ankawa
منتدى الهجرة واللجوء => الهجرة و واللاجئين => الموضوع حرر بواسطة: بشار يونس في 12:40 05/06/2012
-
السلام عليكم إخواني وأخواتي ... قابلت محلف وجان المحلف كلش خوش رجال بس أني لصتهة دخلت للمحلف الساعة 10 الصبح قابلني أني وعائلتي وسئلني كم سوال الي هية الأسئلة الروتينية وخلال 40 دقيقة خلصت المقابلة . وكان احد الأسئلة الي غلطت بيهة تاريخ رجوعي الى العراق والغط الثاني بل الجنسية مالتي مكتوب القب واني انطيتة اسم العشيرة كلي انت بل الجنسية مكتوب غير شي المترجم كله القب يتفرع من العشيرة .. المحلف نضر علية فد نضرة . المهم حسيت المحلف بس يريد يخلص المقابلة يعني حتة عل العسكرية مسولف لان أني مخادم عسكرية . وضليت بل المنضمة لحد. ساعة 5 ونص أني وعائلة وأتوقع حيجيني الرفض يهلل ... شنو رايكم إخواني من يوم المقابلة أني عايش بتوتر لحد هسة .. والله كريم
-
عادي اخي لتشيل هم
تره كلنه اكو اختلافات بالاسماء واللالقاب ابني بشهادة ميلاده المعلومات كلها صحيحه وبالجواز غلط وشوفته الفرق وكال ميخالف مو مشكله
كلي شنو لقبج كتله ماعرف شمكتوب بالجواز .. كال شوفي شنو مكتوب باوعته بالجواز وكتله
وبالنسبه لرجعاتنه للعراق نطيته بس السنوات الي رجعت بيها ومره خربطت بسنه
وكتله لحضه اريد اعيدلكياها لان يمكن خربطت وكلي رديلي من الجواز اذا تريدين كتله لا حافضتها
ومسأل زوجي على العسكريه ابددددددد
شوف يعني اكو تساهل ...ماكو واحد يحفظ تواريخ زياراته مضبوط فعادي اخي لديربال
كل الناس تخربط بالموضوع
لتشيل هم موافقه ان شاء الله واسفه على الاطاله
تحياتي
-
انشالله ماكو شي اخويه لتشيل هم , ماطول ممكذب عليهم , التوتر يخلي الواحد ينسه التواريخ , وهمه يعرفون الفرق بين المتوتر وبين الكذاب !
-
لا اخوية الله لايكًولها هية شغلة التواريخ مو سهلة واحدة يذكرها ..واتمنى تعدي الك سلامات ..مع دعائي لكل بالتوفيق
-
السلام عليكم إخواني وأخواتي ... قابلت محلف وجان المحلف كلش خوش رجال بس أني لصتهة دخلت للمحلف الساعة 10 الصبح قابلني أني وعائلتي وسئلني كم سوال الي هية الأسئلة الروتينية وخلال 40 دقيقة خلصت المقابلة . وكان احد الأسئلة الي غلطت بيهة تاريخ رجوعي الى العراق والغط الثاني بل الجنسية مالتي مكتوب القب واني انطيتة اسم العشيرة كلي انت بل الجنسية مكتوب غير شي المترجم كله القب يتفرع من العشيرة .. المحلف نضر علية فد نضرة . المهم حسيت المحلف بس يريد يخلص المقابلة يعني حتة عل العسكرية مسولف لان أني مخادم عسكرية . وضليت بل المنضمة لحد. ساعة 5 ونص أني وعائلة وأتوقع حيجيني الرفض يهلل ... شنو رايكم إخواني من يوم المقابلة أني عايش بتوتر لحد هسة .. والله كريم
لا اخوية الشغلة عادية ان شاءالله
ولاتخاف
اني شغلة اللقب نفس الشي صار معي بس المحلفة سالت اسئلة و فهمتها على اللقب والعشيرة
اما ان تخطا بتاريخ رجعتك للعراق هذا شي عادي اخي
ان شاء الله تبشرنا بسفرك ولاتقلق ابدا
-
اخوية ان شاء الله خير ومتنرفض ولا شي تنقبل انته وعائلتك
احنا هم صار كم خطا من قبل والدي بالمعلومات وبالتاريخ
وانقبل عادي
ان شاء الله يوم الي تفرحنا بموافقة المحلف انته وعائلتك
-
لا لتخاف
هم يعرفون اكو
mother tribe
tribe
sub tribe
يعني عادي لاتخاف
والمترجم اكيد كان عنده خبره يفتقرلها المحلف
-
لا توتر ولا ابد الموضوع عادي اللقب والتواريخ ماكو واحد ميغلط ةبعدين خليها علا الله اذا مكتوبلك تسافر رح تسافر وانشالله تخبرنا بظرف الموافقه .ام أسعد
-
خليها على ربك ...
