ankawa
منتدى الهجرة واللجوء => الهجرة و واللاجئين => الموضوع حرر بواسطة: alpha في 11:58 18/06/2012
-
السلام عليكم اعزائي:
طبعاً في البدء اعتذر عن عدم كتابتي لتحديثات ملفي الاي او ام لافادتكم قبل الان واليوم قررت الكتابة حول الموضع عسى ان ينعش الامل في النفوس ويطيب خاطر المنتظرين انشاء الله.
قدمت على الاي او ام شهر التاسع 2010 بغداد ومنذاك اليوم الى يوم 8 بشهر الخامس خابروني علمود المقابلة الاولى كللي باجر الساعة بالسبعة كل العوائل لازم تحضر.الصراحه انخبصت خبصة بس الله يدري بيهه.المهم .كملنا المقابلة الاولى والاسئلة المعروفة من قبل الجميع ههنا بفضل الاخوة الاعضاء الكرام اللي كتبوا عن مقابلاتهم وبالتفصيل الممل وانا شاكرٌ لكل من يكتب اي شيء لفائدة اخوته واخواته .
طبعاً احنه خمس عوائل رحنه وقابلنه بس واحد من العائلة الثانية اللي هو زوج اختي ماحضر للمقابلة واثناء المقابلة كلنالهم يابه الافندي بيه تيفو اانتم اتصلتوا بينه بطريقة عجيبة.كالوا ميهم تكدر الاخت والاطفال يكملون المقابلة ونحدد موعد لخ لزوج الاخت علمود موعد جديد اله.
الحاصل اني ضجت واختنكت من زوج اختي ودزيتلهم ايميل كلتلهم كل واحد هذا رقم موبايله وانتم اتصلوا بيهم ادري ابتليت خو مو ابتليت بيهم ;D
زين اشو دزيت الارقام الهم.البارحه مخابرين على والدي وكلوله عيني انته فلان"يعني اني"كاللهم نعم.كالوله يابه فحصكم الطبي يوم 21 الخميس تجون الصبح.الحجي هم ماقصر كاللهم اوكي.
شفتوا الخربطه ....المهم اعذرهم لان عدهم تسريع بالمعاملات..
طبعاً بالمناسبة اكثر من مرة تجيني ايميلات من المنظمة على كيسات مو خاصه الي.يعني اثنين عدهم لم شمل ووحده من الهند ما اعرف ايش والله العلي العظيم مدا اكذب.تعرفون شسويت؟؟
سويت فوروود للايميلات مال ذوله المكاريد كلت خطيه تروح عليهم واني متاكد 100% انه الحالة مو بس يمي صارت فالرجاء الانتباه الى الايميلات والاسماء فيها اللي تجيكم من الاي او ام.
هسه شلون اخليهم يخابروني على رقمي حول قضيتي ويخابرون بقية العوائل كلمن على رقمه لان مللوووووووووني وحيروووووووووني ودزيتلهم الارقام يمكن اربع خمس مرات.؟
انشالله اكون فدتكم ببعض المعلومات والتوفيق للجميع.
تحياتي
-
up وحياك الله ع المعلومات اخوية
-
up وحايك الله ع المعلومات اخوية
وهاي سلمى حايك من عددي up
-
up وحايك الله ع المعلومات اخوية
وهاي سلمى حايك من عددي up
دمك كلش خفيف
-
up وحايك الله ع المعلومات اخوية
وهاي سلمى حايك من عددي up
دمك كلش خفيف
شكراااااااااااااااااا :D :D :D :D :D صدك دمي خفيف :-* :-* :-* :-* :-*
اشكرك ;D اشكرك ;D اشكرك ;D اشكرك ;D
دمي خفيف ;D اعرف اهواي كلولي ;)
-
up وحياك الله ع المعلومات اخوية
up وحايك الله ع المعلومات اخوية
وهاي سلمى حايك من عددي up
شكراً على الرفع والتعليق ووالله ممنون حيل منكم بس الدم شجابه بالسالفة؟كفاية بئه دم حرام عليكو.ياناس يافل الرزء للكل ;D ;D
تحياتي
-
مال حجي حلو كيلهم اوكي