ankawa
منتدى الهجرة واللجوء => الهجرة و واللاجئين => الموضوع حرر بواسطة: iraqie في 00:48 01/07/2012
-
بس اني كلش خايف من امريكا وما اكدر انام ونفسيتي تعبانة ودا افكر ومتخربطة اموري وخايف من شي اسمة امريكا شنو الحل ارجو المساعدة
-
اذا تحب نتبادل ;) اخوية كول يا الله بعدك ما واصل وهيجي كدامك تحديات هواية وان شاء الله موفق بحياتك الجديدة وكلشي بالبداية صعب والتوفيق من الله
-
الاخ العزيز السلام عليكم
يقول الله عز وجل ( ورزقكم في السماء وماتوعدون ) صدق الله ورسوله
اخي الحبيب توكل على الله فهو حسبك ونعم النصير وما اتصور اكو مسلم يتوكل على الله ويخاف في نفس الوقت
تقبل خالص تحياتي
ابو المازن من بغداد
-
الله موجود توكلوا على الله
-
ولاتفكر ولا تخاف اتوكل على الله وتسافر وتروح وكولشي يصير تمام ان شاء الله وحالك حال الي راحوا قبلك وكلشي بالبدايه صعب بعدين يصير شي عادي وسهل وطبيعي والله يوفقك ويسهل امرك
-
يعني اني وياك نفس الاحساس
-
كول يالله وتوكل
-
يابه عوف سالفة السفر خليك بالعراق هيه مال امريكا
-
توكل على الله وسافر على الاقل فكره بيها ان انت مريت بتجربة
حرامات تضيع فرصة امامك لان مو كل يوم تجي مثل هيجي فرص
سافر والله يسهل امورك ويسرها ان شاء الله
-
اتوكل على الله
-
تووكل على الله اخي ولتخاااف .. وعموما تره الموضوع هم مو هين الواحد ديغير مصيره
وتقريبا كلنه خايفين بس ان شاء الله يرووووح الخوف بلحضه الوصول للعالم الجديد
-
حبيبي لا تخاف ولا اتفكر ونام رغد اول شي اميركا مابيهة شي ايخوف وصدكني مرح اتنام بالشارع ولا رح اتموت من الجوع وحتى اسهل الك الفكرة اني صارلي 3 سنين با اميركا
من اجيت اعتبرها سفرة مدفوعة التكاليف عجبني الوضع وارتاحيت اني باقي ومكمل حياتي معجبني الوضع اني راجع ومحد رح ايكولك وين رايح
فة ملخص كلامي اتوكل على الله وميصح الى الصحيح
-
اسمحلي اكلك انت بطران على زمانك ياريتني مثلك اوف اوف ياربي
-
اخويه العزيز الي دتمر بي حاله طبيعيه جدا واحنا كلنه راح نمر بيها بعيدا عن قوة الشخصيه من عدمها لان هذه الحاله مالها علاقه بالشخصيه , هذه حالة نفسيه اسمها ( رهبة السفر ) وطبيعي جدا متكدر تنام لان نسبة الادرنالين في دمك مرتفعه وعندك خفقان قلب اي ( زيادة سرعة في نبضات القلب ) وهذا شي طبيعي جدا الحاله بشكل عام تسمى ( Hodophobia ) اي رهاب السفر , توكل على الله وشوف شلون راح ترتاح.
-
أدري اذا تخاف شكو قدمت لعد ..چنك عروس صارلها سنتين مخطوبة ومن جتي بليلة الدخلة كامت تبجي تريد اهلها
عيني توكل على الله وروح , اول متوصل شوفلك شقة زينة ورتب وضعك واشتريلك خط فاتورة وادخل دورة مال لغة واشتريلك سيارة مستعملة رخيصة بس تكون زينة وهسه كلشي موجود بالانترنيت ماكو داعي تفتر وتدوخ وحاول تضبط علاقتك ويا ابو المنظمة هناك والله يوفقك ويوفق الجميع
-
ماكو شي يخوف
ان شاء الله تتوفق وتستقر بحياتك
-
مبروك.. والله يسهل امرك ,,ومن توصل فكر على كيفك وهية تترتب الامور وياك ..تحياتي
-
يقول الله عز وجل ( ورزقكم في السماء وماتوعدون ) صدق الله ورسوله
اما اذا تريد البقاء لانك متردد خليك احسلك , وخلي غيرك ايريده وصارلهم سنين ينتظرون يستفادون وحتاجيه فعلا
-
اسمحلي اكلك انت بطران على زمانك ياريتني مثلك اوف اوف ياربي
حبي اذا انت هيج خايف لعد ليش قدمت ,,,, ??? ??? ??? بس اني اكول انت ابقى بالعراق احسنلك اقلها بين اهلك وناس وشيصير ميصير انت بينهم واذا اي احد من اولاد العشائر الامريكية يتعدون عليك انت وين راح تنطي وجهك , فاني من رايي ابقى بالعراق.
