ankawa
منتدى الهجرة واللجوء => الهجرة و واللاجئين => الموضوع حرر بواسطة: مخاوي الذيب في 18:36 02/07/2012
-
السلام عليكم ورحمه الله وبــــــــــــــــركاااته
اشلونكم عساكم بخير وعاافيه
سؤال وان شاء اللــــــــــــــــــــــــــــه الاجااابه عدكم
آآني قابلت محلفين واستلمت المغلف والنتيجه رفض
الاول غير مقنع
والثاني الاجابه غير كافيه
والثالث عدم مصداقيه
وما مذكور اكثر من هيج
شنو رايكم استئنف لو اغير غير دوله ؟؟
اكو نتيجه من الاستئنااااف لو لا
الي عنده خبره ويكدر يفيدني يساعدني
ما راح اقدم الملف انتظركم عيوني
وشكرااا
-
حبيبي مخاوي الذيب اذا سبب الرفض عدم مصداقية فممكن تستأنف وتثبت المصداقيه بأي مستند يدعم مصداقيتك اما اذا ماعندك مستند فممكن تستشير محامي استأناف ويشرحلك اكثر شنو المطلوب منك تسوي , اني هذا رائي والباقي عندك.
-
الله يساعدك هم زين باقي لو اني جان هسة نصف شلل
الله يساعدك
تحياتي
-
مشكوووووور اخوي
وسلامتك عيوني انت
المشكله ما محددين شنو عدم مصداقيه او غير مقنع يخص العسكريه او التهديد الخ ......
جزاااك الله خير حبيبي
اشوف اعضااء عين كاااوة وينكم
-
اخويه العزيز مخاوي الذيب
الله يساعدك ويسهل امرك يارب
بس مكتلنه حضرتك من اي دولة مقدم
تحياتي وبالتوفيق
-
صار سنة مقدمين استئناف وماكو نتيجة هم السبب عدم مصداقية لان زوجي خربط بسالفة العسكرية خل ايرجعون ملفك لليو ان احسن وان شاء الله يطلعلك توطين بسرعة
-
حسب ما قريت بالمواضيع السابقة عزيزي انو لازم تقدم استئناف حتة مينسد الملف.
-
الله يكون بعونك
قدم اسئناف اخي والله يفرجها عنك ان شاء الله
-
خيتي كوكي
آآني مقدم من الاردن
دره عراقيه
آني هم صارت عندي خربطه بالعسكريه وهيه السبب
بس آآني حجيت كلشي صدك من الالف الى الياء
بس الي قابلني ما اقنتع
الله لا يصلطه على عراقي
يسأل ومن اجواب يكول لا تكثر الكلام
زين اشلون افهمه ؟؟؟
والله حيره
متباع ردودكم حبايب
-
الله يكون بعونك اخوية العزيز... ورأيي تستأنف والله كريم ... وحاول تضبط شغلك بالمستقبل وكلامك يكون دقيق ومختصر ولا تخلي نفسك بشغلات يكون مردودها عليك سلبي ... اقصد خدمتك العسكرية .. لا تدخل نفسك بمتاهات .. قابل همه جانوا وياك حتى تنطيهم كلشي بالتفصيل!! ترى المصداقية مرات تكون ضدك... واتمنالك الموفقية
تحياتي ... برنسو
-
اخويه مخاوي الذيب
هذا رقم تلفون شخص اسمه الأستاذ محمد هو عنده مكتب للترجمة ومختص بمعاملات الأستئناف
مكتبه بجبل الحسين قرب مطعم رنوش خابره وتفاهم ويا ( 0796905542 ) دوام المكتب من الساعة 9 صباحآ الى 5 مساء
خابره وخلي ينطيك اسم المكتب هو بالطابق الثاني بس اعذرني نسيت اسم العمارة
وياخذ 25 دينار لأن رح يكتب القصة ويترجمها وكثير ناس هو سوالهم الأستئناف واخذوا موافقة
الله يسهل امرك ويجعل الموافقة من نصيبك
ملاحظة / اذا متسوي استئناف رح يرجع ملفك لل un وبعد مو من حقك يحولون ملفك لدولة ثانية يعني نصيحة سوي الأستئناف وأنت بكل الأحول مخسران شي
ان شاء الله رب العالمين ميضيعلك تعب ولا انتظار وتستلم موافقة وتخلص وتصير سوالف
-
برنسو
جزاك الله كل خير حبيبي
والله يا خووك ترااا هي حظ
اكو ناس جيب منا حط هنااا وطلعوو وآآني نامت علي طابوكه ههههههه
الله كريم
-
اخوي صاحب الموضوع انته عندك دفتر خدمه ومكتوب بي الكلام اللي ذكرته للمحلف لو ماعندك اصلا دفتر وانته شرحتله عن وحدتك
-
اخت كوكي
مشكووره خيتي وما قصرتي
سجلت رقم التلفون باجر اخباره الصبح وان شاء الله خير
اخوي العزيز
عندي دفتر الخدمه والظابط الي قابلني اخذه كال راح يشوفه خبير تزوير لان ما يعترف باي وثيقه او شهاده من العراق
والدفتر سليم 100%
وسالني عن كل وحده خدمت بيهااا
آني حرب الخليج ما مشارك بيهاا
لان تسرحت سنه 1995
-
اخت كوكي
مشكووره خيتي وما قصرتي
سجلت رقم التلفون باجر اخباره الصبح وان شاء الله خير
اخوي العزيز
عندي دفتر الخدمه والظابط الي قابلني اخذه كال راح يشوفه خبير تزوير لان ما يعترف باي وثيقه او شهاده من العراق
والدفتر سليم 100%
وسالني عن كل وحده خدمت بيهااا
آني حرب الخليج ما مشارك بيهاا
لان تسرحت سنه 1995
اي بس هي ب 91 انته مشارك بيها لانه انتى متسرح ب 95 موصح
-
السلام عليكم أخي المحترم
لا انصح بتقديم الأستئناف ...والأفضل قبول أعادة ملفك الى un
الوفود كثيرة ...ومن غير المعقول عدم قناعة الوفد الأمريكي تؤثر على باقي الوفود وقرارهم
في حال قررت الأستئناف ...عليك بالأيجاز الدقيق خلال شرح قصتك والأبتعاد عن الأجوبة المطولة والتي تكون مرتبكة بعد مقاطعة المحلف للمتكلم
ولاتنسى أن أخطاء المترجم تؤثر سلبا على القصة
أتمنى عليكم أتخاذ القرار الصائب والعون من الله العظيم
ممكن سؤال (الأسباب الثلاثة أليست موجودة بالذئب)
أرجوا لكم التوفيق والنجاح بمشروع السفر الميمون