ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو عزوز القيسي في 15:54 17/05/2012
-
أعزائي اعضاء مندى عنكاوا حياكم الله.
قبل ايام قليلة سمعت ان بعض اللاجئين الي دخلو تركيا في النصف الثاني من السنة الماضيه اتصلو بيهم خلال الايام الماضية وانطوهم مواعيد مقابلات في سنة 2013 الموضوع الي دوخ اللاجئين العراقين الموجودين في تركيا,, اني الحقيقة ما أهتميت للموضوع باعتبار ان ممكن يكون حالات فردية من الذين وصلوا الى تركيا موخرآ ويقدر عدد اللاجئين المنتظرين مقابلة اولى مع( UN) ب 27.000 لاجيء عراقي موزعين على محافظات تركيا والمعلومات طبعآ ماخوذه من المصادر (فخري موظف اليو ان في اسطنبول و القس فرانسوا هذا الشخص ساعد كثير من اللاجئين ممن كانت ملفاتهم شبه منسية ومهمولة) وبسبب هذا الزخم تاخرت كثر من الملفات من ضمنها ملف اخي الي قدم بتاريخ 10\8\2012 والبارحه اتصل موظف اليو ان من انقره على اخي وانطاه موعد مقابلة بتاريخ 17\1\2013 و شخصين اخرين مقدمين بنفس الفترة انطوهم ايضآ مواعيد في 13و11و15 \1\2013 يعني اني هنا تأكدت معلومة ان مواعيد المقابلات للي مقدمين بشهر ال7و8و9 الى شهر \1\2013 طبعآ هذا موضوع يكرب القلب الحقيقة حيث انها نكسه للي جانو يتوقعون مقابلة خلال هل الايام كان الله في عونهم.
وانشاء الله يكون هذا موضوع مفيد يفيد كل الي صارت وياه حالة مماثلة تحياتي للجميع.
-
آلله كريم أخي وإن شاءآلله تعالى راح تفرج على الجميع قريبا .
-
السلام عليكم . اخي العزيز مو شرط الي صار اني اعرف عائله اجتي من العراق بشهر الثالث من هالسنه ونطوهم موعد مقابله وره شهر ونطوهم فسفوره بنفس اليوم وره اسبوعين نزللهم استيطان لامريكا وهسه دينتظرون مقابله الاي سي ام سي عن قريب . فماكو شي ثابت بالقضايا وبالمواعيد . تقبل مروري اخي العزيز .
-
والله بعد مانتحمل كل يوم قرارات جديده هسه قابل همه حابينا دخلي يطلعونا ونخلص
-
كلامك مضبوط اخي احمد بس الحالة الي تتكلم عنها هي 1% اذا كنت في تركيا وتحديدآ اسطنبول راح تشوف ان الحالات الي انطوهم مواعيد كثيرة جدآ جدآ والحالات الي مثل الي انته ذكرتها ضئيلة جدآ.
-
ابوعزوز الورد فقط ملاحظة عندك خطا املائي :
مقتبس من ابوعزوز القيسي
من ضمنها ملف اخي الي قدم بتاريخ 10\8\2012 [/quote]
ارجو التصحيح تلافيا ...........
-
شكرآ اخي (قيصر روما) على الملاحظة اخي قدم على اللجوء يتاريخ (10\8\2011) وقابل في اسطنبول مقابلة اولية وكان بانتظار مقابلة في انقر والبارحة اتصلوا بي وانطوو موعد مقابلة مع اليو ان في (17\1\2011).ش
-
مساء الخير على الجميع
اخي ابو عزوز الله يكون بعون اخيك والباقين لانه الانتظار قاتل ان شاء الله يتصلون فيه لتقريب المقابلة
اخي لكن بعض العوائل وايضا تقديم جديد وحدث الامر قبل اسبوعين في مفوضية انقرة وامام عيني اعطوهم موعد 10 \ 8 يعني يعتبر قريب جدا بالنسبة لاخيك والاخرين
بالتوفيق
-
هاي عود جنت اكول اخذ العائله واروح التركيا اقدم اي او ام
بس السالفه هم طلعت طويله
تحياتي لصاحب الموضوع
-
اخي صاحب الموضوع المحترم .....
