ankawa
منتدى الهجرة واللجوء => الهجرة و واللاجئين => الموضوع حرر بواسطة: iraqi siv في 02:31 07/06/2012
-
بسم الله الرحمن الرحيم
الى اخواني في عينكاوا....
بالنسبة الى المنظمات والمساعدات ومن خلال اتصلي بالاصدقاء وفي ولاية مختلفة اصبح عندي يقين انو 80% من المنظمات تعبانة وبس تريد تخلص من المهاجر SIV او اللاجئي IOM بس اتجر شقة يصيرون يومية السلام عليكم حصلنة الك شغل ؟شنو الشغل تنظيف ؟ في اي واحد ما يحب يشتغل بشغلة اهنا بامريكا اكو مقايلة قبل ما تبلش باي اشي راح يسئلون شنو الشغل الي تريد تشتغلة رح تذكر كذا كذا شغلة وكذلك اواقات الشغل ليل نهار و ايام الشغل اكو ناس ما تحب تشتغل كل الاسبوع تخلي فد يوم راحة خاصة اصحاب العوائل الذي عندة اطفال .فا من تكول اني ارغب بشفت كذا وشغل كذا و اريد اجازتي كذا من يحصلون الك شغل و ما يعجبك على مود تكول اني كلتلكم بالمقابلة مال الشغل على سبيل المثال ما اشتغل تنظيف او ما اشتغل بالليل اريد فلان شي وفلان شي فا بهذا الاثناء المنظمة بعد ما عدها عذر والله الي نحصلة شغل وما يشتغل نكطع عنة المساعدات..والي صار وياي رحنة لشغلة اني وابو المنظمة لا يعرف اشكد ينطوني لا يعرف شنو الشغل بس خل اخذك خل اخذك من وصلنة كال غسل ملابس Laundry مليت الاستمارة اخذوها مني طلعت الشغلة تنظيف وبس يوميا غسل ملابس ابيش الساعة يابة ب 7.5 $ بالنسبة الي كتلهم اني من الاول كلت الكم اني ما اشتغل تنظيف ليش ما يصير كتلهم لا ما يصير ولا ماكو سوتولي مقابلة و كتلكم بالمنسبة الامريكي ما يشتغل باقل الاجر الي هو 7.5 فالاخوان اهنا مكيفين على اللاجي اخو البلاش
الشغلة الثانية الي دليل على انو المنظمات تعبانة...
شغلة الاثاث اغلب الاثاث الي ينطو تعبان والله كلش تعبان واني متاكد مو تكبر اكثر الناس ما يعجبها لان مستعمل وتعبان بس بس................
هذا الاثاث كلة من فلوسك فا اي شي تعبان كلهم اني مااريدة واني رفضت والله العظيم هواي شغلات لان اصلن تعبانة وهي من فلوسك
افلوس الولكم مني( WELCOME MONEY) فا يا اخواني لا احد يتقشمر بالغراض التعبانة
والله جابولي ميز وكراسي اربعة مال طعام لو تشوفة بالزبالة بالعراق ما رح تشيلة وصخ ومكسر ومن جابوا الفواتير حاسبي ب 65 دولار
من تريد شي منهم تتصل ما يجبون على سبيل المثال اني من اجيت ما اندل المفروض همة ياخذوني ودوني مرتين لسوشل سكيورتي و للتجيك مال
الفحص الطبي وبعد اتصل بيهم ابدا ما جاوبوا صار عندي مشكلة خطا بالاسم مال السوشل طلعو روحي يلة اخذوني و ام المنظمة الي هو شغلها الكيس منجر مالتي من اخذتني للتجيك مال الدكتور تكلي اني ما اكدر اوصلك بعد للعلم انو حتى البنزين تدفعة الحكومة الهم والله العظيم
