ankawa
منتدى الهجرة واللجوء => الهجرة و واللاجئين => الموضوع حرر بواسطة: مبارك محمد في 23:40 22/05/2012
-
السلام عليكم
اخواني واخواتي الاعزاء
هنالك موضوع جدا محيرني . هل الولايه الها دور بتاخير او تسريع السفر ؟؟
انه على ولاية بوسطن وولا مره سمعت عن واحد سافر لهاي الولايه حتي اصدقائي واقاربي
اللي على نفس الولايه كلهم نايمه عليهم طابوكه سواء اللي بعمان او بسوريا
وشني الفلم مدا اعرف
اكو احد عنده معلومه بخصوص هذا الموضوغ او يعرف شي غن هاي الولايه
وتحياتي للجميع
-
اخي ، آني هم مثلك اريد اعرف لان ولا مرة واحد كال راح توصل دفعات لميتشيغن ، ورجاءاً كل شخص ينزل موضوع عن استعداد المنظمات خلي يذكر الولاية .....
وبالفرج والسفر القريب للجميع .
ام الهنا
-
واني هم على نفس الخط اريزونا ..............!!!!!!!
-
اني هم مشيكان اشوفها من الولايات الي تتاخر
-
بالنسبة لبوسطن يوم 20 بالشهر طلعوا 2 من تونس
بس سبحان الله لان مرايديها وجتي فجاة تقديمنا باقل من 10 اشهر كملت الاجراءات مال خطيبي والولاية فرجينيا والمكان تونس
الله يسهل امور الجميع ان شاء الله
-
الولايه ما اله اي تاثير كلمن وقسمته بسفر
بتوفيق للجميع انشاء الله
-
والله يا اخي اغلب الاجابات اللي شفتها عن سؤالك من خلال تصفحي للمنتدى حول هل الولاية ممكن تاخر السفر! كانت الاجابة لا...و طبعا هسة يطلعولك الف واحد يكلك لا و مستحيل الولاية مالها دخل!
بس اني احجيلك تجربة عن كفيلي القديم و اللي هو في واشنطن....كلي المنظمة المسؤولة عنك لمن اذا جيت ماكو ابرد و اكسل منهم، و على اساس حجيه و الشخص اثق به ثقة عمياء، حولت الى كاليفورنيا و الكفيل الثاني يصير اخو الكفيل الاول! و يكول انه المنظمات في كليفورنيا احسن...و العلم عند الله.
فكلمن يكلك الولاية مالها دخل بسرعة السفر! كله خسأت و شلت يداك :D
-
اخي الكريم
الاجراءات الامنية هي لدخولك الى الولايات المتحدة كدولة ولا دخل للولاية بهذه الاجراءات اللهم الا اذا كنت مطلوب امنيا للولاية او ان الولاية لسبب ما تريد ان تتريث او نؤجل استقبال المهاجرين الى فترة تحددها.
اما سؤالك عن بوسطن فهناك اعداد لا باس بها من الذاهبين اليها وقد قرأت قبل يومين في هذا المنتدى عن وصول عائلة وهناك عائلة في الطريق اليها خلال اسابيع. ان مسألة الولاية تعتمد على الكفيل فكل شخص يريد ان يذهب قرب الاقارب والاصدقاء لذا تجد الكفلاء اما قريب او صديق. وبما ان المجموعات الاولى من ال SIV ذهبت الى تكساس لجوها المقارب لجو العراق وتوفر العمل كمترجمين فاصبحوا فيما بعد كفلاء لاقربائهم المتقدمين على برنامج ال IOM ثم اصبحوا هؤلاء كفلاء لاقرباء واصدقاء جدد وهكذا
-
اشكركم اخوان
والله كريم
نصبر.ونشوف تاليها
وانشالله تاليها خير عالجميع
-
اخي الكريم
الاجراءات الامنية هي لدخولك الى الولايات المتحدة كدولة ولا دخل للولاية بهذه الاجراءات اللهم الا اذا كنت مطلوب امنيا للولاية او ان الولاية لسبب ما تريد ان تتريث او نؤجل استقبال المهاجرين الى فترة تحددها.
