ankawa
منتدى الهجرة واللجوء => الهجرة و واللاجئين => الموضوع حرر بواسطة: Dr.A Al-shimmry في 12:05 16/06/2012
-
السلام عليكم اخواني رواد المنتدى المحترمون اني مشترك جديد لهذا المنتدى الراقي واود ان اطرح قضيتي للنصيحة من الذين لهم خبرة والمقيمين في امريكا لذل ارجو التعليق من قبل ذوي المعرفة مع الشكر للجميع مقدما
أني ألدكتور ------- احمل شهادة الدكتوراه في الهندسة وعمري هوة 32 عام واعمل استاذا في احد الجامعات العراقية حصلت على تاشيرة SIV حاليا منذ وقت قريب ولازلت في العراق حاليا
كذلك حصلت على منحة للعمل في امريكا لمدة سنة قابلة للتمديد لمدة سنة اخرى من صدوق انقاذ علماء العراق التابع لموسسة التعليم العالي الدولي الامريكة .
قمت بمراسلة الكثير من الجامعات الامريكية وتم قبولي في جامعتين الاولى جامعة اوهايو Russ college of Engineering and Technology / Ohio Univeristyوالقبول الثاني من جامعه دريكسل Drexel University/ Pheladelphia
المنحة تتضمن راتب شهري يتضمن تغطية نفقات السكن والمعيشة وكذلك التامين الصحي لمدة سنة وكذلك تغطية كافة نفقات السفر والمؤتمرات وتكاليف نشر البحوث في المجلات العالمية.
بعد طرح قضيتي بشكل مختصر ارجو الاجابة على الاستفسارات التالية:
1- هل استطيع الحصول على عمل دائمي في جامعة اوهايو يضمن لي العيش بعيد عن المساعدات والفود ستامب وغيره من الامور الذي لاارغب ان استلمه واغطي تكاليف معيشتي انا وعائلتي زوجتي وطفلتي الصغيرة عمرها اقل من سنة من راتبي ؟
2- احد عندة علم بخصوص شهادة الدكتوراة هل ممكن ان اتعين بيه خصوصا وانا ماخذه من العراق واشتغلت الجزء العملي فيها في المانيا ضمن بعثة بحثية اذ ان اطروحة الدكتوراة اشرف عليها بروفسور عراقي وبروفسور الماني؟
3- هل الفرصة التي توفرت لدي مردوده المادي راح يكون اثر مما اتقاضاه في العراق خصوصا وانا استاذ جامعي وزوحتي ايضا استاذة جامعية؟
4- أرجو ممن يحملون شهادة الدكتوراه في الهندسة من العراق وهم حاليا في الولايات المتحدة ان يبينوا لنا خلاصة تجاربهم سواء كانت ايجابية او سلبية كي تتكون لدي فكرة كاملة من تجاربهم القيمة خصوصا الذين يعملون في الجامعات الامريكية الان ؟
أنتظر التعليقات من الاخوة اصحاب الخبرة
تحياتي اخوكم
د. الشمري
-
دكتور العفو هذا موضوعين بان واحد يرجى من حضرتك حذف احد المواضيع ليكون الاجابة مركزة من الاخوة الاعضاء لموضوع واحد ..مع فائق تقديري
-
اخي العزيز هاي الحالتين حصلته في ان واحد يعني شغلة متعلقة بشغلة والسوال المحير هل اسافر لو لا؟
شكرا لملاحظتك
-
السلام عليكم اخواني رواد المنتدى المحترمون اني مشترك جديد لهذا المنتدى الراقي واود ان اطرح قضيتي للنصيحة من الذين لهم خبرة والمقيمين في امريكا لذل ارجو التعليق من قبل ذوي المعرفة مع الشكر للجميع مقدما
أني ألدكتور ------- احمل شهادة الدكتوراه في الهندسة وعمري هوة 32 عام واعمل استاذا في احد الجامعات العراقية حصلت على تاشيرة SIV حاليا منذ وقت قريب ولازلت في العراق حاليا
كذلك حصلت على منحة للعمل في امريكا لمدة سنة قابلة للتمديد لمدة سنة اخرى من صدوق انقاذ علماء العراق التابع لموسسة التعليم العالي الدولي الامريكة .