اذا استخدمو سيارتهم الشخصية... واذا عدها شغلة تجي ورة الخمسة العصر هو الدوام من 8 الصبح حتى الخمسة العصر اسئل ام المنظمة تعرفون شنو تكول ؟؟؟تكول اني سهلة جاي اشتغل اوفر تايم تجي تسولف وياي سوالف ورة الدوام وتكلي اوفر تايم اني هسة
وصار عندي خطا بالتامين الصحي اتصل ماكو احد يجاوب بالمنظمة لان اشعة و كشفية دكتور اجتني الفاتورة 452$ اتصلت بالمستشفى كتلهم ليش والتامين كالو التامين مالتك خطا بي صلح الاسم وتاريخ الميلاد يمكن 20 مرة اتصلت يلة عرفت شلون اصلح التامين الصحي والله ابو المنظمة الي هو امريكي اتصل بي بعد اربع اسابيع يكلي اتصلت باهل التامين ولسة ماردو جواب واني مصلحة قبل لا يتصل العنتين قبل 4 اسابيع
بلة هذولة شنو من بشر التكملة يوم غدا و يوميات المنظمات العاوية في امريكا
-
اللي حجيتة اخوية كلهة صحيح واكو اتعس لذلك نقول ان اهم شي عندك لغة انكليزية من تجي الى امريكا لانه هنا اللي مايعرف انكليزي اول مايجي راح يدمر بمعنى هذه الكلمة
ابو سارة
-
اللي حجيتة اخوية كلهة صحيح واكو اتعس لذلك نقول ان اهم شي عندك لغة انكليزية من تجي الى امريكا لانه هنا اللي مايعرف انكليزي اول مايجي راح يدمر بمعنى هذه الكلمة
ابو سارة
ابو سارة السلام عليكم
اني مترجم 8 سنوات من 2003 حتى 2011 و بدون انقطاع والله الي ما يعرف انكليزي والله ياكلو اكل
وصارت وي صديقي و شهرين شرد لغير ولاية
-
شنو القصة اشو احنة نقررة بمواضيع الناس غير شكل
مثل مواضيع ابو قمر وغيرهة
???
بعدين موظف المنظمة الي اعرفه هو واجبة يمشي بهالامور يعني اذا قصر تكدر تشتكي عليه
???
-
شنو القصة اشو احنة نقررة بمواضيع الناس غير شكل
مثل مواضيع ابو قمر وغيرهة
???
بعدين موظف المنظمة الي اعرفه هو واجبة يمشي بهالامور يعني اذا قصر تكدر تشتكي عليه
???
اني جنت مفكر وحدي بس بولايتي بعدين اتصلت باصدقائي تكساس هيوستن و فليدافيا و تنسي والله العظيم نفس الكلام
وتكدر تشتكي عليهم ويغيرون المسوؤل الي عليك
-
انتة يا ولاية ؟
صديقي بتكسآس سان انتونيو
يمدح بالوضعية
بس يكول الشغل صح لازم تشتغل اي شغلة بس تكدر انتة تدور شغل
-
كلامك عل الراس بس شنو الي بيدنا همه يعرفون زين انه احنا مضطرين ..
كلشي بوقته .
-
شنو القصة اشو احنة نقررة بمواضيع الناس غير شكل
مثل مواضيع ابو قمر وغيرهة
???
بعدين موظف المنظمة الي اعرفه هو واجبة يمشي بهالامور يعني اذا قصر تكدر تشتكي عليه
???
خوش حجي بس وين تشتكي عليه
المنظمات بشكل عام تعبانة ويسودها الفساد الاداري بشكل قانوني فاللاجيء المسكين هو الضحية اولا واخيرا
ابو سارة
-
شنو القصة اشو احنة نقررة بمواضيع الناس غير شكل
مثل مواضيع ابو قمر وغيرهة
???
بعدين موظف المنظمة الي اعرفه هو واجبة يمشي بهالامور يعني اذا قصر تكدر تشتكي عليه
???
