ankawa
منتدى الهجرة واللجوء => الهجرة و واللاجئين => الموضوع حرر بواسطة: ALQUBIAS في 12:38 21/05/2012
-
الحمد لله إنتهت المشكلة
تحياتي للجميع
-
هذا العراق العظيم
بعد شنريد نكول اكثر؟؟؟؟
حبي موفقين ان شاء الله.
تحياتي
-
الله يسهلك شغلتك يارب عالم متخاف الله زين سويت رزلتة ولو شيفيد بيهم
-
الله يكون بعونك ويسهل امرك
تحياتي
UP
-
الله يساعدك
طبعا هذا الولد ابو DHL الاكرع فد واحد ماعنده اخلاق ابدا والموظفه فاهيه حيلا اتعس منه
انطيك احل لازم تلكال واحد عنده باج اخضر او اصفر باج المنطقه الخضراء وتروح للسفاره وماخذ الضرف على حاله
وباسرع مايمكن وتنزل باب السفاره واتروح للحرس الي بالباب وتعرض مشكلتك
وانشاء الله خير واني بخدمتك
-
الله يساعدك
طبعا هذا الولد ابو DHL الاكرع فد واحد ماعنده اخلاق ابدا والموظفه فاهيه حيلا اتعس منه
انطيك احل لازم تلكال واحد عنده باج اخضر او اصفر باج المنطقه الخضراء وتروح للسفاره وماخذ الضرف على حاله
وباسرع مايمكن وتنزل باب السفاره واتروح للحرس الي بالباب وتعرض مشكلتك
وانشاء الله خير واني بخدمتك
هذا احسن حل واكو حل اخر في حالة صعوبة الاتصال بهم عن طريق الايميل. هو ان تشرح لهم ماحصل كرسالة وتعززها بالصور وترسلها لهم عن طريق ال DHL هذا اذا لم تستطع ايجاد طريقة للدخول الى المنطقة الخضراء وفق ما تفضل به مهندس حيدر
-
السلام عليكم
اخي العزيز اولا احب اكلك الف مبروك وموفق انشاء الله
وانشاء الله ماكو مشكله بس ابعثلهم ايميل للسفاره معزز بالصور وماكو مشكله اتصور تمشي
وهذا الكلب الله لا يوفقه للنذل شلون يصير براس العراق خير اذا هيج حثالات بي يعني حتى الي يريد يدز شي هم يخاف
حسبي الله ونعم الوكيل
تحياتي الك وموفق قلبي
-
الله يكون بعونك اخي القبيس ويسهلك امورك بالسفر وتنحل هذه المشكلة عن قريب
وكن على ثقة مدام انت مؤمن فلتتوقع الامور المادية تكون وياك سهلة واذا مينشلع قلبك متصير شغلتك
ولتستغرب من تصرفات بعض من ملئ الحقد قلوبهم وتعاملوا مع الناس بالفوقية وعدم الاحترام وهذه هي نتائج لما مربه العراق الجريح واستغرب ممن يلوم علنا او ويلعن بالخفاء اسم العراق وينسى السبب الرئيسي الى ماوصل اليه العراق و هم طبعا اهل وابناء العراق!!!!
-
الله لا ينطيه العافيه ما يشوف الناس شلون كلبها محترك من الانتظار
-
اخ العزيز الله يسهللك امرك وتسافر باسرع وقت مع الأسف عراقنا صار مليئ بهذا النماذج لهذا السبب هذا البلد العزيز صار يعاني ورح يبقى يعاني ولكن المسامح كريم والله كريم خلي قلبك يكون كبير وانسى الي صار يمكن انته والأخوة والأخوات ما يقبلون بالي صار بس مع هذا حاول تنسى الي صار اذا صار الي ردته وانفصل الولد وكان عندة اطفال شنو ذنب عائلته وأطفاله يمكن يكونون محتاجين صحيح هو ما عندة اخلاق بس انته عفيه عليك رزلته رزاله تسوة عمرهة اتعوذ من الشيطان وخلي تفكيرك موجه للسفر وانسى الي صار لأن ياما شفنا وصبرنا واتحملنا لأن للأسف العراق مليان بهذة النماذج لهذاالسبب هذا البلد واكولهة بكل اسف مراح يصير براسه خير
بسم الله الرحمن الرحيم
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ
-
اخي العزيز الف مبروك
طبعا موظفي الدي اج ال وخصوصا مكتب فندق فلسطين ما شايفه مثل اخلاقهم القذره
هيج شركه وهيج مكتب لازم يكون التعامل والامكانيات شي ثاني
مو زين ميضيعون ظروف وجوازات ناس هاي اذا ممسويها
الله يسهل امرك اخي وان شاء الله تمشي الامور مثل متريد
-
تاخذ الظروف وتروح للسفارة ( متحتاج موعد مقابلة لان انت مفيز امريكا ) وتروح تشرحلهم هاي الحالة ........................ طبعا هاي فتوة شخصية
