ankawa
منتدى الهجرة واللجوء => الهجرة و واللاجئين => الموضوع حرر بواسطة: angel man في 09:31 01/07/2012
-
صباح الخير وتحية طيبة أخواني وأكيد بعض الاخوان يعرفوني طبعا من القدامه كرستيانو والناسك وسترونك والاخوه الباقين واسف اذا لم اذكرهم طبعا اني مو يومية بالمنتدى بل عايش بالمنتدى انام واكعد واني بالمنتدى والله صار بيه مرض من التفكير واكيد كلكم حاسين بالي ديصير وميحتاج اشرح شنو الي دنمر بي والله اعلم بالمستقبل شنو الي يصير .
اني من وجبة iz118 بغداد وقابلت المقابله الاولى بمنتصف العاشر 2011 وسويت فحص طبي مستشفى ابن البيطار بمنتصف شهر 12 \ 2011 وهسه الفحص الطبي صار اكسباير صارله 15 يوم والحمدلله وهسه لا اتصال ولا سؤال ولا اي شي من المنظمة واكتبلهم ولا يمهم الربع شباب بس اريد اعرف شنو الي ديصير والله دوخوني هم اكو نفس حالت ملفي واني متأكد اكو واكو هوايه هم .
واسف على الاطاله بس الواحد من قهره يكتب ومنكول غير الله كريم وهو ارحم الرحمين ومن ساعة الى ساعة فرج امين يارب العالمين .
تقبلوا تحياتي اخوكم angel man
تقديم من بغداد بشهر السابع 2010
حصول على رقم بشهر الثامن 2010
فورمه المعلومات بشهر الثالث 2011
مقابله اولى فقط بشهر العاشر 2011
الفحص الطبي بشهر 12 \ 2011
وبأنتظار مقابله المحلف بس شوكت الله اعلم .
-
يمعود احمد ربك انت جديد اني 113
ومقابلة بال 2010 وفحصي صارله سنة و9 اشهر اكسباير وماعادوه الي ;D ;D ;D
ها شنو رأيك
-
والله يا اخي شاكر ربي مو مره الف مره وهم ارجع واكول الحمدلله على كل حال .
وتسلم على مرورك ويارب يفرجها ويسهل أمرك وتسافر
تحياتي ...
-
الله يسهللكم
كلها تصير سوالف بعدين
بالتوفيق
-
تحياتي لك اخي ابو سمر وشكرا على المرور .
-
اخويه العزيز الله ينطيك الصبر والعافيه.
بس احب اكلك انو الفحص الطبي الي مقدم من بغداد يصير اكسباير بعد سنه مو 6 اشهر وانا متاكد
لان انا فحصت بشهر 4 2011 وهسه صارله شهرين من صار اكسباير وانا IZ-115
تحياتي.
-
أيييييي الحمد لله لكيت تكي ,, حبيبي اني همين مثلك أيست وتقريبا نفس حالتك
تقديم لشهر السادس 2010 , مقابله اولى منتصف الشهر التاسع 2011
فحص طبي الشهر 11 عام 2011
ولحد الان ماكو شي يعني هسه المقابله الاولى همين صير اكسباير ؟
-
طبعا شكرا على مروركم الجميل والكلام المفيد الي الواحد يستفاد منه بس اني كنت اتصور يا اخي البصراوي وحسب علمي ست أشهر والفحص الطبي أكسباير يصير واذا سنه بعد احسن شكرا للمعلومة القيمة . جزاك الله الف خير ماقصرت تسلم .
واخي نزار مرحبا بك نورت احنا الكل بالمنتدى بمركب واحد والكل نفس المعانات ونس الشعور ومنكول غير بس (( الله كريم )) .
تحياتي
-
اخي العزيز تدلل وانا بخدمتك
اخويه الفحص يصير اكسباير بعد 6 اشهر هاي iom عمان
بس بغداد بعد سنه يصير اكسباير.
تحياتي.
-
طيب أخوية أنجل مان , أرجوا ان نتواصل وتبلغني شنو يصير وياك وأني اذا اكو شي جديد راح أبلغك انشاء الله , تحياتي الكم
-
شكرا اخي البصراوي على المعلومة
وتدلل اخوية نزار انشاءالله نتواصل واذا اي مستجدات تحدث ابلغكم
وشكرا لكم تحياتي
angel man
-
اخوية الله يسعلك يارب اني من سنه 2010 والجواز بسفاره ولا حس ولا نفس بس نكول الله كريم
-
الله يسهل امرك اخوية العزيز ... وان شاء الله الفرج جاي بالايام القادمة
امنياتي الك بالتوفيق
-
صباح الخير وتحية طيبة أخواني وأكيد بعض الاخوان يعرفوني طبعا من القدامه كرستيانو والناسك وسترونك والاخوه الباقين واسف اذا لم اذكرهم طبعا اني مو يومية بالمنتدى بل عايش بالمنتدى انام واكعد واني بالمنتدى والله صار بيه مرض من التفكير واكيد كلكم حاسين بالي ديصير وميحتاج اشرح شنو الي دنمر بي والله اعلم بالمستقبل شنو الي يصير .
اني من وجبة iz118 بغداد وقابلت المقابله الاولى بمنتصف العاشر 2011 وسويت فحص طبي مستشفى ابن البيطار بمنتصف شهر 12 \ 2011 وهسه الفحص الطبي صار اكسباير صارله 15 يوم والحمدلله وهسه لا اتصال ولا سؤال ولا اي شي من المنظمة واكتبلهم ولا يمهم الربع شباب بس اريد اعرف شنو الي ديصير والله دوخوني هم اكو نفس حالت ملفي واني متأكد اكو واكو هوايه هم .
واسف على الاطاله بس الواحد من قهره يكتب ومنكول غير الله كريم وهو ارحم الرحمين ومن ساعة الى ساعة فرج امين يارب العالمين .
تقبلوا تحياتي اخوكم angel man
تقديم من بغداد بشهر السابع 2010
حصول على رقم بشهر الثامن 2010
فورمه المعلومات بشهر الثالث 2011
مقابله اولى فقط بشهر العاشر 2011
الفحص الطبي بشهر 12 \ 2011
وبأنتظار مقابله المحلف بس شوكت الله اعلم .
اخي العزيز اني هم مثلك صار فتره طويله انتضر مقابله المحلف وماكو اي خبر والله كريم