ankawa
منتدى الهجرة واللجوء => الهجرة و واللاجئين => الموضوع حرر بواسطة: azizaliraqi في 10:51 08/07/2012
-
السلام عليكم
اخواني عندي ولد صديقي يعرف شخص زوجته بولنديه
تسوي فيزا لبولندا ب40 ورقه معقوله؟؟؟
الشي المخبلني انو صاحبي سووله الفيزا قبل ويكول سافرت بيها
للدنيمارك والسويد!!
السؤال هو: هل بولندا من ضمن دول الشنگن؟؟
السؤال الثاني: معقوله هالفيزا تطلع خلال اسبوعين؟
والاكثر غرابه بالموضوع ان الفيزا مابيها كل بصمه
للعلم الفيزا من العراق يعني اني مو برا العراق
ياريت ارائكم شباب الي عدهم شويه خبره بالشنگن
والعصر انشالله اروح اشوف الولد واتأكد منه واجيب كل التفاصيل
وياريت لو تكتبون اسئلتكم عن الفيزا حتى اكدر اسئله بيها
تحياتي
-
ماكدر افيد لان اساسا انى واصل وومرتاح وانشاله للجميع اذا مضمونه ليش لا هذا راي لان ماكو جاره تبقه والاخوة يفيدون بلراي
ان شاء الله دوم مرتاح
ويرتاح بقية الاعضاء وتطمن قلوبهم
-
???
وسفه
-
??? ??? ??? ???
-
اخوية العزيز اني ماعرف شي عن وضع الفيز بغداد بس تره اذا اجراءات صحيحة متاخذ وقت هواية يعني باسبوعين تطلع الفيزة
-
اخوية العزيز اني ماعرف شي عن وضع الفيز بغداد بس تره اذا اجراءات صحيحة متاخذ وقت هواية يعني باسبوعين تطلع الفيزة
كلامك مضبوط حبي
العصر جنت يم الولد وانطاني التفاصيل
فيزا شنگن صلاحيتها 30 يوم
خلال اسبوعين تقريبا تطلع
تستلمها بيدك من السفارة
كل بصمة ماااااااكو لا بصمة اصابع ولا شبكية
والسعر 50 ورقه
تدفع 10 مقدم وال40 بعد استلام الفيزا
طبعا ال40 تبقى يم طرف ثالث
وصاحبي فيز مرتين وافتر بيها اوربا
وتدفع 80 الف دينار للسفاره وهاي هيه
-
السلام عليكم اخويه
اني اريد فيزا
ممكن اعرف شلون الية التقديم
على الفيزا عن طريق صديقك لو الواحد بنفسه يروح يقدم
-
السلام عليكم اخويه
اني اريد فيزا
ممكن اعرف شلون الية التقديم
على الفيزا عن طريق صديقك لو الواحد بنفسه يروح يقدم
اخويه العزيز بطناوي للموت
ان شاء الله كم يوم وانطيج الخبر الموثوق 100٪
خو ما اورطك واورط نفسي الا اتأكد كلش
تحياتي الك
-
شنكن ب50 ورقة نعقولة؟!!!!!!
-
يعني اذا اصولية وموثوقة تمام
بس 5 الاف دولار زين وموثوقة خوش فرصة للي يريد
تمنياتي لكم بالتوفيق جميعا
-
جزيل الشكر للاخوه الي شاركونا بآراؤهم
بس السؤال هو: بولندا من ضمن دول الشنگن لو لا؟؟؟؟
اشو ولد هسه فر دماغي يكولي مو من ضمن الشنگن
???
-
اخوية هذه مجموعة دول الشنكن
الدول الأعضاء في منطقة الاتحاد الاوربي ال 27
إسبانيا | إستونيا | ألمانيا | أيرلندا | إيطاليا | البرتغال | بلجيكا | بولندا | التشيك | الدانمارك | سلوفاكيا | سلوفينيا | السويد | فرنسا | فنلندا | قبرص | لاتفيا | لوكسمبورغ | لتوانيا | مالطا | رومانيا | بلغاريا | مجر | المملكة المتحدة | النمسا | هولندا | اليونان