قمت بمراسلة الكثير من الجامعات الامريكية وتم قبولي في جامعتين الاولى جامعة اوهايو Russ college of Engineering and Technology / Ohio Univeristyوالقبول الثاني من جامعه دريكسل Drexel University/ Pheladelphia
المنحة تتضمن راتب شهري يتضمن تغطية نفقات السكن والمعيشة وكذلك التامين الصحي لمدة سنة وكذلك تغطية كافة نفقات السفر والمؤتمرات وتكاليف نشر البحوث في المجلات العالمية.
بعد طرح قضيتي بشكل مختصر ارجو الاجابة على الاستفسارات التالية:
1- هل استطيع الحصول على عمل دائمي في جامعة اوهايو يضمن لي العيش بعيد عن المساعدات والفود ستامب وغيره من الامور الذي لاارغب ان استلمه واغطي تكاليف معيشتي انا وعائلتي زوجتي وطفلتي الصغيرة عمرها اقل من سنة من راتبي ؟
2- احد عندة علم بخصوص شهادة الدكتوراة هل ممكن ان اتعين بيه خصوصا وانا ماخذه من العراق واشتغلت الجزء العملي فيها في المانيا ضمن بعثة بحثية اذ ان اطروحة الدكتوراة اشرف عليها بروفسور عراقي وبروفسور الماني؟
3- هل الفرصة التي توفرت لدي مردوده المادي راح يكون اثر مما اتقاضاه في العراق خصوصا وانا استاذ جامعي وزوحتي ايضا استاذة جامعية؟
4- أرجو ممن يحملون شهادة الدكتوراه في الهندسة من العراق وهم حاليا في الولايات المتحدة ان يبينوا لنا خلاصة تجاربهم سواء كانت ايجابية او سلبية كي تتكون لدي فكرة كاملة من تجاربهم القيمة خصوصا الذين يعملون في الجامعات الامريكية الان ؟
أنتظر التعليقات من الاخوة اصحاب الخبرة
تحياتي اخوكم
د. الشمري
تحيه طيبه دكتور واتمنى لك الموفقيه بالنسبه لتجربة احد اقاربي يعمل هنا كاستاذ جامعي في اوهايو فان نسبة التعيين قليله لكن تستطيع ان تحصل على عقد يتم تجديده نهاية كل فصل هذا العقد يضمن لك حياة كريمه لكن يعتمد على عدد الساعات التي تحصل عليها بالنسبه هل استطيع الحصول على عمل في الجامعه وانا حاصل على شهادة الدكتوراه من العراق فجوابي لك نعم تستطيع لكن بعد ان يتم اجراء امتحان لك وهل لعملك مردود مادي يوازي عملك في العراق انت وزوجتك جوابي لك في هذه الحاله يجب ان تعمل انت وزوجتك في مجال التدريس كي يوازي عملكما العمل في العراق و حسب علمي ان الاستاذ الجامعي هنا يكون معدل اجره في الساعه الواحده بحدود ال 50 دولار واتمنى لك كل الموفقيه
-
اخي الحياة فرص وحظ والعراق المعروف عنه هو ابو الفلوس هاي نقطه لازم اتسوي معادله لشهادتك هنا يعني الجماعه ميعترفون بشهادة اي بلد الا اتعادل وتاخذ البورد الامريكي واني راح اكولك شغله هاي حياتك الخاصه يعني اني ممكن اكولك راح اتعيش ملك هنا واسطر عليك من هل كلام المضبوط وهو ما اله صحه وتالي ما ينفع الكلام شغلة تحديد المصير تابعه للانسان بحد ذاته مع عائلته اسف على هل كلام لكن هاي الحقيقه محد راح ينصحك او ينطيك شي مضمون لان كوله من عندي صديقي وعندي اقاربي ومحد صديقه او اقاربه يكوله اني هجيه اخذ لو اموري زينه كولها تبجي بوجه الله ف انت المسؤول الاول والاخير بوضعك اني هذا رأيي من خلال تجارب مريت بيها هنا تقبل مروري
-
Up
-
تحيه طيبه
الاخ الكريم احب ان اضيف لك معلومه ان صندوق انقاذ العلماء قابل للتمديد سنه وا2 و 3 حسب علاقتك بالمشرف القائم عليك وتزكيته لك
ان جامعتك اخي التي تدرس فيها هي من الجامعات القويه والمعروفه نسبيا في امريكا فلاداعي للقلق من حيث مصادقه شهادة سارسل لك موقع الجديد الذي تم فتحه للمصادقه .. اضن قريبا تم فتحه ...