اما سؤالك عن بوسطن فهناك اعداد لا باس بها من الذاهبين اليها وقد قرأت قبل يومين في هذا المنتدى عن وصول عائلة وهناك عائلة في الطريق اليها خلال اسابيع. ان مسألة الولاية تعتمد على الكفيل فكل شخص يريد ان يذهب قرب الاقارب والاصدقاء لذا تجد الكفلاء اما قريب او صديق. وبما ان المجموعات الاولى من ال SIV ذهبت الى تكساس لجوها المقارب لجو العراق وتوفر العمل كمترجمين فاصبحوا فيما بعد كفلاء لاقربائهم المتقدمين على برنامج ال IOM ثم اصبحوا هؤلاء كفلاء لاقرباء واصدقاء جدد وهكذا
-
اني هم مشيكان اشوفها من الولايات الي تتاخر
ماكنتوشة عزيزتي ميتشيغن بعدين يحولون الهه من يوصلون لاي ولايه وهوايه يسووهه ، ويجوز اني هم اسويهه ;D لان اخواني واقاربي هناك .
يااا ربي فرجك والخلاص اي ولاية هم ميخالف راضيه وحامدة .
ام الهنا
-
اني هم مشيكان اشوفها من الولايات الي تتاخر
ماكنتوشة عزيزتي ميتشيغن بعدين يحولون الهه من يوصلون لاي ولايه وهوايه يسووهه ، ويجوز اني هم اسويهه ;D لان اخواني واقاربي هناك .
يااا ربي فرجك والخلاص اي ولاية هم ميخالف راضيه وحامدة .
ام الهنا
اي والله صحيح بس خلي يفضوها
-
اي شيء بامريكا بس نوصل :'( :'( :'(
-
my brother its too important when you choose the final destination so you should to pick the best place with refugee assistant and find out the best sponsor who will takecare about your issues
thanks and sorry for typing in english letters
-
ميخالف اي ولاية بس اشوكت :-\ :-\
انشلع قلبنة :D
-
والله احسن موضوع لانه قتلنا الانتظار وجنا انكول انووو الولايه هي السبب إحنا نفس الحاله على ولاية فيرجينيا
-
اني هم مشيكان اشوفها من الولايات الي تتاخر
ماكنتوشة عزيزتي ميتشيغن بعدين يحولون الهه من يوصلون لاي ولايه وهوايه يسووهه ، ويجوز اني هم اسويهه ;D لان اخواني واقاربي هناك .
يااا ربي فرجك والخلاص اي ولاية هم ميخالف راضيه وحامدة .
ام الهنا
اخت ام الهنا ليش من يوصلون الى اي ولاية بعدين يحولون الى مشيغن ؟؟؟ ليش شنو بيها مشيكن ؟؟؟
واعتقد سبب تأخير ذهابكم لها هو لانه اكثر ولاية بها عراقيين ويقال انه تنكت بالعراقيين
-
اني هم مشيكان اشوفها من الولايات الي تتاخر
ماكنتوشة عزيزتي ميتشيغن بعدين يحولون الهه من يوصلون لاي ولايه وهوايه يسووهه ، ويجوز اني هم اسويهه ;D لان اخواني واقاربي هناك .
يااا ربي فرجك والخلاص اي ولاية هم ميخالف راضيه وحامدة .
ام الهنا
اخت ام الهنا ليش من يوصلون الى اي ولاية بعدين يحولون الى مشيغن ؟؟؟ ليش شنو بيها مشيكن ؟؟؟
بيهه فستق ;D
اكو ناس من توصل لاي ولاية تستغرب الاوضاع واللغة وماكو شغل رأساً واذا اكو فهو صعب ، بينما ميتشيغن اغلبهه عرب وعراقيين يحس بالالفة اضافة الى الاعمال اغلبهه مطاعم عراقية ومخابز وغيرهه ومصانع ، وحته عدنه بالعائلة اطباء اول موصلوا ميتشيغن اشتغلوا مساعد طبيب عند دكاترة من اصول عربية والحمد لله عايشين ويطورون من نفسهم ، بالرغم مو تخصصهم لكن على الاقل في مجالهم الطبي
اخوية قبل ميوصل لامريكا كان ينتقد ميتشيغن وطبع الناس ويكول لا اني اول ما اوصل اعوفهه بس علمود الكفيل ، وهسه اشترى بيت بميتشيغن وعايش ونسى اللي كاله ، عموماً هي من الولايات الامنة وخصوصاُ ديربورن والعراقيين (المسيحيين والمسلمين) يفضلوهه يحسون بتجمعهم العراقي هناك ويمارسون عاداتهم وتقاليدهم .