-
اسمحلي اكلك انت بطران على زمانك ياريتني مثلك اوف اوف ياربي
حبي اذا انت هيج خايف لعد ليش قدمت ,,,, ??? ??? ??? بس اني اكول انت ابقى بالعراق احسنلك اقلها بين اهلك وناس وشيصير ميصير انت بينهم واذا اي احد من اولاد العشائر الامريكية يتعدون عليك انت وين راح تنطي وجهك , فاني من رايي ابقى بالعراق.
يذب جرش ويه ال بركر
-
أدري اذا تخاف شكو قدمت لعد ..چنك عروس صارلها سنتين مخطوبة ومن جتي بليلة الدخلة كامت تبجي تريد اهلها
عيني توكل على الله وروح , اول متوصل شوفلك شقة زينة ورتب وضعك واشتريلك خط فاتورة وادخل دورة مال لغة واشتريلك سيارة مستعملة رخيصة بس تكون زينة وهسه كلشي موجود بالانترنيت ماكو داعي تفتر وتدوخ وحاول تضبط علاقتك ويا ابو المنظمة هناك والله يوفقك ويوفق الجميع
+1
-
اولا الف مبروك اخويه العزيز الله يسهل امرك ويفرجها عليك وويسرلك دربك
اخويه تعرف الحل وين اتخيل الانفجارات الي تصير على غفله والوضع التعبان وماي ماكو والنظام الجديد مال المولدات ماكو من 5 الصبح لل1 الضهر ويه هالحر اذا عندك جعال من يرجعون من المدرسه كاتلهم الحر وفوكاها تلكه واحد دك وكتل بالجهال اذكر واذكر واذكر والله ترتاح نفسيا ومتشيل هم
دعواتي الله ييسهل امرك ويطمن بالك
-
اولا الف مبروك اخويه العزيز الله يسهل امرك ويفرجها عليك وويسرلك دربك
اخويه تعرف الحل وين اتخيل الانفجارات الي تصير على غفله والوضع التعبان وماي ماكو والنظام الجديد مال المولدات ماكو من 5 الصبح لل1 الضهر ويه هالحر اذا عندك جعال من يرجعون من المدرسه كاتلهم الحر وفوكاها تلكه واحد دك وكتل بالجهال اذكر واذكر واذكر والله ترتاح نفسيا ومتشيل هم
دعواتي الله ييسهل امرك ويطمن بالك
+1
-
اولاً الف الف مبروك عزيزي
ثانياً ضع امام عينيك الهدف الاسمى ومستقبل اطفالك وعائلتك فوق كل مخاوفك وطمأن نفسك بانك تفعل الصواب.لاتتردد ولاتشك فانت على خير ياعزيزي والفرصة اللي تجيك تجي مرة وحدة بالعمر صدكني يا اخي.الله يسهل امرك واذا انته مؤمن بالله فاعتقد ايمانك يغنيك عن كل المخاوف.
تحياتي
-
اخويه العزيز الي دتمر بي حاله طبيعيه جدا واحنا كلنه راح نمر بيها بعيدا عن قوة الشخصيه من عدمها لان هذه الحاله مالها علاقه بالشخصيه , هذه حالة نفسيه اسمها ( رهبة السفر ) وطبيعي جدا متكدر تنام لان نسبة الادرنالين في دمك مرتفعه وعندك خفقان قلب اي ( زيادة سرعة في نبضات القلب ) وهذا شي طبيعي جدا الحاله بشكل عام تسمى ( Hodophobia ) اي رهاب السفر , توكل على الله وشوف شلون راح ترتاح.