يبقا سوال ولك اجابه عنه ام لا ...وقفت امام القتصل فخيرني بين هذا فيزا وفيزا اللجوء فاخترت اللجوء لانه رفض في ذلك وقت وقال يحق لي واحدة فقط ...ارجو منك ان استطعت ان تشرح لي ..وهل ممكن ان اعرف باي فيزا ستخرج ؟؟؟
تحياتي
د.مارلا
-
شكرا لجميع التعليقات من الاخوة رواد الموقع الكرام
الاخ سنوبي وعمر البكري وايبووو
كذلك اشكر د. مارلا على المعلومات القيمة بالنسبة للتمديد نعم لدي علم بان البرنامج قابل للتمديد اما بالنسبة لي فانا حاصل على فيزة هجرة الى الولايات المتحدة انا وعائلتي من خلال التقديم على برنامج SIV وليس من خلال التقديم على فيزة من خلال برنامج منحة صندوق دعم العلماء ...... ارجو ان اجبت على سوالك
انا بانتظار المزيد من ارائكم مع امنياتي بمشاهدة تعليقات الاخوة اصحاب شهادات الدكتوراه العراقيين والمتواجدين في امريكا والذي يعملون في الجامعات الامريكية
شكرا للجميع
-
تحية للعنكاويين
اني اتفق تماما مع راي الاخ ايبوو ، ومثل ما كلك انت بكيفك ....،
وهاذي مدرسة الحياة كلشي تعلم الانسان ... بس اتذكر انه...... فقط وفقط القرارات الشخصية البحتة والتي تكون على التماس مع مستقبل عائلة واطفال هي بالدرجة الاولى والاخيرة تعود الك..مع احترامنا الى كل الاراء. انت ربما تكدر تحقق شي بامريكا ..على المستوى العلمي والدراسي .. لكن السؤال بشكد ؟ بسنه بثنين ؟ او اكثر يااخي صعوبة البدء من الصفر ..(اني اتكلم على الي يحمل شهادة دكتور) .
يعني الواحد اذا بكلوريوس يمكن بيهه مجال حتى لو يعيد الدراسة بامريكا من جديد تسوة .. ومثل ماتفضلو الاخوان ، يمكن تضطر تعمل اعمال بسيطة ؟؟! حتى تكدر اتغطي مصاريفك ....
يعني على ما اعتقد بالعراق وضعك احسن ....
وانت بكيفك ...
