كلامي صحيح واني اشكرك مره ثانيه على مناقشدك الموضوع بجديه تحياتي ياغالي
-
اني عدت فحص طبي بشهر الثالث وبداية هذا الشهر اتصلوا بكفيلي ووقع الاوراق
بس بقة اريد اسال سؤال عن الدورة التثقيفية اول مقابلة كعدونة بالكرفان وفتحولنة فلم عن الحياة بامريكا والاجئين وانطونة كتاب مال لاجئين هية هاي الدورة التثقيفية ؟؟؟ للعلم هاي بغداد منتصف سنة 2010
رجاءا بس اريد اتجاوبوني على الدورة التثقيفية هية لو لا ؟؟
-
السلام عليكم
بالبدايه احيي اخونا صاحب الموضوع والاخوة الكرام الذين ادلوا بدلوهم وطرحوا افكارهم
ولكن لو نظرنا لكل الامور المتداولة من تشييك امني اجراء السفر حالة الملف الاتصال بالكفيل كلها امور مرتبطة ببعض وهي ما يسمى بالاجراءات الخاصة بالدائرة والي نسميها الروتينيه
نعم اؤيد كلام بعض الاخوان بشأن الاتصال بالكفيل واعتباره مرحلة مهمة جدا فكل شيء يتم صرف مبالغ له فلا يمكن صرف كل تلك المبالغ من اجل لا شيء
التاخر الحاصل ايضا له علاقة بالمبالغ المصروفة والية جدولة المواعيد لا اكثر ولا اقل احيان لم ترد الوثائق المكتملة الى المنظمة وهذا سبب الرد المعتادين عليه في حين لو طلبتم من كفلاءكم التشييك مع المنظمات المسؤولة عنكم هناك ستجدون ماهية الاجراءات التي قاموا بها والى اي مدى وصلت
-
اني اشوف واحد يكول الحقيقة احسن مما يخلي المقابل يحلم ويتأمل ويبدي يصفي اموره عباله باجر لو عكبة مخابريه
طبعا شي زين يروحون على كفيله لو على الدورة التثقيفية
بس بنفس الوقت واحد لازم يحط كل الامور كبال عينه
اني قبل 7 اشهر اختي راحو على كفيلها ولحد الان كلشي ممتغير
وقتها هم كيفنا بس بمرور الوقت عرفنا انه ماله علاقة قوية بالسفر
بس عموما ان شاء الله كلمن رايحين على كفيله او مسوي تثقيفية تمشي قضيته بسرعة
وكلنا نسافر باقرب وقت
-
اشكر كلمن نورنه بمالديه من خبره نعم اخيsecurityiom هي هاي الدوره الثقافيه واحب اكول الى كل من شارك يكول لا ماله علاقه لا اله علاقه ولو ماله علاقه ليش ناس يتصلون على كفيلهم وناس يدزون على دوره واني اقصد شي عام مو واحد يكول فلان سواهن كلهن وكاعد صاره ثلاث سنوات اني احجي على العموم لئن هناك مبالغ تصرف وجهد ايضا ووقت ولاتنسون انو همه يحترمون الوقت جدا وكلشي يحسبون الة الف حساب واني ممنون من كل الي شاركوني في هذاالموضوع
-
اني كفيلي قبل اسبوعين وقع الاوراق وكلولة بين شهر السادس الى شهر التاسع اقصى مدة يجي
الف مبروك اخوية انشالله تسافر بالسادس وباقرب موعد سفر
-
اني كفيلي قبل اسبوعين وقع الاوراق وكلولة بين شهر السادس الى شهر التاسع اقصى مدة يجي
الف مبروك اخوية انشالله تسافر بالسادس وباقرب موعد سفر
الله يبارك بيك اخوية العزيز والله اتمنة الكل تسافر وتخلص من الانتظار شكرا لكلامك الطيب
-
اني كفيلي قبل اسبوعين وقع الاوراق وكلولة بين شهر السادس الى شهر التاسع اقصى مدة يجي
الف مبروك اخوية انشالله تسافر بالسادس وباقرب موعد سفر
الله يبارك بيك اخوية العزيز والله اتمنة الكل تسافر وتخلص من الانتظار شكرا لكلامك الطيب
انشالله يارب
-
الاتصال بالكفيل امر روتيني الدورة التثقيفية كانت امر روتيني بس الان يعني من نهاية 2011 صارت فقط لمن يكتمل التجيك الامني!!
-
وتالي مو راح اتخبل شوكت اسافر
-
اخي العزيز لن تجد جواب شافي لهذا الامر وكل المداخلات هي عن تجارب شخصيه .... والبعض لايذكر الحقيقه كما هي وهنا الطامه الكبرى .. احد الاخوه حدد الهم موعد سفر وقبل 10 ايام من الطيران بلغوا بالتاجيل وعندما سالته عن السبب كال والله ما نعرف واتضح فيما بعد ان اسمه مزور!!! .عن تجربتي الشخصيه في احد الايام طلبت من احد الشباب ان ياتي معي الى الشقه لمساعدتي في تنظيم الاغراض... طبعا الولد قدم بعدي الى تركيا باشهر . وانا قابلت الوفد قبله وفحصت قبله . ..... كملنه الشغله هي مجرد بوفيه غيرنا مكانها ... كالي ابو نور اريد اصلي كتله اي تفضل ..قبل ان يصلي جاء له تلفون من icmc . يلغه بموعد سفر بعد 40 يوم تقريبا الحقيقه اني فرحتله . وهنيته . بس اني بشر تسائلت مع نفسي ليش اشو اني بكلشي اقدم من عنده واحنا عائله وهو اعزب وشويه نقهرت هههههههههه....بعد مرور ايام قليله جدا اتصلوابي لاعادة الفحص ..وفعلا بعد 3 ايام ذهبنا من انقره الى استنبول لاعادة الفحص في المستشفى الامريكي هناك . واثناء ما نحن داخل البص وتقريبا في منتصف الطريق فتحت اللابتوب واذا اجد موعد سفري بعد 12 يوم .. ما اطول عليك وصلنا عدنا الفحص وركض اشترينا حقائب السفر وما لحكت حتى ابيع الاثاث وحتى معظم الملابس تركناها . وكثير من الاصدقاء ما لحكت اودعم ... سافرت والولد بقى بتركيا بعدي حوالي شهر ..هسه هنا نسال كل لاجيء هيج راح يصير وياه طبعا لا
اذن كل كيس واله خصوصيته واني شخصيا اميل للتفائل .... وكونوا على ثقه كلمن فحص راح يسافر فقط مسالة وقت ..... مع التقدير .