خوش حجي بس وين تشتكي عليه
المنظمات بشكل عام تعبانة ويسودها الفساد الاداري بشكل قانوني فاللاجيء المسكين هو الضحية اولا واخيرا
والله انت كتبت هذا الشي واني اتصل بصديقي ساكن بتنسي ناشفل حجينة بنفس الموضوع يكول هم عاويين هو المدير مال المنظمة
قابل يففضلك على الموظف مالتة الامريكي ....يمكن العراقي وين ما يروح تعيس حسبي الله ونعم الوكيل يا ابو سارة
ابو سارة
-
السلام عليكم
حجيك كله صحيح الشغل بس تنظيف اني 8 اشهر بتكساس ملكيت غيره
والاثاث الله وكيلك كلللللللللللله بالزبل لان تعبان
وهسه اني بغير ولاية ان شاء الله احصلي شغل احسن لان المساعدات شكد متستمر متكفي بس التامين لمدة 5 سنين مو مثل تكساس من الشهر ال2 لا اني ولا جهالي عدنه تامين ووين منروح محد ينطينه خبر
والمنظمة تسوي عكس الي انته تريده
اخوكم المهندس 76
-
هيه تعبانه تعبانه..بس هل حجي مو بس تعبانه..منتهيه.
طبعا كل ولايه تختلف عن الاخرى..وكل منظمه تختلف عن الاخرى حسب الامكانيات. لكن الذي سمعته عن المنظمات هنا في شيكاغو
قياسا بكلام الاخوان..لاعمي هنا ستر الله عليهم..والمنظمه التي انا عليها الان جيده جدا..صحيح اول ماوصلت وجدت الاثاث مستعمل
لكن اثاث المطبخ جديده يعني بالكارتون..وتقريبا شبه كامله..انا وزوجتي ولدي طفلان..الاثاث الموجود 3 اسره قنفه تنفتح وتصير سرير
ميز لابأس بيه تلفزيون جهاز استقبال..ميز وكراسي تعبانات..مروحه جديده..وغراض حمام كامله وجديده من شامبو وخاوليات وصابون
هذه مودعايه للمنظمه او الولايه..لكن اكو ناس في عدة دول تتصفح هذا المنتدى.. والي يسمع هيج راح يصيبه اليأس اكثر مما هو الان
المنظمات تختلف...الموظفون يختلفون... الولايات تختلف..لكن اهم شي اللغه..ثم اللغه ...ثم اللغه.انا ماعندي لغه.وعندي مراجعات
طبيه كثيره في كل مره ياتي معي شخص من المنظمه للترجمه..وانا هنا منذ سنه....قبل اسبوعين كان عندي موعد مع الطبيب اتصلت بالمنظمه.لماجد اي شخص يأتي معي الى الطبيب..اتصلوا بمترجم من غير مكان وحضر الموعد معي .بل وجدته ينتظرني عند الطبيب
البارحه حظرت موظفه من المنظمه وسجلت ابني بالمدرسه..للسنه القادمه.كل امور السوشل والفود والمدكيت هم يكملوها..
انا لااقول انا هنا ملائكه او منزهين..لكن ممكن ان تتكلم تجد من يصغي اليك تجد من يشّكيك سبب الانضباط هنا الكل يخاف على عمله
ووظيفته . يخشى الطرد او العقوبه..لااريد ان اقارن الوضع هنا بالدول العربيه فالفرق واضح وشاسع..
العمل؟ بصعوبه تجد عمل هذا صحيح والمنظمات دائما تلكالك الشغل التعبان..يعني تعب بمعنى تعب ومكان بعيد واجور رخيصه
يمعود والله براس السنه جابوا هدايا لعزيز قلبك متنطيها..وكلها جديده بالباكيت..
اسف طولت عليكم..لكن هذا الي اشوفه والحاصل معانا.واكو ناس صارلهم اكثر من سنتين ومازالت المنظمه على اتصال معاهم
ومثل ماذكرت الوضع يختلف من مكان لمكان.. ومن ولايه لولايه
-
الله يوفق اخي ..
موضوع مهم ومفيد جدا
-
شباب سلام عليكم
موضوع جدا مهم واني اشكر الاخ صاحب الموضوع على هذا الطرح المفيد جدا
طبعا اني بصراحه الي راح اسوي هوه الاتي:
اول ما انزل هناك اكللهم ما اريد منكم اي شي انطوني الفلوس واني احير بنفسي وما اريد منكم اي شي لا خلفة عليكم بين قوسين ورتبت اموري ويه ولد صديقي هناك راح يحضرلي شقه مرتبه ومناسبه علما امشي اموري هيه اول وتالي همه يكطعوها وره كم شهر على الاااقل خلي تاسيسي يكون صحيح
شكرا الكم ومنتظر ردودكم
تحياتي
-
رأئيي المتواضع جدا ...