سالمين
-
الاخ الكريم تحيه طيبه
شكرا لك لاجابه على استفساري ..لاسف تجربتي وقفت حينما رفض القنصل ان يعطنيني فيزا ولرفض الجهه المضيفه لي حينما علموا بدخولي كمقيم دايمي ...لكن كما ذكرت الاخت اعلاه اخي الحياة عبارة عن 3 اشياء حظ وفرصه لاتتكرر وكفاءة علمي نصيحتي لك اخي اكمل وبقوة متنميه لك التوفيق ..بالنسبه للمصادقه قد تحتاجها في مرحله ما لتضع راسك براسهم ...اخي الكريم عملت في احدى الجامعات الامركيه والتي تعتبر 8 جامعه في امريكا وكل شي ممتاز الاانهم ابدا لن يضعوك في مستوى حامل الدكتوارة من حيث الحقوق وامتيازات حتى تقوم بالمعادله والمصادقه كما افعل انا ...هذه تجربتي وقد تحتلف من مكان لاخر ومن جامعه لاحرى وايضا قد يكون لاختلاف اختصاص ايضا
تحياتي
-
السلام عليكم
انا من رايي انو تاخذ اجازه براتب او بدون راتب مثل مكالت الاخت حدوشه وتروح تجرب حظك في بلد الفرص
اكيد انت تكدر لان دكتوراه وسنه بحثيه في المانيا يعني عندك خبره اكيد
نصيحه لا تلتف وراك ولاتحسب الراتب اللي تاخذه انت وزوجتك لان دااحس بيك لان احنا نفس الشي
شنو قيمه الراتب بدون قيمه للبشر واتصور همه يحسبوها كلش زين وينطوك الراتب اللي تعيش بيه وتسافر وانت مرتاح
نصيحه روح جرب حظك ماتخسر شي
تحياتي
-
والله اني من رأيي تروح احسن اخوية وموكلشي بالحياة فلوس خليهة ببالك ,,اذا ناس قيموك فد يوم من الايام تفييم صحيح ,, فهذا كافي ,,تحياتي والامر يعود لحضرتك
-
السلام عليكم جميعا
بالبداية اشكر جميع من اثرى هذا الموضوع بمعلوماته القيمة بس اريد اوضح بعض النقاط ردا على بعض التعليقات:
اولا: اني عندي ثقة تامة بنفسي وبشهادتي يعني اني مو جابيب شهادتي بفلوس درست في ارقى الجامعات بالعراق واخذت الدكتوراه بالهندسة بفتر قياسية جدا بالعمر حصلت على الدكتوراه بعمر 28 سنة بدون لا واسطة ولا فلوس ولا محسوبية باختصار مو مثاليات هاي بس السبب الوحيد هو لكوني لا املك اي شي من ما ذكرته يعني وضعي المادي كان تبعان جد وكذلك ماعندي احد بالدولة على في كافة العصور لا قبل ولا هسة . واني واثق من شهادتي مليون مليون مليون مليون بالمية ومثل مكلتلكم اني جنت في بعثة بحثية في المانيا اشرف من خلالها مشرف الماني على شغلي ..... يعني اعرف شنو الوضع في خارج العراق من قلة فرص العمل وضروف المعيشة الصعبة.
ثانيا : مع احترامي للكل الي يعلقو بس من بين الكل هيمة اثنين الي يعرفون شنو معنا البرنامج الي مقدم عليه اني ( برنامج ممول من الخزانة الامريكية لدعم علماء العراق اكرر لدعم علماء العراق ) يعني هذا البرنامج بي فد بروسس معين ومابي لا واسطة ايضا ولا مجاملات لازم ادز كل شي يخص سرتك العلمية والمهنية من بداية حياتك الاكاديمية الى لحظة التقديم بالاظافة الى رسائل تزكية من خارج العراق يعني دزيت رسائل توصية من دكتور امريكي ودكتور الماني الي هوة المشرف مالتي وتمت مخاطبتهم للتاكد من صحة المعلومات حتة اني علاقتي بهذولي الدكاترة قوية فدزولي فوروورد الايميل الي جاييهم من هاي المنظمة ويريدون بي معلومات دقيقية عن سيرتي العملية ... هذه المعلومات لبعض الاخوة الي ميعرفون شي عن هذا البرنامح بعدين وره كل هذا اجتمعت الجنة العليا بمؤسسة التعليم العالي الدولي وقررت قبولي ودزولي العقد على ايميلي ووقعته وما احجي بعد بتفاصيل العقد لان هوة عبارة عن اربع صفحات كله امتيازات للحاصلين على هاي المنحة من ضمنها انو احنا نكدر نمول بحوثك في اي مكان بالعالم انت تختارة طبعا بعد موافقة الجهة المستضيفة و اني عندي علاقات في جامعتين المانية كان ممكن احصل بيها قبول بيه بس اني اختارت امريكا واني الي جبت القبول من جامعتين امريكية عن طريق المراسلة فقط من خلال ارسال السيرة العلمية وقائمة بالبحوث المنشورة ومختصر لاطروحة الدكتوراه ورسالة الماجستير ونسخ من الشهادات طبعا الماجستير جان معلي 81 % والدكتوراه 84 %.
