ankawa
منتدى الهجرة واللجوء => الهجرة و واللاجئين => الموضوع حرر بواسطة: araby hor في 15:49 04/07/2012
-
اخواني :::::اني من الجدد بالمنتدى ..بس متابع وزائر قديم
الي دالاحظة ان الاعضاء الي يستلمون الرفض والتاجيل يختفون فجاة وهمه حقهم بس لازم يبقون متواصلين ويه المنتدى ينصحون الي بعدهم باول الطريق عله الاخطاء الي سووها حتى غيرهم ينتبه الها وماتكرر
والاعضاء الي يسافرون هم نصهم يختفون هم اسبابهم معقوله انشغالهم بالحياة الجديدة ومن هاي السوالف .....هسه سفر الاعضاء هوايه كولش واكو اعضاء يريدون منهم نصائح على شلون نجحوا بالمقابلات شنو الي قدموه من وثايق وشلون جاوبو عل الاسئلة ...انتو تعرفون اكو شغلات مشتركه بالمقابلات والكل تمر بيها
اني اعتبر هذا الشي شويه بيه انانية من المجموعه الاولى ومن المجموعه الثانية
الاولى اكيد تكول ويه نفسها اني محد نصحني ,,,,اني ليش انصحه ...
الثانية اتكول نفس الشي اني ليش انصح غير ومحد نصحني
ياريت ايكون موضوع بيه اسباب النجاح والفشل يثبت
حتى لو مو يحجي عله نفسه ..خلي يحجي على واحد يعرفه وراح ابدي بنفسي
جيرانه عائلة مسيحية انرفضت لانهم مقدمين المستند الرئيسي الي يدعم سبب وفاة احد الاشخاص مستنسخ ..المحلف كاللهم مامقتنع ..اريد الاصلي
طبعا همه اتوقعو تاجيل ..اجاهم رفض ..قدموا استئناف وراحو يقدمون الاصلي
الناس متريد منكم تفاصيل القضيه ,,,رؤوس اقلام هم تفيدهم
اخوكم
عربي
-
شلونك اخي العزيز ....
على نفس المبدأ اللي ذكرته حضرتك ليش مكنت مشارك فقط زائر متابع قديم وتنتظر الاخرين الالتزام ويبدون النصائح لاشخاص فقط يقرأون بدون تفاعل ولا ذكر لتفاصيل ملفاتهم ... !!!
المفروض الجميع تشترك وتتفاعل مع المنتدى وتنزل تفاصيل ملفاته حتى تتقارن الحالات ويخرجون بنتائج تفيد طالبين المعلومة ويجنبون الوقوع باخطاء من سبقهم لكن للاسف يوجد البعض ياخذ مينطي والمشكلة يعتب على من يقطع المعلومة بينما هو يريد يقرأ فقط دون ان يشارك ...
اشكر موضوع فعلا مهم للنقاش
-
عزيزي
اني بالخطوه الاولى صارلي اكثر من سنه و وماعندي اي معلومة ممكن انطيها للاخرين ولا فد يوم سألت احد عله شغلتي
ياريت عندي معلومة ماموجوده بالمنتدى اكدر افيد غيري بيها وبصراحة اكثر اسمع هوايه حجي وهوايه معلومات اكدر املي بيها المنتدى بس كلها عن فلان عن فلان ومامتاكد منها ولا اني من للنوع الي افتي بغير علم الا اكون واثق من الخبر مية بالميه
شكرا لك عله الملاحظات
عربي
-
أخي العزيز عربي ....
أخي اي معلومة حضرتك تتكرم زتنشرها بالمنتدى ممكن تكون مفيدة وزيد الخبرة بالتحليل مهما تصورة قاصرة وغير مهمة حضرتك ذركت صارلك اكثر من سنة تعرف اني خلال سنة كم تغيير صار بملفي ... حصلت كيس نمبر ... قابلت اولى ... قابلت ثانية ... فحص طبي ... موافقة محلف ... والان انتظر موافقة الامنية ...