ولتشيل هم .
-
عادي اخي لتشيل هم
تره كلنه اكو اختلافات بالاسماء واللالقاب ابني بشهادة ميلاده المعلومات كلها صحيحه وبالجواز غلط وشوفته الفرق وكال ميخالف مو مشكله
كلي شنو لقبج كتله ماعرف شمكتوب بالجواز .. كال شوفي شنو مكتوب باوعته بالجواز وكتله
وبالنسبه لرجعاتنه للعراق نطيته بس السنوات الي رجعت بيها ومره خربطت بسنه
وكتله لحضه اريد اعيدلكياها لان يمكن خربطت وكلي رديلي من الجواز اذا تريدين كتله لا حافضتها
ومسأل زوجي على العسكريه ابددددددد
شوف يعني اكو تساهل ...ماكو واحد يحفظ تواريخ زياراته مضبوط فعادي اخي لديربال
كل الناس تخربط بالموضوع
لتشيل هم موافقه ان شاء الله واسفه على الاطاله
تحياتي
+1
يابه خرعتني ;D
عبالي حاجي غير قصه ناسي حدث مهم ;D
غلطاتك سهله كلنه خربطنه بالتواريخ
يعني مو مفكره احنه
-
عادي لاتقلق من هذا الشئ اغلب الي يقابلون يكونون بحالة من التوتر والقلق
-
يابة اتريد الصدك اني من قابلت مقابلة اولى حتى اسمي بالكوة اذكرتة والعشيرة وصلتله بتكسي انوب التواريخ لاتشيل هم
-
الله يسهلك انشاء
-
والله شوفو كلها هينه المقابله الاولى والثانيه بس المحلف اصعب مرحله يعني cimcهينه بس المحلف اهم شي يعني كلها بيد المحلف هوه الي يحدد المصير بلكت الله مقبول الله يسهلك انشاءالله
-
كلش طبيعي اخوية هو اباله كم نقطة بملفك يتاكد منها ..وبصراحة ابمقابلتي للمحلف اللي عصرني بيها خليت ابالي رفض 90% ولكن الحمدالله اجاني الرد بالموافقة عكس مكنت متوقع ...وانشالله عن قريب تستلم الرد وتفرحنا وياك..
-
عادي لاتقلق من هذا الشئ اغلب الي يقابلون يكونون بحالة من التوتر والقلق
+++ 1111
-
اشكر جميع الأخوة والأخوات عل الردود ورفع المعنويات ونشاء الله يوم تفرج عل الجميع وتسهيل أمركم
-
السلام عليكم إخواني وأخواتي ... قابلت محلف وجان المحلف كلش خوش رجال بس أني لصتهة دخلت للمحلف الساعة 10 الصبح قابلني أني وعائلتي وسئلني كم سوال الي هية الأسئلة الروتينية وخلال 40 دقيقة خلصت المقابلة . وكان احد الأسئلة الي غلطت بيهة تاريخ رجوعي الى العراق والغط الثاني بل الجنسية مالتي مكتوب القب واني انطيتة اسم العشيرة كلي انت بل الجنسية مكتوب غير شي المترجم كله القب يتفرع من العشيرة .. المحلف نضر علية فد نضرة . المهم حسيت المحلف بس يريد يخلص المقابلة يعني حتة عل العسكرية مسولف لان أني مخادم عسكرية . وضليت بل المنضمة لحد. ساعة 5 ونص أني وعائلة وأتوقع حيجيني الرفض يهلل ... شنو رايكم إخواني من يوم المقابلة أني عايش بتوتر لحد هسة .. والله كريم
انطيك الزبده حتى تطمئن....
المحلف قاري ملفك وماخذ فكره ممتازه عن القصه
لان المحلفين يقرون الملفات قبل المقابلات لان همه ناس متخصصين.
ومن ماطول وياك يعني هو مقتنع بالقصه مسبقا
واقتناعه هو الي قلل فترة المقابله لان ماعنده شي يشك بي
بس مجرد اسئله عاديه وروتينيه ..
لتقلق موافقه جايتك تهلهل .. كول يا الله
-
اولا: المحلف ما ينطي اهتمام كبير للتاريخ بقدر التفاصيل
ثانيا : موضوع اللقب ما راح ياثر شي
اذا ما عندك غير هالشغلتين فلا تخاف من الرفض
ملاحظة : سرعة المقابلة تدل على تصديق المحلف ................... لان من يشك بشيه يضل يستفسر ويسال وياخذ وقت اطول لمعرفة اكبر قدر ممكن من التفاصيل حتى يقطع على نفسه الشك ............... ما دام مقابلتك قصير فخلي ببطنك بطيخة صيفي