-
اخويه العزيز كان المفروض تاخذ ورقة من الدي اج ال تفيد بحالة الظرف الي استلمته من قبلهم و موقعه حتى تخلي مسؤوليتك و ترمي الكره في ملعب الدي اج ال
-
up :-\ :-\ :-\
-
الله يسهل شغلتك اخي ان شاء الله
-
الف مبروك اخوية العزيز وانشاء الله يوم السفر
-
لو بمكانك ادز للدي اجال الرئيسي العالمي واحجيلهم واطالب بطردة الناقص الغيرة
ابو سارة
-
على كلا عزيزي انتة اتصل بالسفارة اشرحلهم عادي
بس هذا الشي ينطينة دفعة ويذكرنة ليش دنريد نهج من العراق
البلد ممكن ينبني بس البشر منين تجيبهم
-
اخي العزيز...اولا الف مبروك وبالتوفيق..يجب ان توثق الحاله بشكل رسمي وافضل طريقه لذلك هي لدي اج ال نفسها فهي شركه عالميه بسمعه محترمه رغم تصرف الم
وظفين المحلييين الذين يعملون واقولها بمراره على الطريقه العراقيه المعهوده ..هدد المكتب الرئيسي باللجوء للسفاره ..المهم توثيق الحاله..التوثيق يرفق مع الظرف المتضرر....تحياتيtiألسلام عليكم جميعا:
اليوم الظهر قلت ويا نفسي" خلّي أسوي تراك على موقع DHL وأشوف الطرود وين وصلت"الحمد لله شفتهن واصلات للمكتب بس يا مكتب بالضبط ما اعرف,خابرت على وحده من أرقامهم الاربعة ,جاوبوني وقالو لي بعد ساعتين روح استلمه من الميرديان لانه احنة الفرع الرئيسي , من شدة الفرح رحت قبل الموعد بساعة, دخلت على الشخص الي بمكتب مريديان وانطيته ارقام الشحنات,هو همين شمرهم للموظفة الي وياه, جيّكتهم ويا الحاسبة مالتهه, كان اتكول" واحد واصل للمكتب الرئيسي فقط " سألتهه والباقيات؟؟ كالت ما ادري اذا اتحب باجر تعال (شوفو الكسل والعجز والقصور بالعمل)طبعا خلال هاي الاحداث التلفون مالتهم إيرّن ,الولد لو ما يجاوب لو إذا جاوب ,جوابه(تعال باجر بلكي يجي البريد), آني بصراحة ما اتحمّلت كلتله أخي قبل ساعة اتصلت بالمكتب الرئيسي مالتكم وبلغوني انه بعد ساعتين اراجعكم لغرض الاستلام , كالي بكيفك اذا اتحب انتظر بلكي البريد مالتك ويا هالوجبة الي جايتنه هسة بالطريق..المهم بالصدفة اكو كان شخص منتظر بداخل المكتب همين طلع SIV كالي زين سويت وكتله خابرت المكتب الرئيسي مالكملان نفس الكلام كالولي (تعال باجر) و شكو شخص ديخابر نفس الجواب ينطوه.
هسه إلطّامة الكبرى إنتو سمعوهه بس اني شفتهه (والله يشهد)
يعد ساعة اخرى تقريبا من الانتظار(وصل البريد) طبعا السيارة مال البريد ما دخلت للساحة الي كدام المكتب , من الباب على الشارع العام ذبّوله الكونية ,والعينتين جابهه (سَحل) من الشارع للمكتب وايصيح إجه الخير إجه ,إنفتحت الكونية وبلّش ويا الولد الي كان منتظر قبلي, استلم الظرف مالته وانتظرني خطية بالباب, هالنوب بده بالظروف مالتي , حظي الاكشر وغباء الموظف مال المكتب, مو جاب البريد سحل على الكونكريت , وحده من الظروف مالاتي صايرة بالجعب كلش بحيث الكونية والظرف مال DHL مشكوكات لكيتهن والضرر واصل للظرف الاصفر الي مكتوب عليه (ممنوع تفتحه) بحيث حتى هالظرف محكوك و مشكوك من الاسفل.....طبعآ ملزمت نفسي ومن صدك عيوني غوركت بالدموع ...نزلت عليه نزله طلّعت القهر مال سنة انتظار كله بيه والله, كلتله ولك انته ما فكّرت هاي أرواح ناس بيهه يعني انته ارواحنا دتسحبهه على الارضية , وفوكاها تكذب عليه وعالناس اتكوللهم تعالو باجر ,شوف ربك بينهه بيك لان نيتك مو طيبة , المهم الولد الي وياية سمعني دا أصيّح دخل وسحبني بره المكتب وهدأني للعلم حتى على الاستلام ما وقّعت , رجعت واني بالطريق خابرت المكتب مالهم الرئيسي جان ايكولولي خاطب المكتب العام وإشرح المشكلة.