ثالثا: بعض تعليقات الاخوة تلمح الى اعمال بسيطة واعمال بعيدة جدا عن الموضوع الي طارحة اني يعني واحد يكلي عامل مطعم واحد يكلي كازينو وماعرف وواحد يكلي ابو البكالوريوس حظة اوفر لان راح يبدي من الصفر هذى وجهات نظرهم الخاصة بناء على تجاربهم بس اني ردت اسال اشخاص حاملين لشهادة الدكتوراه همة الي ينقلون الصورة الواقعية مو يكلك سمعت وكالولي يعني مو تجارب فعلية مع الشكر والاحترام لكل من علق على الموضوع .
ثالثا: اني ممفكر اشتغل بمطعم هناك مو لكوني احمل شهادة دكتوراه بس كلتلكم اني من عائلة بسيطة جدا امي وابوية عدهم ابتدائية يعني ماعدهم دخل زين بالعراق فاشتغلت اشغال كثيرة هنا بالعراق وبنفس الوقت جنت اكمل دراستي , بس بامركيا اني مرايح اشتغل لا بمطعم ولا بكازينو ولا بسوبر ماركت , لان مو اني رايح همة الي وافقو على منحي السكولاشيب وحتة الاس اي في اني للان ممقرر ان استقر بامريكا.
رابعا: انا عضو في الجمعية الدولية لعلماء العراق الي مقره في ولاية مشكان منذ العام 2007 وهذه المنظمة دولية ومسجلة داخل الولايات المتحدة وتخضع بمعاييره لقوانين الولايات المتحدة. هذا للايضاح انو اني ماريد اروح بامركيا واستقر حتة اشتغل كاشير.
اكرر ارجو الاجابة من قبل اشخاص لهم تجربة في العمل في الجامعات الامريكية وهمة حاصلين على شهادة الدكتوراة .
تحياتي واعتزازي لكل العراقيين في امريكا الي يعملون بشرف في كل المهن الشريفة
-
الى الدكتور صاحب الموضوع
تحية طيبة
دكتور اني ماعندي اي معلومة حول موضوعك لكن جبرني كلامك ان اتطفل واكتب مداخلتي والي هيه:
ربي يحفظك على ما تملك بدماغك من علم , وانته عالي ومقدر انشالله وين ما حليت. ويوم اشوفك تنافس زهى حديد بشغلك
تقبل مروري
القرمـــــوطي
-
اخي وحبيبي صياد الاسود ، تعال شوفنه هذا شيريد ؟ الله يخليك ...