وللعلم اكو من جماعة المنتدى ومن خارجه يوصلون لولاياتهم وبعدين يغيرون وبدون ذكر اسماء ، مو دائماً تسمع ميتشيغن بيهه مشاكل احنه شعلينه تره المشاكل عائلية لان عايشين يم بعضهم ، اما من ناحية القانون ولاية ميتشيغن هادئه وآمنه . ماعدا بعض مناطق ديترويت العراقيين وحته الامريكان البيض ميفضلوهه لان بيهه الافريكان مع العلم بيهه بيوت قصور ورخيصة . لكن ديربورن وما حولها من الامان تشوف تصنيفهه على النت منطقة خضراء .
وبكل الولايات اكو تجمع لجنس معين من السكان .. الحي الصيني ، والمكسيكان وغيرها وكذلك ميتشيغن .
ولتنسه اللي يوصل لامريكا وعمره فوق الــ 45 وعنده عائلة هذا بعد بي حيل يكد ويتعب ويتعلم لغة ، يختصرهه ويروح لميتشيغن هذا واقع ، التعب للشباب ، ولو هوه اكو شباب وسنكل لكوا عيشتهم بميتشيغن ، وفي النهاية كل واحد وقدرته وقابليته .
والله كريم وين ميصير نصيبنه نروح .. وبالتوفيق للجميع .
آسفة طولت عليكم بالحجي .
ام الهنا
-
اخي ، آني هم مثلك اريد اعرف لان ولا مرة واحد كال راح توصل دفعات لميتشيغن ، ورجاءاً كل شخص ينزل موضوع عن استعداد المنظمات خلي يذكر الولاية .....
وبالفرج والسفر القريب للجميع .
ام الهنا
اختي ام الهنا عندنا اصدقائنا انشاءالله مسافرين على مشيغن على الشهر الجاي وهما مقدمين من 2009 من بغداد الله يسهل عليج
-
اخي ، آني هم مثلك اريد اعرف لان ولا مرة واحد كال راح توصل دفعات لميتشيغن ، ورجاءاً كل شخص ينزل موضوع عن استعداد المنظمات خلي يذكر الولاية .....
وبالفرج والسفر القريب للجميع .
ام الهنا
اختي ام الهنا عندنا اصدقائنا انشاءالله مسافرين على مشيغن على الشهر الجاي وهما مقدمين من 2009 من بغداد الله يسهل عليج
يوصلون بالسلامة ،، واشكرك عالدعاء وربي يسهل امرك وامورنا اجمعين .
تحياتي لك يا طيب .
ام الهنا
-
اختي ام الهنا انا اتفق وياج في نقطة والتي هي للي مايريد يعلم لغة او يتثاقل منها يروح الى مشيكان لانه مثل ما كلتي اغلبها عراقيين وعرب بل اكثر ولاية بها عراقيين اي مليانة
بس هوايا ناس اتريد اطور نفسها وعدها طموح لتعلم اللغة حتى للي اعمارهم فوك 45 هذا الشي ليس له علاقة بالعمر وانما له علاقة بالطموح
انتي تلكين ناس عمرها بالعشرين وماعدها طموح حتى تتعلم لغة هذا الشي بداخل الانسان يكون اي يبنع من طموحه
والله اعرف ناس اعمارهم فوك ال 55 وراحوا وتعلموا لغة وصارت لغتهم ما شاء الله عليها ليش لانه عدهم طموح لتعلم اللغة والعمل لانه هو لازم يتعلم لغة حتى يطور نفسه ويكدر يشتغل بالمستقبل . وعموما هو كل واحد ونظرته للحياة وهدفه .
بس مشيكان ماتفيد للي يريد يتعلم لغة لانه اغلبها عراقيين وعرب والانسان يتعلم اللغة من محيطه اي من المجتمع الي حوله .