هسه ما ادري باقي محتار ودايخ ,الظرف هذا بالاخص ليهسّه ما فتحته بس اخذتله عدة صور على وضعيته المخربطة, ودزيت انكوايري للسفارة وكتبت العنوان (طارئ جدأ) , بس ملكيت اوبشن مال أتّاج حتى أرفق بيه الصور ,بلكي يجي جواب منهم,
إعذروني طولّت بالرسالة , بس ماكو غير رب العالمين وانتو حتى أشكي , وإذا أكو شخص عنده رأي أو مقترح غير الانكوايري أكون ممنون منكم .
أشكركم جدآ
-
الله يساعدك اخي والله شي يفور الدم
-
لا اله الا الله ان شاء الله محلولة اخي شغلتك وخليها على رب السماء هو ارحم الراحمين
وبكل الاحوال مبروك على الفيزا
ياالله
تحياتي
-
حسبي الله ونعم الوكيل
-
اخي العزيز
اخذ اسمة الكامل الهذا الولد واخذ العنوان مال المكتب هذا وروح للسفارة واشرحلهم الامر شرط الى ينعلون اهل اهلهم الهذولة الجلاب الحاقدين وللتراجع بالامر ولتتهاون بي لان مثل ما سواها كدامك رح يسوية وراك وي غيرك واذا انت مصور الموقف فهذا احسن دليل الك وشاهد عليهم
-
السلام عليكم اخي العزيز..
اني طبعا قريت الموضوع وردود الاخوه والاخوات واعتقد همه حلولهم تكفي لكن السالفه كلش ضوجتني وخلتني ان اوعدك باجر باذن الله امر على فرع الشركة الرئيسي في القاهرة واشرحلهم هذه الحاله لان صاير على طريقي لكن اريد منك اسم وعنوان مكتب هذا الموظف بالضبط حتى اقدم شكوه بي واله اخلي يفتح بسطيه مال جكاير.بس تدري هنا الشركات بالقاهرة مال اكسبريس يا اخي تعاملهم ويا الزبون وويا حاجتك بمنتهى الادب وهو يتوسل بيك لان دزيت عن طريقهم كذا مره لكن تعاملي على الاكثر مع تي ان تي.بس شنكول على بعض العراقيين من يصير باظافرهم طحين؟؟ تعرفون كلش زين شيسون بالناس الفقره..اني هذا الي اكدر اساعدك بي..ولاتنسه الاسم والعنوان..وتحياتي
-
up
-
اخويه الغالي اني عندي باج واكدر اوصلك يم السفاره وحدزلك رقمي عالخاص حتى نتفق ونتواعد ومااكول غير حسبي الله ونعم الوكيل
-
إنتهت المشكلة على خير والحمد لله والشكر
-
الف مبروك والله يطمن بالك على طول وزين سويت ويه الموظف ناس لاذمه ولا ضمير
-
الف الف مبروك.....ربي ييسر أمرك وتوصلون بألف سلامه
-
الف الف مبروووووك اخوووويه فرحتنه والله اني شلت همك بالبدايه صراحه
همزين ريحتنه وكتلنه مشه الموضوع
مبروووك مره ثااانيه
تحياااتي
-
الف مبروك على استلام الفيزا ولاتقلق انشاء الله ماكو اي شي
-
السلام عليكم,
اولا مبروك على الفيزا وان شاء الله يوم الي الي. هههههههههههه
ثانيا: بخصوص الملف الاصفر حدثت في سنة 2009 مع اخ زوجتي ولكن باسلوب اخر وهو انو اخو الصغير فتح الفايل وكانت بي المعامله بكامل الاوراق من اول يوم التقديم الى احصوله على الفيزا. وعند وصوله الى مطار امريكا اخبر المسؤول بان الفايل مفتوح وتم غض النظر عن اهميته ولكن هذا الحدث في سنه 2009 او في سنة كان صدور الفيزا فيه خلال ايام.
المهم الي انت سويته ودزيت رساله الى السفاره هو عين الصواب.
مع التوفيق في حياتك الجديدة.