تحياتي :)
-
صاحب الموضوع مع احتراماتي الك بس اسلوبك متعالي حيل على كيفك اخوية لا تروح زايد ..يعني انت سألت سؤال و اخذنه من وقتنه و جاوبناك اشو نزلت بينه حاصل فاصل حسبالك نشتغل عندك.. ارجع و اكول مو صوجك صوجي جاوبتك ..و احب اكلك انه الدكتوراه مالتك حدهه للحدود مال العراق اما بعدهه فشهادتك لا تساوي قيمة الحبر المطبوعه بيه سواء كانت دكتوراه او بعد الدكتوراه
-
تحيه للجميع وتحيه طيبه فردا فردا
دخلت ارقى الجامعات امريكيه في وبعدها تعرفت الى 2 من اخصائين من خريجي طب المستنصريه ويقف الجميع اجلالا واحتراما لما في عقلهما ومايملكونه من كفاءة علميه بالحبر الذي كتب في شهادة الدكتوارة من الجامعات العراقيه ..لم اشا يوما ان اكتب شئبا يخصني
ولكن اقول لمن لايعرف ان الشهادة العراقيه اذا دمجت بمهارة علميه فسوف تصل وتصل ... ارجو ان لايصل امر الى استهانه بشخص حامل الدكتوارة وبشهادتنا فاقل لاح الكريم هنا توقف ...
ان الحبر الذي كتبت به هذه الرسائل هو حبر 16 ساعه يوميا جهد يومي وحر واقطاع الكهرباء ومر الفانوس العراقي ...من هنا اتت الدال
قد يكون الاخ غاضب في طرحه لكن لك ان تجيب الكاتب على طرحه لا علمه ولا على شهادته ولا على حاملي دكتوارة جميعا
فامريكا كلها قائمه على انت وماتحمل في راسك
فلنتواضع كلنا ولنتسامح عسى ان يفرج الرب كربتكم وغربتكم
تحياتي
-
اخوية امجد اني ما زعلان ..بس تصورته انسان واصل مرحلة علمية راقية المفروض يكلل درجته العلمية بأسلوبة بالتعامل وي الناس ..يعني هو عبر الاثير و بمنتدى و هيج يشمر على العالم الي حبوا يساعدونه شلون بالواقع شيسوي(على اساس هو مكتشف البنسلين!) ..دكتورة ماريا او مارلا ما اتذكر صارلي بامريكا تلث سنوات و تعاملت وي امريكان من الزبال للأستاذ الجامعي للمهندس ما شفت مثل العراقيين عدهم تكبر و نرجسية زايدة و احب اكررلج الشهادة العراقية لا تساوي حبرها خارج حدود العراق و هذا الشي معروف للجميع و شوفي شكم مهاجر عراقي اعترفوا بشهادته ؟اتصور الاف المهاجرين عدهم شهادات بين البكلوريوس و حتى الدكتوراه ؟
-
السلام عليكم جميعا
السلام يشمل جميع الاخوة الي معلقين على الموضوع
الاخ القرموطي اشكرك على تعليقك الي نابع من اصلك الطيب ........ هذا الي يشجع كل عراقي حتة يبدع في مجال اختصاصه لان اكو ناس من اهله تشجعه وتشد من ازره وتقدر تعبه ومعاناته وهوة يقرا ويتعب في بلد مدمر بالكامل ..... يعني لا طريق تكدر توصل بيه الى مكان عملك ولا جامعه تكدر تشتغل بيه ابحاثك ... اخي الكريم القرموطي راح انطيك مثل بسيط على حجم الدمار الي صار هنا وانته اكيد شاهد عليه من قررت اقدم على الدكتوراه بالعراق في عام 2003 بالظبط في شهر العاشر كانت معظم جامعات العراق اصابه الدمار والحرق فمن رحت اقدم على الجامعه متصدك شنو لكيت .... لكيت الجامعه صايرة كراج للنقل نعم كراج طابكه بي كوسترات و كيات وكل واحد يصيح للمنطقة الي يريد يروح اله...... في ذيج اللحظة بجيت من صدك وبجيت اكثر بعد من مريت مقابل وزراة التعليم العالي العراقية ولكيته كاعد تحترق بفعل الناس الجهلة في هذه الاثناء زاد اصراري على ان ادرس الدكتوراه هنا في بغداد بالعراق المدمر لو اعرف ادرس وسط هذا الخراب