ankawa
منتدى الهجرة واللجوء => الهجرة و واللاجئين => الموضوع حرر بواسطة: NICHOLAS في 15:01 22/06/2012
-
حبايبي .
اريد اقدم ع اجازه سوق دوليه بس اني اصلا اجازه مال عراق محليه ماعندي لان رجعت لبغداد دااسوي كم شغله وارجع لامريكا ف كلت اسوي اجازه السوق الدوليه منا واخذها وياي وهم اكمل سالفة الظرائب ع الواهس . ف اكدر اسويها لو لا والموقع مالتها وين صاير بالضبط وشنو مستمسكات المطلوبه .
شكرا حبايبي واسمع ردودكم
-
السلام عليكم
اخي العزيز المطلوب منك اجازه محليه وجواز السفر وصورتين ومبلغ 50 الف دينار وعنوانه المنصور خلف البانزين خانه
-
دزيتلك رساله على الخاص
-
السلام عليكم
اخي العزيز المطلوب منك اجازه محليه وجواز السفر وصورتين ومبلغ 50 الف دينار وعنوانه المنصور خلف البانزين خانه
شكرا اخي خوش معلومة نزين شكد الفترة ونستلمة ؟؟
-
اذا عندك اجازه محليه تستلمه خلال ساعه في الموقع الي ذكره الاخ الي رد عليك
-
اخويه اذا ماعندك اجازة عراقيه
تروح عالحارس تزركه 50000 و50000 وصل
صورتين ونسخه من الجواز
مكانه بشارع النقابات بالمنصور
-
اذا اتريد تجي امريكا ف اكولك امريكا متعترف بأي اجازة سوووووق الا تمتحن هنا وتاخذها يعني متفيدك بشي الاجازه من العراق او من اي دوله اخرى لا دولييه ولا محليه
-
اؤكد كلام اخوية عراقي تكدر تنطي كم فلس فوك ال50000 الف الرسوم وهمة يمشوهة الك ..بالاضافة الى صور ونسخة من الجواز ...وكلشي بالفلوس يمشي بلاد الحضارات ؟
-
تسلموون شباب ع ارائكم وحلولكم .واخويه العزيزeboo اي حبي اعرف انو ما يعترفون كلت امشي اموري كم شهر اهناك الى ان اخذها الرخصه لان عندي بيرمت بي اكسباير سنه واني صارلي كم شهر من اخذت البرمت وصارت سفره طارئه لبغداد وكلت استغلها ما دام اني موجود اهنا . واخواني الاحبه الي كتبوا ملاحظاتهم اني اعرف بسالفة الفلوس وتمشي المعامله . بس كلت بلكن تمشي الاجازه الدوليه كم شهر الى ان اخذ الرسميه اهناك .واني بعد كم شهر راجع انشالله ل تكساس دالاس. تسلمولي و ع راسي
-
اسمحلي بمداخلة عزيزي .. اجازة السياقة الدولية الصادرة من العراق بامريكا ماتمشي ولا يعترفون بيها وهذا الكلام مؤكد باكثر من ولاية وحدة..
ممكن تقدر تمشيها بالدول العربية او ايران او تركيا ..
ثاني شي البرمت الي طلعتة انت بامريكا ايضا مامسموحلك تسوق بيه سيارة ... بحالة وحدة يسمحولك تسوق وهي ان يكون برفقتك سائق حاصل على الاجازة ويكون عمرة اكثر من 18 سنة وايضا من الشروط الاساسية ان يجلس على المقعد الامامي بجانبك ,واذا ارتكبت مخالفة هو ايضا يتحاسب .
ايضا اكو قانون مهم اغلب العراقيين مايعرفوه وهو انه اذا عندك اجازة سوق عراقية محلية ترفقها أثناء ماتقدم على أمتحان البرمت بس لازم تكون مترجمة وراح يسمحولك ان تسوق لمدة 60 يوم بدون اي شخص يرافقك... شوف المفارقات اذا تودي اجازة دولية مايقبلون بيها بس اذا عراقية محلية يقبلون وطبعا اكيد فترة ال60 يوم قليلة جدا لذلك انت ريح راسك من هالامور كلها وامتحن عملي وانجح واخذ اجازتك الامريكية اللي تسوا مليون اجازة اخرى ..
اذا تسأل اني باي ولاية الجواب كاليفورنيا
وتحياتي
-
نسيت ادليك على مكان اسهل تقدر اتطلع منه اجازة دولية وبخمسين الف دينار عراقي ايضا..
اذا عندك روحة الى اربيل روح لغرفة التجارة العراقية الامريكية مكانها في عنكاوا قرب مكتب ممثلية النجف الاشرف .. طبعا لايغرك الاسم مو عبالك صدكً غرفة تجارة وبيها تجار عراقيين وامريكان مو فد شي مهم
اكو بنية بالاستعلامات كوللها اريد اطلع اجازة دولية (مرات يسوولك اياها حتى بدون اجازة عراقية بس اتطول فد 3 ايام )
-
حبيب قلبي كوندا تسلمرك الاكثر من رائع والي كلته كله اعرفه بس اني كلت احتمال اتيد وادري بيها مااتفيد هو اكو شي بالعراق بي خير . واني حبي كنت بكاليفورنيا مدينه موديستووو وكلت احوول لان وضعي اهناك كان صعب والكفيل والي كان اقربائي دمروني وراح اظطر الكالي شخص يكون صديق او اتعرف ع ناس اوادم ع الاكل الصديق افضل من الاقارب بكل نواحي ع الاقل راح تتفاهمون سويه . بس الله اعلم هسه عندي كم شهر دا اشوف وضعي واخذ ضريبه اذا الله سهل وارجع . استغليت مده الكرين كارد الي تسمحلي اكون خارج امريكا سنه اواقل بشويه واني ماابقى خارج امريكا اكثر من هل مده اكيد وارجع اما تكساس او كاليفورنيا بس بغير مكان مو موديستووو . والله كريم. تسلملي خويي تعبتك وياي وايظا الاخوان وربي يبارك بيكم شباب.
-
حبي اني جانت عندي وجددته ب 100 دولار وبنادي الصيدالي بالمنصور ويوم واحد اطول واني اصلا ما عندي محلية وتكدر تنطي كم فلس للجماعة ويرتبوها الك وللعلم هي ماشية بكل دول العالم لانه اني باورباوالعراقيين هنا كلهه جاي تستخدمهه وموفق ان شا الله
-
كلام الاخ كوندا مضبوط صديقي زوجته مسؤولة عن السوق في فلوريدا كالي لا تعب نفسك وتجيبها لان متاكل الاجازة الدولية
-
تسلمون حبايبي ع كل الاراء واني قررت اخذها مناك احسن من هل الدوخه . مو احسن ؟ تسلمولي واني راح اكون بتكساس اما سان انتونيو او دالااس والي يحب يكون صديق مقرب اني اتمنى هل شي وانكون احسن لمه اهناك . وربي يوفقكم جميعا . تحياتتتتتتي