ankawa
منتدى الهجرة واللجوء => الهجرة و واللاجئين => الموضوع حرر بواسطة: كريت في 14:29 10/06/2012
-
اخوان صح المنتدى حلو والناس البية طيبين واحد احسن من الثاني بس اكلكم شي واحد عيشو حياتكم وعوفو هاي البرامج تمشي لوحدهة
اني من ورة اي او ام خسرت كومة فلوس واجاني رفض وكملت اس اي في هسة ديتوسلون بية تعال قابل مرة ثانية
لا تخلي عقلك وية الموضوع لبسة هوة يجي عيش بالعراق واتكيف وذا صارت خير على خير لا تضل تنتظرهة ابد اعتبرهة ما موجودة ترة تدمر حياتك من ورة الانتظار
وانشاء الله الكل يسافر ومحد ينرفض واحجي هذا الحجي لين مقدم من 2008 وهسة 2012 وبعدني بالعراق فعوفو الموضوع وعيشو حياتكم بالعراق الطبيعية
-
والله يا اخي ما اعرف مين ابدي
اولا الحياة بالعرراق ابدا مو طبيعية فشوون نعيشها بصورة طبيعية
ثانيا اني شخصيا ضيعت هواي فرص علمود الاي او ام و مو بس اني
اهلي همينه
و الفرص الي ضاعت من النوع الي تجي مره وحدة
و اني كان اكدر اروح لالمانيا بسنة 2010 بس كلتله لا مشكور و هسه الشخص ادور عليه ما موجود
هو الماني الجنسية
والله فرص هوااااية ضاعت دمررونا , بس الله موجود شنسوي يعني
حسبي الله ونعم الوكيل
-
اخي العزيز امشي باي طريق تشوفة لا تعتمد عليهم اذا حياتك بخطر روج للشمال واذا حصلت غير طريق امشي بية لين بصراحة ورة ما انرفضت من اي او ام وخسرت كومة شغلات بعد كمت ما ادير بال للسفر وعشت حياتي طبيعية رعم صعوبتهة وعلى كولة احمد حلمي
حب ما تعمل حتى تعمل ما تخب
مو سهلة هية بس هاي هية اعتبر ماكو هذا الطريق لين كثرة التفكير بية يكبرك 100 سنة فانسى الموضوع وتابع حياتك هية تنفتح ابحدهة
تحياتي
-
اخي العزيز امشي باي طريق تشوفة لا تعتمد عليهم اذا حياتك بخطر روج للشمال واذا حصلت غير طريق امشي بية لين بصراحة ورة ما انرفضت من اي او ام وخسرت كومة شغلات بعد كمت ما ادير بال للسفر وعشت حياتي طبيعية رعم صعوبتهة وعلى كولة احمد حلمي
حب ما تعمل حتى تعمل ما تخب
مو سهلة هية بس هاي هية اعتبر ماكو هذا الطريق لين كثرة التفكير بية يكبرك 100 سنة فانسى الموضوع وتابع حياتك هية تنفتح ابحدهة
تحياتي
اني ما قصرت اجيت للاردن بعد انتظار سنتين ببغداد
-
اخي اذا انت مرتاح بدنيتك ودتشتغل واهلك يمك وممعتاز شي فـ بالعافيه عليك
احنه متهجولين بين الدول من سنين
واكيد بالاردن وسوريا ومصر ماكو شغل للعراقيين
وماكو مورد
ودراسه واكفه
ومستقبل ماكو
وهاي هيه بس كاعدين ننتظر فرج الله
احجيلك بالنسبه الي من 2007 طلعت
وبسوريا
وهاي صار اكثر من سنه بسبب الاحداث متهجولين ومن مكان لمكان
والله ليوريك الي دنشوفه
ومنكدر نرجع
فـ ماكو كدامنه غير هلطريق
الي رجله بالفي مومثل الي رجله بالشمس
-
صديقي اني ما حذفت موضوع ما اعرف وين اختفى وبصراحة هسة خابرت الدي اج ال اصدقائي كلولي لي هسة ما دازيهم جان عدنة عطل بالسستم واليوم او باحر ندزهة ميدرون احنة على نار بيس شنسوي
وما اغرف وين راح الموضوغ القديم
تحياتي