-
http://www.ankawa.com/forum/index.php?topic=337879.0
http://www.ankawa.com/forum/index.php/topic,427041.0.html
انشاءالله يفيدك هاي المعلومات وانا انشاءالله واجهتي على نيوهامشير تبعد عن بوسطن 45
-
اختي ام الهنا انا اتفق وياج في نقطة والتي هي للي مايريد يعلم لغة او يتثاقل منها يروح الى مشيكان لانه مثل ما كلتي اغلبها عراقيين وعرب بل اكثر ولاية بها عراقيين اي مليانة
بس هوايا ناس اتريد اطور نفسها وعدها طموح لتعلم اللغة حتى للي اعمارهم فوك 45 هذا الشي ليس له علاقة بالعمر وانما له علاقة بالطموح
انتي تلكين ناس عمرها بالعشرين وماعدها طموح حتى تتعلم لغة هذا الشي بداخل الانسان يكون اي يبنع من طموحه
والله اعرف ناس اعمارهم فوك ال 55 وراحوا وتعلموا لغة وصارت لغتهم ما شاء الله عليها ليش لانه عدهم طموح لتعلم اللغة والعمل لانه هو لازم يتعلم لغة حتى يطور نفسه ويكدر يشتغل بالمستقبل . وعموما هو كل واحد ونظرته للحياة وهدفه .
بس مشيكان ماتفيد للي يريد يتعلم لغة لانه اغلبها عراقيين وعرب والانسان يتعلم اللغة من محيطه اي من المجتمع الي حوله .
اخي الكريم ترة مو بس العراقيين ميتعلمون انكليزي ، ليش همه المكسيكان والبرتغاليين والصينيين كولهم يحجون انكليزي ، اشو اغلبهم عنصريين لعاداتهم ولغتهم وحته بالشغل لابناء جنسهم .
ثانياً النقطة اللي اتفق بيهه ويه اي شخص هي الشباب سواء كان حديث الزواج او عنده طفل واحد او اثنين ويكون الاهل بعدهم شباب والمسؤوليات قليلة ، او سنكل هذه الفئة لازم تطور من نفسه وتبني حياتهه حته تثبت للاخرين ثمرة التعب هو نجاحهم .
لكن اذا شخص كبير بالسن وعنده عائلة كبيرة وابنائه وبناته كبار ومتعوب بحياته بعد يا طموح اللي ينتظره يدوب ( يدكش) كلمتين انكليزي
اضافة الى فئة الشباب اكو يكولك اني هذا حد قدرتي او طموحي او قناعتي ( يعني غير قابل للنقد ) .
وابداً ما اشوف ولاية ميتشيغن بيهه شي قابل للنقد احنه بس اللي ننتقد بعضنه ، تركيبة الولاية هكذا وبيهه حاكم يفتخر انه حاكمهه ;D .
وااكد لك ميتشيغن هم تفيد اللي يردون يتعلمون لغة ،، الكليات متوفرة وافراد عائلتي الكبار يرحون يتعلمون والاطفال المدارس كفيلة بأن (تعوج لسانهم العربي) بأقل من شهرين من وصولهم . هيه تبقة عالشخص بأي ولاية يريد يطور نفسه او لا .
ويستطيع اي واحد من الاعضاء يأكد لك انو بكل ولاياتهم اكو نماذج مختلفة من الناس .
وبالتوفيق لنا جميعاً ..
ام الهنا
-
شوفي اختي ام الهنا احجيلج شغلة اكو عائلة كانت في تركيا الاب عمره 58 واولاده 3 شباب اثنان منهم بنهاية العشرينات والاخر 31 وكانوا الاولاد اصدقائي
اتصدكين الاب اتعلم لغة تركية احسن منهم
ومن راحوا الى امريكا قبل 3 سنوات ووصلوا الى تكساس ايضا الاب كان عنده طموح فظيع في تعلم اللغة الانكليزية وبالفعل اتقنها وتعاي شوفيه هسه شلون يحجي ويتعامل باللغة وكان مصر ان يتعلم يكول لازم حتى اكدر اتعامل مع البشر وادير مشروعي الخاص بي
وماشاء الله عليه والاب صار يشتغل والاولاد يدرسون في الجامعات ويعملون في نفس الوكت .