الله يسمع منك اخوية والله متنة ومابقى بيني وبين الخبال شعرة ;D
-
حبيبي معليك باليحجي بلا علم وفهم ترى هواية احنا العراقيين تلكه فهايم وهم بالاصل بهايم
اخي العزيز انطيك مخلص الكلام ...........زاذا اتصلو بكفيلك لغرض توقيع الاوراق يعني امنيتك كاملة او على وشك الاكتمال
اذا اتصلو بكفيلك معلومات فقط يعني فعلا مالها علاقة وتتاخر امنيتك
والسلام
تحياتي
-
اخوان شكرا الى كل من شارك بهذا الموضوع ونرجو من جميع الاخوان مناقشه الموضوع بجديه بعيدا عن المهاترات والمزايدات السيد العبيدي ما مقبوله منك ان تصرح بكيفك هيج تصريح نرجو منك العتذار او ان لاتتكلم بهذا الشكل
-
حتى من واحد يستلم الفيزا يجي شخص ويكول ماله علاقه ;)
-
حتى من واحد يستلم الفيزا يجي شخص ويكول ماله علاقه ;)
كلش حباب هاي كلش حلو عجبتني اشكرا اخي
-
اخي المحترم ابو يوسف
انا لا اعرف العضو غسان العبيدي
ولكن الاخ غسان لم يعمم ماقاله على الجميع
واكيد اكو هوايه عراقيين واحدهم مسوي نفسه يشتغل بوكالة ناسا وهو ما يعرف يكتب اسمه
يعني اكو واحد يبيع ركي وكاعد يحجي عن صناعة اف 16
فأكيد الاخ العبيدي متلوع منهم
-
مع احترامي , انتظر وفضهه للسالفه يعني الحجي مراح لايقدم ولا يأخر واذا تظل تفكر بيهه رح الوقت يمر بصعوبه , يعني قبل فتره شفت جماعه كاعدين يحللون ويفسرون الارقام مال الكيس نمبرز علساس هيه كتابه هيرغلوفيه , بابا هيه ارقام مجرد ارقام انتظر وهاي هيه !
-
اتي البارحه سالت موظف المنظمه ليش ما متصلين بكفيلي لحدالان كال لان امنيتك بعده مكملانه وهسا لاي نتصل بكفيله يعني امنيته تقريبا كامله وراها اجراءات سفر اداريه ويسافر هذا الكلام من الموظف وما اتصور ايكذب لان ماله مصلحا يكذب
-
اخواني سيد بيييييس وابو يوسف العراقي
تحية الكم
انتم فهمتو الموضوع كلش غلط ترى اني مقصدت العراقيين بهايم لا اني اقصد (يروحون فدوة للبهايم كن ذولة اليحجون بكيفهم معممت) هذا القصدته يفتون بما لا يعرفون اما اذا وصلت الفكرة عدكم تعميم لا منظلم الناس كل قاعدة ولها شواذ 1 بالمية روح 2 بالمية لخاطركم وميصير خاطركم الا طيب ;D ;D ;D ;D ;D ;D ;D ;D
والعراقي بشكل عام صعبة عليه يكول ما اعرف كارثة الكوارث لا بل من علامات ظهور المهدي وقيام الساعه ان تلكى عراقي يكلك ما اعرف
عيب حبيبته شيكلها باجر عكبة خطيبته مرته جهاله يكلهم ما اعرف ؟؟؟؟؟؟؟ عيب وكارثة وبيها فصل عشائري 4 نسوان
شدتحجون انتم شدكولون هههههههههههههههههه صدك شر البلية ما يضحك
تحياتي
-
اخي العزيز شكرا الك وراح اجاوبك على سؤال بجملة وحدة
صارلنا من سنة 2007 لحد اليوم وتاريخ اليوم هو 16-5-2012 محد يكدر يعرف شنو الي ديصير وشلون الاجراءات وماكو كيس يشبة كيس وبقية الاراء هي مجرد تحليل واجتهادات من الاخوان لا اكثر ولا اقل عسى انو يوصلون لمعرفة حقيقة الي يصير
تحياتي الك
-
باجر راح يخابركم موضف من المنظمه اسمه مالك علاقه ;D ;D ;D ;D ;D ;D
-
شكرا على كلمن انطه رايه بلموضوع بس احب ان اكول ان هذه الامور اله علاقه بس كلمن حسب وضع كيسه او حالت الملف وهذا اني الي اعتقده بعد مااعرف اكو ناس عنده غير راي يمكن