بالنسبة للمنظمات فأن اكثر من 90% من موظفيها لو عراقيين لو جايين من دول تعبانة (بعد اكثر تعب من العراق) دول ناخرها الفساد الاداري والمالي والحروب والمشاكل الاقتصادية والاجتماعية .. اغلب هؤلاء الموظفين (ولو قسم منهم متطوعين بدون راتب لحين تثبيتهم) .
اغلبهم لايفقه شيئا او بعيد جدا او انه لم يختبر بعد عن الحياة الامريكية او الاوربية الحديثة والمتطورة والمتقدمة طبعا لما اقول متقدمة فأعني ذلك بكل ماتحمله الكلمة من معاني.
اغلب مشاكل القادمين الجدد هي بسبب بعض هؤلاء الموظفين للأسف الشديد مع اضافة عامل اللغة ايضا ..
.......
ولكن ,,ومع ذلك تبقى هناك نقطة مهمة وكلامي موجه للقادم الجديد .. مالذي تريده او تتوقعه من المنظمة ان تفعله لك؟؟اصلا المنظمة دروها ينتهي بعد ان تستقر وتسكن في البلد ,وتستلم مبلغ ( الولكم موني ) خلص الفلم ينتهي ,,مع الاسف ايضا اقولها لايزال اكثر اخواننا القادمين الجدد (على الرغم من اننا حذرنا من ذلك مرارا في المنتدى) لايزال القادم الجديد يتوقع الكثير الكثير من المنظمة ,
قسم كبير من اخواننا يتصورون ان المنظمة كفيلة بهم الى يوم الدين ومن واجبها ان توفر له الاكل والشرب والسكن والنقل والملبس وأكمال المعاملات والتطبب وايجاد العمل(المناسب كلش) و و و .صدقوني وصل الامر بأحدهم (امام عيني) انه طلب من المنظمة توفير هاتف نقال لزوجته كي تتصل باهلها في العراق :o
.........
اخوان هذه امريكا بلد ( من جد وجد ) ولمن اكتشف مبكرا ماهية هذه المقولة ... فيعلم جيدا ان دور المنظمة ينتهي منذ الايام الاولى لدخولك الى امريكا.
-
والله ياابو ساره هاي موخوش اخبار
بس رغم هذا شكراً على التوعيه
صار عدنه علم
حته من نروح مننصدم
منتظرين تكملة الموضوع
-
أول شي شكرا على هذا الموضوع لانه فعلا اغلبنا محتاجين يعرفون عن الوضع هناك
اكيد الواحد مراح يعتمد على المنظمة للابد يعني خلي نكول المنظمة هية بس مجرد مرحلة تهيئة للاجيء, فكرتي هاي ممكن تكون صح وممكن تكون غلط لانه اني ما اعرف الحياة هناك حتى لو اقرة عنها مجلدات.