من ناحية الامور التي حدثت و انا على اطلاع بها ان الذي تفضلت به صحيح من حيث المواعيد الطويلة المدى ....لكن و بكل تأكيد عن هذا الخبر و بعد الاتكال على الله عز و جل ان من الممكن ان تتقدم هذه المواعيد الى اقرب ما يمكن و على سبيل المثال انني سجلت في منظمة اليو ان في تركيا (انقره) و كان بيوم 23/11/2011 .. و تم اعطائي موعد للمقابله بيوم 7/6/2012 و بعد شهر اتصلو على تلفوني اليو ان و قدمو موعد المقابله الى تاريخ 26/1/2012 و هسه اني بأنتظار مقابله ثانية ان شاء الله في بداية الشهر القادم .... و ايضا من عوائل اخرى سمعت نفس الكلام....... ومن الله التوفيق .....دعواتكم
-
مساء الخير
اعتقد ان هاي المواعيد هي مواعيد اولية وممكن تتقدم خلال الفترة القادمة وسبب التاخير بالمقابلات هو الزخم الحاصل على تركيا بعد الاوضاع الصعبه الي دا تصير بسوريا واضطرار عديد اللاجئين لمغادرة سوريا باتجاه تركيا.
-
السلام عليكم . اخي العزيز مو شرط الي صار اني اعرف عائله اجتي من العراق بشهر الثالث من هالسنه ونطوهم موعد مقابله وره شهر ونطوهم فسفوره بنفس اليوم وره اسبوعين نزللهم استيطان لامريكا وهسه دينتظرون مقابله الاي سي ام سي عن قريب . فماكو شي ثابت بالقضايا وبالمواعيد . تقبل مروري اخي العزيز .
مضبوط كلامك صحيح اكو جماعات انطوهم موعد مقابلة بعد شهر وحصلوا على الفسفورة بنفس اليوم وقسم اخر انطوهم اعادة مقابلة في وقت لاحق
ومثل ما كلت ماكو شي ثابت من حيث المواعيد كل واحد وقضيته ووضعه حيث اكو ناس مشت قضيتهم بسرعة واكو من تأخر للتحقق من الكيس
وبالنسبة للي عدهم عوائق يدخلون معاهم محامين في المقابلة للمساعدة وان شاء الله الفرج للجميع .
-
مساء الورد على كل الطيبين ..
اخي صحيح كلامك ان الموعد ممكن يتقدم وممكن يتصلون بي ويقدمون موعد المقابلة بس لمن شخص مقدم من شهر 8/2011 واحنه بشهر الخامس حاليآ يعني صار 9 اشهر منتظر مقابلة وبعدين يتصل بيك واحد مطفي من المنظمة ويكلك انته عندك موعد مقابلة اولى في شهر الواحد 2013 يعني 17 شهر بس انتظار على مقابلة اولى طيب هذا الواحد شلون راح تبقى عنده معنويات شلون راح يكدر يقاوم اكثر اني اخوية اجاني للبيت شايط صاير اعصاب ميعرف شيسوي وأول ما فكر بي هو السفر عن طريق التهريب يعني بحر وحدود وخطر وموت وهذا اصعب ما يصيب الانسان (اليأس ) طيب خلي نفرض انهم راح يتصلون بي زين شكد راح يقدمون موعد المقابلة برأيكم 3 اشهر او 4 طيب هم مو ظل عندك سنه وشهر او شهرين طيب انته شراح تضمن من مقابلة اليو ان زين بعد عندك استيطان ومقابلة ثانية وثالثه وقبول وفحوصات وبعدين هسه عبالك ديسوون مانية على اللاجيء لمن ينطوو لجوء بصيحون اثناء المقابلة ويكذبون ويطردون بس علمود اللاجيء تحبط معنوياته ويرجع لبلده ميعرفون ان الي ينتظرة ببلده جيش المهدي وتنظيم القاعدة و الحكومة الرشيدة تتفرج على عليهم يعني الموت لا محالة ,,بس شنكول نصبر على المر وحسبنا الله ونعم الوكيل.
