ankawa
منتدى الهجرة واللجوء => الهجرة و واللاجئين => الموضوع حرر بواسطة: levis في 18:47 23/06/2012
-
تحيه طيبه
اخوتي ارجو توضيح بعض النقاط
انا اس اي في عائله 4 نفرات اطفالي تحت ال3 سنوات 2
انا حاصل على تاشيرة السفر كما اخبرتكم سابقا وولايتي هيه تكساس هيوستن ونزلت موضوع اريد اغيرها الى كالفورنيا
بعد عمل البحوث والمسائلات تبين ان كالفورنيا غالية المعيشه والاجار والعمل صعب ولكن مساعداتا لمدة اربع سنوات
و هيوستن وتوسطه المعيشه والايجار ونسبة توفر العمل اكثر لكن المساعدات لمدة 8 اشهر
انا حائر ولا اريد ان اتبهذل وان اغير الولايه بعد وصولي
من خبرتكم يرجى نصيحتي باي ولايه اذهب افضل تكون الي ولعائلتي
عندي اصدقاء في بنسلفانيا وتكساس وكالفورنا واريزونا ومشكان
واذا توجد ولايات افضل يرجى اعلامي بها لابحث عن كفيل اخر وتكونو قد خدمتوني خدمة العمر حيث السفر والغربه امر صعب لصاحب العائله وان تكون سفرتي منظمه من البدايه لاستقر في ولايه جميله وفيها عمل ورخيصع الايجارات وقليله المشاكل
تحياتي وادري مراح تقصرون
-
اخي الحبيب لست في داخل امريكا حتى اعطيك اجابة موفقة واتمنى من اخواننا بالمنتدى ان يساعدوك
حسب معلوماتي المتواضعة فكاليفونيا غالية جدا والعمل صعب مشيكن كثرة عراقيين ومشاكل وولاية تلفانة وعمل مابيهة وجاي يغيروهة الناس
تكساس مناسبة من حيث العمل والجو يشبه العراق مع رطوبة واريزونا هم حارة جدا بالصيف وما اعرف عن توفر العمل بيهة
بنسلفانيا باردة وبيهة عمل نوعا ما بالنسبة للمساعات ما اعرف لكن اختي لديهة كرين كارد ماشملوهة بالمديكت كالولهة الة جنسية
والعمل صدكني يعتمد عالقسمة (وليس الحظ كما يقول البعض) والعلاقات وهمتك انته بالبحث وربي يوفقك لكل خير
وكما اسلفت هذا ما سمعت من الاعضاء ولم ارى لحد الان.........وتقبل مروري
-
اشكرك صديقي بس انته منطيتني الولايه الي انته مقتنع بيها وتنصحني بيها عدى الي اني كاتبهن يعني ماعندك معلومات بعد اكثر
مثلا اكو ناس اتكول ولاية ماين او مينيسوتا محترمه من ناحية المساعدات
اشكرك جدا واتمنه الاعظاء البقيه ميقصرون ويختصرولي هاي التسائلات الي متعبتني وينصحوني نصيحه اخويه واعتمد عليها يعني خطيتي بركبتكم
-
بكل مكان اكو مساوء ومحاسن واكيد كل ولاية في امريكا الها مساوء ومحاسن \
وان شاء الله الاخوان في امريكا ميقصرون
-
up
-
تره سؤالي مو صعب
-
اخويه العزيز اني اخوك كنت ساكن بكاليفورنيا وولاية كاليفورنيا بشكل عام غاليه من كل نواحي وفرص العمل قليله والكلام عن انو مساعدات العوائل 4 سنوات هذا صحيح واني وياك وللعزابي 8 اشهر بس. بس بحالة وحده انته تكدر تنجح بكاليفورنيا اذا عندك ناس يكونون من صدك سند الك ويساعدوك وانته خلال هل 4 سنوات تكدر تكدر اتحصل ع شغل ما معقوله راح تبقى كاعد وتاكل بالمساعدات وبس لان المنظمات اهناك ما راح يخلووك تكعد اذا جابوولك شغل وانته اذا رفضت الشغل الي يجيبوا الك معناها انته ترفض التعاون معاهم . واكو برامج اسكان حكوميه بكاليفورنيا اتفيد العوائل واحسن وحده هي برنامج هاوزنغ اثوريتي housing authority هذا البرنام يساعدك انو تدفع مبلغ كلش قليل لللايجار في حالة انك ما تشتغل ومعتمد فقط ع مساعدات . من اتحصل الشغل او منظمه مسؤوله عنك اهناك اتحصلك شغل راح يزيد شويه الايجار لان دا يدخلك راتب للبيت ومعناها انو انته بديت تشتغل وهذا القانون الامريكي ع الكل مو بس لاجئيين. واكو شغله لخ من تشتغل ويستقطعون منك مبلغ الايجار بنهاية السنه راح يرجعوولك الظرائب الي اخوها منك يعني حقك ما يروح . هذا الكلام الي اني شفته بنفسي من كنت مع كفيلي كان عنده 4 اطفال تحت سن 18 والكل ينطوهم مساعدات. هذي المعلومات من كنت بمدينة موديستو بكاليفورنيا وبالنسبه لغير مدن مثل سان دييغو او لوس انجلوس او سان خوزيه او اي اماكن اخرى ماعندي كثير من معلومات غير بس انو سان دييغو وسان خوزيه وسان فرانسيسكو كلش غاليات ومدينة موديستو الي ذكرتها شويه احسن لان يسمووها central valley >يعني ريفيه شويه بس حلووه كلش.
