ankawa
منتدى الهجرة واللجوء => الهجرة و واللاجئين => الموضوع حرر بواسطة: anwar123456 في 11:06 27/06/2012
-
السلام عليكم شباب طلع تعييني والحمد لله بوزارة التخطيط وعندي موعد سفر بالشهر السابع لذلك اتخربطت اموري لذلك قررت ابقى بامريكا 3 اسابيع وارجع , في حالة عدم حصولي على الكرين كارد خلال 3 اسابيع ما الذي علي فعله لكي ارجع للعراق ارجو المساعدة الله يخليكم شباب.
-
اذا انت ناوي ترجع للعراق شتسوي بالكرين كارد ؟ يعني لو ترجع الى دوله غير العراق افتهمك لان تفيد اما بالعراق فالكرين كارد مجرد ورقه تعقجها وتلف بيها دولمه
-
اني حترك تعييني وبراتب فوق الجيد حتة اسافر لامريكا ؟؟
شتسوي بالكرين كارد اذا راجع للعراق مثل مكال الاخ
-
اني متعين صار 6 اشهر بالصحة و راتبي 520 الف و مقرر اترك التعيين و اسافر بس يجيني موعد سفر
لانه اذا اشتغل بامريكا اي شغلة فاكيد بتالي الشهر راح اوفر شكم فلس
هنا الراتب يخلص قبل ما يخلص الشهر
اذا احد من داخل امريكا عنده ملاحظة يا ريت ينطينه رأيه
alany
-
اترك التعيين والعراق كله
-
اسمحلي اكلك انت بطران ياتخطيط ياتعيين
اخوية انت محاس بالنعمة الي عندك والاف يتمونوهة بس تدرك من تروح منك وتندم والله لايشوفك ندم اغاتي وانت بكيفك بعد
اني دا احجي لله
-
اخويه يا تعيين صدك تحجي
توكل بالله وسافر ولاترجع
-
تعييني حاليا بالنفط واذا صارت اعوفه وراتبي خير من الله
يمعود دتوكل بالله يا تخطيط يا عراق
-
اخوية العزيز اني متعين صار 3 سنوات ... لكن ماكو مستقبل يلوح بالافق ما دام احنه بالعراق .... واذا طلع سفري فراح آخذ اجازة سنتين بدون راتب واسافر وبعدين اذا الامور مشت مثل ما مخطط الهه من استقر باميركا استقيل ..
تحياتي الك وفكر بالموضوع زين ومن كل النواحي لا تركز على جانب واحد وتفوتك جوانب اخرى ربما اهم..
-
اخي العزيز,
الراتب الزين شنو يفيدك بالعراق يعني اكو مكان بالعراق تطلعله بنهايه الاسبوع لو اكو منتزهات لو الخدمات مثل الي بامريكا جان اكلك اوكي اشو الراتب كله راح ينصرف على المولده وعلى البانزين وهم ياريت بس صرف فلوس التعب النفسي من تشوف الزبايل بالشارع لو المستشفيات التعبانه وجمال التفجيرات (اخوان ترى الشعب العراقي كلهم مرضا نفسيين) تعال فد ثلاث اسابيع وارجع للعراق وانت راح تتندم بكد شعر راسك لان رجعت.
اخوكم فالكون1982
-
شباب اني متعين ومكلتلهم بوزارة الموارد زين شتتوقعون ايلكفوها لو لا اني siv ,ومقابلتي جانت بشهر الواحد 2012
-
السلام عليكم شباب طلع تعييني والحمد لله بوزارة التخطيط وعندي موعد سفر بالشهر السابع لذلك اتخربطت اموري لذلك قررت ابقى بامريكا 3 اسابيع وارجع , في حالة عدم حصولي على الكرين كارد خلال 3 اسابيع ما الذي علي فعله لكي ارجع للعراق ارجو المساعدة الله يخليكم شباب.