والرحلات المحروقة والسبورات المنهوبة حته لو اخذ المحاضرة شفويا وحته لو يكتب الاستاذ على الارض كلت لازم اكمل حته نثبت للعالم انو العراق باقي باهله وناس والعراقيين .... اصحاب الحرف الاول بالتاريخ الي كتبو على لوح من طين قادرين يوصلون لاعلى المستويات العلمية بالعالم وفعلا دخلت وكنت في اول دورة تدخل بعد الحرب والدمار في ظل الفوضى العارمة الي جانت تعصف بالعراف جنة نروح للجامعه ونقره فيما تبقى من المصادر المحروقة الي احرقوها مغول القرن الحالي والحمد لله اتممنا الكورسات مال الدكتوراه بنجاح ومعدل عالي ولمن وصلنا للبحث مثل مكتلك كانت المختبرات منهوبة وماباقي بيه غير بس الجدران ولويكدرون جان حتة الجدران شلعوه واخذوه من حقدهم على موسسات التعليم العراقية فلذلك رحت الى المانيا واخذت العينات الخاصة بالبحث وياية من العراق يعني شايل الجنطة بايد والجنطة الثانية بيه عينات حتة اجري عليه الفحوصات في المانيا ... من وصلت للجامعه الي دريست بيه في مدخل الكليه جان اكو فد بوستر بي صور وانجازات العلماء الي اثرو البشرية بعلمهم تدري منو جان الاول متصدك جان الخوارزمي اول العلماء وسيرة عن حياته وبحوثة مكتوبه باللغة الالمانية في حينها عرفت سر نجاح هاي الدول المتقدمة لانها تحترم وتمجد علمائها بس عدنا بالعراق مع الاسف بالعكس تماما الناس هنا تنظر بعين الاستصغار والتقلييل من انجازات علمائنا...... وتحاول تعكس فشلها على المجتمع بصورة عامة فتكوم تنطي صورة عامة على المجتمع وعلى موسساتها بانها سيئة حتى يبررون فشلهم.
بالنهايه اترك الحكم الك والي ميعترف بشهادات بلدة وتنكر الى اصلة وتعرفون زين منو الي ينكر اصله... هل انه الشهادة بعد ماذكتره في تجربتي لاتساوي الحبر الي انطبعت عليه.......؟؟؟؟؟؟؟؟؟؟؟؟؟؟؟؟؟؟؟
بالنسبة للاخ سنوبي تحياتي الك والى تعليقك ورايك الي احترمه جدا.... الي اريد اكوله ماكو كلمة في تعليقي تمسك بسوء ارجو مراجعة تعليقي وتتاكد زين.... ليش تنطي وصف عام وتسيئ الى كل من يحمل الدكتوراه من العراق هذا تفكير خاطئ ارجو تصحيح مفاهيمك
امجد العراقي الي تسمي نفسك عراقي وانت متنكر لعراقيتك ... انت تسيئ لكل عراقي شريف بكلامك هذا
وتعليقك الي مدخل السياسة بي ومدخل امثله من قعر الضحالة مال شوارع يدل على انت منين جاي ومن اي مكان جنت عايش بي بالعراق الي فاشل في بلدا ما ممكن يكون ناجح في البلدان المتقدمة فلاتحاول تعكس فشلك على تجارب الاخرين.
الاخت والدكتورة مارلا ...... اشكرج على تعليقج المحترم وامثلتج الي ذكرتيه ... وذكرت تجربتي البسيطة في بدايه حديثي تبين شكد العراقي يعاني حته يحصل على شهادة الدكتوراه بالعراق ...... الي يقيم عقل العراقي مو الناس الفاشلين اكيد ولا الناس الي ممخلصين شهادة الابتدائية .... الي يقيم شهادة العراقي هي انجازاته الي كل العالم يعترف بيه والغرب اولهم اكيد تعرفين شنو مكتوب على استمارة التقديم على صندوق دعم العلماء العراقيين في اول صفحة مكتوب بالفونت العريض باللغة الانكليزية العبارة التالية
Baghdad once reigned as the intellectual center of the world. Today, efforts are underway to preserve the academic resources vital to Iraq’s future.
