ankawa

منتدى الهجرة واللجوء => الهجرة و واللاجئين => الموضوع حرر بواسطة: baidaa11 في 00:32 03/06/2012

العنوان: جماعة سوريا،فيزا تركيا
أرسل بواسطة: baidaa11 في 00:32 03/06/2012

صباح الخير للكل
عندي سؤال ياجماعه عن الطيران من سوريا الى تركيا يحتاج فيزا اولا؟لأن كل واحد يحجي شكل ومحد متأكد من كلامه قسم كالو حظك نصيبك مرات ينطوك بتركيا فيزا ومرات يرجعوك يعني حجي مو منطقي اركب طياره واني بالهباطه والفيزا مثل ماتعرفون لازم من العراق وهاي صعبه شويه ،أخواني اذا احد يعرف ومتأكد بلا فيزا خل يذكرنا شركة الطيران التروح واتأكد منها على سالفة الفيزا واذا اني هم حصلت شي مضبوط هم رح اطيكم خبر والله يحفظ ويوفق الجميع
اختكم baidaa11
سوريا

العنوان: رد: جماعة سوريا،فيزا تركيا
أرسل بواسطة: ArUsH في 00:49 03/06/2012

ماكو بله فيزه
لازم فيزه
ومن العراق كلش سهله
بس دزي الجواز لاحد تعرفيه بالعراق
يدكلج الفيزه علجواز من أي مكتب
ويرجعلج الجواز
ووقتها تطلعين وانتي متطمن

ولتصدكين اكو دخول بدون فيزه

العنوان: رد: جماعة سوريا،فيزا تركيا
أرسل بواسطة: ألن في بلاد العجائب في 00:58 03/06/2012

مقتبس من: ORCA في 00:53 03/06/2012

اخويه العراقين ياخذوها بالمطار واطلع على الخطوط التركيه

+1

العنوان: رد: جماعة سوريا،فيزا تركيا
أرسل بواسطة: اسعد الزبيدي في 01:53 03/06/2012

بالنسبة  للعراقي  اشلون  يدخل  تركيا

  اذا  من  سورية  ما  يكدر  لا  طيران  ولا  بري الا  اذا  عندة  فيزة

 بس  يكدر  من  العراق  او  من  اي  بلد    يروح  طيران  وياخذ  الفيزة  بالمطار 

  وكما  ذكرو  الاخوة  الفيزة  سهلة  بالعراق  اخذهة  وتعال  السورية  وبالباصات  من  حرستة  النفر  الفين  ليرة  الى  اسطنبول

واذا  انتة  بسورية  المكاتب  اطلعلك  فيزة  واعتقد  ياخون 200  دولار  على  الفيزة  واذا  انتة  اتروح  بلاش  متكلفك  شي


  تحياتي

العنوان: رد: جماعة سوريا،فيزا تركيا
أرسل بواسطة: Edy Simon في 08:11 03/06/2012

حضرة الاخت ام عبد الله الفضلة،

اني قبل مدة جنت امنزل بالمنتدى خبر

على اللغاء الفيزة بين تركيا والعراق.

على لسان القنصل التركي في الموصل،

بمناسبة استلام منصبه الجديد في البوسنة...

ان اقترح عليج ان تتصلي بشركات الطيران واكيد

هما راح ينطوج القرار المناسب بالنسبة للفيزة

اتمنى اليج الموفقية واذا حصلتو فيزة بدون بصمة المانيا

ترحب بيكم 

جوس البغدادي

 

العنوان: رد: جماعة سوريا،فيزا تركيا
أرسل بواسطة: اسعد الزبيدي في 11:20 03/06/2012

وهذ  تلفون  ارضي  لشركة  طيران 

6473197

فاكس 6473198

العنوان: رد: جماعة سوريا،فيزا تركيا
أرسل بواسطة: ابو عزوز القيسي في 11:43 03/06/2012

اخت baidaa11.

اكو فيزا سياحية من سوريا و  على ما اعتقد والله اعلم اني معلوماتي قديمة الحقيقة ان اذا كنت عراقي يستوجب عليك فيزا الى تركيا وتدخل برآ وليس جوآ ..

الموضوع الاهم اخت بيداء, اذا انتي لاجئة وتريدين تجين لتركيا لا تفكرين ترجعين للعراق ابدآ والسبب اني اليو ان في تركيا حساس جدآ من رجعة اللاجئ الى بلده وعندما يرجع اللاجئ الى بلده يعني ان هذا الشخص غير مهدد وقضيته ضعيفة لذلك اختي اني دائمآ انبه جماعة سوريا على هذا الموضوع ..الي يرجع للعراق وبعدين يطب سوريا شغلته مكيسه حيل حاولي جاهدة ان تحصلين فيزأ من سوريا وتوكلي على الله .

ابو عزوز القيسي.

العنوان: رد: جماعة سوريا،فيزا تركيا
أرسل بواسطة: شلش العراقي في 12:15 03/06/2012

الخطوط التركية متوقفه حاليا من دمشق الى تركيا

القنصلية في حلب متوقفه حاليا عن تمشية اي معامله
009632126499680 قنصلية تركيا في حلب/استاذ محمد علي

العنوان: رد: جماعة سوريا،فيزا تركيا
أرسل بواسطة: دمرني الانتضار في 12:29 03/06/2012

تحجز من الخطوط الاردنيه واثق من كلامي انه بارحه سالت الخطوط وكلولي عادي تحجز 

العنوان: رد: جماعة سوريا،فيزا تركيا
أرسل بواسطة: baidaa11 في 00:47 04/06/2012

ARUSH,ORCA,الن في بلاد العجائب,اسعد الزبيدي,ابوديانا,ابوعزوزالقيسي,شلش العراقي,دمرني الأنتضارمشكورين اخواني كلكم على الاجابات كلش هوايه وربي يوفق الكل وتزول كل الهموم وتصير سوالف ،اخي ابوديانا اشكرك جزيل الشكر واذا بيها قسمه ان شاءالله الكريم يدبرها واجي الالمانيا لأن حضرتك تعرف هاي امنيتي اوصل المانيا،اخويه عزوز اشكرك اخويه عالنصيحه بس والله العظيم ماداخله الحدود من  ولو اكدر اعيش بالعراق والله ارجع احسن من البهذله الشفتها والحمدلله على اي حال تفرج ان شاءالله .
تحياتي للجميع
اختكم baidaa11
سوريا

العنوان: رد: جماعة سوريا،فيزا تركيا
أرسل بواسطة: snono32 في 18:36 04/06/2012

الاخت العزيزة baidaa11 يمكنك السفر الى تركيا من سوريا من خلال لبنان
حيث انك تستطيعين أن تدخلي الى لبنان من دون فيزا وأنا أتاكدت من ذلك من السفارة اللبنانية في دمشق حيث قالو ان الاخوة العراقيين يدخلون الى لبنان من غير فيزا
بعد ذلك تحجزين الى أستنبول بالطائرة بمبلغ 300 دولار من بيروت وتأخذين الفيزا من المطار في أستنبول

اخوك السنونو