على فرض انه اني وصلت اميركا وكفيلي يكدر يلكيلي شغل و سكن, برايكم اكدر اني اطلب اني الويلكم مني مالتي واكلها للمنظمة شكرا جزيلا مع السلامة؟؟ واذا هالشي ممكن, شلون اكدر اكمل المعاملات الادارية؟ لو الكفيل همين يكدر يكملها الي؟
-
اخوانى الاعزاء الشكر الجزيل لصاحب الموضوع و الشكر موصول لكل من ابدى راى فيه
موضوع حساس ودقيق ويستحق الاشاده التمعن فيه لما فيه من اهميه تخص الوافد للولايات المتحده واخذ الاحتياطات وعدم الاكثار من الاحلام الورديه بسبب انو الحياة فى امريكا هيه ليست بالسهله ولا بالبسيطه .يجب التهيؤ من وانت هنا فى العراق على مثل هكذا امور وضروف حياتيه لا ان تتوقع انو المنضمات سوف تكمل لك كل احتياجاتك ومتطلباتك
شكرا مره اخرى للجميع
-
سلام عليكم
اي نعم اختي العزيزة ممكن تطلبين الويلكم مني وتكلليلهم مع السلامه وهذا الشي اني راح اسوي ورتبت اموري ويه صديقي الكفيل وراح اسوي هذا الشي واوافيكم بكل الاخبار حتى هوه الولدد كلي تره همه بس يريدون يخمطون فلوس من اللاجئي باي وسيله سواء يجيبون اثاث تعبان او يحسبون تكاليف اضافيه الى اخره بس طبعا احنه ناخذ بعين الاعتبار انه المساعدات راح تغطينه لمده قليله مثلا 3 شهور بينما نرتب امورنا هناك
ومن الله التوفيق
تحياتي للجميع
-
هو موضوع محير بصراحة ... اني بصراحة خليت موضوع خاص بمنظمات فلوريدا وسالت نفس السؤال بس ملكيت اجابة شافية مجرد اسماء المنظمات بس شنو مميزاتها عن بعضها محد كال
شغلة ثانية ومثل مكلت اخ كيلر انه المنظمة راح يساعدون بالشهور القليلة الاولى بس اذا اللاجيء كدر يرتب نفسة من البداية طبعا بمساعدة بعض الاصدقاء هناك قد ميحتاج مساعدة المنظمة هناك.
الاخوان اللي عايشين هناك يكدرون يفيدونا اكثر بالجواب الشافي لانه كل تجربة احنا نكدر ناخذ منها اللي يفيدنا
-
السلام عليكم
خلي احجيلكم عن منظمة الكاثوليك جيرتيس اللي بالولاية مالتي
منظمة تعبانة جدا من مديرها الى اصغر واحد بيهة وسبحان الله كيف انهم اجتمعوا كلهم بهذه الصفات فالطيور على اشكالها تقع كما يقولون
منظمة استغلالية للاجيء تحاول بطريقة او اخرى ان تخمط افلوسهة. اتصوروا جابولي ساعة منضدية صغيرة بيهة منبه حاسبية عليه ب 30 دولار اني كتلهم اوكي ماكو مشكلة بس انطوني وصل الشراء مالتهة حتى اروح ارجعهة كالولي ضايع ماعدنة فكتلهم ما استلمهة وشتسوون سووا
المنظمات عموما من اتشوف اللاجيء الجديد غشيم ويوقع على اي ورقة ينطوهياه فهذا هو الصيد الدسم لهم ولكن بالمقابل من يشوفون اللاجيء ايدقق ويسال ويرفض التوقيع على اي ورقة الا بعد ان يفهم هوة على شنو ايوقع راح يتعاملون وياه بحذر شوية
بالنسبة اللي فجهاز الجي بي اس فادني اكثر من هذه المنظمة مية مرة ونصيحة انصحكم بيهة اذا اي واحد اشتغل منكم عن طريق خارج المنظمة لايبلغهم بذلك لانهم بهذه الحالة سيغلقون ملفه ويركنوه ويكتبون عليه انهم همة اللي لكوله الشغل وشغلوه ويصيرون همة اصحاب الفضل عليه
اتعس شي بهذه المنظمات هو الاخطاء الادارية القاتلة عندهم وخصوصا بمعاملات التقديم على الكرين كارت وحتى معاملات العمل اتصووا عائلة عدنة هنا صارلهم سنتين وشوية بلا كرين كارت لانه المنظمة مخربطة بمعاملة الكرين كارت مالتهم ربطة بس ربك يعلمهة
للحديث شجون وبقية كما يقولون.