-
شنو رأيك اني قابلت اولى بانقرة يوم 7-8-2012 وانطوني اعادة مقابله يوم 21-1-2014 اكو هيج حجي؟؟؟؟
-
شنو رأيك اني قابلت اولى بانقرة يوم 7-8-2012 وانطوني اعادة مقابله يوم 21-1-2014 اكو هيج حجي؟؟؟؟
اخي العزيز 21 _ 1 _ 2014 لو 2013 ؟؟؟؟
ارجو من حضرتك التاكد تلافيا للخطا
-
تركيا انتهت من ناحية الجوء مع العلم هيه جانت اسرع دولا بل الجوء وهسة صارة انكز دولا بل الجوء صارت مثل سورية لوو هسة سورية صارت احسن من تركيا بل الجوء
-
اخويه العزيز اكرر واكول سجلت بال un يوم 1-5-2012 قابلت اولى 7-8-2012 موعد ثاني 21-1-2014 اكرر 2014 يعني سنه و5 اشهر بعد المقابله الاولى.. تحياتي..
-
اخويه العزيز اكرر واكول سجلت بال un يوم 1-5-2012 قابلت اولى 7-8-2012 موعد ثاني 21-1-2014 اكرر 2014 يعني سنه و5 اشهر بعد المقابله الاولى.. تحياتي..
هههههههههههههههههه هاي شنو اي صحيح اني من جنت في تركيا ولد ثنين قدمو ع يو ان انطوهم موعد مقابلة اولى بسنة 2013 بشهر ال 10
وانته هسة هاي مو مقابلة ثانيه هاي نفسهه اعادة مقابلة اولى بل يو ان
-
اخويه العزيز اكرر واكول سجلت بال un يوم 1-5-2012 قابلت اولى 7-8-2012 موعد ثاني 21-1-2014 اكرر 2014 يعني سنه و5 اشهر بعد المقابله الاولى.. تحياتي..
هههههههههههههههههه هاي شنو اي صحيح اني من جنت في تركيا ولد ثنين قدمو ع يو ان انطوهم موعد مقابلة اولى بسنة 2013 بشهر ال 10
وانته هسة هاي مو مقابلة ثانيه هاي نفسهه اعادة مقابلة اولى بل يو ان
-
اخي العزيز اني امقدم على اليو ان ابتاريخ 13\5 2012\ انطوني موعد اول يتاريخ 18\6 \2012 قدمو الموعد الى 5\6 2012 استلمت الفسفوره القبول اب نفس اليوم انطوني استيطان وره شهر او عشر ايام تقريبن 18 \7 2012 او خابروني على المقابله الثانيه الاي سي ام سي بتاريخ 13\9\2012 يعني بعد عشر ايام
حسب علمي العنده ملف ابسوريه هوه الوحيد الي يتاخر
نرجو منكم الدعاء لنا بلتوفيق
-
صحيح الرد متأخر ولكن عسى ان تنفع الملاحظة
اخي العزيز احمد مالك بالنسبة الك الله وفقك والحمد لله بس مو كل اللاجئين مثل حالتك يعني انته قضيتك مشت بسلاسه وبدون تعقديات او تأخير بس باقي اللاجئين لحد هذا اليوم ثابت موعدهم على شهر الواحد 2013 وللعلم العوائل كاعد تجي في هذا الوقت دينطوهم موعد على 2014 شي شهر الواحد وشي بشهر العاشر يعني التأخير والتأجيل هوة هوة ومتغير ندعي من الله ان يسهل لنا جميعآ.
-
السلام عليكم . شلونك اخويه ابو عزوز . اخبارك ياطيب ان شاء الله تمام شو ماكو صارلك هوايه غايب؟ عساك بخير
-
الله اي ساعدكم جماعة تركيا
-
انشاء الله الخير
-
السلام عليكم . شلونك اخويه ابو عزوز . اخبارك ياطيب ان شاء الله تمام شو ماكو صارلك هوايه غايب؟ عساك بخير
صديقي العزيز احمد اشكرك على سؤالك يا طيب ..الحقيقة يا صديقي احنه تمام والحمد لله بس ملفي داخل تحقيق وهذا الي شاغل بالي شوية ..الله كريم اني صبرت هواي ما بقى الا القليل ..الله يسهل للجميع با رب وميدخل احد بهيج تجربه صعبه.
-
الله يسهل امرك وامر الجميع امين رب العالمين .