اتفق مع راي السيد بين
-
روح والهوا بظهرك لا تخاف والله يسهل
-
هذا الي كنت اني محتاج اسمعى من اقرى الدافع الى ايخليني على ترك امي واهلى اهنا اني يس لدي ابناء بس اتمنى يجيني الولد الصالح ربي يوفقكم ويفتحها بوجهكم وانشاء الله كلكم اتسافرون واترقبوني من الولايات المتحدة لان راح انزل موضوع عن رحلتي بالكامل وهذا وعد منيمتزوج ول
-
السلام عليكم شباب
اخويه اني رائي من رائي الجماعه الي ردوا قبلي ... من ناحية ثانيه انته خليك قوي وعينك مفتوحه ولتثق باي احد حته لو باخوك بامريكا المهم اتحافظ على فلوسك هذا اهم شي وعلى الاوراق الي ينطوها الك مثل السوشيل سكيورتي ... رقم ضمانك الاجتماعي هوية الولاية الي رايحلها وبعدين من تستقر شويه شويه رح تنسه شكو زين ومو زين بالعراق يمكن يجي يوم وتروح زياره للعراق انته مسويلك اجازه شهر اول سبوعين تطفر لامريكا مره الخ .. اخوه العراق انته من راح صدام حسين هسه زمن الحراميه والدجالين روح شوف حياتك واستقر هنا وررتب وضعك ولتفكر باي شي وراك .. بعد سنه زمان اتسوي الوالتك زياره تيجي يمك الحجيه وانته تتاقلم عالوضع ابد لتدير بال اهم شي تلزم طريق العدل بامريكا لان امريكا مغرياتها هوايه .. فلازم اتكون حذر من كلشي .. ودائما اتخليلك مبلغ ضمان الك خط رجعه هذا اهم شي بهالوقت .. وتدير بالك على فلوسك ..
تحياتي الك
Silver from motor city .
-
لتخاف عيني حباب امريكا حلوة :o
-
ترددك وتخوفك شئ طبيعي ممكن الكل يمرون بمثل حالتك لكن اعقد عزيمتك وصوب هدفك وتفائل بالخير وتوكل على الباري عز وجل
وستكون حياتك انشاء الله سعيدة وجميلة وموفقة
اتمنى لك طيب السفر والاقامة
-
اخوية اتوكل على الله وشوف حياتك هناك وربك مينسى احد اسعى انته وهو يسعى وياك
بالتوفيق وتوصل بالسلامة
يوم الالنا
يالله
تحياتي
-
اخوية تبدل عندي استعداد اوقع وابصم بالعشره هم ;D
-
حبيبي لا تخاف ولا اتفكر ونام رغد اول شي اميركا مابيهة شي ايخوف وصدكني مرح اتنام بالشارع ولا رح اتموت من الجوع وحتى اسهل الك الفكرة اني صارلي 3 سنين با اميركا
من اجيت اعتبرها سفرة مدفوعة التكاليف عجبني الوضع وارتاحيت اني باقي ومكمل حياتي معجبني الوضع اني راجع ومحد رح ايكولك وين رايح
فة ملخص كلامي اتوكل على الله وميصح الى الصحيح
كلام الاخ مضبوط اعتبرها سفره وبلاش معجبك الوضع ارجع بس اني رأيي لو اعرف اموت من الجوع بأمريكا مارجع للعراق
-
ترددك وتخوفك شئ طبيعي ممكن الكل يمرون بمثل حالتك لكن اعقد عزيمتك وصوب هدفك وتفائل بالخير وتوكل على الباري عز وجل
وستكون حياتك انشاء الله سعيدة وجميلة وموفقة
اتمنى لك طيب السفر والاقامة
توكل على الله ولتدير بال لاي شي لان العراق يسير نحو الهاوية بسرعة عجيبة غريبة وبفضل المتسلطين على هذا الشعب المسكين
وسوف تبكي ندما على كل لحظة من حياتك عشتها خارج امريكا
ممكن تواريخ المقابلات مالتك بدون زحمة
تقبل تحياتي