تحياتي
ابو سارة
-
اخوان شلون واحد يكدر يستلم الويلكم موني هم مو اصلا ياثثون السكن للاجي ومن يوصل يلكاه كامل ويكولوله احنا صرفنا كذا وكذا وهذا الباقي اذا اكو باقي وتعال وقع يعني ايصير الواحد ايخلي كفيله ياخذ الويلكم والكفيل هو بنفسه اياثث السكن لو ميصير؟؟؟
-
اخوان شلون واحد يكدر يستلم الويلكم موني هم مو اصلا ياثثون السكن للاجي ومن يوصل يلكاه كامل ويكولوله احنا صرفنا كذا وكذا وهذا الباقي اذا اكو باقي وتعال وقع يعني ايصير الواحد ايخلي كفيله ياخذ الويلكم والكفيل هو بنفسه اياثث السكن لو ميصير؟؟؟
+1
اخ صفاء باي ولاية حضرتك؟
-
كلام صاحب الموضوع و صفاء الكرخي صحيح الف بالمية ولكن
المتوقع ان تكون الوظيفة الاولى هي متواضعة وبالحد الادنى للاجور
اضيف شيئ مهم
اللغة ضرورية
دقق بالاوراق
اي شيئ ينطوكيا اذا ما بي وصل معناهة جاي تبرع ولا يجوز ان تدفع اي مبلغ عليه
وظيفة المنظمة هي خدمة الاجئ والمهاجر واذا لم تفعل المفروض تغلق
انسو الخوف الموجود بالعراق والدول العربية وتعاملو بطرق حضارية مع المنظمة اذا حسيت بيهة تغش و هي الكلام بهدوء معهم ثم تقديم شكوى
-
كلام صاحب الموضوع و صفاء الكرخي صحيح الف بالمية ولكن
المتوقع ان تكون الوظيفة الاولى هي متواضعة وبالحد الادنى للاجور
اضيف شيئ مهم
اللغة ضرورية
دقق بالاوراق
اي شيئ ينطوكيا اذا ما بي وصل معناهة جاي تبرع ولا يجوز ان تدفع اي مبلغ عليه
وظيفة المنظمة هي خدمة الاجئ والمهاجر واذا لم تفعل المفروض تغلق
انسو الخوف الموجود بالعراق والدول العربية وتعاملو بطرق حضارية مع المنظمة اذا حسيت بيهة تغش و هي الكلام بهدوء معهم ثم تقديم شكوى
كلام مضبوط 100% احسنت يا دكتور امين
تحياتي
المهندس
-
دقق بالاوراق
اي شيئ ينطوكيا اذا ما بي وصل معناهة جاي تبرع ولا يجوز ان تدفع اي مبلغ عليه
وظيفة المنظمة هي خدمة الاجئ والمهاجر واذا لم تفعل المفروض تغلق
انسو الخوف الموجود بالعراق والدول العربية وتعاملو بطرق حضارية مع المنظمة اذا حسيت بيهة تغش و هي الكلام بهدوء معهم ثم تقديم شكوى
ملاحظة ممتازة دكتور.... لانه جنت دا اسال نفسي انه قسم من الغراض هي تبرع والمنظمة ياخذوها ويحسبوها على اللاجيء بفلوس زين شلون نكدر نعرف... وانت عاشت ايدك نبهتنا
-
رأئيي المتواضع جدا ...
بالنسبة للمنظمات فأن اكثر من 90% من موظفيها لو عراقيين لو جايين من دول تعبانة (بعد اكثر تعب من العراق) دول ناخرها الفساد الاداري والمالي والحروب والمشاكل الاقتصادية والاجتماعية .. اغلب هؤلاء الموظفين (ولو قسم منهم متطوعين بدون راتب لحين تثبيتهم) .
اغلبهم لايفقه شيئا او بعيد جدا او انه لم يختبر بعد عن الحياة الامريكية او الاوربية الحديثة والمتطورة والمتقدمة طبعا لما اقول متقدمة فأعني ذلك بكل ماتحمله الكلمة من معاني.
اغلب مشاكل القادمين الجدد هي بسبب بعض هؤلاء الموظفين للأسف الشديد مع اضافة عامل اللغة ايضا ..
.......