بالنسبه لغير ولايات تكساس اني خالها رقم واحد ب اختياري القادم لان عرفت بيها شغل احسن ايجار ارخص كلشي متوفر برخص والمساعدات بالنسبه للعوائل واني متاك هي مو 8 اشهر الي انته سمعتها يمكن اكثر سنتين . واريزونا هم حلوه ومرتبه من هل نواحي وبالنسبه لميشيغان . لا ارى القرد ولا القرد يراني لان مشاكل العراقيين ما تخلص وحسد عيشه من كل نواحي وافظل انك تكون بعيد عن العراقيين بقدر المستطاع لان اللمه الحلوه ب اعتبار انته بغربه ما اتفيدك ويه هيج ناس لان ما يستحقققون حتى انو تحس بعدم الغربه وياهم . بس مشيغان مااتفيدك. صاحبي راح ل مدينة سياتل يكوول كلشي زين بس شويه الايجار غالي وفرص عمل اكثر موجوده اهناك وصاحبي الاخر ب ولاية لويزيانا يكول مكان حلو ومااعرف شنو قصده بالحلو لان امريكا كلها حلوه وطبيعتها وجمال مدنها بس من بره ومن جووه ما تعرف شنو الي منتظرك. ف ارجو منك اخويه العزيز ان لا تعتمد ع كلام انته الي تريده سوي واحنه اهنا بالمنتدى نقترح وننطي حلول واراء وانته الي تقرر لان هذي حياتك واني ووصلتلك الفككره بكل رحابه صدر واعتبرك اخويه مثل باقي الاخوه والاخوات اهنا ويا رب تتوفق بكل مجالاات الحياة ب امريكا . بس مثل ما كتلك احكم عقلك وشوف قناعتك وين راح تصفى وياك ولا تعتمد ع كلام وبس . اتوكل ع الله وكول يا الله .تحياتي الك
-
اخي العزيز حسب ما سمعته من اصدقائي اللي مقيمين في تكساس ان الولاية جدا راقية من الناحية الاقتصادية وفرص العمل متوفرة بكثرة
-
والله يا اخ نكولاس اللسان يعجز عن شكرك لان ابد ماقصرت وكذلك بقية الاخوه الاعزاء الي جاوبوني والاخ العزيز ماسترمايند المحترم
الصدك اني كلش مشوش والوقت العندي قليل وكل واحد بينه يريد الاحسن اكيد
المشكله انو اصدقاء مقربين جدا في كالفورنيا موجودين لكفالتي واستقبالي اما تكساس فالموجود صديق الصديق وهم رحمه الله والديه وانشاء الله ميقصر وهيه هاي ميزة العراقي صاحب وكفه وغيره وابن اوادم
يعني اتوكل على تكساس وانشاء الله تدبر ويحصل شغل يكفي الايجار والعيشه
لو اعيش على مساعدات كالفورنيا الي تبقى اربع سنوات والصدك اني ما احب اعيش بدون شغل
زين هيوستن عدكم عليها معلومات وبيامنطقه تنصحوني انزل يعني شويه زينه بيها شغل مابيها مشاكل رخيصه وبنفس الوقت حلوه
ولو دا اضوجكم باسلتي بس ادري عدكم احلى من الشكر
-
اخي العزيز الولايات الوسطى افضل مكان للعوائل مثل كانساس - كولورادو - اوهايو التي في شمال الولايات المتحدة
لانني اعيش في كانساس وعندي عائلة كبيرة والحمد لله ولاية نظيفة وهادئة وعائلية
-
اخي العزيز علي الحيدري هذه الولايات انا لا املك بها اي كفيل او صديق للذهاب اليها ولكن سوف ابحث
تحيه طيبه وتقدير
-
حسب الي ما بلغني من اخي الي عايش بامريكا كليفورنيا غالية وشغل بيها قليل وهي ولاية جدا راقية يعني مو مال لاجيء
وشي اخر قريبي راح لكاليفورنيا قبل 3 سنوات بعدين طلع منها ورة 6 شهور.
وانشاء الله خير.
-
والله يا اخوان الموضوع موترني واني وكعت بورطة الولايه لان جنت خال نيوهامبشير وكفيلي هناك طلع خوش ادمي من شاف الموضوع صار صدك بدل عليه حولت لتكساس وهسه كفيلي في بغداد يعني اذا اروح بس على الله او ولد الاوادم بس اصدقائي المقربين رايحين لكالفورنيا ومحد دينصحني بيها لان غاليه كلش واني عندي عائله ومدا اعرف شاسوي بس انتضر ابن حلال منك ينصحني وكلكم ولد حلال لان ما قصرتوا ابد واعوفها على رب العالمين وانشاء الله اروح واتوفق
تحياتي
-
أخوية العزيز
اذا تدور مساعدات فأنصحك بولاية مينيسوتا لان عندك عائلة و مساعداتكم تتواصل لمدة خمس سنوات و الولاية ايجاراتهه انسب من باقي الولايات بس باردة
اي تحتاج أني حاضر و برسم الخدمة و الله لا يحير عبده
أخوكم
زياد / ابو الحسن
مينيسوتا - روشستر
-
اخي ابو الحسن المحترم
ممكن تفاصيل اكثر عن الولايه ولو اسوي عليك زحمه يعني شكد معدلات درجات الحراره وشكد الايجارات والشغل متوفر اني عندي جهال اثنين ممكن تفاصيل الله يخليك حته ابدي البحث عن كفيل