ترجمتها للعربية يعني ... هاي الترجمه بس لامجد اللا عراقي وسنوبي لان اكيد ميعرفون اي لغة غير اللغة العامية:
بغداد سادت مرة باعتبارها المركز الفكري للعالم. اليوم، هناك جهود جارية للحفاظ على الموارد الأكاديمية حيوية لمستقبل العراق.
هاي امريكا تكول هيج .... اتخيلو وامجد وسنوبي يكول الشهادات العراقية متسوة الحبر الي مطبوعه عليه
تحياتي لجميع المغتربين الي نجحو بعملهم والي نقلو الصورة الصحيحة لحجم العقل العراقي ومقدرته على الابداع
-
مراح اكدر انزل لمستواك الضحل بس مثل مكلتلك هذا الكلام نايع من بيئتك الي جنت عايش بيها هنا في بغداد كذلك فشلك هنا وعدم تمكنك من الحصول على ادنى شهادة خلاك تحقد على كل حاملي الشهادات العليا
ارجع و اكول الي فشل في العراق فلا يمكن راح يكدر ينجح برة لان هنا الفرص احسن من برة لذلك تبقى فاشل اينما حللت في اي مكان بالدنيا
بس اكول مع الاسف هاي النماذج التعبانة تنقل صورة سيئة عن سمعة العراق واخلاق العراق الراقية ... انتم من جعلتم الغرب ينظر لنا على اننا متخلفين على الرغم من انكم ثلة من الرعاع الغير متعلمين والغير متربين .... من جنت تجمع قواطي هنا في بغداد صدكني مراح تصير طبيب او مهندس راح تغسل صحون في امريكا طول عمرك فالرجوع الى العراق افضل الك مما تسيئ لشعبك شعب الحضارات
اني ماعرف كيف الاخوة القائمين على هذا المنتدى الراقي تسمح لهاي الحثالات ان تسيئ للعراق وابناء العراق .... ارجو من الاخوة القائمين على الموقع متابعة هؤلاء المسئين العديمي الثقافة والوعي ذوو المستوى الهابط والحد من اساءاتهم هذا الموقع للمثقفين وليس لامثالك حثالة البشر
فشلك لتعكسة على الباقين وتحاول تعممه على كل العراقيين لان انتو ثلة فقط لا تمثلون العراق بحضارة 7000 عام
-
اخي الماجستير 81 و الدكتواره 84 .. للأسف في امريكا لاقيمة لها.. تقديرك جيد جداَ لم تصل حتي لممتاز.. مع احترامي لك
ولكن المناقسة تبدأ من 95 %..
أقل من 95 % أنسي الأمر .. للعلم هو من تحصل علي 99 % ولم يتحصل علي فرصة عمل.. امريكا ساحة حرب والمنافسة فيها شديدة .. من كل الاطياف الصينيين والهنود والباكستيانيين ومن كل بقاع العالم وحتي الاوروبيين الكل يتصارع علي المقاعد والفرص المتوفره خاصة في الجامعات ...........
تانيا عندما اقول المنافسة تبدا من 95 %..فهي المعادلة الامريكية وليست شهادة بلدك .. وحتي لو تحصلت علي 100 % في بلدك لن تعترف بها امريكا لابد ان تعمل المعادلة الامريكية.. حتي المان والبريطانيين والكنديين وغيرهم يجب عليهم عمل المعادلة الامريكية من ثم التقديم علي طلب الوظيفة..
-
الاخ صاحب الموضوع شكرا على تقبل مرورنا
ونسأل الله يقدم لكم الخير ولكافة شرفاء بلدنا
تحياتي