ولكن ,,ومع ذلك تبقى هناك نقطة مهمة وكلامي موجه للقادم الجديد .. مالذي تريده او تتوقعه من المنظمة ان تفعله لك؟؟اصلا المنظمة دروها ينتهي بعد ان تستقر وتسكن في البلد ,وتستلم مبلغ ( الولكم موني ) خلص الفلم ينتهي ,,مع الاسف ايضا اقولها لايزال اكثر اخواننا القادمين الجدد (على الرغم من اننا حذرنا من ذلك مرارا في المنتدى) لايزال القادم الجديد يتوقع الكثير الكثير من المنظمة ,
قسم كبير من اخواننا يتصورون ان المنظمة كفيلة بهم الى يوم الدين ومن واجبها ان توفر له الاكل والشرب والسكن والنقل والملبس وأكمال المعاملات والتطبب وايجاد العمل(المناسب كلش) و و و .صدقوني وصل الامر بأحدهم (امام عيني) انه طلب من المنظمة توفير هاتف نقال لزوجته كي تتصل باهلها في العراق :o
.........
اخوان هذه امريكا بلد ( من جد وجد ) ولمن اكتشف مبكرا ماهية هذه المقولة ... فيعلم جيدا ان دور المنظمة ينتهي منذ الايام الاولى لدخولك الى امريكا.
شكر ا اخي على التعليق الجميل
بس احب اضيف شغلة انو من الامور الي تقدم من الحكومية الامريكية هي جوال موبايل ب 250 دقيقة تعبئا من قبل المنظمة ..
وبالنسبة الي ما جنت اعرف هذا الشي حيث كانت عندي مقابلة عمل و اجة واحد لاجي بورمي من خلصنة المقابلة كلة اخذني عبيلي تلفوني
خلصت ال 250 دقيقة واني صراحة اتفاجئت سالت ابو المنظمة كالي اي اكو موبايل يقدم لللاجي بس اني اشتريت سيم كارت وما جنت اعرف
والمفروض المفروض المنظمة تكلي بس للاسف ما جابولي طاري واني اصلن مشتري ...
بس سؤالي مو المفروض همو يذكرون هذا الشي يكولون ترة اكو تلفون الك مو بعدين اني اعرف عن طريق الصدفة مو همة هذا عملهم
على سبيل المثال يذكر الك الشغلات الي الك الحق بيها
شكرااااا
-
اخوان شلون واحد يكدر يستلم الويلكم موني هم مو اصلا ياثثون السكن للاجي ومن يوصل يلكاه كامل ويكولوله احنا صرفنا كذا وكذا وهذا الباقي اذا اكو باقي وتعال وقع يعني ايصير الواحد ايخلي كفيله ياخذ الويلكم والكفيل هو بنفسه اياثث السكن لو ميصير؟؟؟
+1
اخ صفاء باي ولاية حضرتك؟
ولاية. نيومكسيكو
-
ليش اني كرايبي راح لامريكا لتكساس سان انطونيو
و لمن طب للشقة كلشي جديد و الجيس عليه بحيث هو فتح شكو شي بالبيت و هي شقة متكونة من مطبخ صغير و هول غرفة نوم وحدة و كنتو مبني بالجدار و مخزن حجا صغير
الاشياء اللي جانت موجودة رح اذكر بس الاساسيات و اللي هي قنفة و ميز و يمكن كرسيين و المطبخ بي اوفن و ثلاجة مزودة بالطعام و كاونتر اكيد و طباخ و الشقة بيهة بالكونة
و هو كرايبي لمن راح يمكن 3 اشهر لكولة شغل بالسكيورتي و هو لكة بعديم شغل بهاي سكول
-
اخوان
يصير تكول للمنظمه ما اريد اثاث انطوني الولكم مني واني اشتري؟؟؟
-
up
-
شباب وين الجانب المشرق
مشكورين على الجهد والاخبار وبارك الله بيكم بس احجولنة على الجانب المشرق. اتصور اغلبكم جرب الانتظار وتعب الانتظار النفسي والجسدي.
احنه محتاجين اخبار حلة صور مشجعات وبصراحة ما اتصور احد راح يغير رأية ويرجع للعراق لان شمايكون الوضع اسوأب بالعراق.
ابو سارة