ويارب نتمنى التوفيق للجميع والسفر القريب
-
اتصور الولاية تلعب دور بالسفر خصوصا اذا الكفيل تطوة وبس يشكى :'( :'( :'( :'(
-
شوفي اختي ام الهنا احجيلج شغلة اكو عائلة كانت في تركيا الاب عمره 58 واولاده 3 شباب بالعشرينات وكانوا الاولاد اصدقائي
اتصدكين الاب اتعلم لغة تركية احسن منهم
ومن راحوا الى امريكا قبل 3 سنوات ووصلوا الى تكساس ايضا الاب كان عنده طموح فظيع في تعلم اللغة الانكليزية وبالفعل اتقنها وتعاي شوفيه هسه شلون يحجي ويتعامل باللغة وكان مصر ان يتعلم يكول لازم حتى اكدر اتعامل مع البشر وادير مشروعي الخاص بي
وماشاء الله عليه والاب صار يشتغل والاولاد يدرسون في الجامعات ويعملون في نفس الوكت .
ويارب نتمنى التوفيق للجميع والسفر القريب
نعم اخي هوه هذا اللي نأكد عليه ، اللي يريد يتعلم يتعلم واني ذكرت انو افراد عائلتي الكبار دخلوا الكولج وديتعلمون انكليزي هذا بميتشيغن ،
واكيد اكو مثلهم كبار بالعمر بغير ولايات مدا يتعلمون ، يعني ميتشيغن خطيه مو هيه السبب ;D .
اضافة/// ميتشيغن التصقت بيهه صفة السلبية لانها اول تجمع عربي ، لكن مع توافد العراقيين الكثير لامريكا بالتأكيد اصبح بكل الولايات الان ( ميتشيغن صغيرة )
ويااارب نوصل وتتغير نفسيتنه لان الانتظار اثر علينه هوايه وسوه عدنه احباط وبعد منعرف نكدر نواصل حياتنا هناك لو نمشي ونتعثر .
والله كريم ...
ام الهنا
-
مشكورين على مشاركاتكم
بس ياليت ما يتغير اصل الموضوع
واللي عنه معلومات بهالخصوص يفيدنا بيها
وبارك الله بيكم
-
فرجينيا تعتبر من الولايات المحدودة العدد باستقبال اللاجئين
-
فرجينيا تعتبر من الولايات المحدودة العدد باستقبال اللاجئين
اخي ألن ممكن نعرف ليش ، هسه افتهمنه ميتشيغن عليهه زخم لذلك اكو تأخير .. فرجينيا ليش ؟؟؟
ام الهنا
-
فرجينيا تعتبر من الولايات المحدودة العدد باستقبال اللاجئين
اخي ألن ممكن نعرف ليش ، هسه افتهمنه ميتشيغن عليهه زخم لذلك اكو تأخير .. فرجينيا ليش ؟؟؟
ام الهنا
فرجينيا قريبه ع العاصمه و غاليه نوعا ما و دعمها فدرالي بالاضافه الا انو هي ضمن مثلث صغير مو كبيره
-
هسه افتهمنه فرجينيا ومشكن عليه زخم زين تكساس شنو فلمه صار خمس اشهر من مستلم الموافقه مال محلف وبعدهم ما متصلين بكفيلنا شنو هاي هم عليها زخم واخوان اذا اكو واحد من جماعه 24\12 وعلى تكساس ومتصيل بكفيلا يكول
-
فرجينيا تعتبر من الولايات المحدودة العدد باستقبال اللاجئين
اخي ألن ممكن نعرف ليش ، هسه افتهمنه ميتشيغن عليهه زخم لذلك اكو تأخير .. فرجينيا ليش ؟؟؟
ام الهنا
فرجينيا قريبه ع العاصمه و غاليه نوعا ما و دعمها فدرالي بالاضافه الا انو هي ضمن مثلث صغير مو كبيره
ما اعرف اذا هذا سبب مقنع لو همه اصلاً عدهم خطة معينة لاماكن توطين الوافدين الجدد .
عموماً شكراً عالمعلومة ، وان شاء الله بتيسير الامور لك ولنــا جميعاً .
ام الهنا