القصد من كلامي ذكرك من اي بلد مقدم فائدة وباي مرحلة وهل حضرتك تقديم مباشر ام يو ان ؟؟ وشنو الاجراءات اللي متخذيها بحق ملفك ؟؟ وهل هو في سير مستمر ام توقف ؟؟؟ هذه الامور اللي عن طريقها اغنينه المنتدى بيها بسبب تكرم الاخرين وطرحها وتراكمها وتحليلها صارت معلومة مفيدة للجدد كذلك من خلالها صار التواصل واصبحنا في صداقة وتعارف يصعب التخلي عن المنتدى بسببه حتى رقم التسلسل لملفك قد يكون ذات فائدة ...
أما بخصوص الاخبار الموجودة والي حضرتك اشرت بيها لكن غير متأكد منها يا اخي اطرحها وكول بان هذا الخبر غير متأكد منه قد يون ذات فائدة ولربما غيرك يأكده ومن يشوفك كاتبه راح يشجع اما الكل متكتب وتنتظر من الاخرين لا فوكاها تعتب ما اعرف هذا شنو اسمه ؟!!
تقبل تحياتي
-
اخي العزيز ياريت تحدد الموضوع وتحدد المجموعه لانه كل واحد شكل وانته كلهم جامعهم بمكان واحد يعين اللي يسافر شكل واللي يتاجل شكل والمرفوض شكل وكل واحد ماله علاقه بالاخر وهذا المضوع شائك وبي كثير من الامور وكل واحد بيها صفاته وخصائصه واجراءات من هو المطلوب ( المسافر . المؤجل , المرفوض ) حد اخي
-
عزيزي
اعتقد احنه هسه طلعنه عن اطار موضوعي والغايه منه
لابأس
سأوضح وجهة نظري
اغناء المنتدى لايتم الا بنقل تجربة شخصيه او من مصدرها الاصلي مثل المواضيع التي تترجم من النت منقولة عن مصادرها اما موضوع التحليل والاستنتاج ووضع قوانين وضعية فيسبب تشويش للاخرين ويكثر من المشاكل لاختلاف الاراء وعدم وجود قاعدة يقاس عليها
شكرا لمرورك
بالمناسبة عتابي هنا ليس لغاية شخصيه بل من اجل مصلحه عامة
شكرا لمرورك
-
اخي العزيز ياريت تحدد الموضوع وتحدد المجموعه لانه كل واحد شكل وانته كلهم جامعهم بمكان واحد يعين اللي يسافر شكل واللي يتاجل شكل والمرفوض شكل وكل واحد ماله علاقه بالاخر وهذا المضوع شائك وبي كثير من الامور وكل واحد بيها صفاته وخصائصه واجراءات من هو المطلوب ( المسافر . المؤجل , المرفوض ) حد اخي
كلامك صحيح
بس حتى لاتصير هوسه الشغله كلمن يختصر موضوعه بسطر
فلان انرفض لان جان ضابط
فلتانه اتاجلت لان شهادة وفاة زوجها استنساخ وهكذا
-
Up
-
اخي العزيز ياريت تحدد الموضوع وتحدد المجموعه لانه كل واحد شكل وانته كلهم جامعهم بمكان واحد يعين اللي يسافر شكل واللي يتاجل شكل والمرفوض شكل وكل واحد ماله علاقه بالاخر وهذا المضوع شائك وبي كثير من الامور وكل واحد بيها صفاته وخصائصه واجراءات من هو المطلوب ( المسافر . المؤجل , المرفوض ) حد اخي
كلامك صحيح
بس حتى لاتصير هوسه الشغله كلمن يختصر موضوعه بسطر
فلان انرفض لان جان ضابط
فلتانه اتاجلت لان شهادة وفاة زوجها استنساخ وهكذا
اي اخويه هاي المواضع ديكتبوها من يمر واحد بموقف وتشوفها هوايه بالمنتدى هسه يمكن اخر شي الصبور اخذ تاجيل واذا تريد تاخذلك فكره دوره بالمنتدى جميعة المرفوضين والمؤجلين وانشاء الله تحصل معلومات
-
عزيزي
الصبور اتأجل سفره ولم يتاجل قرار المحلف