الله اكبر
هاي اول مرة اعرف عدنة بالعراق الجديد شي اسمة وزارة الاتخطيط
عمي نصيحة لله الناس محتركة على السفر وتعوف سنوات من الخدمة لاجل السفر وانت اتكلي تعيين وبالتخطيط
دشوف الشوارع اللي اليوم يرصفوهة ورة شهر يرجعون يحفروهة علمود الكهرباء اللي ايكولون دفن وهية كلهة علمود اللغف
استهدي برحمانك وسافر وابد لا اتفكر ترجع وانت بعد يمك القرار
اللهم بلغت اللهم اشهد
تحياتي
-
يمعودين الولد كلبه وي التعيين وفرحان بيه ومبين ماعنده واهس بالسفر
شوف اخي متكدر تلزم تفاحتين بايد وحدة لازم تختار وحدة حتى لا تتبهذل لان هيجي حتى شغل هناك مراح حتى تكدر تشتغل بامريكا .
نصيحة اذا تحس نفسك مرتاح بالعراق ومشكلتك بس الشغل فاتكول على الله واتعين وعوف السفر
واذا تشوف نفسك لو العراق ينصبلك ذهب ما تكدر تعيش بيه فاضرب الوظيفة جلاق وروح سافر
والله اعلم
-
اخي العزيز,
(اخوان ترى الشعب العراقي كلهم مرضا نفسيين) تعال فد ثلاث اسابيع وارجع للعراق وانت راح تتندم بكد شعر راسك لان رجعت
100% تمااااااااااااااااااااااااااااام :D
-
شباب على كيفكم وية الولد هو ديسأل وحاير وطلب منكم مجرد رأي ماكو داعي للتجريح
اخوية صاحب الموضوع تريد تسافر سافر واخذ كرين كارد وارجع بس نصيحتي انو تأخذ الكرين كارد وابقى فترة شهر اقل شي باميركا حتى تكدر تعرف ولو كم معلومة بسيطة عنها وبعدين ارجع للعراق وشوف وضعيتك ومستوى المعيشة والفرق بين امريكا والعراق اذا عجبك الوضع بالعراق وارتاحيت ابقى بالعراق واذا معجبك انتة عندك كرين كارد تكدر ترجع اميركا واذا بقيت بالعراق صعب راح تكدر ترجع اميركا لان تكت كل 6 اشهر حتى تدخل اميركا يحتاجلك بال 2000دولار وزائد مصاريفك هناك يعني كلها تصير اقل شي 3000 دولار كل 6 اشهر يعني 6000 دولار سنويا حتى تكدر تحافظ على الكرين كارد والوظيفة يعني قصد كلامي لو تختار العراق لو تختار اميركا هاي بعد ما تروح وتسافر وتبقى شهر باميركا وتستلم كرين كارد من ترجع وقررت الاستقرار بالعراق لازم تنسى امريكا بعد لان مراح يدخلوك بعد ما تلغي الكرين كارد
احد الاخوان كال راح تتندم بكد شعر راسك لان رجعت للعراق وهذا الي حيصير لان الاغلب هيجي حسو واكو منهم نسبة قليلة حسو العراق احسن بقى قلبك وما يهوى!!!!
تحياتي
-
عزيز قلبي انته
اول شي راح اجاوب على سوالك لان ولا واحد جاوب على الشي الي انته تريده
في حالة ما طلع الكرين كارت خلال 3 اسابيع تكدر تبصم وترجع للعراق واي واحد من جماعتك يستلم الكرين كارت ويدزة الك وين ما تكون
احب انبهك انه الرجوع للعراق بحد ذاته ممكن يكون نقطة ضعف عليك لان راح يكلولك انته مهدد وكذا وكذا وخبصتنا شلون ترجع للعراق؟؟؟؟؟
طبعا موضوع البصمه سوا ولد صديقي ورجع للخليج والكرين كارت وصله ليمه
يبقه موضوع انه لازم تدخل امريكا كل 6 شهور وهاي اللغاوي الحقيقه اني هم دايخ بيها لان شغلي هنا بالخليج خير من الله ومستحيل احصل وارد مثله بامريكا
تحياتي الك واريدك تتواصل ويايه حتى اشوف وين وصلت
شكرا للجميع